Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Wameinama, wameinuka wanaona haya haoo!

Discussion in 'Jukwaa la Siasa' started by BAK, Jan 31, 2008.

  1. BAK

    BAK JF-Expert Member

    #1
    Jan 31, 2008
    Joined: Feb 11, 2007
    Messages: 50,059
    Likes Received: 9,763
    Trophy Points: 280
    ...Ama kweli ukistaajabu ya hayawani utaona ya taahira! sijui anataka kumdanganya nani huyu? bora apelekwe Mirembe

    Posted Date::1/30/2008
    CCM yadai hoja ya ufisadi Benki Kuu Tanzania ni yao
    Tausi Mbowe na Habel Chidawali, Dodoma
    Mwananchi

    CHAMA Cha Mapinduzi (CCM) kimedai suala la uchunguzi kuhusu matatizo ndani ya Benki Kuu ya Tanzania (BoT) halikuibuliwa na wapinzani bali ni ya chama hicho.

    Akitoka taarifa ya Kamati Kuu ya CCM iliyokutana mjini Dodoma juzi kwa waandishi wa Habari, Katibu Mwenezi wa CCM, John Chiligati alisema jana kuwa suala la uchunguzi kuhusu mgogoro wa Benki Kuu ya Tanzania haukuibuliwa na wapinzani bali ilikuwa hoja ya CCM tangu mwanzoni mwa mwaka jana.

    Chiligati alisema Kamati Kuu ya CCM inasikitishwa na taarifa zinazotolewa na baadhi ya vyombo vya habari kuwa sakata la BOT liliibuliwa na wapinzani na kwamba si la kweli kwani rais alitoa tamko tangu mwanzoni mwa jana kabla ya wapinzani hawajaibua hoja hiyo.

    Wapinzani wanatumia hoja hiyo kujipatia umaarufu, wamekuwa wakisema kuwa upinzani ndio watu wanaoweza kuibua hoja zenye maslahi kwa Watanzania wakati si kweli, kwani CCM imekuwa ikishughulikia hayo tangu mwanzoni mwa jana na sasa suala hilo lilikuwa katika hatua za mchakato, alisema Chiligati.

    Alisema wapinzani walikuwa wakipitia wazo ambalo tayari lilikuwa linafanyiwa kazi kwa kutafuta mkaguzi baada ya kutangaza tenda kupata mkaguzi, hivyo hawana sababu ya kusema kuwa ni wao walioibua hoja hiyo.

    Chiligati alisema kamati hiyo imeiagiza serikali kuwachukulia hatua kali za kisheria ikiwa ni pamoja na kuwafilisi mali zao watu wote watu watakaobainika na Tume hiyo kuwa walijipatia fedha kwa njia zisizokuwa halali.

    Wakati huo huo kamati hiyo imefanya uteuzi wa viongozi wake katika kamati ya maadili baada ya ile ya kwanza kumaliza muda wake.

    Walioteuliwa katika kamati mpya ni Andrew Chenge , Pindi Chama na Yusuf Omar Yusuf ambao alisema kuwa wataanza kazi yao kuanzia sasa na watakuwa madarakani kwa kipindi cha miaka mitano kuanzia sasa.

     
  2. Bowbow

    Bowbow JF-Expert Member

    #2
    Jan 31, 2008
    Joined: Oct 20, 2007
    Messages: 545
    Likes Received: 2
    Trophy Points: 0
    walikua wapi muda wote huo? Hii inaonyesha kweli hii skendo imegusa kwenye nyeti za chama sasa inatafutwa njia ya kuhakikisha hoja inakuwa ya kwao kisha kujisafisha na atakuja mchekeshaji mmoja wa sisiem atasema "kama tulichukua hela kwa ajili ya uchaguzi iweje tena sisi weneyewe tujiumbue"?
     
