Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Wanasheria wazidi kuponda mauaji arusha

Discussion in 'Jukwaa la Siasa' started by DENYO, Jan 10, 2011.

  1. D

    DENYO JF-Expert Member

    #1
    Jan 10, 2011
    Joined: Sep 14, 2010
    Messages: 699
    Likes Received: 2
    Trophy Points: 35
    Anderew Chale
    TAMKO LAO;CHAMA CHA WANASHERIA WA TANZANIA BARA
    TAMKO 9 January, 2011
    Na

    Chama cha Wanasheria wa Tanzania Bara (kwa kifupi ‘CHAMA’) ni Jumuiya ya Kitaifa
    ...ya Wanasheria wa Tanzania Bara, kilichoundwa chini ya Sheria ya Chama cha
    Wanasheria wa Tanganyika, Sura 307 ya Sheria, Toleo la 2002. Kwa mujibu wa Sheria
    hii, majukumu ya CHAMA ni pamoja na kuisaidia Serikali katika maswala yanayohusu
    sheria, utekelezaji na utendaji wa sheria, na pia kulinda na kusaidia umma katika masuala
    yote yanayoambatana na yanayohusiana na sheria- kwa kifupi, utekelezaji wa mfumo wa
    sheria na wa utawala bora.
    Kufuatia taarifa za vyombo vya habari na watu binafsi mintarafu ya mapambano baina ya
    Jeshi la Polisi la Jamhuri ya Muungano wa Tanzania (“Jeshi la Polisi”) na wafuasi wa
    Chama cha Demokrasia na Maendeleo (Chadema) katika Manispaa ya Arusha, CHAMA
    kimewasiliana na vianzo mbalimbali Arusha, pamoja na vyombo vya habari na wahanga
    wa vurugu ili kupata uhakika wa taarifa hizo. Jitihada zetu kuwasiliana na maafisa
    mafawidhi wa Jeshi la Polisi Arusha hazikufanikiwa.
    Tulifahamishwa kwamba tarehe 5 Januari, bila silaha viongozi na wafuasi wa Chadema
    walifanya maandamano ya amani katika Manispaa ya Arusha, baada ya taarifa ya
    kufanya hivyo kwa Kamanda wa Polisi Wilaya wa Manispaa (OCD) iliyopelekwa tarehe
    31 Desemba 2010, na kwa rejea zaidi ya barua ya tarehe 4 Januari, pamoja na mkutano
    shirikishi na OCD iliyothibitisha vipengele vya usalama kwa ajili ya maandamano na
    mhadhara. Tunafahamu kwamba Inspekta Jenerali wa Polisi (IGP) kwenye taarifa ya
    habari ya taifa ya saa 2 usiku (yaani chini ya masaa 24 kabla ya maandamano
    yaliyopangwa) tarehe 4 Januari alitoa onyo la mdomo kusitisha maandamano lakini
    kuruhusu mhadhara. Tunafahamu pia kwamba, pamoja na onyo hilo, maandamano
    yalifanyika kama ilivyopangwa.
    Tumehabarishwa kwamba ndipo, Jeshi la Polisi lilitumia nguvu kusitisha maandamano
    na kutawanya mkusanyiko, na hatima yake ni kwamba kulitokea vifo vya watu wawili (2)
    au zaidi, na majeruhi kwa raia kadhaa wasiobeba silaha. Aidha tumehabarishwa kwamba,
    wakati ghasia zikiendelea, wanahabari waliotambulikana dhahiri kwa ajili hiyo
    walilengwa shabaha na Jeshi la Polisi kwa kufuatilia mambo yaliyokuwa yanaendelea, na
    baada ya hapo Jeshi la Polisi mwanzoni halikuruhusu mawakili waonane na watu
    waliowekwa chini ya ulinzi na Polisi.
    Ibara ya 20 ya Katiba ya Jamhuri ya Muungano wa Tanzania, 1977 (‘Katiba’)
    inamhakikishia kila raia uhuru wa kujumuika na kukutana. Kifungu cha 43(1) cha Sheria
    ya Jeshi la Polisi na Vikosi vya Usalama (Sura ya 322, Toleo la 2002, kinatoa mwongozo
    kwa kila anayetaka kuitisha, kukusanya, kuunda au kuratibu mhadhara au maandamano
    kwa mujibu wa haki ya kikatiba ya mihadhara, ambapo inahitajika tu kutoa taarifa kwa
    Polisi kuhusu mahala na muda ambapo mhadhara utafanyika, na azma ya mhadhara.
    Tunavyoelewa kipengele cha kutaarifu kimewekwa na sheria ili kuhakikisha kwamba
    haki ya kikatiba ya Ibara ya 20 inalindwa na kuhifadhiwa, siyo kuhujumiwa na Jeshi la
    Polisi. Kwa maoni yetu lile onyo la mdomo la IGP athari yake halisi liliharamisha
    maandamano ya Chadema kwa kuwa halikutoa fursa nyingine maandamano yafanywe
    lini. Lakini penye haki pana tiba, na Chadema ilipaswa kutafuta haki ndani ya mfumo wa
    sheria. Hata hivyo hatuna uhakika kwamba onyo la mdomo la IGP lilitoa fursa ya
    kutosha ya kufuatilia haki kwa mujibu wa sheria ama kulikanusha onyo au kusitisha
    maandamano. Pamoja na hayo, Jeshi la Polisi halipaswi kuwa chanzo cha ukiukaji au
    kusababisha ukiukaji wa haki wa haki zinazolindwa kikatiba.
    Ibara ya 18 ya Katiba inahakikisha haki ya kila mtu kutoa maoni, ambayo ni pamoja na
    kujieleza mawazo na maoni yake kwa uhuru, na pia haki ya kuhabarisha na
    kuhabarishwa. Haki hii inatumika kulinda matamshi, taarifa na mawasiliano, pamoja na
    yale ya wanahabari. Kutokana na taarifa, haki hizi zimebezwa na Jeshi la Polisi.
    Kifungu cha Sheria ya Mwenendo wa Mashauri ya Jinai, Sura ya 20 Toleo la 2002,
    inamwajibisha afisa wa polisi kutoa fursa stahiki kwa mtu aliye chini ya ulinzi aweze
    kuwasiliana na wakili, ndugu au rafiki anayemtaka, Kwa mujibu wa taarifa, haki hii
    imedhulumiwa na Jeshi la Polisi angalau mwanzoni.
    Kwa kuwa tumejidhatiti kulinda na kuimarisha utawala wa sheria na utawala bora wa
    Serikali, kwa uelewa kwamba ukilindwa kwa usahihi, utawala wa sheria na utawala
    bora vinawalinda wananchi dhidi ya matumizi ya mamlaka ya Serikali kwa udhalimu;
    kwa kuwa tunaamini kwamba dhana ya kutowajibika daima unapelekea kufanyika
    maovu makubwa zaidi; na kwa kuamini kwamba haki siyo tu itendeke, bali ni lazima
    ionekane kwamba inatendeka:
    1. CHAMA kinatoa mwito kwa raia na Serikali pamoja na taasisi zake kuzingatia
    na kufuata sheria na utawala bora; na
    2. CHAMA kinalaani vikali hatua zilizochukuliwa na Jeshi la Polisi za kupora haki
    za kikatiba za kujumuika, mikusanyiko na uhuru wa kujieleza; na
    3. CHAMA kinalaani vikali matumizi ya nguvu kubwa mno za Jeshi la Polisi katika
    kutawanya umati wa raia usio na silaha, unaoandamana na uliokusanyika kwa
    amani; na
    4. CHAMA kinatoa mwito kwa Serikali ya Tanzania kufanya uchunguzi wa kiini na
    kupeleleza tukio hili la kusikitisha, kuwawajibisha wahusika kwa mujibu wa sheria,
    na kuendelea kutumia njia za amani za kuendeleza mfumo wa sheria na utawala
    bora na kulinda demokrasia kwa maslahi ya taifa.
    Imewasilishwa kwa niaba ya Chama cha Wanasheria wa Tanzania Bara
    RAIS

