Wanajeshi wa tanzania wako juu ya sheria???!!!

[samirnasri]

Matukio ya wanajeshi kupiga raia yamekua yakiongezeka kadri siku zinavyosonga mbele bila hatua zozote za kisheria kuchukuliwa dhidi yao. Hapo nyuma waliwahi kupiga wafanyakazi wa dawasco walipokwenda kutimiza majukumu yao ya kikazi katika kambi moja ya jeshi. Jana mlimani tv iliripoti jinsi wanajeshi wa kambi ya kunduchi walivyopiga na kuwajeruhi raia kwa madai ya kuvamia eneo la jeshi. Diwani wa kunduchi alifika kambini hapo kwa lengo la kuongea na mkuu wa kambi ili kuwaokoa raia waliokuwa wamekamatwa lakini aliambulia maneno ya kashfa na kuambiwa asipeleke siasa jeshini na kuambiwa yeye ndiye anayewatuma. Baadaye alifanikiwa kuongea na mkuu huyo. Licha ya mlimani tv jana kuonesha picha za raia waliopigwa na kujeruhiwa vibaya, leo msemaji mmoja wa jeshi amenukuliwa katika taarifa ya habari ya jioni ya bbc idhaa ya kiswahili akisema hakukuwa na tukio lolote la kupigwa raia. Je hii ni sawa???