Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Waraka wa wanafunzi wa elimu ya juu kwa rais jk.

Discussion in 'Jukwaa la Siasa' started by Mbaga Michael, May 8, 2012.

  1. Mbaga Michael

    Mbaga Michael Verified User

    #1
    May 8, 2012
    Joined: Nov 17, 2011
    Messages: 2,827
    Likes Received: 134
    Trophy Points: 160
    Ufuatao ni waraka wa wanafunzi
    wa elimu ya juu nchini kwa
    Serikali, kuhusu migomo na
    maandamano ya mara kwa mara
    hapa nchini. Umeandikwa na
    jopo la viongozi wa wanafunzi
    wa vyuo vikuu na wameupeleka
    serikalini. Wanatoa ushauri
    maridhawa wa namna ya
    kukomesha migomo kwa
    kuboresha sekta ya elimu, hasa
    kwa kuwapa fursa wanafunzi
    wote bila ubaguzi. Waraka huu ni
    mrefu na JAMHURI itauchapisha
    wote kuanzia leo. Endelea…
    Tunapenda kuchukua fulsa hii
    kwanza kuomba msamaha na
    kuwataka radhi wazazi wetu
    mliotutuma kwenda kutafuta
    elimu vyuo vikuu hapa nchini,
    kutokana na vurugu, migomo na
    maandamano ya mara kwa mara.
    Mambo hayo mmekuwa
    mmekuwa mkiyasikia au
    mkiyaona kupitia vyombo vya
    habari yakitokea katika vyuo
    mbalimbali hapa nchini.
    Pia tunaomba radhi kutoka
    mioyoni mwetu kwa walimu
    wetu (lecturers) kwa adha
    inayowakuta inapotokea
    migomo na maandamano.
    Pia tunawaomba msamaha
    viongozi wetu wa dini ambao
    kwa namna moja ama nyingine,
    wamekuwa wakitulea kiroho na
    kimaadili. Lakini tutakuwa
    hatujawatendea haki Watanzania
    ambao kodi zao ndizo
    zinazogharamia elimu yetu hapa
    chini.
    Bila shaka walitarajia kutuona
    tukisoma kwa bidii na kufaulu
    vuzuri, ili tutakaporudi katika
    jamii zetu tutumie elimu
    tuliyoipata kuwakomboa
    Watanzania wenzetu, ambao
    hadi sasa wanalia na kuangamia
    na vita kubwa ya Ujinga,
    Umaskini, Maradhi na Ufisadi,
    lakini wameendelea kushuhudia
    migomo na maandamano ya
    mara kwa mara yasiyo na
    kikomo.
    Baada ya kutafakari kwa kina
    kama wasomi, tukaona kama
    hatutakaa chini na kufanya utafiti
    (research) wa vyanzo na sababu
    zinazotufanya tuwe na migomo,
    tuandamane na kufanya vurugu
    za mara kwa mara vyuoni.
    Hatutaeleweka na tutaonekana
    kweli sisi ni wahuni, au
    tunatumiwa na watu ama
    wanasiasa wakati hizi ni tuhuma
    ambazo hazina ukweli hata
    chembe ndani yake.
    Lakini tunapenda kuwataarifu
    viongozi wetu, wazazi na
    Watanzania kwa jumla, kwamba
    matatizo haya yanatokana na
    vitendo vichafu vya baadhi ya
    watumishi pamoja na sera
    mbovu za kikandamizaji,
    kibaguzi, manyanyaso na uonevu
    uliovuka mipaka kwa wanafunzi
    wa elimu ya juu (vyuo vikuu).
    Na hatutaeleweka kwa walimu
    wetu waliojitolea kwa uzalendo
    wao wa hali ya juu, kutufundisha
    japo masilahi yao ni madogo
    ukilinganisha na kazi kubwa
    wanayoifanya.
    Pia kama tungekaa kimya,
    viongozi wetu wa dini ambao ni
    walezi wetu wa kiroho na
    maadili wasingetuelewa. Vilevile
    hatutaeleweka zaidi kwa
    Watanzania ambao wanatozwa
    kodi kwa ajira ya kugharamia
    elimu yetu ya juu, ili tusome kwa
    bidii ili turudi kulitumikia taifa.
    Tumefanya utafiti huu wa
    migomo, vurugu na
    maandamano ya mara kwa mara,
    ili tutoe taarifa ya upande wa pili
    wa wanafunzi, kwani kumekuwa
    na desturi au utamaduni wa
    vyuo kutoa taarifa zisizokuwa na
    ukweli kwa wananchi (umma),
    kwa kuwasingizia wanafunzi
    kwamba wanatumiwa na
    viongozi wa siasa kufanya fujo,
    vurugu na migomo matatizo
    haya yanapojitokeza.
    Taarifa hizi zisizokuwa na ukweli
    zimekuwa zikitolewa na baadhi
    ya watawala wa vyuo, ili
    kukwepa kutekeleza madai yetu
    ya msingi kwa kisingizio hiki
    kisicho na ukweli ndani yake,
    kama ilivyonekana katika gazeti
    la Mtanzania toleo namba na
    5842 la Jumapili Januari 15,
    2012.
    Kuna makala yenye kichwa cha