  3. m

    mtambo Senior Member

    #3
    Jan 31, 2008
    Joined: Jan 14, 2008
    Messages: 112
    Likes Received: 0
    Trophy Points: 0
    kama hili skendo waliliibua wao mbona speaker (Mh Sita) na baadhi ya wabunge wa CCM walikuwa wanapinga kwamba hakuna kitu kama hicho wakati Dr Slaa alipokuwa anafichua uchafu huu?. Uchunguzi ulifuatia baada ya nchi wafadhili kama USA, UK nk kulivalia njuga suala hili. Lakini kabla ya hapo CCM walisema hizo ni kelele za mpita njia haziwasumbui kuwanyima usingizi.
     
  4. Icadon

    Icadon JF-Expert Member

    #4
    Jan 31, 2008
    Joined: Mar 21, 2007
    Messages: 3,588
    Likes Received: 7
    Trophy Points: 0
    Hizi story za BOT zimekuwa nyingi na kila moja wapo inakuja na spin yake, sijui lengo la hii habari ni nini asa, wakati report yenyewe haijawekwa hadharani.
     
  5. Nyani Ngabu

    Nyani Ngabu Platinum Member

    #5
    Jan 31, 2008
    Joined: May 15, 2006
    Messages: 65,125
    Likes Received: 16,071
    Trophy Points: 280
    Yaani wabongo tushasahau Richmond, Buzwagi, Mahalu, Ditto,.....gademu!!!
     
  6. Nyambala

    Nyambala JF-Expert Member

    #6
    Jan 31, 2008
    Joined: Oct 10, 2007
    Messages: 4,468
    Likes Received: 10
    Trophy Points: 135
    Hivi tutaendelea kuonwa wajinga hv mpaka lini?????????????
     
  7. I

    Interested Observer JF-Expert Member

    #7
    Jan 31, 2008
    Joined: Mar 27, 2006
    Messages: 1,188
    Likes Received: 95
    Trophy Points: 145
    Nyani, believe me, we are fanatics and sick upstairs! Sisi kujikomboa hasa inatakiwa kukomboa IQ zetu kwanza, lakini hii wanasema ni born-with!! Sasa ndiyo unakuja ule msemo tutakuwa hivi hivi!!
     
  8. K

    Koba JF-Expert Member

    #8
    Jan 31, 2008
    Joined: Jul 3, 2007
    Messages: 6,064
    Likes Received: 435
    Trophy Points: 180
    inasikitisha sana lakini ndio ukweli wenyewe,labda alikuwa amelewa nafikiri maana mtu mwenye akili sijui kama anaweza kuongea hivyo.
     
  9. YournameisMINE

    YournameisMINE JF-Expert Member

    #9
    Jan 31, 2008
    Joined: Aug 29, 2007
    Messages: 2,463
    Likes Received: 0
    Trophy Points: 145
    this is insanely insane........ukisoma sana hizi story unaweza kuchukua gobore kwenda kufanya massacre huko sijui wapi wanapokutania!!!! Oooooovyo.
     
  10. Lunyungu

    Lunyungu JF-Expert Member

    #10
    Jan 31, 2008
    Joined: Aug 7, 2006
    Messages: 8,827
    Likes Received: 29
    Trophy Points: 135
    Na Joyce Kassiki, Dodoma

    KAMATI Kuu ya Chama Cha Mapinduzi imeitaka
    Serikali kuwachukulia hatua kali za kisheria ikiwa ni
    pamoja na kufilisiwa mali wote watakaobainika
    kuhusika na ufisadi katika Benki Kuu ya Tanzania (BoT).

    Akizungumza na waandishi wa habari jana ,Katibu Mwenezi wa
    CCM, Kepteni John Chiligati alisema uamuzi huo
    ulifikiwa na wajumbe wa Kamati Kuu (CC) walikutana juzi
    mjini hapa chini ya Mwenyekiti wake Rais Jakaya Kikwete.

