Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

WAPC yailaumu serikali kwa kutishia kufunga magazeti

Discussion in 'Habari na Hoja mchanganyiko' started by Njowepo, Oct 28, 2010.

  1. Njowepo

    Njowepo JF-Expert Member

    #1
    Oct 28, 2010
    Joined: Feb 26, 2008
    Messages: 9,171
    Likes Received: 292
    Trophy Points: 180
    Na Richard Makore
    28th October 2010
    Umoja wa Mabaraza ya Habari Duniani (WAPC), umelaani vitisho vilivyotolewa na Serikali ya Tanzania vya kutaka kufungia magazeti ya Mwananchi na Mwanahalisi pamoja na kukionya Chama cha Wanahabari Wanawake Tanzania (Tamwa).

    Kwa mujibu wa taarifa iliyotolewa na Katibu Mkuu wa WAPC, Chris Conybeare na nakala yake kupatikana nchini kupitia Baraza la Habari Tanzania (MCT), iliitaka Serikali kuhimiza na kuimarisha uhuru wa vyombo vya habari na haki ya kutoa maoni nchini.

    Conybeare alikuwa akizungumza kwenye mkutano wa WAPC uliofanyika Kathmandu nchini Nepal ambapo aliitaka Serikali kusimamia kwa dhati uhuru wa vyombo vya habari na haki ya kutoa maoni badala ya kuukandamiza.

    Aidha, WAPC umeelezea kusikitishwa kwake kutokana na kudorora kwa juhudi za kubadilisha sheria mbaya zinazokandamiza uhuru wa vyombo vya habari na kuopngeza kuwa ni vyema juhudi hizo ambazo zimechukua takribani miaka minne zikamilike.

    WAPC imetaka kupitishwa haraka kwa sheria ya haki ya kupata habari na ile ya huduma za vyombo vya habari hapa nchini.

    Nakala ya taarifa hiyo ya WAPC ambayo ilipatikana jijini Dar es Salaam jana ilisainiwa na Kaimu Katibu Mkuu wa MCT, Pili Mtambalike, ambapo pia ilisisitiza umuhimu wa kuwa na sheria inayolinda vyombo vya habari badala ya hii ya sasa ambayo inavikandamiza.
    CHANZO: NIPASHE
    MY TAKE
    Labda wazungu wakiongea watawaelewa
     
Loading...