Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Waraka mahususi kwa viongozi wa dini wa Tanzania: Kuweni macho na wanasiasa wenzangu, Msigwa

Discussion in 'Jukwaa la Siasa' started by Peter Msigwa, Dec 22, 2011.

  1. Peter Msigwa

    Peter Msigwa Verified User

    #1
    Dec 22, 2011
    Joined: Nov 24, 2007
    Messages: 9
    Likes Received: 0
    Trophy Points: 0
    TAARIFAKWA VYOMBO VYA HABARI

    Salaam za X-Mas na Mwaka Mpya za Mchungaji Peter Msigwa, Mbunge wa Iringa Mjini (Chadema)


    Waraka mahususi kwaviongozi wa dini wa Tanzania:
    Kuweni macho nawanasiasa wenzangu


    Ndugu Wanahabari,

    Kwa nafasi yangu kamaraia, Mbunge ninayewakilisha wananchi wa Jimbo la Iringa Mjini naWatanzania wote kwa ujumla na mmoja wa viongozi wa dini/dhehebunchini, naomba kutumia fursa yenu na ya vyombo vyenu vya habari kutoaujumbe mahususi kwa viongozi wenzangu wa kidini kwa manufaa ya taifaletu.

    Ninapowasilisha salaam zangu hizi za X-Mas na Mwaka mpya wa 2012, ningependakusisitiza yafuatayo kwa viongozi wenzangu wa dini, kuhusiana na ninihasa unapaswa kuwa wajibu wetu kuhusiana na mwenendo wa viongozi wetuwa kisiasa (mimi pia nikiwa mmoja wao);

    Nianze kwa kuwapongeza viongozi wenzangu wote wa dini waliojitokeza hadharani au kupitia vyombo vya habari hivi karibuni kupinga kusudio au mpango wa kuongeza posho za vikao kwa wabunge. Suala la malipo ya posho za vikao (Sitting allowance) kwa wabunge na watumishi wa umma pamoja na mpango wa kuongeza posho hizo kutoka sh 70,000 hadi sh 200,000 (kwa siku ya kikao), kama ulivyotangazwa na Mhe. Spika wa Bunge, Anne Makinda, hivi karibuni, limegusa hisia za Watanzania wengi wakiwemo viongozi wenzangu wa dini ambao naungana nao kuzipinga nikisisitiza msimamo wa siku nyingi wa chama chetu (Chadema).


    Pongezi hizi zinazingatia ukweli kuwa katika suala hili la posho, Baadhi ya viongozi wa dini wameweza kuchukua wajibu wao kikamilifu wa kuwa juu ya wanasiasa wenye malengo mabaya tofauti na desturi iliyoanza kujengeka hivi karibuni ya baadhi ya wanasiasa hususan wale wa Chama cha Mapinduzi (CCM) kupenda kuwatumia vibaya baadhi ya viongozi wa dini na nyumba za ibada kama sabuni ya kujisafishia uchafu wao na ngazi ya kufikia malengo ya kuutafuta urais au ubunge na udiwani (uongozi mchafu). Ingawa kanisa ni mahali pa kusafishwa uchafu na kila mtu anakaribishwa, lakini tumkumbuke yule Simon Mchawi katika kitabu cha matendo ya mitume, aliyejaribu kununua kipawa cha Roho mtakatifukwa faida yake binafsi, Ndipo mtumishi wa Mungu Petro alipomwambia apotelee mbali pamoja na pesa yake.


    Nawasihi viongozi wa dini wenzangu kwamba kamwe tusikubali kuwa mawakala wa kufanikisha mbio za urais mchafu. Tusikubali kuwa chini ya wanasiasa maana jukumu letu la kuwanusuru wanadamu kiroho kwa kuwaongoza kumcha Mungu, ni jukumu zito na kubwa kuliko uroho wa madaraka unaowakimbiza baadhi ya wanasiasa kwenye nyumba za ibada.


