Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Wapinzani kumwomba radhi JK

Discussion in 'Jukwaa la Siasa' started by Zee la shamba, Oct 25, 2007.

  1. Zee la shamba

    Zee la shamba Member

    #1
    Oct 25, 2007
    Joined: Oct 17, 2007
    Messages: 55
    Likes Received: 0
    Trophy Points: 13
    Vyama vinne vya upinzani vilivyoanzisha ushirikiano, vinafanya utaratibu wa kumuomba radhi Rais Jakaya Mrisho Kikwete kutokana na kitendo chao cha kumuweka katika orodha ya mafisadi iliyotolewa katika viwanja vya Mwembe Yanga mapema mwezi uliopita.

    Habari ambazo Rai imezipata kutoka kwa baadhi ya viongozi wa upinzani, zinaeleza kwamba kimsingi vyama hivyo vimegundua kwamba yalikuwa ni makosa ya kimkakati kumtaja Rais katika tuhuma hizo kwa sababu tuhuma walizotoa juu yake ni nyepesi.

    Rai imeelezwa kwamba iwapo mambo yatakwenda vizuri, wataifanya kazi hiyo siku ya Jumamosi kwa kumuomba radhi rasmi Kikwete ikiwa ni pamoja na watu wengine wawili. Rai haikufanikiwa kupata jina la mtu wa tatu lakini mtu wa pili ameelezwa kuwa ni Katibu Mkuu wa Wizara ya Maji, Patrick Rutabanzibwa.

    Katika tuhuma zilizosomwa na Katibu Mkuu wa CHADEMA, Wilbroad Slaa, wapinzani walisema kuwa pamoja na mambo mengine, Agosti mwaka 1994, Kikwete aliingia katika mkataba na kampuni ya madini ya Kahama Mining Corporation Ltd.

    Tuhuma hizo zilieleza kwamba ingawa mkataba ulionyesha kuwa ulikuwa unahusu eneo la Butobela Wilaya ya Geita Mkoani Mwanza, Agosti mwaka 1996 Kahama Mining Corporation walivamia eneo la Bulyanhulu, na kuwaondosha kwa nguvu watu waliokuwa wakiishi na kuchimba dhahabu katika eneo hilo. Baadaye Sutton Resources iliiuza Kahama Mining Corporation na Bulyanhulu kwa Kampuni ya Dhahabu ya Barrick Gold Corporation ya Toronto, Canada.

    Mmoja kati ya viongozi wa kambi ya upinzani, ameiambia Rai kwamba baada ya kuangalia athari za tuhuma dhidi ya rais, wamegundua kwamba hilo lilikuwa kosa la kimkakati.

    “Strategically hilo lilikuwa kosa kumtaja Rais. Pia tuhuma dhidi yake zilikuwa nyepesi sana. Tunamtoa rais na wengine wawili, lakini tunaongeza wapya. Oktoba 27 tutamtoa na kumuomba radhi,” alisema kiongozi huyo ambaye hata hivyo hakutaka jina lake litajwe.

    Soorce Rai
     
  2. Idimi

    Idimi JF-Expert Member

    #2
    Oct 25, 2007
    Joined: Mar 18, 2007
    Messages: 8,596
    Likes Received: 806
    Trophy Points: 280
    Huu ni udaku, jukwaa la siasa sio mahali pake. Kwani kiongozi wa upinzani aliyeonea na rai hana jina?
     
  3. KadaMpinzani

    KadaMpinzani JF-Expert Member

    #3
    Oct 25, 2007
    Joined: Jan 31, 2007
    Messages: 3,752
    Likes Received: 13
    Trophy Points: 0
    List inapungua taratibu, kinachohitajika sasa hivi ni kuwa karibu na viongozi wetu wa serikali kuanzia ngazi za chini hadi za juu wakiwemo viongozi wa vyama vya upinzani na wa vyama tawala kukaa meza moja na kuanza kuchapa kazi ili kuleta maendeleo katika taifa letu na sio kupiga kelele za vyama vya siasa maana hizo kelele zishapigwa sana tokea mfumo wa vyama vya siasa ulipoanzishwa hadi sasa, hivyo ukaribu wa vyama vyooote vya siasa kuanzia upinzani hadi wa vyama tawala wakae pamoja na kuandaa mikakati ili kuleta maendeleo na kelele za vyama vya siasa zianze pale wakati wa kampeni !
     
