Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Wana CCM wanne Ludewa matatani kwa kumpinga mbunge wao

Discussion in 'Habari na Hoja mchanganyiko' started by Mzito Kabwela, May 28, 2010.

  1. Mzito Kabwela

    Mzito Kabwela JF-Expert Member

    #1
    May 28, 2010
    Joined: Nov 28, 2009
    Messages: 17,172
    Likes Received: 1,329
    Trophy Points: 280
    WACHAMA wanne wa chama cha mapinduzi (CCM) wilayani Ludewa mkoani Iringa wamekamatwa na afisa mtendaji wa kijiji cha Ilinindi kata Madilu humo Dennis Luoga kwa kosa la kumzuia mbunge wao wa jimbo la Ludewa Profesa Raphael Mwalyosi(pichani ) kufanya mkutano wa hadhara katika kijiji chao cha Ilinindi kwa kudai kuwa ameshindwa kutimiza ahadi zake

    Tukio hilo limetokea muda mfupi baada ya wananchi wa kijiji hicho kumfukuza mbunge wao Prof. Mwalyosi (CCM) ili asihutubie mkutano wa hadhara kijijini hapo kama njia ya kushinikiza kutekelezewa ahadi yao kwanza kama alivyo kuwa amepata kuwaahidi .


    Mmmoja kati ya viongozi wa madhehebu ya dini ambaye alikuwepo katika mkutano huo alimweleza mwandishi wa habari hizi kwa njia ya simu kuwa kitendo kilichofanywa na vijana hao si cha kiungwana kutokana na hatua yao ya kumkatia umeme mbunge huyo


    Alisema kuwa kabla ya mbunge huyo kufika eneo la mkutano kiliandaliwa kikundi cha kwaya kwa ajili ya kumwimbia mbunge huyo na kusifia utekelezaji wa Ilani ya CCM jambo ambalo wananchi wa eneo hilo walishindwa kuunga mkono hali iliyopelekea kufanya vurugu kwa kukata umeme ili kumzuia mbunge huyo kuwahutubia kabisa .


    “Sisi kama viongozi wa dini tumesikitishwa na hatua ya vijana hao ila bado tunawakumbusha wana siasa kujenga utamaduni wa kusema kweli ili kuepusha migogoro miongoni mwa jamii wanayoiongoza”


    Mmoja kati ya vijana hao wa CCM waliokamatwa kwa kumzuia mbunge huyo kufanya mkutano Evaristo Mhagama alisema kuwa Prof. Mwalyosi aliahidi kuwapelekea maji kijijini hapo (Ilininda), jambo ambalo hajalitekeleza hadi sasa.



    Aidha alisema hatua ya wao kumzuia ni kutokana na kushindwa kuwaongeza wahudumu wa afya katika dispensari ya Kijiji hicho, ahadi ambayo bado hajaitekeleza mpaka sasa japo kwaya hiyo ilionyesha kumpamba kwa kufanya kazi vizuri .


    “Tumechoka kupewa ahadi hewa,” alisema kwa hasira Luciana Nziku(63)mkazi wa Ilininda huku akiwa amefunga kanga kiunoni “toka tumekuchagua ulikuwa wapi mpaka unakuja leo?”


    Mbunge Mwalyosi alikwenda kijiijini hapo akiwa ameambatana na Mhe. Benard Libato - Diwani wa Madilu - ambaye naye licha ya kuwasihi wananchi hao wamsikilize mbunge wao walimkatalia kata kata.


    Wana CCM hao wa Ilininda, walioonekana dhahiri kuchoshwa na ahadi zisizo na utekelezaji, na ndipo walipoamua kuzima umeme na kumwamuru aondoe vipaza sauti vyake.


    Hata hivyo kutona na vurugu hizo kikundi cha Kwaya cha UVIKANJO kilichokuwa kitumbuize nacho kiligoma kuendelea kumwimbia mbunge huyo kwa kuhofia kichapo kutoka kwa wananchi hao wenye hasira kali .


    “Tutamwimbiaje mtu asiyetekeleza ahadi zake …kwa sasa hatupo tayari kuendelea kuimba tena”alisikika akisema mmoja wa wana UVIKANJO


    Wana CCM hao waliokamatwa na afisa mtendaji huyo Luoga na kuwekwa mahabusu ya kijiji kwa kutuhumiwa kumfanyia fujo mbunge wao ni pamoja na Deo Mgaya, Joseph Mlowe, na Evaristo Mhagama.


    Hata hivyo afisa mtendaji huyo wa kijiji Luoga alipohojiwa na mwandishi wa habari hizi kwa njia ya simu alisema kuwa kukamatwa kwa wananchi hao ni utekelezaji wa agizo la mbunge wao kutokana na wananchi hao kuonyesha nidhamu mbaya mbele yake .


    Mbunge wa jimbo hilo Prof. Mwalyosi amekanusha madai hayo na kuwa kama mtendaji aliwakamata aliwakamata kwa nafasi yake na sio kutumwa na yeye kama mbunge.


    Prof. Mwalyosi ambaye amekuwa akizunguka katika vijiji vya jimbo lake kwa lengo la kuhamasisha maendeleo na kuwaomba wananchi wamchague tena kipindi kijacho amekuwa akipambana na misuko suko mingi ikiwemo ya kuhojiwa juu ya ahadi zake .


    Alisema kuwa mradi huo wa maji ni mradi wa benki ya dunia ambao unatekelezwa katika vijiji 10 vya kila wilaya na kuwa kijiji hicho ni kimoja wapo na kuwataka wananchi hao kuwa na subira juu ya mradi huo


    SOURCE: Francisgodwin.blogspot.com
     
  2. Luteni

    Luteni JF-Expert Member

    #2
    May 28, 2010
    Joined: Jan 9, 2010
    Messages: 2,275
    Likes Received: 7
    Trophy Points: 0
    Najaribu kufikiria jinsi huyo mama aliyejifunga kanga kiunoni na hiyo kwaya kugoma kumuimbia mbunge, na vijana kuchomoa nyaya za umeme sipati picha kamili, ingawa hao waCcm hawakutumia njia sahihi ya kuzima umeme lakini ni ujumbe tosha kwa wanasiasa wetu hasa wanaodaganya wananchi kwa ahadi zisizotekelezeka kama za maisha bora kwa kila mtanzania.
     
  3. W

    WAMURUBHERE JF-Expert Member

    #3
    May 29, 2010
    Joined: Apr 21, 2010
    Messages: 337
    Likes Received: 4
    Trophy Points: 35
    mbunge hana mamlaka ya kisheria kutoa amri ya mtu kukamatwa,isipokuwa hakimu,mkuu wa mkoa na wilaya na mtu huyo kufikishwa kituo cha polisi kilicho karibu
     
Loading...