    Ni udhalilishaji mkubwa wa huduma ya kiroho pale viongozi wa dini tunapowakaribisha wanasiasa kufanya shughuli kama za uzinduzi wa makanisa au albamu za nyimbo za kidini kana kwamba wao ndio wenye upako, utukufu na mamlaka zaidi ya kubariki kinachozinduliwa kuliko sisi viongozi wa dini wenyewe.


    Tabia kama hii ya kuwatanguliza mbele wanasiasa kwenye shughuli za kiroho badala ya kuacha huduma hii ijitegemee yenyewe (maana Mungu ni Mkuu na mwenye uwezo kuliko siasa), kwa namna moja au nyingine imekuwa ndio kichocheo cha kufanya wanasiasa kutafuta pesa kwa gharama yoyote, ilimradi wakiitwa kwenye mialiko hiyo waweze kutoa fungu kubwa wakiamini itawajenga kisiasa hata kama hawana nia ya kweli na Mungu.


    Tusikubali kamwe kutumiwa vibaya na wanasiasa wanaojipenyeza kwenye matukio mbalimbali kama ya harambee na uzinduzi wa albamu za nyimbo za kiinjili, kwa lengo la kujitangaza, kujisafisha na kujipendekeza kwa umma uliowakataa au kukosa imani nao.


    Tusikubali nyumba takatifu za ibada zigeuzwe viwanja vya kampeni za kisiasa na wala tusiwe chanzo cha kuiingiza nchi yetu katika mgawanyiko na machafuko ya kidini kwasababu tu ya kuwabeba baadhi ya wanasiasa ambao ama kwa sababu ya uchafu wao au umma kukosa imani nao, wameona hawawezi tena kuwa na uhalali wa kujitangaza wala kujijenga tena kwenye majukwaa ya kisiasa bila kwanza kukimbilia makanisani. Binafsi naamini, mwanasiasa msafi anayejiamini na anayemcha Mungu kwelikweli haitaji harambee au tukio lolote la kujinadi kanisani , maana huko si pahali pake.


    Najua kuwa Watanzania wengi wanakerwa na tabia ya baadhi ya sisi viongozi wa dini kama maaskofu, wachungaji na mapadri kubabaikia wanasiasa kwa kiasi cha kuonekana wanaidhalilisha huduma hii kuu. Kanisa likitakiwa kuzinduliwa – mwanasiasa, uzinduzi wa nyimbo ya injili – mwanasiasa, ununuzi wa magitaa – mwanasiasa, ununuzi wa maspika – mwanasiasa. Hivi hawa wanasiasa wana upako gani kana kwamba kazi ya Mungu haiwezi kufanyika bila wao?


    Tunapokwenda kusherehekea siku kuu hii ya X Mas na Mwaka Mpya, ninawasihi tena viongozi wenzangu wa kidini, kwamba tumkumbuke nabii Baalam ambaye vitabu vitakatifu vinaeleza jinsi alivyoifanyia biashara huduma yake ya kinabii mpaka alisababisha Punda aongee;

    Tumkumbuke mtumishi wa nabii Elisha, aliyeitwa Gehazi, ambaye vitabu vitakatifu vinatufundisha kwamba alipenda pesa na zawadi akasahau mwito wake wa kitume mpaka ukoma wa Nahaman ukahamia mwilini mwake.

    Tumkumbuke Esau aliyeuza haki ya uzaliwa wake wa kwanza kwa njaa ya muda mfupi (dengu, mlo moja tu). Na tumkumbuke Yuda Eskarioti ambaye alimuuza mwokozi wetu, Yesu Kristu, kwa vipande thelathini vya fedha, na kwa hiyo, sisi viongozi wa dini tusikubali kamwe kuwauza Watanzania wenzetu kwa pesa za wanasiasa wachafu.


    Nasisitiza tena, kwamba sisi viongozi wa dini tunapaswa kuwa viongozi na sio wafuasi wa wanasiasa, tunapaswa kuwaonyesha njia wanadamu wote wakiwemo wanasiasa na sio wanasiasa watuonyeshe njia sisi, maana kufanya hivyo ni kulishusha thamani neno la Mungu.


