Waraka wa Pascal Mayalla - Asanteni Sana!

[Pascal Mayalla]

Wana Forum,
Salaam.

Naombeni kutoa waraka wangu huu wa Shukrani kupitia Jamii Forums kwa Sababu ni Jamii furum hii ndio iliowajulisha wengi kuhusiana na ajali yangu ndipo namimi nilipoijua hivyo nishukuru sana jamiiforums na natoa shukrani zangu mbalimbali.

Leo 3/08/09 umetimia mwaka mmoja tangu nilipopata ajali mkoani Dodoma.
Sasa nimepona japo mkono wa Kushoto bado haujapona. Leo nimerejea Dodoma kuzuru eneo la ajali, ndipo nilipotulia na kutafakari, nikajikuta ninawiwa kushukuru kwa yote, ndio maana nimetoa waraka huu wa shukrani.

Mimi ni muumini wa kitu kinachoitwa, karma, ambapo maisha ya kila mtu ni pre meditated, yaani jambo lolote likikutokea, liwe zuri, baya, ajali, au hata kifo, lilikuwa litokee namna hiyo hiyo lilivyo tokea, muda huo huo na mahali hapo hapo, hivyo hakuna bahati mbaya. Ukikutwa na lolote, shukuru kwa yote!.

Kwenye karma kila jambo lolote linalokutokea, everything happens for a reason, ajali, balaa, mkosi, etc una sababu 3 nyuma yake

1. Malipo ya karma ya matendo yako, au matendo ya wazazi wako vizazi viine nyuma. Hivyo yakikukuta ya kukuta, unashukuru tuu Mungu.

2. Majaribu- kuna mambo yanakutokea ni unapitishwa kwenye majaribu, ili upimwe, mengine ni majaribu ya shetani, kama alivyomjaribu Yesu, na mengine ni majaribu ya Mungu mwenyewe kama alivyomjaribu Ayubu, au kupitishwa kwenye mateso, lakini mwisho wa siku utapata ukombozi.

3. Manusura- Mambo mengine mabaya yanayokutokea, hayo ndio manusura ya Mungu kukuepushia na makubwa zaidi na mabaya zaidi, mfano unapata ajali, unapata ulemavu, usisikitikie huo ulemavu, kwasababu kumbe hiyo ndio nafuu yako, ulikuwa ufe, Mungu akakuepusha na kifo, ndipo ukakipata hicho ulichokipata, hivyo shukuru Mungu kwa yote.

Huu ni Waraka wangu wa Shukrani.