    habari kilichoandikwa kwa
    herufi kubwa na kusomeka:
    Vurugu UDSM: Uongozi wa chuo
    wadai waliofukuzwa ni
    wanasiasa.
    Habari kama hiyo ilichapishwa
    katika gazeti la Uhuru ilisomeka,
    “Vurugu za: Chama cha …
    cashukiwa kuwa nyuma ya
    mgomo’. Gazeti la Mzalendo la
    Januari 15, 2012 lilikuwa na
    makala yenye maudhui kama
    hayo.
    Kwa bahati mbaya, kwa upande
    wa wanafunzi hatukupata nafasi
    ya kukanusha madai hayo kwa
    ushahidi wa wazi kwa wazazi,
    walimu, viongozi wetu wa dini
    na Watanzania waliolipa kodi
    zinazotusomesha, wakaamini
    madai yaliyotolewa na Serikali na
    utawala wa chuo kuwa ni sahihi.
    Wakatuhukumu na kuwafukuza
    chuo wenzetu kwa kutuhusisha
    kutumiwa na vyama vya siasa,
    kitendo ambacho si kweli.
    Walifanya hivyo ili kukwepa na
    kupinga hoja na madai yetu ya
    msingi kwa majibu mepesi eti
    tumetumwa, ni ajabu kweli!
    Namna hii siasa zinavyoingizwa
    katika chuo, matokeo yake chuo
    kinakuwa sehemu ya kisiasa,
    jambo ambalo si sahihi. Chuo ni
    taasisi inayojitegemea, hivyo
    inapaswa kuendesha mambo
    yake bila kuingiliwa na taasisi
    nyingine.
    Hali hii ikiachwa iendelee kama
    Serikali haitatekeleza
    mapendekezo yetu ambayo ni
    njia sahihi ya kupunguza vurugu,
    migomo na maandamano, vyuo
    vikuu nchini kama siyo kumaliza
    kabisa, tutaomba wazazi wetu,
    walimu wetu na Watanzania
    walipa kodi mtuelewe kwa
    uamuzi mgumu tutakaochukua
    kama itakavyoonekana inafaa.
    Lakini vyuo vikuu vitapoteza sifa
    yake ya ndani na nje ya nchi.
    Vitabaki ni vyuo vya migogoro ya
    migomo, vurugu na
    maandamano miaka nenda rudi.
    Kufukuza wanafunzi si
    mwarobaini wa tatizo kwani
    maandamano, vurugu, migomo
    itaendelea kuwapo endapo
    madai na mahitaji ya wanafunzi
    hayatatekezwa.
    Yapo madhara makubwa
    ambayo yanatokana na migomo
    vyuoni, yakiwamo ya kuharibiwa
    kwa rasilimali za chuo, kuharibu
    ratiba za masomo, Serikali
    kuingia hasara na gharama za
    ziada chuo kinapofungwa kwa
    mgomo, kwani bajeti ya chuo
    inakuwa ilishapitishwa, na
    gharama za kupeleka polisi na
    magari ya maji ya kuwasha na
    mabomu ya machozi zinakuwa
    mzigo.
    Kibaya zaidi ni kwa wanafunzi
    kufukuzwa na kusimamishwa
    masomo, ambao
    wamegharamiwa na kodi za
    Watanzania wakitarajiwa
    kuhitimu na kurejesha mikopo
    na kulitumikia taifa letu.
    Tunaomba wazazi, walimu,
    viongozi wetu wa dini na
    Watanzania walipa kodi, kwa
    pamoja mtumie fursa hii
    kuishauri Serikali kutekeleza
    mapendekezo yetu, ili kuinusuru
    sekta mama ya elimu nchini
    isiyumbe na kuporomoka kwa
    kasi ya ajabu.
    Ni matumaini yetu kila kundi
    litatumia nafasi yake kuishauri
    Serikali kupokea mapendekezo
    yetu.
    Ili binadamu aweze kuzikabili
    changamoto za maisha na
    kujikomboa katika lindi la
    umasikini, lazima awe na elimu.
    Elimu ndiyo msingi wa
    kujitambua, kuyatawala na
    kuyatumia mazingira anamoishi
    binadamu ili kuboresha maisha
    yake na kujiletea maendeleo ya
    haraka.
    Ni wazi kuwa elimu ndiyo
    ukombozi wa binadamu kuiona
    kesho iliyo bora zaidi na
    kuogelea katika bahari ya
    utandawazi, ambayo inamtaka
    kila mmoja aogelee kwa namna
    awezavyo.
    Kwa kutambua ukweli huo,
    Serikali ya Tanzania imetoa fursa
    kwa wadau wa elimu kuwekeza
    katika sekta hiyo, ili kujenga taifa
    la watu wenye maarifa, ujuzi na
    uwezo wa kuzalisha.
    Dira ya Taifa ya Maendeleo ya
    mwaka 2025, Mkakati wa Kukuza
    Uchumi na Kupunguza Umasikini
    Tanzania (MKUKUTA) pamoja na
    Sera ya Elimu na Mafunzo, vyote
    vinaeleza umuhimu wa elimu ili
    kuiwezesha nchi kusonga mbele.
    Watanzania na wazazi kwa
    ujumla wanatarajia kuona
    watoto wao wanapata maarifa
    na uwezo, ili wachangie juhudi
    za Watanzania na wazazi wao
    kutatua changamoto zilizopo