    Naamini kama taifa kwa ujumla tuna hali za duni za kimaisha zinazotugusa pia sisi viongozi wa kiroho, lakini hii isisababishe tukasahau misingi yetu ya kitume kana kwamba Mungu aliyetuita ametuacha. Naamini sisi viongozi wa dini tukisimama imara bila kuyumba, Tanzania yetu inayougua umaskini, ujinga, maradhi na ufisadi, hatimaye itaponywa. Hizi ndio salamu zangu za mwaka mpya kwa viongozi wa dini ambao naamini kupitia wao Watanzania wote wataongozwa vema


    Nawatakia kheri na fanaka ya X- Mas na Mwaka Mpya.



    Mungu ibariki Tanzania
     
  2. PakaJimmy

    PakaJimmy JF-Expert Member

    #2
    Dec 22, 2011
    Joined: Apr 29, 2009
    Messages: 16,234
    Likes Received: 105
    Trophy Points: 160
    Roho ya tamaa ya fedha imewaingia viongozi wetu wa dini...Wamepofushwa macho...
     
  3. Narubongo

    Narubongo JF-Expert Member

    #3
    Dec 22, 2011
    Joined: Nov 3, 2010
    Messages: 1,922
    Likes Received: 9
    Trophy Points: 135
    haya mambo hata mimi muumini huwa siyapendi sema ndio hivyo nitalalamikia wapi tunabaki tunayaongea vijiweni, wenye imani finyu ndio hivyo kila siku wanahama makanisa
     
  4. G

    Gagnija JF-Expert Member

    #4
    Dec 22, 2011
    Joined: Apr 28, 2006
    Messages: 5,548
    Likes Received: 57
    Trophy Points: 145
    Haya makanisa yanajidhalilisha sana. Hivi katika mamilioni ya wakatoliki wanashindwa kumpata mmoja wa kuendesha harambee yao Mwanza hadi wanakwenda kumpigia magoti mlutheri Lowasa? viongozi wetu wa dini wa zama hizi hawana tofauti na huyo mchawi aliyetaka kuunua kipawa cha roho mtakatifu.
     
  5. Mpevu

    Mpevu JF-Expert Member

    #5
    Dec 22, 2011
    Joined: Nov 23, 2010
    Messages: 1,817
    Likes Received: 5
    Trophy Points: 0
    Nadhani kabla ya mualiko huwa kuna MAELEWANO ya baadae yenye mlengo wa kimanufaa (si taasisi zote za kidini), hivyo ucha Mungu unatoweka na wenye nacho ndio wanaong'ara. Si Lowassa tu, ni wengi wa wanasiasa wanatumia taasisi za dini kwa maslahi yao kisiasa. Nchi hii imekuwa ni mithili ya 'dampo', waila hongera mchungaji kwa kunena kwa vitendo juu ya khulka hii inayoshamiri.

    IKUMBUKWE: Makanisa ni kama yanashindana vile (am sori kwa hili) katika upanuaji wa huduma zao kiroho, na waumini si wazuri sana mifukoni kulinganisha na wanasiasa. Ndio maana makanisa ya tangu ukoloni nayo yameingia katika kujiimarisha ili yasimezwe na utitiri wa makanisa ya MANABII & MITUME wa kisasa.

    Mwenye macho...
     
  6. Mwita Maranya

    Mwita Maranya JF-Expert Member

    #6
    Dec 22, 2011
    Joined: Jul 1, 2008
    Messages: 10,564
    Likes Received: 66
    Trophy Points: 145
    Mchungaji Msigwa ahsante kwa ujumbe mzito wa kufungia mwaka.

    Viongozi wa kidini ambao wanaaminiwa sana na waumini wao na wananchi kwa ujumla, wamekuwa wakitumikia wanasiasa.