1. Kwanza kabisa namshukuru Mungu, kuniruhusu kuendelea kuishi, kiukweli ni kama nilishakufa, Mungu Baba akanihurumia kunirudishia uhai ili niendelee kuishi. Hii ni privilage tuu kwa sababu sikustahili. Nasema asante sana Mungu kuniweka hai.
2. Pili naishukuru sana familia zangu za pande zote nikianzia kwa Familia ya Kasanga, Mayalla, Ukoo wa Kundi wa Kirua Vunjo Moshi, Ukoo wa Mmari wa Sanya Juu, Ukoo wa Mwingira wa Ndumbi Songea, mke wangu na watoto wangu wote 5 kwa yote waliyoyavumilia katika kipindi chote tangu ajali mpaka sasa. Asanteni Sana.
3. Namshukuru dereva wa Lori la Mafuta la Gapco aliyekuwa na ujasiri wa ajabu wa kuupekua mwili wa mtu aliyedhaniwa kufa, kutoa simu mfukoni na kupiga namba za mwisho zilizopelekea Timu ya PPR iliyokuwa Dodoma ikiongozwa na Adam Njakachai, kuja eneo la tukio na kunipatia msaada wa haraka kwa mpaka hospitali ya mkoa wa Dodoma na kuelekezewa mortuary kumbe alikuwa hai!. Asanteni sana.
4. Nawashukuru madaktari na manesi wa Hospitali ya Mkoa wa Dodoma tangu mganga mkuu, manesi wa zamu na daktari bingwa aliyelazimika kukatiza mapumziko yake ya jumapili na kuja kukesha usiku kucha na mimi hospitali kwa kufanya recitation mpaka nilipopata fahamu. Asanteni sana.
5. Nawashukuru sana wanahabari wenzangu waliokuweko Dodoma, ambao walisambaza taarifa zangu na hatimaye wateja wa PPR kwenye Maonyesho ya 88 na marafiki zangu wa Dodoma walikuja kwa haraka hospitalini sambamba na michango iliyowezesha kupata kila huduma iliyohitajika mpaka nilipohamishiwa Moi, Asanteni Sana.
6. Navishukuru vyombo vya habari na jumuiya ya wanablog mbalimbali kwa kuutangazia ulimwengu kuhusu ajali yangu kulikopelekea ndugu jamaa na marafiki waliotapakaa kote ulimwenguni kupata taarifa, hivyo waliniombea uponyaji wa haraka na weghine kutoa support ya hali na mali, asanteni sana.
7. Namshukuru Mdogo wangu Isaack kwa kukubali kugharimia ndege ya kukodisha kuniairlift toka Dodoma mpaka Dar baada ya taarifa ya awali kuwa nimevunjika spinal, pia namshukuru dereva wake aliyekuja Dodoma na strecher vehicle kunifuata na support team. Asanteni Sana.
8. Nawashukuru sana Madaktari na manesi wa kitengo cha mifupa MOI wakiongozwa na Dr. Kahamba na Daktari wangu Dr. Mareale kwa jinsi walivyohangaika na mimi kwa mwezi mzima niliolazwa hapo Moi mpaka kupata nafuu na kuruhusiwa na kusubiri matibabu zaidi nje ya nchi. Asanteni sana.
9. Nawashukuru Ndugu, Jamaa,marafiki na majirani waliokuja kunitembelea pale Moi kwa michango yao na zawadi mbalimbali. Sikuwahi kulazwa hospitalini maishani mwangu, na sikuwa na utamaduni wa kutembelea wagonjwa mahospitalini, mpaka niliposhuhudia jinsi nilivyotembelewa nikagundua thamani ya kuwafariji wagonjwa na kuthibitisha ni kiasi gani unathaminiwa. Asanteni Sana.
10. Pia nawashukuru wale wate ambao hatakufahamiana kabla, sio ndugu, sio jamaa na wala sio marafiki, ni watu tuu wa kawaida lakini waliguswa wakaja hospitalini kunijulia hali na kunifariji, wengine wakija kuangalia wagonjwa wao lakini na mimi nikawa sehemu ya ndugu zao. Asanteni Sana.
11. Nawashukuru wanahabari waliokuja kunifariji muhimbili akiwemo Athumani Hamisi wa Daily News ambaye naye hatimaye alipatwa na ajali mbaya ya gari bado angaliko Afrika Kusini na Heri Makange wa Channel Ten (RIP) ambaye tulizungumzia pikipiki, nikiwa hospitalini nchini India nikapata taarifa ya kifo chake kwa ajali ya Pikipiki. Mungu apatie Athumani Hamisi uponaji wa haraka na amrehemu Heri Makange apumzike kwa amani.
12. Kitendo cha mimi niliyekuwa kitandani sasa nimesimama Athumani bado hospitalini na Heri katangulia mbele ya haki, najiona bado mimi ni mwenye bahati sana. Asante sana Mungu.
13. Nawashukuru viongozi mbalimbali wa dini, wa kiroho, vikundi vya wanamaombi, wachungaji wa wokovu, walokole na watu wa Jumuiya yangu ya Mtakatifu Gabrieli, Mbezi Beach kwa kuja na kuniendeshea maombi mbalimbali. Asanteni Sana.
14. Nawashukuru sana majirani,ndugu, jamaa na marafiki wote wa Tanzania, Marekani, Canada na UK kwa kuitikia mwito wa mchango kugharimia sehemu ya gharama za Matibabu zaidi nchini India na nchini Afrika Kusini na kuniwezesha kufikia hapa nilipofikia. Asanteni Sana.
15. Nawashukuru wateja wa PPR kwa kunivumilia, kwani walishalipia matangazo ya 88, kufuatia ajali hiyo, matangazo yao yaliathirika, huku fedha zao zimekwenda bila kunidai au kutakiwa kurudisha on the spot. na wengine tulishaandikishana mikataba ya malipo na bado wakaendelea kulipa bila huduma za papo kwa papo. Asanteni Sana.
