Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Wanaoishi nje ruksa kushiriki Miss Tanzania

Discussion in 'Habari na Hoja mchanganyiko' started by BAK, Feb 29, 2008.

  1. BAK

    BAK JF-Expert Member

    #1
    Feb 29, 2008
    Joined: Feb 11, 2007
    Messages: 50,059
    Likes Received: 9,763
    Trophy Points: 280
    Wanaoishi nje ruksa kushiriki Miss Tanzania
    Deus Gabone
    Daily News; Thursday,February 28, 2008 @05:40

    WATANZANIA walioko nje ya nchi wamepewa ruksa ya kushiriki mashindano ya Miss Tanzania. Ruksa hiyo imekuja baada ya Kampuni ya Kimataifa ya burudani (INCE) ya Canada kupewa kibali cha kuandaa mashindano hayo yatakayojulikana kama Miss Tanzania Canada.

    Akizungumza na gazeti hili leo Dar es Salaam Mratibu wa Miss Tanzania Hashim Lundenga alisema kibali hicho kwa kampuni hiyo kimetolewa kukidhi lengo kuu la mashindano hayo la kuitangaza Tanzania nje ya nchi kupitia mashindano hayo.

    Aliongeza kuwa, Watanzania hao wakiitumia vizuri nafasi hiyo ni rahisi kuitangaza nchi kimataifa kutokana na Watanzania wengi kuishi nje ya nchi.

    Alisema, Watanzania wanaoishi nje ya nchi wanaruhusiwa kuendesha mashindano yao ya urembo na kisha kutuma wawakilishi kushiriki Miss Tanzania. Lundenga alisema, warembo hao watakaopatikana watakuwa kwenye kanda ya Elimu ya juu.

    Hii si mara ya kwanza kwa fainali za Miss Tanzania kushirikisha washiriki kutoka nje, mwaka jana alishiriki Miss Tanzania-London Gladys Kalega ambaye alishika nafasi ya kumi kwenye fainali.

    Mashindano ya Miss Tanzania yanatarajiwa kufanyika Julai mwaka huu. Mrembo anayeshikilia taji ni Richa Adhia aliyelitwaa mwaka jana.


     
Loading...