    katika jamii.
    Wanafunzi wenye maarifa na
    ujuzi huwa na uwezo wa
    kufanya mambo mengi mapya
    kwa usahihi na kuwaongoza
    wenzao. Katika maendeleo ya
    ukweli katika jamii tunamoishi,
    matendo ya wasomi, kazi zao,
    majukumu yao na shughuli
    wanazofanya zinapaswa
    kudhihirisha matunda ya elimu
    waliyonayo.
    Zao muhimu la elimu kwa mtoto
    ni kuwa na uwezo mkubwa wa
    kufikiri kwa makini. Uwezo huu
    ndiyo unaohitajika sana katika
    jamii ya leo. Mtu mwenye uwezo
    wa kufikiri ndiye mwenye nguvu
    ya kuibua dhana mpya na
    kutafuta njia mbadala za kutatua
    matatizo.
    Watu walioibua teknolojia
    tulizonazo waliongozwa na upeo
    wa kufikiri ndipo wakaibuka na
    dhana mpya. Tendo la kufikiri
    lipo ndani ya akili na utashi wa
    mtu. Bila kufikiri matokeo ya
    juhudi za mtu mara nyingi huwa
    anguko au hasara.
    Serikali pamoja na wadau wa
    elimu nchini, wana mchango
    mkubwa wa kuibua taifa la
    wasomi na kutekeleza Dira ya
    Taifa ya Maendeleo ya Mwaka
    2025, MKUKUTA na Sera ya Elimu
    na Mafunzo ambavyo vyote
    vinaeleza umuhimu wa elimu ili
    kuiwezesha nchi kusonga mbele.
    Kukua kwa uchumi pamoja na
    mambo mengine hutegemea
    uwekezaji hasa wenye manufaa
    kama elimu, ili kupata wataalamu
    ambao ndiyo watakaoinua
    uchumi wetu. Kimsingi, uchumi
    hauwezi kukua bila wasomi. Nchi
    lazima iandae rasilimali watu
    wanaohitajika ili kuinua uchumi
    wa nchi yetu na kusaidia familia
    zao masikini.
    Rais wa Kwanza wa Tanganyika
    (Tanzania Bara) aliwahi kusema
    maneno yafuatayo katika hotuba
    zake kwa wananchi kwamba:
    “Hakuna Serikali yoyote duniani
    inayowawekea wananchi wake
    hela mfukoni, bali “the only best
    way to enrich a poor people is to
    educate their children” yaani njia
    pekee ya kuwasaidia wananchi
    masikini ni Serikali
    kuwasomeshea watoto wao.
    Kwa hili alikusudia kwamba
    ukimsomesha mtoto wa maskini,
    atakapopata hiyo elimu ataitumia
    kuinua familia yake kiuchumi na
    taifa kwa jumla. Ndiyo maana
    baada ya kupata Uhuru, Mwalimu
    Julius Nyerere alitambua maadui
    watatu- Maradhi, Umaskini na
    Ujinga.
    Lakini ili ukabiliane na maadui
    hawa, lazima uanze na adui
    ‘ujinga’ kwa kutoa elimu bora
    kwa wananchi ili waondoe
    umasikini na maradhi. Lakini
    tumeshuhudia Serikali kwa sasa
    inavyosuasua katika sekta hii
    muhimu ya elimu nchini.
    Katika Katiba ya Jamhuri ya
    Muungano wa Tanzania ibara ya
    9 kifungu kidogo cha (i), inasema
    hivi: “Matumizi ya utajiri wa Taifa
    yanatilia mkazo maendeleo ya
    wananchi na hasa zaidi
    yanaelekezwa kwenye jitihada ya
    kuondosha umasikini, ujinga na
    maradhi.”
    Kama tulivyosema, baada ya
    Uhuru wa Tanganyika mwaka
    1961, na baadaye Muungano wa
    Tanganyika na Zanzibar mwaka
    1964, Mwalimu Nyerere
    alitangaza vita kwa maadui
    watatu - Ujinga, Maradhi na
    Umasikini.
    Mwalimu alihakikisha
    anafanikiwa katika mapambano
    hayo. Alianza kuweka mikakati
    mbalimbali ikiwa ni pamoja na
    kukazia elimu ili kufuta ujinga,
    kupatikana madaktari wa
    kupambana na adui maradhi na
    wataalamu wa uchumi wa
    kupambana na adui umasikini.
    Fikra hii ya Mwalimu ilidumu hadi
    kufikia maziko ya Azimio la
    Arusha na kuanzishwa Azimio la
    Zanzibar Februari 1991 lililoamua
    kufuata mfumo wa kibepari
    uliokusudia kumilikisha rasilimali
    ya Tanzania kwa wachache.
    Baada ya hapo, maadui hawa
    waliwavamia Watanzania. Ujinga
    ulianza kuongezeka (idadi ya
    watu wasiojua kusoma na
    kuandika iliongezeka), maradhi
    yakaongezeka - vifo kwa mama
    na mtoto; uchumi ukadorora,
    umasikini ukaongezeka, shilingi
    ya Tanzania ikashuka thamani
    siku hadi siku huku mfumuko wa
    bei ya bidhaa ukiwaumiza
    wananchi wa kipato cha chini.
    Hilo ndilo Azimio la Zanzibar.
     