16. Navishukuru vituo vya Redio na Televisheni, vikiongozwa na TBC, ITV, Star TV na Channel Ten kwa kurusha program za PPR kabla ya ajali yangu zikitarajia kulipwa lakini zikalazimika kukaa mwaka mzima bila kulipwa na mpaka sasa vingine bado havijalipwa. Samahani sana kwa usumbufu uliojitokeza na Asanteni sana.
17. Naishukuru sana Serikali kupitia Wizara ya Afya, Madakitari wa kitengo cha rufaa za nje pale wizarani nchi kwa kuniwezesha kwenda hospitali ya Apollo nchini India kwa matibabu zaidi na kugharimia matibabu ya msingi. Asanteni Sana.
18. Namshukuru Balozi wa Tanzania nchini India, Balozi Eng. John Kijazi na timu yake yote ya ubalozini na familia zao wakiongozwa na Makongoro na Yahya kwa kugeuka ndio ndugu, jamaa na marafiki wa wagonjwa Watanzania wote wanaolazwa nchini India, hadi kujikuta namna ya kusherekea sikuuu kama Krismasi na Mwaka mpya ni kuwatembelea wagonjwa ambao ki ukweli sio ndugu zao kinasaba bali tumekuwa ndugu Kiutanzania. Asanteni Sana.
19. Nawashukuru wagonjwa wenzangu ambao tulilazwa wote Appolo Hospital, wenye nafuu kidogo tulitembeleana kufarijiana, huku waangalizi wao wakiwa ndio ndugu wa wote kwa kusaidia kuhudumia bila kujali nani ni nani ikiwemo juhudi za akinamama waangalizi kupika vyakula vya Kitanzania mara kwa mara wakishirikiana na wake za maofisa ubalozini na kutufanya waTanzania kujisikia tuko nyumbani, Asanteni Sana.
20. Nawashukuru madaktari wangu wa Apollo wakiongozwa na Dr. Prasaad na Dr. Karbinder, manesi, kwa huduma zao za kitabibu na vifaa vya kisasa vinavyoniacha na maswali bila majibu hivi ni kweli Tanzania hatuwezi?!. Nawashukuru sana.
21. Pia nawashukuru wahudumu wasio wa tiba wakiitwa Bayer kwa kutoa huduma nyinginezo kama hotelini na mgojwa kunyenyekewa kama mfalme, kitu ambacho katika hospitali zetu, bado. Nawashukuru sana.
22. Nawashukuru viongozi na Watanzania waliotembelea India kwa ziara za kikazi, kutembelea wagojwa na kuwafariji hufanywa ni sehemu ya ziara zao.Hebu fikiria wewe ni mwananchi tuu wa kawaida umelazwa hospitalini ughaibuni, huna ndugu, unakuja kutembelewa mara na mawaziri, mara wakurugenzi, mara balozi, japo unaumwa, lakini unapata faraja fulani kwa kumbe na wewe ni mtu muhimu na unathamani fulani!..Asanteni Sana.
23. Nilipata ajali nikikabiliwa na deni fulani Kitivo cha Sheria Chuo Kikuu cha Dar es Salaam ambapo nilijaribu LL.B. Nawashukuru sana wanafunzi wenzangu, wafanyakazi na walimu in particular Dean Prof. Mchome, Prof. Kabudi na mwalimu kijana Kitta, kuniwezesha kulilipa hilo deni nikiwa kitandani tangu Muhimbili. Sasa ni mimi ni mwandishi wa habari, mtangazaji na mtayarishaji wa vipindi vya televisheni huku nikimiliki LL.B ya UDSM tena sio just a PASS!, ni LL.B with Honours!. Thanks to them. Asanteni Sana.
24. Sasa ni mwaka mmoja umepita tangu ajali hiyo ilipotokea. Mimi nimerejea rasmi nyumbani, nimepona japo mkono mmoja bado. Kinachoendelea ni kukusanya tena nguvu, kurejea nchini India kwa matibabu ya mwisho. Hivyo ndugu zangu, jamaa na marafiki, msishangae nitakapo wapigia hodi hodi mara muda muafaka ukiwadia.Natanguliza shukrani. Asanteni Sana.
25. Kutokana na mkono mmoja bado haujapona, ni bahati mbaya sana siwezi tena kushika camera, wala kazi za kuchakarika na mahangaiko ya upiganaji kama zamani. Hivyo kwa sasa, nimelazimika kujishikiza mahali nikifanya kazi za kiofisi.
26. Naishukuru Jamiiforums kwa kuliweka tangazo la kazi yangu ya sasa kwenye ubao wa wa jf wa nafasi za kazi. Niliapply on line nikiwa nje ya nchi, nikaitwa na nikapata kazi. Namshukuru sana mwajiri wangu wa sasa kwa kunikubali hivi nilivyo.
27. Naishukuru timu mzima ya PPR ikiongozwa na Adam Njakachai kwa upande wa Production, Mohammed Namkape upande wa Still Photos, na Nelly Mwingira kwenye office management, ofisi ya PPR Mkwepu, WDC Mkwepu na vijana wote wa Mkwepu kwa kunilinda na kuhakikisha kazi za PPR zikifana kawa kawaida.Hata hivyo, bado ninafanya part-time PPR siku za Jumamosi na Jumapili. Asanteni sana.
28. Nawashukuru sana wateja wa PPR ambao bado wamesimama na mimi katika hali nilio nayo na wanaendelea kunitumia. Asanteni Sana.
29. Nawashukuru na watu wengine wote wenye mapenzi mema, nawashukuru wale ambao walitaka kuniona hawakujua wanione wapi. Nawashukuru hata wale tunaokutana mara kwa mara wengine wakishtuka kuniona hivi nilivyo, wengine kwa kutoamini macho yao na wengine hata wakitokwa machozi. Asanteni Sana,
30. Namalizia kwa kuwaomba mzidi kuniombea nipate uponyaji wa kamili, cha muhimu ni mimi nimeikubali hii hali nilionayo kwa sasa kuwa hivi nilivyo ndio sasa niko hivi, at the same time, nothing is imposible under the sun hivyo bado nina matumaini ya uponyaji zaidi. Natanguliza Shukrani, Asanteni sana.