    Source Facebook Mnyika -wall
     
  2. Ng'wanza Madaso

    Ng'wanza Madaso JF-Expert Member

    #2
    Jan 10, 2011
    Joined: Oct 21, 2008
    Messages: 2,276
    Likes Received: 58
    Trophy Points: 145
    Duh nimeipenda hiyo wamechambua na kuelezea vizuri.

    Swali: Kama wako pale kama walivyoelezea nanukuu "Kwa mujibu wa Sheria
    hii, majukumu ya CHAMA ni pamoja na kuisaidia Serikali katika maswala yanayohusu
    sheria, utekelezaji na utendaji wa sheria, na pia kulinda na kusaidia umma katika masuala
    yote yanayoambatana na yanayohusiana na sheria- kwa kifupi, utekelezaji wa mfumo wa
    sheria na wa utawala bora". Mwisho wa kunukuu

    Je wako tayari kuwapeleka Askari waliouwa Mahakama kusaidia familia zilizoathirika na
    uongozi mbovu wa polisi kwani yawezekana familia hizi
    zisiwe na uwezo wa kugharamia wanasheria?
     
  3. m

    mmakonde JF-Expert Member

    #3
    Jan 10, 2011
    Joined: Dec 26, 2009
    Messages: 967
    Likes Received: 4
    Trophy Points: 0
    TANGANYIKA LAWLESS SOCIETY na CHAMA kumbe vitu viwili tofauti???????
     
Loading...