  2. T

    Tume ya Katiba JF-Expert Member

    #2
    May 8, 2012
    Joined: Apr 6, 2012
    Messages: 4,646
    Likes Received: 355
    Trophy Points: 180
    Waache siasa wasome,

    Na ndio maana tunapata watendaji wabovu na wezi kwenye idara zetu, mitoto imekuwa mivivu kila kukicha inataka kugoma
     
  3. Fredrick Sanga

    Fredrick Sanga JF-Expert Member

    #3
    May 8, 2012
    Joined: Jan 27, 2011
    Messages: 3,146
    Likes Received: 15
    Trophy Points: 135
    Waache siasa ili iweje. Au hujui maana ya siasa. Ukiacha siasa unakuwa mfu ndani ya jamii. Au bado unafikiri siasa ni uongo. Siasa ni Art and Science of social life. Is a way of life.
     
  4. Chiwa

    Chiwa JF-Expert Member

    #4
    May 8, 2012
    Joined: Apr 17, 2008
    Messages: 768
    Likes Received: 103
    Trophy Points: 60
    mhn! napita tu
     
  5. T

    Tume ya Katiba JF-Expert Member

    #5
    May 8, 2012
    Joined: Apr 6, 2012
    Messages: 4,646
    Likes Received: 355
    Trophy Points: 180
    Jifunze tofauti ya viunganishi and na or, usije aibika! ukisema art and science ni tofauti na kusema art or science!

    Kaangalie upya tafsiri ya siasa!
     
  6. chitambikwa

    chitambikwa JF-Expert Member

    #6
    May 8, 2012
    Joined: Nov 8, 2010
    Messages: 3,932
    Likes Received: 3
    Trophy Points: 0
    mchana migomo, usiku masomo
     
  7. M

    MAKAWANI Member

    #7
    May 8, 2012
    Joined: May 3, 2012
    Messages: 99
    Likes Received: 0
    Trophy Points: 13
    "No person shall be condemed unheard" Wasiposikilizwa wakigoma msiseme wametumwa! Huo ni mwanzo mzuri!
     