Ni vigumu kumshukuru kila mmoja wenu ambaye ajali yangu imemgusa kwa namna moja au nyingine. Natamani sana kuataja wote, sitaweza kuwamaliza ila nawashukuru sana Wote nasema ASANTENI SANA.

Pascal Mayalla
0754 270403
pascomayalla@gmail.com

 

[Mr Kiroboto]

Naona umejifunza mengi sana kupitia ajari hiyo.Tunashukuru kuendelea kuwa nawe tena.

 

[Abdulhalim]

Ahh..mzee mzima pole kwa masaibu yaliyokukuta ndo kibinadamu ivo.Hata kwenye barabara kuna mabonde na milima, na hata matuta, hivo ndo maisha yalivyo.

Inshallah Mungu atajalia, utapona kikamili.

Amin.

 

[Limbani]

Pole sana kaka, mungu atazidi kukulinda!

 

[Liz Senior]

Pole sana Pascal, Mungu anataka kukutumia kuwaonyesha wengine nguvu zake. Atakupitisha katika yote na kukuzidishia. Inshallah!

 

[JosM]

Pole sana kaka P, nimeguswa sana na maandishi yako.Nakuombe upate uponyaji wa haraka na urudi katika hali yako ya mwanzo na uweze kuchika camera tena.Kaka P ukimtegemea Mungu na kumshirikisha katika mipango yako hakika utafanikiwa.Mungu ni wa ajabu sana ndugu yangu na anatenda matendo ya ajabu sana hivyo mshukuru sana kwa kukufikisha hapo ulipo.Naomba usome Zaburi ya 23 mstari wa kwanza hadi wa sita.

 

[Dark City]

Wana Forum,
Naombeni kutoa waraka wangu huu wa Shukrani kupitia Jamii Forums kwa Sababu ni furum hii ndio iliowajulisha wengi kuhusiana na ajali yangu ndipo na,nilipoijua hivyo nishukuru sana jamiiforums na natoa shukrani zangu mbalimbali.

Leo 3/08/09 umetimia mwaka mmoja tangu nilipopata ajali mkoani Dodoma.
Sasa nimepona japo bado haujapona.Leo nimerejea Dodoma kuzuru eneo la ajali, ndipo nilipotulia na kutafakari, nikajikuta ninawiwa kushukuru kwa yote, ndio maana nimetoa waraka huu wa shukrani.

Kwanza kabisa namshukuru Mungu, kuniruhusu kuendelea kuishi, kiukweli ni kama nilishakufa, Mungu Baba akanihurumia kunirudishia uhai ili niendelee kuishi. Hii ni privilage tuu kwa sababu sikustahili. Nasema asante sana Mungu kuniweka hai.

Pili naishukuru sana familia zangu za pande zote nikianzia kwa Familia ya Kasanga, Mayalla, Ukoo wa Kundi wa Kirua Vunjo Moshi, Ukoo wa Mmari wa Sanya Juu, Ukoo wa Mwingira wa Ndumbi Songea, mke wangu na watoto wangu wote 5 kwa yote waliyoyavumilia katika kipindi chote tangu ajali mpaka sasa. Asanteni Sana.

Namshukuru dereva wa Lori la Mafuta la Gapco aliyekuwa na ujasiri wa ajabu wa kuupekua mwili wa mtu aliyedhaniwa kufa, kutoa simu mfukoni na kupiga namba za mwisho zilizopelekea Timu ya PPR iliyokuwa Dodoma ikiongozwa na Adam, kunipatia msaada wa haraka mpaka hospitali ya mkoa wa Dodoma. Asanteni sana.