    Na bahati mbaya sana hii tabia ya watumishi wa Mungu kuwatumikia wanasiasa imezidi kujikita siku za hivi karibuni. Na wanasiasa wanaoonekana kuyatumia madhehebu ya dini ni wale wenye kashfa za rushwa na ufisadi. Ni bahati mbaya sana kwamba watumishi wa Mungu wamekumbwa na upepo wa "kisuli suli" cha siasa chafu na wamekubali kusombwa bila kujitambua.
     
  7. c

    comte JF-Expert Member

    #7
    Dec 22, 2011
    Joined: Dec 11, 2011
    Messages: 269
    Likes Received: 67
    Trophy Points: 45
    baba mchungaji, mheshimiwa mbunge , raia, na mwana wa adamu mwenzangu MSIGWA,

    KWANINI UMEACHAKUTUSAIDIA KUPATA MAISHA YA MILELE UNATUTAFUTIA MAISHA BORA
     
  8. Selous

    Selous JF-Expert Member

    #8
    Dec 22, 2011
    Joined: Jan 13, 2008
    Messages: 1,305
    Likes Received: 10
    Trophy Points: 135
    Pale CHADEMA hakuna siasa za unafiki, asante Mch Msigwa, G. Lema bado tunasubiri nyingine.
     
  9. Mkulima wa Kuku

    Mkulima wa Kuku JF-Expert Member

    #9
    Dec 22, 2011
    Joined: Jan 13, 2011
    Messages: 1,245
    Likes Received: 73
    Trophy Points: 145
    Asante Mch Msigwa kwa ujumbe, mwenye masikio na asikie neno ambalo litasaidia kusafisha kanisa na kirusi cha wanasiasa wanaotafuta uongozi makanisani. Mungu akupiganie
     
  10. Nkwesa Makambo

    Nkwesa Makambo JF-Expert Member

    #10
    Dec 22, 2011
    Joined: Aug 26, 2011
    Messages: 4,765
    Likes Received: 13
    Trophy Points: 0
    Mimi ni mmoja wa watu wanaokerwa na mambo yanavyoenda makanisani,issue huwa ni kupata fedha hawajali hata mantiki ya jambo wanalotaka kufanya, hii ndiyo inasababisha kuwepo na mmomonyoko mkubwa wa maadili baada ya kanisa kujiingiza miguu yote miwili kwenye ujasiarimali usio na harufu ya KIROHO zaidi ya kuwinda mambo ya kidunia.
     
  11. U

    Uwezo Tunao JF-Expert Member

    #11
    Dec 22, 2011
    Joined: Nov 14, 2010
    Messages: 6,948
    Likes Received: 8
    Trophy Points: 0
    Habari murua kabisa. Kwa wenye mapenzi mema na uelewa mpana ni kwamba sikio lao la tatu tayari limekusikia na tayari kuyazingatia tunapoingia mwaka mya 2012.

    Mungu ibariki Tanzania.
     
  12. Mwakalinga Y. R

    Mwakalinga Y. R Tanzanite Member

    #12
    Dec 22, 2011
    Joined: Oct 22, 2008
    Messages: 2,723
    Likes Received: 14
    Trophy Points: 135
    Ujumbe mzito sana kwa mchungaji.Nimeupitisha 100%
     
  13. I

    Ismaily JF-Expert Member

    #13
    Dec 22, 2011
    Joined: Jun 19, 2011
    Messages: 357
    Likes Received: 0
    Trophy Points: 0
    Safi sana Mh msigwa,viongozi wa dini wamekuwa wakitumika na wanasiasa na kusababisha imani za watu kuonekana zimebase kwenye mali au kujipatia utajiri badala zibase kwenye maadili na imani ya ukweli na matendo mema..
     
