Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Warioba: CCM haijapata dawa ya mafisadi

Discussion in 'Jukwaa la Siasa' started by BAK, Jun 28, 2010.

  1. BAK

    BAK JF-Expert Member

    #1
    Jun 28, 2010
    Joined: Feb 11, 2007
    Messages: 49,960
    Likes Received: 9,525
    Trophy Points: 280
    *Akerwa pesa kutumika kununua umaarufu

    Friday, 25 June 2010
    Na Kitiko Mpacha, Tanga
    Majira

    WAZIRI Mkuu Mstaafu, Jaji Joseph Warioba amesema pamoja na Chama Cha Mapinduzi (CCM) kuamua kura za maoni zishirikishe wanachama wote kuanzia ngazi ya kijiji kwa imani kwamba mgombea hawezi kuhonga wanachama wote bado sio dawa ya ufumbuzi.

    Akifungua Mkutano Mkuu wa Baraza la Habari nchini (MCT), Jaji Warioba alisema hivi sasa wapo wagombea wanapita majimboni wakigawa pikipiki, baiskeli na kanga kwenye majimbo ya uchaguzi.

    "Hivi sasa kuna watu wanatamba kwamba watatumia zaidi ya sh. milioni 200 kwenye jimbo la uchaguzi na uwezo wa kuhonga kila mwanachama wanao ili kutimiza matakwa yao ya kuongoza nchi kwa kutumia fedha," alisema na kuongeza:

    "Wana uwezo pia wa kununua mamluki, tayari kadi za vyama vya siasa hasa CCM zinauzwa kwa madhumuni hayo, baadhi ya matajiri wanapanga kuwanunua wanachama ili siku ya uchaguzi wapotee na wasipige kura ili kupunguza kura za wapinzani wao," alisema.

    Alisema watu wanafanya kampeni za ovyo kwa kivuli cha kutangaza nia ya kugombea na fedha zinatumika hata kununua umaarufu, na kwamba hivi sasa imezuka mbinu ya kuchangia wagombea ili ionekane wanapendwa kumbe ni rushwa.

    Alisema inashangaza kuona wananchi maskini wanawachangia matajiri fedha ili wagombee, lakini nia ni kuonesha kuwa hao wagombea wanapendwa lakini ukweli ni kwamba wengi wa wagombea hao au wapambe wao ndio wanatoa fedha hizo ili kuleta hadaa kwamba wanakubalika.

    "Kwa kifupi fedha imeingiza sumu mbaya sana kwenye uchaguzi, zamani mgombea kupita bila kupingwa ilitokana na kukubalika katika jamii, lakini siku hizi ukisikia mtu amepita bila kupingwa utasikia watu wakisema huyo amenunua uteuzi kwenye chama chake na amenunua wapinzani, viongozi na wananchi kwa ujumla wanajua ni nani amenunua uongozi.

    "Vitendo vya rushwa vinaonekana wazi wazi, watu wanahonga waziwazi lakini wananchi wanaambiwa ni kusaidia maendeleo, matamshi ya viongozi ni kwamba bado wakati wa kampeni, lakini zawadi za ajabu ajabu zinatolewa kwenye wilaya na majimbo.

    "Kwa bahati mbaya sheria haina taasisi nzito ya kusimamia, msajili wa vyama vya siasa ndiyo msimamizi mkuu wa sheria na kama akiridhika kwamba mgombea au chama chake kimetenda kinyume na matakwa ya sheria, basi msajili anaweza kutoa pingamizi kwa mkurugenzi wa uchaguzi na baada ya hapo tume ya uchaguzi inaweza kumzuia mgombea au chama chake." alisema, Jaji Warioba.

    "Msajili ana ofisi ndogo mjini Dar es Salaam, uchaguzi uko nchi nzima na idadi ya wagombea ni maelfu, kuanzia kata, jimbo hadi taifa, msajili hana wafanyakazi wa kutosha na hana fedha za kutosha. Kama hawezi kupata nauli ya kusafiri na kuhakiki wanachama wa chama cha siasa, atapata wapi fedha za kuwapata wafanyakazi hadi ngazi ya kata?" alihoji.

    Aidha alisema msajili pia hana uzito wa kutoa maamuzi chini ya sheria, yeye ni mtumishi wa serikali na katika hali halisi hili ni jambo la kumwonea msajili kwani hatakuwa na ubavu wa kumzuia mgombea urais au ubunge, achilia mbali kuzuia chama cha siasa kisiteue mgombea.