Nawashukuru madaktari na manesi wa Hospitali ya Mkoa wa Dodoma tangu mganga mkuu, manesi wa zamu na daktari bingwa aliyelazimika kukatiza mapumziko yake ya jumapili na kuja kukesha usiku kucha na mimi hospitali mpaka nilipopata fahamu. Asanteni sana.

Nawashukuru sana wanahabari wenzangu waliokuweko Dodoma, ambao walisambaza taarifa zangu na hatimaye wateja wa PPR kwenye Maonyesho ya 88 na marafiki zangu wa Dodoma walikuja kwa haraka hospitalini sambamba na michango iliyowezesha kupata kila huduma iliyohitajika mpaka nilipohamishiwa Moi, Asanteni Sana.

Navishukuru vyombo vya habari na jumuiya ya wanablog mbalimbali kwa kuutangazia ulimwengu kuhusu ajali yangu kulikopelekea ndugu jamaa na marafiki waliotapakaa kupata taarifa, hivyo waliniombea uponyaji wa haraka na weghine kutoa support ya hali na mali.

Namshukuru Mdogo wangu Isaack kwa kukubali kugharimia ndege ya kukodisha kuniairlift toka Dodoma mpaka Dar baada ya taarifa ya awali kuwa nimevunjika spinal, pia namshukuru dereva wake aliyekuja Dodoma na strecher vehicle kunifuata na support team. Asanteni Sana.

Nawashukuru sana Madaktari na manesi wa kitengo cha mifupa MOI wakiongozwa na Dr. Kahamba na Daktari wangu Dr. Mareale kwa jinsi walivyohangaika na mimi kwa mwezi mzima niliolazwa hapo Moi mpaka kupata nafuu na kuruhusiwa na kusubiri matibabu zaidi nje ya nchi. Asanteni sana.

Nawashukuru Ndugu, Jamaa,marafiki na majirani waliokuja kunitembelea pale Moi kwa michango yao na zawadi mbalimbali. Sikuwahi kulazwa hospitalini maishani mwangu, na sikuwa na utamaduni wa kutembelea wagonjwa mahospitalini, mpaka niliposhuhudia jinsi niluivyotembelewa nikagundua thamani ya kuwafariji wagonjwa na kuthibitisha ni kiasi gani unathaminiwa. Asanteni Sana.

Pia nawashukuru wale wate ambao hatakufahamiana kabla, sio ndugu, sio jamaa na wala sio marafiki, ni watu tuu wa kawaida lakini waliguswa wakaja hospitalini kunijulia hali na kunifariji, wengine wakija kuangalia wagonjwa wao lakini na mimi nikawa sehemu ya ndugu zao. Asanteni Sana.

Nawashukuru wanahabari waliokuja kunifariji muhimbili akiwemo Athumani Hamisi wa Daily News ambaye naye hatimaye alipatwa na ajali mbaya ya gari bado angaliko Afrika Kusini na Heri Makange wa Channel Ten (RIP) ambaye tulizungumzia pikipiki, nikiwa hospitalini nchini India nikapata taarifa ya kifo chake kwa ajali ya Pikipiki. Mungu apatie Athumani Hamisi uponaji wa haraka na amrehemu Heri Mkange apumzike kwa amani.
Kitendo cha mimi niliyekuwa kitandani sasa nimesimama Athumani bado hospitalini na Heri katangulia mbele ya haki, najiona bado mimi ni mwenye bahati sana. Asanteni sana.

Nawashukuru viongozi mbalimbali wa dini, wa kiroho, vikundi vya wanamaombi, wachungaji wa wokovu, walokole na watu wa Jumuiya yangu ya Mtakatifu Gabrieli, Mbezi Beach kwa kuja na kuniendeshea maombi mbalimbali. Asanteni Sana.

Nawashukuru sana majirani,ndugu, jamaa na marafiki wote wa Tanzania, Marekani, Canada na UK kwa kuitikia mwito wa mchango kugharimia sehemu ya gharama za Matibabu zaidi nchini India na nchini Afrika Kusini na kuniwezesha kufikia hapa nilipofikia. Asanteni Sana.

Nawashukuru wateja wa PPR kwa kunivumilia, kwani walishalipia matangazo ya 88, kufuatia ajali hiyo, matangazo yao yaliathirika, huku fedha zao zimekwenda bila kunidai au kutakiwa kurudisha on the spot. na wengine tulishaandikishana mikataba ya malipo na bado wakaendelea kulipa bila huduma za papo kwa papo. Asanteni Sana.