    Alisema lengo la kufilisi mafisadi hao ni kurejesha
    fedha za umma walizochukua katika benki hiyo kwa njia
    isiyo halali.

    Aidha alisema kuwa Kamati Kuu imeishauri Serikali
    kuiagiza tume iliyoundwa kuchunguza suala hilo
    inayoongozwa na Mwanasheria Mkuu wa Serikali, kutoa
    taarifa kwa umma mara kwa mara ili wananchi
    wajue maendeleo ya uchunguzi huo badala ya
    kusubiri kipindi cha miezi sita muda ambao umetolewa kwa
    tume hiyo kukamilisha uchunguzi huo.

    Bw. Chiligati alisema mtu wa kwanza
    kuibua hoja hiyo ni Rais Kikwete ambaye alinzisha
    ukaguzi ndani ya BoT mapema mwaka jana kabla ya
    wapinzani kutoa hoja wakati wa Mkutano wa Bunge la
    bajeti .

    Akizungumzia hali ya machafuko ya kisiasa nchini Kenya
    ambayo yamesababisha mapigano na mauaji baada ya
    kutangazwa kwa matokeo ya uchaguzi mwishoni mwa mwaka
    jana ,Bw. Chiligati alisema ,CCM imesikitishwa na hali
    inayoendelea nchini humo.

    “Mauji hayo na uharibifu wa mali unawaathiri wananchi
    wasio na hatia hivyo ni muhimu yakomeshwe
    haraka,”alisema Bw. Chiligati na kuongeza;

    “Kenya ni majirani zetu na ni mwanachama mwenzetu katika Jumuiya
    ya Afrika Mashariki hivyo uvunjaji wa amani uliopo
    huko unaathiri pia majirani zake kiuchumi, kiusalama
    na kuleta wasiwasi katika mustakabali mzima wa
    uanzishwaji wa Shirikisho la Afrika Mashariki”

    Alisema Kamati Kuu imetoa mwito kwa viongozi wa vyama
    vya siasa wa pande zinazovutana kutuliza jazba za
    wafuasi wao na kuwata kuacha mapigano badala yake
    watumie kikamilifu fursa ya mazungumzo
    ya kutafuta suluhu yanayoongozwa na Katibu Mkuu
    mstaafu wa Umoja wa Mataifa, Bw.Kofi Annan.

    Akizungumzia kupanda kwa bei za bidhaa mbalimbali madukani
    alisema Kamati Kuu imeilekeza Serikali kuchukua hatua zilizo ndani
    ya uwezo wake kudhibiti tatizo hilo kwani jambo hilo linachangia ugumu wa maisha kwa wananchi.

    “Japokuwa upandaji wa bei katika uchumi mkubwa wa
    Taifa umepungua kutoka asilimia 7.3 hadi
    asilimia 6.4 Oktoba mwaka jana , hali ya uchumi katika
    ngazi ya kaya inaonesha kwamba vitu madukani
    vimepanda bei,”alisema.

    Alisema Serikali ilielekezwa itafute mbinu za
    kudhibiti bei za vyakula ,vifaa vya ujenzi hususan
    saruji na bei za vitu vya matumizi mengine ya nyumbani.

    Kwa upande wa mikopo ya wajasiriamali, alisema kuwa
    katika kipindi cha pili ya utoaji mikopo hiyo,Serikali
    imeongeza wakopeshaji kutoka benki mbili hadi kufikia
    wakopeshaji 13 ambapo asasi mbalimbali za fedha
    zitahusika kutoa mikopo.

    Alisema awamu ya kwanza benki mbili ndizo zilizohusika
    na shughuli hiyo ambapo imesababisha wananchi wengi wa
    vijijini kushindwa kunufaika na mkopo huo wa Serikali
    wenye masharti nafuu.