  4. Lunyungu

    Lunyungu JF-Expert Member

    #4
    Oct 25, 2007
    Joined: Aug 7, 2006
    Messages: 8,827
    Likes Received: 29
    Trophy Points: 135
    Hivi RA ana share ngapi vile ndani ya Rai ? This is a true spinning
     
  5. Mtu wa Pwani

    Mtu wa Pwani JF-Expert Member

    #5
    Oct 25, 2007
    Joined: Dec 26, 2006
    Messages: 4,085
    Likes Received: 11
    Trophy Points: 135
    sina haraka,habari kama hii nnaisubiria hiyo siku ifike nitajua spinning au ukweli
     
  6. Mlalahoi

    Mlalahoi JF-Expert Member

    #6
    Oct 25, 2007
    Joined: Aug 31, 2006
    Messages: 1,916
    Likes Received: 157
    Trophy Points: 160
    Nakuunga mkono.Hata mie naweza kukurupuka usingizini kisha nikaja na headline "JK AAMURU WALA RUSHWA WOTE WARIPOTI SEGEREA KWA HIARI YAO WENYEWE,IKULU IMESHAANDAA USAFIRI..." na si ajabu wazembe wa uchambuzi na mantiki wakaamini porojo hiyo.

    Lakini mie nakwenda mbali zaidi ya hapo.Sidhani kwamba m-babaishaji aliyetoa stori hiyo kwenye Rai (licha ya gazeti hilo kumilikiwa na RA) alifanya hivyo kwa utashi wake tu.Jana tumesoma stori za "KUNG'ARA KWA KIKWETE DUNIANI".Sintoshangaa kuskia kuwa kuna ka-kitengo kalikoandaliwa fungu zuri tu ambako kana jukumu la propaganda beyond zile za kina Makamba,Mwanri,etc.

    Kazi kwao walio wavivu wa ku-read between lines.
     
  7. Mtu wa Pwani

    Mtu wa Pwani JF-Expert Member

    #7
    Oct 25, 2007
    Joined: Dec 26, 2006
    Messages: 4,085
    Likes Received: 11
    Trophy Points: 135
    mlalahoi usikimbie na kuogopa kivuli chako
     
  8. M

    Mafuchila JF-Expert Member

    #8
    Oct 25, 2007
    Joined: Apr 29, 2006
    Messages: 752
    Likes Received: 22
    Trophy Points: 35
    Hivi ili gazeti la RAI kwanini asiuziwe Shigongo ili kieleweke?
     
  9. KadaMpinzani

    KadaMpinzani JF-Expert Member

    #9
    Oct 25, 2007
    Joined: Jan 31, 2007
    Messages: 3,752
    Likes Received: 13
    Trophy Points: 0
    lakini habari ile ile ya mafisadi ingetolewa kwenye hili gazeti sidhani kama kuna yeyote angetokea kuhoji haya !
     
  10. BAK

    BAK JF-Expert Member

    #10
    Oct 26, 2007
    Joined: Feb 11, 2007
    Messages: 49,944
    Likes Received: 9,490
    Trophy Points: 280
    Lakini usisahau kwamba ni ukweli usiofichika RAI haliwezi kutoa habari kama ile labda kama likiwa linamilikiwa na mtu mwingine tofauti na RA.
     
  11. KadaMpinzani

    KadaMpinzani JF-Expert Member

    #11
    Oct 26, 2007
    Joined: Jan 31, 2007
    Messages: 3,752
    Likes Received: 13
    Trophy Points: 0
    and the point is .... maana sasa hapa naona anayeongelewa ni mwenye gazeti (angalau sina uhakika) na sio gazeti lenyewe !
     
  12. Bongolander

    Bongolander JF-Expert Member

    #12
    Oct 26, 2007
    Joined: Jul 10, 2007
    Messages: 4,880
    Likes Received: 23
    Trophy Points: 135
    Tutakuwa tunadanganyana kama kelele za rushwa zikipuuzwa, No dout rushwa na ufisadi ni matatizo yanayokwamisha maendeleo yetu Tanzania, hiyo inayosemwa kuwa ni kosa la kimkakati naweza kuiita ni kosa lenye manufaa, a blessing in disguise. Na ikizingatiwa kuwa imetoka kwenye gazeti la RAI uchwara, siipi uzito wowote. Sikubaliani na hii na siamini kama kweli tuhuma kama hizi zinakwamisha maendeleo, tukiwa na opposition ambayo ni faithful kwa taifa no doubt kutakuwa na maendeleo.
     