Navishukuru vituo vya Redio na Televisheni, vikiongozwa na TBC, ITV, Star TV na Channel Ten kwa kurusha program za PPR kabla ya ajali yangu zikitarajia kulipwa lakini zikalazimika kukaa mwaka mzima bila kulipwa na mpaka sasa vingine bado havijalipwa. Samahani sana kwa usumbufu uliojitokeza na Asanteni sana,

Naishukuru sana Serikali kupitia Wizara ya Afya, Madakitari wa kitengo cha rufaa za nje pale wizarani nchi kwa kuniwezesha kwenda hospitali ya Apollo nchini India kwa matibabu zaidi na kugharimia matibabu ya msingi. Asanteni Sana.

Namshukuru Balozi wa Tanzania nchini India, Balozi Eng. Kijazi na timu yake yote ya ubalozini na familia zao wakiongozwa na Makongoro na Yahya kwa kugeuka ndio ndugu, jamaa na marafiki wa wagonjwa watanzania wote wanaolazwa nchini India, hadi kujikuta namna ya kusherekea sikuuu kama Krismasi na Mwaka mpya ni kuwatembelea wagonjwa ambao ki ukweli sio ndugu zao kinasaba bali tumekuwa ndugu Kiutanzania. Asanteni Sana.

Nawashukuru wagonjwa wenzangu ambao tulilazwa wote Appolo Hospital, wenye nafuu kidogo tulitembeleana kufarijiana, huku waangalizi wao wakiwa ndio ndugu wa wote kwa kusaidia kuhudumia bila kujali nani ni nani ikiwemo juhudi za akinamama waangalizi kupika vyakula vya Kitanzania mara kwa mara wakishirikiana na wake za maofisa ubalozini na kutufanya waTanzania kujisikia tuko nyumbani, Asanteni Sana.

Nawashukuru madaktari wangu wa Apollo wakiongozwa na Dr. Prasaad na Dr. Karbinder, manesi, kwa huduma zao za kitabibu na vifaa vya kisasa vinavyoniacha na maswali bila majibu hivi ni kweli Tanzania hatuwezi?!. Nawashukuru sana.

Pia nawashukuru wahudumu wasio wa tiba wakiitwa Bayer kwa kutoa huduma nyinginezo kama hotelini na mgojwa kunyenyekewa kama mfalme, kitu ambacho katika hospitali zetu, bado. Nawashukuru sana.

Nawashukuru viongozi na Watanzania waliotembelea India kwa ziara za kikazi, kutembelea wagojwa na kuwafariji hufanywa ni sehemu ya ziara zao.Hebu fikiria wewe ni mwananchi tuu wa kawaida umelazwa hospitalini ughaibuni, huna ndugu, unakuja kutembelewa mara na mawaziri, mara wakurugenzi, mara balozi, japo unaumwa, lakini unapata faraja fulani kwa kumbe na wewe ni mtu muhimu!..
Asanteni Sana.

Nilipata ajali nikikabiliwa na deni fulani Kitivo cha Sheria Chuo Kikuu cha Dar es Salaam ambapo nilijaribu LL.B. Nawashukuru sana wanafunzi wenzangu, wafanyakazi na walimu in particular Dean Prof. Mchome, Prof. Kabudi na mwalimu kijana Kitta, kuniwezesha kulilipa hilo deni nikiwa kitandani tangu Muhimbili. Sasa ni mimi ni mwandishi wa habari, mtangazaji na mtayarishaji wa vipindi vya televisheni huku nikimiliki LL.B ya UDSM tena siyo PASS!. Thanks to them. Asanteni Sana.

Sasa ni mwaka mmoja umepita tangu ajali hiyo ilipotokea. Mimi nimerejea rasmi nyumbani, nimepona japo mkono mmoja bado. Kinachoendelea ni kukusanya tena nguvu, kurejea nchini India kwa matibabu ya mwisho. Hivyo ndugu zangu, jamaa na marafiki, msishangae nitakapo wapigia hodi hodi mara muda muafaka ukiwadia.Natanguliza shukrani. Asanteni Sana.

Kutokana na mkono mmoja bado haujapona, ni bahati mbaya sana siwezi tena kushika camera, wala kazi za kuchakarika na mahangaiko ya upiganaji kama zamani. Hivyo kwa sasa, nimelazimika kujishikiza mahali nikifanya kazi za kiofisi.Naishukuru Jamiiforums kwa kuliweka tangazo la kazi yangu nya sasa kwenye ubao wa nafasi za kazi. Niliapply on line nikiwa nje ya nchi.Nikaitwa na nikapata kazi. Namshukuru sana mwajiri wangu wa sasa kwa kunikubali hivi nilivyo.