  8. Zinedine

    Zinedine JF-Expert Member

    #8
    May 8, 2012
    Joined: Apr 9, 2011
    Messages: 1,189
    Likes Received: 1
    Trophy Points: 0
    Kwanza watuambie kama wao sio miongoni mwa waliondama kwenda kwa Nape kuipongeza CCM na JK siku chache zilizopita au?
     
  9. Sema Chilo

    Sema Chilo JF-Expert Member

    #9
    May 8, 2012
    Joined: Mar 24, 2012
    Messages: 324
    Likes Received: 0
    Trophy Points: 0
    Migomo duniani kote wanafunzi wanafanya sema Rais asake njia ya kuipunguza tu
     
  10. STK ONE

    STK ONE JF-Expert Member

    #10
    May 8, 2012
    Joined: Dec 31, 2011
    Messages: 628
    Likes Received: 1
    Trophy Points: 0
    Kichwa chako kina shida sana....you don't even spend a second to think before you write your s.t.u.p.i.d.i.t.y....JK alianzia wapi siasa? Nyerere alianzia wapi siasa? Nkwame alianzia wapi siasa? Mbona hawa waliondamana juzi kuupongeza uamuzi wa cc ya ccm kuwaondoa wabunge wa ccm wezi haukusema kuw waache siasa wasome???? I do not think if you really make your BRAIN participate in your decision making? Bado unaamini kuwa ccm itatawala milele na ndiyo mbinu za ccm kusema kuwa wanafunzi wa vyuo vikuu waache siasa vyuoni wasome huku wao wakitafuna nchi...kama wasomi watakaa kimya nani atasema? Ilikuwa enzi zile....kitabu tunapiga na siasa kama kawa....imekula kwenu...!!!

    STK ONE,
     
  11. Nyalotsi

    Nyalotsi JF-Expert Member

    #11
    May 8, 2012
    Joined: Jul 20, 2011
    Messages: 4,754
    Likes Received: 116
    Trophy Points: 160
    hiyo ni double standard ya nchi yetu. Wanapenda kusikia kwamba wanachuo wote wanaipenda ccm basi! Wakisikia kuna wanaodai haki zao wanasema ni wafuasi na wamechochewa na cdm. Miaka ya nyuma sita aliwahi kuongoza mgomo udsm mpaka akachapwa viboko na jkn,sijui ni cdm gani ya wakati ule iliwachochea.
     
  12. Nyalotsi

    Nyalotsi JF-Expert Member

    #12
    May 8, 2012
    Joined: Jul 20, 2011
    Messages: 4,754
    Likes Received: 116
    Trophy Points: 160
    serikali nyingi duniani ambazo ni dhaifu zimeangushwa/ziliangushwa na migomo ya wanachuo mf venezuela. Tanzania sio nchi ya kwanza kuwa na maandamano hayo.
     
  13. kookolikoo

    kookolikoo JF-Expert Member

    #13
    May 8, 2012
    Joined: Mar 9, 2012
    Messages: 2,511
    Likes Received: 6
    Trophy Points: 135
    wamenena. tuwasikilize na kufanyia kazi dukuduku zao.

     
  14. N

    Naytsory JF-Expert Member

    #14
    May 8, 2012
    Joined: Nov 3, 2011
    Messages: 1,166
    Likes Received: 5
    Trophy Points: 135
    Acha kukurupuka, fanya utafiti kwanza.
     
  15. k

    komredi ngosha JF-Expert Member

    #15
    May 8, 2012
    Joined: Jan 11, 2011
    Messages: 376
    Likes Received: 2
    Trophy Points: 33
    wale wa nape ni uvccm wa Bagamoyo, hakuna mwanachuo taahira
     
  16. b

    bdo JF-Expert Member

    #16
    May 8, 2012
    Joined: Nov 20, 2006
    Messages: 5,137
    Likes Received: 1,089
    Trophy Points: 280
    Ngoja nilale kwanza halafu nirudi kumalizia kuusoma huu waraka, ...
     
  17. b

    busar JF-Expert Member

    #17
    May 9, 2012
    Joined: Dec 22, 2011
    Messages: 436
    Likes Received: 5
    Trophy Points: 35
    Seen. ..
     
  18. Mfarisayomtata

    Mfarisayomtata JF-Expert Member

    #18
    May 9, 2012
    Joined: Feb 2, 2012
    Messages: 375
    Likes Received: 3
    Trophy Points: 35
    Usiseme walaka wa wanafunzi wa vyuo vikuu. Taja chuo husika sisi wengine mbona hatuujui huo?? Na utakuwa walaka wa wanafunzi wa UDOM.
     
Loading...