    Alisema wananchi kwa ujumla wanaamini yanayosemwa na vyombo vya habari, kwa hiyo ni vyombo vya habari vimechangia katika matatizo tuliyonayo na wakati mwingine vimepotosha mambo na kuweka uzito kwenye mambo ambayo yanaleta uhasama.

    Alisema katika siasa vyombo vya habari vimejali zaidi watu kuliko sera, vimetumika kwa kujua au bila kujua katika kuleta uhasama kati ya viongozi au makundi na kwamba vimekuwa mstari wa mbele kufuatilia malumbano ya viongozi kwa kiwango kikubwa.
     
  2. Kichuguu

    Kichuguu Platinum Member

    #2
    Jun 28, 2010
    Joined: Oct 11, 2006
    Messages: 6,943
    Likes Received: 278
    Trophy Points: 180
    Way too late.

    Once upon a time there was a country called Tanzania.
     
  3. Questt

    Questt JF-Expert Member

    #3
    Jun 28, 2010
    Joined: Oct 8, 2009
    Messages: 3,013
    Likes Received: 2
    Trophy Points: 135
    Hapo jaji katuambia tusiichague CCM sema inderectly......Elimu inatakiwa kwa wapiga kura hasa vijijini......koz ni watanzania wangapi watakua wamepata access ya haya maswali na majibu kutoka kwa kiongozi wa heshima WARUOBA???
     
  4. M

    Mkandara Verified User

    #4
    Jun 28, 2010
    Joined: Mar 3, 2006
    Messages: 15,419
    Likes Received: 76
    Trophy Points: 145
    Mwaka kesho baada ya Uchaguzi nitachukua ushauri wa signature yako - Get Rich or Die Tryn......Inshaallah
    [​IMG]
     
  5. BAK

    BAK JF-Expert Member

    #5
    Jun 28, 2010
    Joined: Feb 11, 2007
    Messages: 49,960
    Likes Received: 9,525
    Trophy Points: 280
    Mzimu wa Warioba watikisa vigogo CCM Sunday, 27 June 2010 21:28

    [​IMG]
    Jaji Joseph Warioba

    Ramadhan Semtawa
    Mwananchi

    SIKU chache baada ya Jaji Joseph Warioba kutoa hotuba nzito kuhusu rushwa kwenye uchaguzi ndani ya CCM, viongozi wa ngazi za juu ndani ya chama hicho wamekiri kuwa tatizo hilo ni sugu na linatokana na uhuru mkubwa uliotolewa kwa wahujumu uchumi.

    Mfululizo wa kauli hizo nzito, unakuja kipindi ambacho CCM inakabiliwa na wakati mgumu kujibu tuhuma za ufisadi wakati wa kampeni za uchaguzi mkuu wa Oktoba baada ya serikali kukumbwa na kashfa mbalimbali kubwa zilizoibuliwa bungeni.

    Mapema wiki iliyopita Jaji Warioba alienda mbali zaidi kwa kusema: “Kwa ujumla sasa uongozi wa nchi unaanza kubinafsishwa kama biashara ambayo wenye fedha ndio watafaulu. Kwa kifupi fedha imeingiza sumu mbaya sana kwenye uchaguzi.”

    Akizungumza na gazeti hili jana spika wa Bunge, Samuel Sitta alisema: "Alichokisema Mheshimiwa Warioba ni kweli kabisa... namuunga mkono; ameangalia eneo moja tu la uchaguzi, lakini ukweli ni kwamba tatizo kubwa ni wahujumu uchumi kuwa na uhuru mpana sana wa kuhujumu nchi.

    "Wahalifu wakubwa wanaishi kwa uhuru mpana... wamekuwa wakijenga mitandao yao ambayo hufanya hujuma dhidi ya nchi na kuhakikisha wanatumia fedha zao chafu kushika uongozi.

    "Hawa maharamia wakubwa wapo; wanatamba humu lakini hawakamatwi; lazima tupambane na wahujumu uchumi. Naamini kabisa rais atalifanyia kazi katika ngwe ya pili; hafurahii kabisa."

    Alisema huwa anapata shida kutafuta tafsiri ya vitendo vyao na jinsi ya kuliita genge hilo na kuongeza kwamba operesheni zao za kihalifu zimekuwa zikiitia nchi hasara ikiwemo kupitia mapato yanayokusanywa na Mamlaka ya Mapato (TRA) hivyo kuhujumu uchumi wa nchi katika uuzaji bidhaa nje.

    Mkuu huyo wa mhimili huo wa dola wenye dhamana ya kuisimamia serikali na kutunga sheria, pia alitoa mfano kutoshughulikiwa kikamilifu kwa mtandao mpana unaohusika na hujuma akitaja tatizo la kuchakachua mafuta.

