Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Wanafunzi 40 warudishwa masomoni UDSM

Discussion in 'Jukwaa la Elimu (Education Forum)' started by bampami, Jan 23, 2012.

  1. bampami

    bampami JF-Expert Member

    #1
    Jan 23, 2012
    Joined: Nov 5, 2011
    Messages: 4,121
    Likes Received: 283
    Trophy Points: 180
    ONGOZI wa Chuo Kikuu cha
    Dar es Salaam (UDSM)
    umewarejesha masomoni
    wanafunzi 40 kati ya 43
    waliosimamishwa na
    kuhojiwa kuhusu uchochezi wa vurugu na migomo chuoni
    hapo kwa kuwa hawana
    hatia. Aidha, umewakuta na kesi ya
    kujibu wanafunzi watatu
    waliohojiwa katika awamu
    ya kwanza ya mahojiano
    yanayoendelea kwenye Hoteli
    ya Blue Pearl, Ubungo Dar es Salaam na kuagiza
    wafikishwe mbele ya Kamati
    ya Nidhamu ya Chuo hicho,
    inayotarajiwa kukutana
    Februari 28, mwaka huu. Akizungumza na gazeti hili
    jana, Waziri Mkuu wa Serikali
    ya Wanafunzi wa Chuo hicho
    (DARUSO), Hassan Mustapha
    alisema miongoni mwa
    wanafunzi waliohojiwa na kukutwa na kesi ya kujibu ni
    Katibu wa Bodi ya Daruso,
    Shaibu Ado. “Lakini Ado anahaki ya
    kuwasilisha ushahidi
    mwingine kwa uongozi
    unaoendesha mahojiano ili
    hatua hiyo ya kujieleza kwa
    Kamati ya Nidhamu itenguliwe, kwa hiyo
    mabadiliko yanaweza
    kutokea endapo atafanikiwa
    kufanya hivyo kabla ya
    tarehe ya kikao hicho,”
    alisema Mustapha. Kwa mujibu wa Mustapha,
    walioachiwa huru walielezwa
    juu ya kutopatikana na hatia
    wakati mahojiano ya kila
    mmoja yalipomalizika. Kila
    aliyehojiwa na kutakiwa kurejea chuoni aliambiwa
    akachukue barua yake siku
    iliyofuata, akiwemo Rais wa
    Daruso, Kilawa Simon. Wengine waliotakiwa
    kuendelea na masomo chuoni
    hapo ni Naibu Spika wa Bunge
    la Wanafunzi, Mwalo
    Innocent, aliyefukuzwa
    Januari 09, mwaka huu na mawaziri waliokuwa
    wamesimamishwa; Yahaya
    Kiyabo (Fedha) na Kanyondo
    William (Mazingira na Maji). Naibu mawaziri
    waliorejeshwa ni Janeth
    Mwalupilo (Mawasiliano),
    Erick Mfugale (Michezo),
    Geofrey Steven (Katiba na
    Sheria) na wengine ambao Mustapha alidai kutokumbuka
    vizuri majina yao. “Hao ndio ninaowakumbuka
    kwa sasa, wengine kama
    Spika wa Bunge bado
    hawajahojiwa. Lakini
    mahojiano yanaendelea leo
    sasa huenda akawepo kwenye awamu hiyo ya pili,”
    alisema Mustapha. Uamuzi wa kufukuza
    wanafunzi 13 Januari 9,
    mwaka huu na
    kuwasimamisha wengine 186,
    ulitangazwa na Makamu
    Mkuu wa Chuo hicho, Profesa Rwekaza Mukandala baada ya
    wanafunzi hao kutuhumiwa
    kuchochea, kufanya vurugu
    na migomo iliyolenga
    kushinikiza wenzao 48
    waliofukuzwa Desemba 14, mwaka jana warejeshwe bila
    masharti.
     
  2. Mphamvu

    Mphamvu JF-Expert Member

    #2
    Jan 24, 2012
    Joined: Jan 28, 2011
    Messages: 10,393
    Likes Received: 573
    Trophy Points: 280
    Dah...
    Haya bwana!
     
Loading...