  14. J

    JABEZ Member

    #14
    Dec 22, 2011
    Joined: Apr 20, 2011
    Messages: 51
    Likes Received: 0
    Trophy Points: 0
    Ni kama vile Msigwa ulikwa moyoni mwangu: naichukia sana hii tabia ya kanisa kupenda kuwaalika viongozi wa siasa kwenye shughuli za kiroho. Na X-Masi inakuja, utasikia...Waziri...kawaasa ....wakati akihutubia kwenye ibada ya XMasi! Lakini, hata wenzetu wa ISLAM, nao utasikia mgeni rasmi wa Idd ni Rais, Makamu wa Rais n.k. Hapa Mchungaji Msigwa umeonesha uongozi: siasa ikae kivyake na dini kivyake!
     
  15. Lokissa

    Lokissa JF-Expert Member

    #15
    Dec 22, 2011
    Joined: Nov 20, 2010
    Messages: 6,981
    Likes Received: 77
    Trophy Points: 145
    KANISA HALIWEZI KUJITENGA NA SIASA KWA AJILI YA FAIDA YA JAMII.

    I agree that religion and politics, to a certain degree, should be separated, but only as far as the day-to-day running of the government is concerned. Religion, however, can't close its eyes, ears or mouth to injustice and corruption. It can and must be a critic to bad governance and injustice. It has to be the conscience to a government that has no conscience

    Kwani hao wanasiasa wanajipendekeza au wanaalikwa? UTAWEZAJE KUKEMEA MAOVU KTK JAMII KAMA UTAWATENGA WANASIASA? Hata hivo yesu alikuwa anakula na wenye dhambi walimdhihaki sana mfano mzuri alipoenda nyumbani kwa Zakayo, Kuwaita hao viongozi ni njia nzuri ya kuwaweka karibu na kanisa ili wajibadili tabia zao.

    Angekuwa kweli mtumishi wa Mungu asingethubutu kuwapinga wenzao wanaowaalika. Hivi anachunga kondoo gani bungeni? Namwona sawa na wale mafarisayo wanavaa mavazi meupe na kusali sala ndefu huku wakikaa viti vya mbele kabisa ktk masunagogi huku wakijiona ni wema kuliko wengine.
     
  16. Luther3

    Luther3 Member

    #16
    Dec 23, 2011
    Joined: Nov 9, 2011
    Messages: 41
    Likes Received: 0
    Trophy Points: 0
    We una2mia masabuli kufikiri .mchungaji kanena.labda ume2mwa umtetee.kaz kwako.umma umeshajua hao n wachafu 2.n sawa na kaniki rangi yake haitabadilika
     
  17. DCONSCIOUS

    DCONSCIOUS JF-Expert Member

    #17
    Dec 23, 2011
    Joined: Oct 4, 2010
    Messages: 1,272
    Likes Received: 26
    Trophy Points: 145
    Bora umefunguka kuhusu hilo coz hata mimi linaniboa sana. Pale dini zote mbili zinapo geuka mitaji ya ccm.
     
  18. Songambele

    Songambele JF-Expert Member

    #18
    Dec 23, 2011
    Joined: Nov 20, 2007
    Messages: 2,779
    Likes Received: 512
    Trophy Points: 280
    Bado wabongo ni waoga, mchungaji si awaandikie covering letter makanisa aliyoyalenga kuliko kurusha mawe hewani wakati wahusika hawafiki kumi?
    Kila mtu atakwepa na kujifanya waraka haumuhusu, bado ni Dr. Slaa ndio amethubutu na kuweza kuwataja watu kwa majina yao na taasisi zao.
    Pia mchungaji ameshaingia ktk politike ajitoe ktk dini manake kama waraka huu ndio salaam ya xmass basi anaowachunga are in trouble, ngoja salaam za Pengo utaona tofauti.
     
  19. Mwalimu

    Mwalimu JF-Expert Member

    #19
    Dec 23, 2011
    Joined: Aug 21, 2008
    Messages: 1,417
    Likes Received: 86
    Trophy Points: 145
    Mwenye masikio ya kusikia na asikie....
     
  20. J

    Jadi JF-Expert Member

    #20
    Dec 23, 2011
    Joined: Aug 2, 2011
    Messages: 1,146
    Likes Received: 72
    Trophy Points: 145
    si useme tu EL anaongoza!
     
Loading...