Naishukuru timu mzima ya PPR ikiongozwa na Adam na Muddy, ofisi ya PPR Mkwepu, WDC Mkwepu na vijana wote wa Mkwepu kwa kunilinda na kuhakikisha kazi za PPR zikifana kawa kawaida.Hata hivyo, bado ninafanya part-time PPR siku za Jumamosi na Jumapili. Hivyo nawashukuru sana wateja wa PPR ambao bado wamesimama na mimi katika hali nilio nayo na wanaendelea kunitumia. Asanteni Sana.

Nawashukuru na watu wengine wote wenye mapenzi mema, nawashukuru wale ambao walitaka kuniona hawakujua wanione wapi. Nawashukuru hata wale tunaokutana mara kwa mara wengine wakishtuka kuniona hivi nilivyo, wengine kwa kutoamini macho yao na wengine hata wakitokwa machozi. Asanteni Sana,

Namalizia kwa kuwaomba mzidi kuniombea nipate uponyaji wa kamili, cha muhimu ni mimi nimeikubali hii hali nilionayo kwa sasa kuwa hivi nilivyo ndio sasa niko hivi, at the same time, nothing is imposible under the sun hivyo bado nina matumaini ya uponyaji zaidi.Natanguliza Shukrani.

Ni vigumu kumshukuru kila mmoja wenu ambaye ajali yangu imemgusa kwa namna moja au nyingine. Natamani sana kuataja wote, sitaweza kuwamaliza ila nawashukuru sana Wote nasema ASANTENI SANA.

Pascal Mayalla
0784 270403
pascomayalla@yahoo.co.uk

Ndugu yangu Pascali, pole sana na Mungu akuwezeshe kupoana vizuri na kurudi katika maisha yako ya kawaida. Nakupongeza sana kwa kuchukua muda wako kutegeneza huu waraka. Kwa tulio wengi, jambo likiisha tunalitupa kapuni. Safi sana kwamba umepata nafasi adimu kufanya hii reflection. Naamini Mungu ana mpango mkubwa sana na wewe.

Nakushauri uangalie hayo maeneo niliyoweka rangi nyekundu na kupigia mistari. Ukiweza kutumia kipaji chako hapo, basi utaweza kuokoa maisha ya Watanzania wengi kama vile ulivyookoka wewe baada ya kupata fursa ambayo ndugu zetu wengi hawawezi kuzipata. Puliza tu filimbi, kilio chako chaweza kusikika!

 

[Kesijuma]

pole sana Pascall kwa ajali iliyokukuta

Kessy

 

[Tumsifu Samwel]

Mkulu pole sana.Utukufu na shukrani tumpe Mungu atuwezeshae kuvutu hii hewa bure na kutupa mkate wakila siku.Mungu amejidhihirisha kwako.Hakuna mwingine kama yeye.

 

[JosM]

Leo 3/08/09 umetimia mwaka mmoja tangu nilipopata ajali mkoani Dodoma.
Sasa nimepona japo bado haujapona.Leo nimerejea Dodoma kuzuru eneo la ajali, ndipo nilipotulia na kutafakari, nikajikuta ninawiwa kushukuru kwa yote, ndio maana nimetoa waraka huu wa shukrani.

Kwenye maandishi ya rangi nyekunduascal umeni sikitisha sana kwa kitendo chako cha kurudi eneo la tukio,umeenda kufanya nini hapo? ujui kuwa unatengeneza Agano na imani ya vitu usivyo vijua? wewe ni mkristo nadhani RC! ulipaswa jana uende kanisani utoe sadaka ya kumshukuru Mungu kukuepusha na kifo na kukupa uponyaji wake.Unajua watu ni kwamba tuna fanya vitu ambavyo atuvijui na kumtumikia shetani tukidhani tuna mtumikia Mungu.

 

[Next Level]

......Sikuwahi kulazwa hospitalini maishani mwangu, na sikuwa na utamaduni wa kutembelea wagonjwa mahospitalini, mpaka niliposhuhudia jinsi niluivyotembelewa nikagundua thamani ya kuwafariji wagonjwa na kuthibitisha ni kiasi gani unathaminiwa......

Pole sana Pascal kwa mkasa uliokupata, jinsi ulivyouandika waraka huu inaonyesha ni kiasi gani umepata funzo kubwa kupitia ajali hii!