    "Kwa mfano, unajiuliza inakuwaje watu waovu wawe na uhuru mpana kiasi hiki? Watu wanachakachua mafuta mamia ya tani yanayosafirishwa nje lakini hadi sasa hawajulikani... ni akina nani hawa?" alihoji.

    "Kwa sababu kama wanaweza kuchakachua mafuta kwa asilimia 30, TRA inapoteza Sh30 bilioni, hizi ni fedha nyingi kwa nchi masikini kama hii. Inakuaje genge hili la wachakachuaji mafuta halijulikani hadi sasa wakati linahujumu uchumi?"

    Alisema kitendo cha kukamatwa malori yenye shehena ya mafuta yaliyochakachuliwa nchini Rwanda ni cha hatari kwa uchumi wa nchi kwa kuwa kinatishia biashara ya usafirishaji wa bidhaa nje.

    "Siyo kwamba Kenya, Uganda au Rwanda hakuna ufisadi upo lakini haiwezekani watu wakafanya uovu mkubwa kisha wakawa na uhuru mkubwa kama ilivyo hapa kwetu... yaani napata shida hata kutoa tafsiri ya neno sahihi kuhusu uhalifu huo unaofanywa nchini."

    Mbunge huyo wa Urambo Mashariki aliweka bayana kuwa "ukweli ni kwamba hakuna mtu mdogo anaweza kuchakachua mafuta ya mamia ya tani na kusafirisha nje, hili ni genge kubwa la wahujumu wa nchi".

    "Kuna bidhaa feki unaweza kuambiwa asilimia 40 zinaingizwa nchini, sasa huwa napata shida sana hawa watu wanafanya hivi halafu system (mfumo) haiwakamati, utasikia tu kakamatwa mtu mwenye kosa la shilingi elfu nane!"

    Katibu wa Nec, Itikadi na Uenezi, Kapteni John Chiligati alisema CCM imepokea maneno hayo ya Jaji Warioba na kwamba itayafanyia kazi.

    "Tumemsikia Mzee Warioba; maneno yake tutayafanyiakazi... ana uhuru wa kutoa maoni na sisi tumeyapokea. Lakini, naonya kama kuna mtu anataka kupuuza juhudi za serikali atoe rushwa ataona," alionya Chiligati.

    "Hatuwezi kumpuuza hata kidogo Mzee Warioba. Maoni yake yatatusaidia; ni changamoto kwa sababu kama mtu anakwambia bwana usipite huku kuna Simba, hivi utampuuza," alihoji.

    Chiligati alifafanua kwamba watu wanaotoa maoni yao kama kina Jaji Warioba wanaruhusiwa kwa nia ya kukosoa kwa kujenga na kuongeza kwamba safari hii watakaotoa rushwa kwenye uchaguzi wataonja joto ya jiwe.

    "Wakati ule hatukuwa na sheria maalumu kama ilivyo hivi sasa. Kwa sasa tukithibitisha tu mtu katoa rushwa kwenye uchaguzi, jina lake tunalikatilia mbali hata kabla ya kumkabidhi kwenye vyombo vingine," alisema.

    Alisema watu wanaweza kudhani CCM inafanya mzaha, lakini akaonya kwamba mwaka huu watu wanaotoa rushwa wakati wa uchaguzi wataumizwa kwa mujibu wa sheria. (huh!?)

    Spika huyo wa zamani wa Bunge alisema wote ambao wamekuwa wakifikiri mambo ya safari hii ni kama miaka iliyopita, wanaweza kujikuta kwenye matatizo makubwa.

    Katika hatua nyingine, Chiligati alisema halmashauri kuu ya CCM itakutana tena mjini Dodoma Juni 30 na itakuwa na ajenda kuu moja tu ya kujadili ilani ya mwaka 2010 ya chama hicho.

    "Nec itakuwa na ajenda hiyo moja tu ya kupitia vema na kina ilani ya chama kwa mwaka 2010, ajenda ni moja tu; hakuna nyingine na baada ya hapo ilani hiyo itakuwa tayari kwa ajili ya kujadiliwa na kupitishwa na mkutano mkuu," alifafanua.

    Alisema mkutano mkuu wa CCM umepangwa kufanyika Julai 10 kwa ajili ya kutoa fursa kwa wajumbe kuipitia, kujadili na kuipitisha ilani hiyo tayari kwa kampeni za uchaguzi mkuu.

    Akiwa jijini Tanga, Jaji Warioba alisema: "Nchi inahitaji viongozi badala ya wafadhili; nchi inahitaji viongozi watakaofanya kazi kwa pamoja badala ya malumbano. Uchaguzi wa kutumia fedha na malumbano ndio umetufikisha hapa; mitandao ya uongozi imetokana na uongozi.
     