  13. BAK

    BAK JF-Expert Member

    #13
    Oct 26, 2007
    Joined: Feb 11, 2007
    Messages: 49,944
    Likes Received: 9,490
    Trophy Points: 280
    Mwenye gazeti anatoa maamuzi ni kitu gani kiandikwe kwenye magazeti yake. Ndiyo maana kwenye RAI huwezi kuona habari za ufisadi, wala rushwa, mikataba mibovu na viongozi wanaojilimbikizia mali ambalo ni gumzo katika kila kona ya nchi yetu. Angewapa uhuru waandishi wa gazeti hilo basi hayo pia tungeyaona kwenye RAI.
     
  14. B

    BroJay4 JF-Expert Member

    #14
    Oct 26, 2007
    Joined: Aug 27, 2007
    Messages: 237
    Likes Received: 3
    Trophy Points: 0
    ni kheri nisome magazeti ya udaku kuliko kusoma RAI,hilo gazeti lilishakufa zamani sana,sidhani kama lina wasomaji tena.
     
  15. K

    KakindoMaster JF-Expert Member

    #15
    Oct 26, 2007
    Joined: Dec 5, 2006
    Messages: 1,260
    Likes Received: 3
    Trophy Points: 135
    Kadakadakada!

    Usijimalize kwa udaku

    Halafu CCM ya MAFISADI wako Tayari kuleta maendeleo Tanzania? Je ulisoma Mkataba wa BUZWAGI, ukiambiwa uliandikiwa pale darajani MAnzese utakataaa? Tuachane na propaganda za Rai na RA.Hakuna wa kumwomba radhi JK ni ndoto tu, mwambie afanye aliyoyaahidi.
     
  16. M

    Mwigamba Member

    #16
    Oct 26, 2007
    Joined: Aug 28, 2007
    Messages: 5
    Likes Received: 0
    Trophy Points: 0
    Kumbukeni habari ya kwamba Mzee Mtei alipingana na hoja ya Kabwe kwa sababu hata yeye alisaini Mjini Perking, Mzee Mtei alikuja kukanusha. Wakaandika tena kwamba Jaji Mark Bomani amwmwonya Dr. Slaa kuhusu madai yake ya ufisadi, akakanusha.

    Hata hii naamini ndani ya moyo wangu kwamba ni miongoni mwa jitihada zile zile za kuisafisha serikali. Lakini viongozi wa upinzani watoe tamko kuliweka jambo hili sawa.
     
  17. Mzee Mwanakijiji

    Mzee Mwanakijiji Platinum Member

    #17
    Oct 26, 2007
    Joined: Mar 10, 2006
    Messages: 30,383
    Likes Received: 2,442
    Trophy Points: 280
    Hawahitaji kutoa tamko lolote, watu wasubiri hayo yatakayosemwa. Nimbehatika kuyaona kwa mbali, kama ni movie basi orodha ya mafisadi ilikuwa Preview...
     
  18. M

    Mwafrika wa Kike JF-Expert Member

    #18
    Oct 26, 2007
    Joined: Jul 5, 2007
    Messages: 5,195
    Likes Received: 7
    Trophy Points: 0
    Mwigamba,

    ukisoma hii habari ambayo kama kawaida imepikwa na spin master mwenyewe - mkoloni, mwizi, na mkwepa kodi Rostam Aziz - utaona kuwa hakuna jina la kiongozi yeyote limetajwa kuwa ametoa hilo tamko.

    Nani atakanusha kitu ambacho hakusema au hausiki nacho?
     
  19. KadaMpinzani

    KadaMpinzani JF-Expert Member

    #19
    Oct 26, 2007
    Joined: Jan 31, 2007
    Messages: 3,752
    Likes Received: 13
    Trophy Points: 0
    umeelewa nilichosema ?? tatizo ni kwamba RA amewakaa mbele, hivi ushawahi kunisikia nikimtaja huyo RA kwenye post yoyote kumrefer ? unless mmemtaja then hapo ndipo nami nitamtaja lakini siangalii ccm wala wapinzani na hicho ndicho ninachosema hapa kila siku !
     
  20. KadaMpinzani

    KadaMpinzani JF-Expert Member

    #20
    Oct 26, 2007
    Joined: Jan 31, 2007
    Messages: 3,752
    Likes Received: 13
    Trophy Points: 0
    Nadhani ndio kwanza wakuu mtakuwa mnamjenga huyo RA baada ya kumbomoa regardless na hizo accusations ! (simtetei mtu) bali thats how i see it !
     
Loading...