    Alisema katika awamu ya pili, kila wilaya itaguswa na
    na shughuli hiyo itaanza kwa zile wilaya ambazo hazikuguswa
    katika awamu ya kwanza na kusema kuwa utaratibu wa
    awamu hii, utawashirikisha viongozi wa kata na vijiji
    kwa lengo la kuwaelewa wananchi wanaopewa mikopo ili
    waweze kufuatiliwa kwa ajili ya urejeshaji wa mikopo
    hiyo.

    Akizungumzia suala la maadili ya viongozi, alisema Kamati Kuu
    imeishauri Serikali kutazama upya maadili ya wale
    wanaotumia nyadhifa zao kwa manufaa binafsi.

    Iliamua kanuni na maadili ya CCM irekebishwe na
    viongozi wa chama hicho wametakiwa kuwa mfano bora
    katika kuonesha maadili hayo.

    Aidha alisema Katika kikao hicho kamati hiyo iliteua
    wajumbe wapya wa Kamati ya Maadili ambapo
    walioteuliwa ni Bw. Andrew Chenge, Bibi Pindi Chana
    Bw.Yusuf Omary na Bibi Fatuma Said Ally.

    Alisema kwa mujibu wa Katiba ya CCM, kamati hiyo inakuwa chini ya uenyekiti wa Mwenyekiti wa chama hicho Rais Kikwete ambapo Katibu Mkuu wa chama hicho ndiye Katibu wa kamati hiyo.
     
  11. Bubu Msemaovyo

    Bubu Msemaovyo JF-Expert Member

    #11
    Jan 31, 2008
    Joined: May 9, 2007
    Messages: 3,436
    Likes Received: 17
    Trophy Points: 135
    Kwa kweli kwanza hana aibu kabisa kama mtu mzima umechafua hewa mbele ya watoto ni wakati muafaka kukiri kwani watoto nao wanajua kwamba mzee kaachia ambacho huwa hawafanyi ni kuto kucheka kitu ambacho mtendaji utajua kwamba hawajasikia. Hoja ya BoT ni yao katika maana ya wao ndiyo wezi lakini aliyeibua ni Dr Slaa wa Chadema. Mtu akikwambia unayo hoja ya kujibu ile hoja ni yako unapaswa kuijibu. CCM wezi WAKUBWA
     
  12. Masanilo

    Masanilo JF-Expert Member

    #12
    Jan 31, 2008
    Joined: Oct 2, 2007
    Messages: 22,323
    Likes Received: 110
    Trophy Points: 160
    Excuse me.....kweli hii kali, namsubiria Makamba na Tinga Tinga wataongea upupu gani jamani hawa vipi akina Chilingati et al wako wazima kweli upstairs...natamani kutukana
     
  13. Bubu Msemaovyo

    Bubu Msemaovyo JF-Expert Member

    #13
    Jan 31, 2008
    Joined: May 9, 2007
    Messages: 3,436
    Likes Received: 17
    Trophy Points: 135
    Mwenzio imenibidi kutumia aina ya tusi kiutu uzima maana nimekereka sana. Hawa wanatufanya hatuna akili.... Hakika siasa ni mchezo mchafu sana
     
  14. Mtu wa Pwani

    Mtu wa Pwani JF-Expert Member

    #14
    Jan 31, 2008
    Joined: Dec 26, 2006
    Messages: 4,085
    Likes Received: 11
    Trophy Points: 135
    tuwe wa kweli hii ilikuwa na ajenda ilioibuliwa na CCM ila walitaka iwe ktk muundo mwengine basi.

    tuwasifu wapinzani hasa Dr Slaa kwa kuhakikisha kuwa CCM hawafuniki funiki kama walivyotaka basi.