  6. Zak Malang

    Zak Malang JF-Expert Member

    #6
    Jun 28, 2010
    Joined: Dec 30, 2008
    Messages: 5,410
    Likes Received: 13
    Trophy Points: 0
    Hili tatizo liko juu ya mabega ya Muungwana ambaye ndiyo M'Kiti wa chama hicho. Hawezi, hana ubavu au hata moral authority wa lulitatua kwani naye aliteuliwa kuwa mgombea kwa njia hiyo hiyo!
     
  7. Jethro

    Jethro JF-Expert Member

    #7
    Jun 28, 2010
    Joined: Mar 23, 2009
    Messages: 2,187
    Likes Received: 64
    Trophy Points: 145


    Napenda kumsaiidia sitta kwa hilo mtu yeyote mwenye akili timamu anaelewa wezi hao ni kinanani na wanasaidiwa na akina nani sasa inapofika kuwa Taasisi husika haziwezi fanya kazi zake na kusingizia huu ni utawala wa sheria na huku wao hawafuati hyo sheria kwa kuwa wao ndio wameikali mwategemea nini,

    Mfano EWURA wao ndio wahusika wakubwa wa kuchunguza mafuta yaingiapo na yatokapo, TRA wao ndio wakusanyaji Kodi sasa mwataka kutuambia hamuwajui hao watu huku EWURA na TRA wana system zao za Komputer mwataka kuniambia mwashindwa saidiana na hao Police ambao nao ndio wako kwa mkumbo huo huo ku Hunt them down hao majitu mwayaita mahujumu uchumi??

    Kuwa wazi hapo mweshimiwa Sitta we ni Mwanasheria na umeongza nyadhifa nyingi sana nchini ila tu unaliogopa kulisema neno adhalani watanzania wasikike au nawe waogopa yale yaliyo mtokea Amina Chifupa kuhusu Madawa ya kulevya sasa ule mtandanao ndio sawa na huu wa mafuta chakachua,

    Hebu jiiulizeni Rwanda hapo majuzi walirudisha Petrol Tracks 18 Tanzania kwa kugundulika kuwa ni Chakachua walitumia mitambo gani kugundua hilo je tulipo pata taarifa hii tulichukuwa hatua gani?? najua huwa twapenda kuunda sana tume je mliunda tume na kuitangaza?? hapa ndipo ambapo panapo wachanganya watanzania wengi lakini kwanyie viongozi wenye dhamana mwalijua hili na hamtaki kuliweka wazi mbele ya umma na kudai mtaliporomoshaje wingu hili la wahujumu uchumi?? sisi wananchi wa kawaida twahitaji kuwajua ili nasi tuwaunge mkono kwa hilo,

    Pangueni safu nzima ya taasisi husika na muzianze upya na sheri mpya na utekerezaji mpya huko Rwanda Kagame hataki upuuzi kazi utafanya na mshahara mzuri utapata kutokana na maisha yalivyo nchini mwao nadhani mwakumbuka ile sera ya mwalimu 70's na 80's kipindi hicho kulikuwa hakuna mchezo hakukuwa na gap kubwa kati ya matajiri na maskini sasa hivi duuuh ni baraaaaa na ndipo hapo sasa watumishi nao wanakuwa free kufanya hayo mambo ili nao wawafikie walioko mbele ndi RUSHWA kuzagaaa kwa wingi sasa.

    TAKUKURU inatakiwa kupewa nguvu na kuweka wachapakazi na sio wawe remote control ya kutoka Mahli furani na ndio wafanye kazi

     
  8. b

    blackpepper JF-Expert Member

    #8
    Jun 28, 2010
    Joined: Jan 19, 2010
    Messages: 382
    Likes Received: 0
    Trophy Points: 33
    MP mstaafu umenena inaelekea una Uzalendo............
     
  9. B

    Boramaisha JF-Expert Member

    #9
    Jun 28, 2010
    Joined: Apr 29, 2009
    Messages: 820
    Likes Received: 2
    Trophy Points: 0
    You've said it all!
    Namshangaa Mzee Six anaposema:
    Rais amekuwepo madarakani kwa miaka 5 sasa ameshindwaje kulifanyia kazi hilo katika muda wote huo hata Mzee Sitta afanye tuamini kwamba atalifanyia kazi katika ngwe ya pili, wakati huo nchi tayari imeishadhurika? Hizi lugha za kudanganyana na kupakana mafuta kwa mgongo wa chupa ndizo zinazoiangamiza Tanzania yetu.
     
Loading...