Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Wameshinda Igunga wameipoteza Tanzania!

Discussion in 'Chaguzi Ndogo' started by Kigarama, Oct 10, 2011.

  1. Kigarama

    Kigarama JF-Expert Member

    #1
    Oct 10, 2011
    Joined: Apr 23, 2007
    Messages: 2,476
    Likes Received: 8
    Trophy Points: 0
    CCM wameshinda kura za wapiga kura wa Igunga ila CHADEMA nao wameshinda Imani ya wapiga kura wa Igunga. Lakini vyama vyote viwili fedha waliyoitumia kwenye uchaguzi huo ni kubwa mno kiasi kwamba ni kama vile wameupalilia mchezo wa "aliye nacho" kuongezewa kwenye chaguzi zijazo nchini mwetu.

    Igunga ulikuwa ni uchaguzi wa kuijenga upya demokrasia yetu ili iwe tunu kwa taifa zima lakini hilo limeshindikana. Fedha zilizotumika (5bn?) kwenye uchaguzi huo ni nyingi kiasi kwamba zinazidi kwa mbali sana bajeti ya vyama hivyo kwenye wilaya ya Igunga na hata bajeti ya serikali kwenye wilaya hiyo.

    Leo hii vyama hivi viwili vinaweza hata kuwekeza milioni 100 kwa ajili ya ujenzi wa vyama vyao Igunga? Hapa ninachokiona ni kwamba wakiwapo "wenyewe" vyama hivi vitatumia mamilioni ya fedha kwa ajili ya "Ushindi wa chama", lakini papohapo huwa vyama vyao havina fedha vya kujenga chama kama ujenzi huo hauhusishi wakubwa wa vyama hivi. Vurumai ya vyama hivi kutumia fedha zote zile kwenye uchaguzi wa Igunga kumeleta faida gani kwa demokrasia ya Tanzania?

    Ni kweli kabisa CCM wameshinda kura na CHADEMA wameshinda Imani ya wana Igunga, lakini wameipoteza misingi ya Demokrasia makini Tanzania! Vyama hivi vimeweka msingi mpya ambao bila fedha hakuna kura!
     
Loading...