    na suala la madini liko wazi ni la CCM ambapo mheshimiwa kikwete aliahidi kulifanyia kazi ila CCM walitaka kulifanya kivyao vyao na hapa asifiwe Kabwe kwa kulikomalia halipindishwi na kufanya wanavyotaka wao

    mwisho ss kwetu si muhimu nani kaibua ila muhimu ni kuhakikisha mali ya nchi yetu haliwi kijinga bila ya kuinufaisha nchi yetu hilo ndio muhimu kwetu

    tuache sifa sote na tuangalie ni vipi tutaweza kusaidia nchi yetu

    nnaomba kutoa mchango wangu
     
  15. Shukurani

    Shukurani JF-Expert Member

    #15
    Jan 31, 2008
    Joined: Oct 23, 2007
    Messages: 253
    Likes Received: 0
    Trophy Points: 0
    Ukisikia vichekesho ndiyo hivi sasa. Hivi Chiligati na akili zake zote pamoja na watoto wake wote alionao anaweza akasimama na kuongea upumbavu huu mbele za vyombo vya habari? sitaki kuamini kwamba ana matatizo ya akili,hii inaonyesha jinsi gani maji yalivyowakamba shingoni,pale bungen siku zile walipinga kwa nguvu zote kuwepo kwa suala hili,hata waziri Meghji naye alipinga kwa nguvu zote na Balali akakataa kujiuzuru akidai yeye ni msafi na BOT ni safi. Kulikoni leo Chiligati? Ovyoooooooooooooooooooooo
     
  16. BAK

    BAK JF-Expert Member

    #16
    Jan 31, 2008
    Joined: Feb 11, 2007
    Messages: 50,059
    Likes Received: 9,763
    Trophy Points: 280
    Hakisauliki kitu! Richmond na Buzwagi tunasubiri ripoti ya hizo kamati ili tuone watakuja na usanii wa aina gani. Dito huyu yeye kishawalipa wazazi bulungutu nadhani kesi ndiyo imeshafutwa. Mahalu bado tunafuatilia kesi iliyoko mahakamani. NN, ili awamu ya Watanzania kusahau kashfa mbali mbali ilikuwa mwaka 47! 2008 hatusahau kitu!
     
  17. M

    MkamaP JF-Expert Member

    #17
    Jan 31, 2008
    Joined: Jan 27, 2007
    Messages: 6,469
    Likes Received: 469
    Trophy Points: 180
    Hizi wanaleta kwa sababu wanajivunia amani
    Hapa kipigo kikitembea hakuna wakuja na majibu ya kipuuzi namna hii kufikiri wezako ni wapumbafu,wajinga .
     
  18. Kitila Mkumbo

    Kitila Mkumbo Verified User

    #18
    Jan 31, 2008
    Joined: Feb 25, 2006
    Messages: 3,344
    Likes Received: 41
    Trophy Points: 145
    Hawa sasa wanaanza kutia huruma; ndio kusema wote kule wameenda likizo ya kufikiri?
     
  19. G.MWAKASEGE

    G.MWAKASEGE Senior Member

    #19
    Jan 31, 2008
    Joined: Jun 29, 2007
    Messages: 153
    Likes Received: 1
    Trophy Points: 0
    Unajua problem ya chama tawala kwa ujumla wao huwaza kuwa there is nothing good that can come out of the opposition parties.
    Sasa haya imewashika kwa kuona kumbe upinzani pia ni usefull.
     
  20. Mpaka Kieleweke

    Mpaka Kieleweke JF-Expert Member

    #20
    Jan 31, 2008
    Joined: Feb 27, 2007
    Messages: 4,130
    Likes Received: 41
    Trophy Points: 145
    Kama hawa uwezo wao wa kufanya spining unaishia hapo basi jua hata maisha bora kuna siku watasema hiyo ilikuwa ajenda ya Kikwete na sio ya chama ....

    Kama mafisadi wanakaa na kuona njia ya kujisafisha ni kuandika ama kusema uongo na wanamtuma mtu ambaye awali nilikuwa namheshimu yaani chiligati kumbe naye hana tofauti na ze comedy -makamba basi huko hakuna tena .

    Haya halimashauri kuu NEC watakaa na kusema buzwagi wao ndio walimtuma Zittoo......
     
Loading...