Maneno yako hayo hapo juu ni mazito sana.....kama kawaida ya binadamu tulio wengi, tukiona mtu anaugua, huwa tunadhani sisi ni excluded, tukienda kuzika, tunasahau kuwa one day na sisi yatatukumba hayo, tukiwaona wanaoteseka mahospital tunafikiri labda they deserve and walichagua mateso hayo ...mpaka na sisi tunapata na masahiba kama hayo uliyopata ndipo tunakuja tambua kuwa binadamu wote ni sawa ni hivyo bora kuthaminiana, kufarijiana tunapougua etc!

Good lesson mkubwa!

 

[Shapu]

Pole sana Pascal kwa mkasa uliokupata, jinsi ulivyouandika waraka huu inaonyesha ni kiasi gani umepata funzo kubwa kupitia ajali hii!

Maneno yako hayo hapo huu ni mazito sana.....kama kawaida ya binadamu tulio wengi, tukiona mtu anaugua, huwa tunadhani sisi ni excluded, tukienda kuzika, tunasahau kuwa one day na sisi yatatukumba hayo, tukiwaona wanaoteseka mahospital tunafikiri labda they deserve and walichagua mateso hayo ...mpaka na sisi tunapata na masahiba kama hayo uliyopata ndipo tunakuja tambua kuwa binadamu wote ni sawa ni hivyo bora kuthaminiana, kufarijiana tunapougua etc!

Good lesson mkubwa!

NL, Kweli kabisa. Maneno hayo nami nimeyachukua kwa uzito sana. Ktk yote kwenye hiyo habari, hiyo passage imenipa challenge sana. Mara nyingi vitu hivi tunavisahau sana kana kwamba haviwezi kutufika. Nimeona ni muhimu sana kutembelea wagonjwa. Nimejifunza hilo leo.

 

[Fidel80]

Naomba usome Zaburi ya 23 mstari wa kwanza hadi wa sita.

Kumbe ukitulia ni bonge la mlokole flani.
Pole sana Pascal Mungu yupo pamoja na sala zetu zipo pamoja nawe.

 

[Chupaku]

Pole sana Paschal, Mungu atakuponya kabisa.
Ni vizuri umetoa shukurani.

 

[Chupaku]

Can you do any other work apart from your office work? Without straining yourself too much ofcourse cos you are not all that well

 

[Victoire]

kwa kweli huu waraka umeigusa sana!Pole sana kaka Pascal nami nakuombea uponyaji kamili katika huo mkono ambao haujapona vizuri ,hakuna kitu kisichowezekana kwa MUNGU.Hakika utapona ili uyasimulie matendo makuu ya MUNGU.Kaka jiulize ni watu wangapi wanateseka ila hawana uwezo wa kuwafikisha hata muhimbili tu.
Be blessed.
FL

 

[Bigirita]

Pole sana kaka! Mungu aliyejiinua pahali pa juu atakuponya katika shida yako.

 

[Kyachakiche]

Kwanza kabisa,kwaniaba ya wengine waliosema mengi hapo juu, ningependa kukukaribisha kwenye jamvi kwani naona ni post yako ya kwanza ya shukrani. Nachukulia pia kwamba huu ni utambulisho wako hapa JF. KARIBU SANA!
Pili, naungana na members wenzangu humu kukupa pole kwa yote yaliyokusibu na pia kukupongeza kwa kuamua kutumia njia hii kuwashukuru wote na hasa kwa namna ya pekee wale walioguswa na kukufariji katika mahangaiko na maumivu makali kwenye maungo yako. Hakika umewagusa wengi kwa waraka wako huu. Mungu atakuimarisha kama alivyokupigania katika kipindi chote hicho kigumu!

 

[Kidatu]

Pasco aka msimila pole sana kwa yote na nina imani kubwa mkono utapona na utakuwa normal hivi karibuni.

 

[Kidatu]

Kwanza kabisa,kwaniaba ya wengine waliosema mengi hapo juu, ningependa kukukaribisha kwenye jamvi kwani naona ni post yako ya kwanza ya shukrani. Nachukulia pia kwamba huu ni utambulisho wako hapa JF. KARIBU SANA!
Pili, naungana na members wenzangu humu kukupa pole kwa yote yaliyokusibu na pia kukupongeza kwa kuamua kutumia njia hii kuwashukuru wote na hasa kwa namna ya pekee wale walioguswa na kukufariji katika mahangaiko na maumivu makali kwenye maungo yako. Hakika umewagusa wengi kwa waraka wako huu. Mungu atakuimarisha kama alivyokupigania katika kipindi chote hicho kigumu!

Bila shaka wewe ndiye mgeni hapa jamvini maana inaonesha umejiunga jan - feb 2009 na Pasco amekuwa hapa kitambo.