Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Wahisani:Bajeti tuliyopewa ni tofauti na ile iliyosomwa Bungeni

Discussion in 'Jukwaa la Siasa' started by Babu Lao, Dec 7, 2010.

  1. Babu Lao

    Babu Lao JF-Expert Member

    #1
    Dec 7, 2010
    Joined: Nov 2, 2010
    Messages: 2,056
    Likes Received: 5
    Trophy Points: 135
    KUNDI la wahisani wanaochangia bajeti kuu ya Tanzania (GBS) limeibua kashfa baada ya kueleza kuwa serikali iliwapelekea bajeti tofauti na ile iliyopitishwa na Bunge Julai mwaka huu.Taarifa za kashfa hiyo ziliwekwa hadharani jana asubuhi na mwenyekiti wa wahisani hao, Svein Baera wa Sweden katika mkutano wa kitaifa wa mwaka wa majadiliano ya kisera na bajeti uliofanyika jijini Dar es salaam.
    Source: Mwananchi - Tuesday, 07 December 2010


    Waungwana hii imekaaje????
     
  2. M

    Matarese JF-Expert Member

    #2
    Dec 7, 2010
    Joined: Aug 30, 2009
    Messages: 514
    Likes Received: 4
    Trophy Points: 35
    Teh Teh, du wabongo noma, yaani wamechakachua hadi kwenye bajeti!
     
  3. NATA

    NATA JF-Expert Member

    #3
    Dec 7, 2010
    Joined: May 10, 2007
    Messages: 4,517
    Likes Received: 8
    Trophy Points: 135
    Hii ndio tanzania original hawa wanapaswa kuelewa kuwa hawa wa tz ni mwisho wa matatizo ya ukweli na uwazi duniani.
     
  4. Double X

    Double X Senior Member

    #4
    Dec 7, 2010
    Joined: Nov 4, 2010
    Messages: 184
    Likes Received: 0
    Trophy Points: 0
    Duu hii awamu ya nne ina mambo ya ajabu, yani mnawapiga fix mpaka wahisani, dawa yao hao ni wahisani kufuta misaada tu kwani sisi watu wa chini hatufaidika na chochote zaidi ya hao vigogo kuneemeka na misaada hiyohiyo, CLARKE na wenzako fanyeni kweli!!
     
  5. Sikonge

    Sikonge JF-Expert Member

    #5
    Dec 7, 2010
    Joined: Jan 19, 2008
    Messages: 11,397
    Likes Received: 186
    Trophy Points: 160
    Huwezi kuamini kuwa jamaa kila sehemu wanachakachua. mweeee!!!!!!!!!!!!!!!

    Mwandishi Wetu (Exuper Kachenje)
    KUNDI la wahisani wanaochangia bajeti kuu ya Tanzania (GBS) limeibua kashfa baada ya kueleza kuwa serikali iliwapelekea bajeti tofauti na ile iliyopitishwa na Bunge Julai mwaka huu.Taarifa za kashfa hiyo ziliwekwa hadharani jana asubuhi na mwenyekiti wa wahisani hao, Svein Baera wa Sweden katika mkutano wa kitaifa wa mwaka wa majadiliano ya kisera na bajeti uliofanyika jijini Dar es salaam.Sweden ndiyo inayoshikilia uenyekiti wa kundi hilo linalojumuisha taasisi za kimataifa na nchi mbalimbali zilizoendelea.

    Kuibuliwa kwa kashfa hiyo kunakuja wakati wahisani hao wakiwa wamezuia theluthi moja ya zaidi ya dola 800 milioni za Kimarekani ambazo zinatakiwa zichangie kwenye bajeti kuu ya 2010/11, wakiishinikiza serikali iharakishe utekelezaji wa programu ya mageuzi, yakiwemo ya mfumo wa usimamizi wa fedha za seikali.
    Akitoa hotuba yake ya ufunguzi wa mkutano huo wa siku tatu, Baera aliainisha maeneo sita kuwa ndiyo mhimili wa mjadala wao na serikali.
    "Napenda kuainisha maeneo sita ya ujumbe wetu ili kuweka sawa jukwaa la majadiliano yetu haya ya mwaka. Kuna tofauti kati ya bajeti iliyowasilishwa kwa bodi ya (Shirika la Kimataifa la Fedha) IMF na ile iliyopitishwa na Bunge Julai 2010," alisema Baera.

    Alisema bajeti ambayo serikali iliwasilisha kwa wahisani hao ilibeba "matumaini makubwa ya kuzaa matokeo mazuri na kufanywa kama sababu ya kupitisha matumizi makubwa ya fedha zitokanazo na mapato ya ndani".
    Baera alisema kuwa kukosekana kwa uwazi katika matumizi, vipaumbele, mapato na mfumo mzima wa fedha kunapunguza kuaminika kwa bajeti hiyo mbele ya wafadhili.

    Kwa mujibu wa wahisani hao, kumekuwepo na mtiririko wa athari katika bajeti katika miaka ya karibuni huku ikionyesha ongezeko kubwa la matumizi ya kawaida kuliko yale ya maendeleo.
    Kwa mujibu wa bajeti ya mwaka 2010/11 ambayo ni ya Sh11.1 trilioni, matumizi ya kawaida ya serikali ni Sh7.8 trilioni wakati fedha zilizotengwa kwa ajili ya shughuli za maendeleo ni Sh3.2 trilioni.
    Bajeti hiyo inaonyesha kuwa kati ya Sh11.1 trilioni, serikali ilitarajia kupata Sh6 trilioni kutoka katika vyanzo vya ndani, wakati inatarajia Sh2.8 trilioni kutoka kwa wahisani na mikopo. Fedha nyingine zinatarajiwa kutoka mikopo ya ndani, masharti ya kibiashara na ubinafsishaji.

    "Matumaini makubwa kupindukia katika bajeti hii na kutokuwepo kwa mikakati inayoeleweka ya kipaumbele katika matumizi katika hali inayoweza kutokea ya mapato madogo na ukosefu wa fedha, yanaweza kuondoa kuaminika kwa bajeti kama chombo cha ufanisi wa sera na mipango," alisema Baera.
    Zaidi ya hapo, ukweli kwamba bajeti hii tofauti ilipitishwa bila ya kuwepo mawasiliano ya awali na wabia wa maendeleo inaweka maswali kwenye ubora wa mazungumzo yetu ya sera na ubia. Tunatarajia kujadili suala hili kwenye sehemu muhimu ya bajeti.
    "Zaidi ya hapo, bajeti iliyotumiwa kuanzia mwaka jana iliendeleza mwenendo wa miaka ya karibuni ambako matumizi ya kawaida yanaendelea kupanda kwa kasi kuliko matumizi kwenye maendeleo."
    Kutokana na hali hiyo GBS imeitaka serikali kujipanga upya na kuweka mkazo katika kupunguza misamaha ya kodi ili kuweka uwiano na ufanisi sawa na nchi za kundi lake katika uchumi, hatua ambayo Baera alisema itapunguza pengo la bajeti linaloikabili Tanzania kila mwaka.

    Tayari GBS imebainisha kuwa bajeti ijayo inaweza kuwa na nakisi ya hadi Sh1 bilioni.
    Hata hivyo, Waziri wa Fedha na Uchumi, Mustafa Mkulo ambaye alishiriki mkutano huo, alipatwa na kigugumizi kujibu madai hayo ya GBS, akimkaribisha mwenyekiti huyo wa kundi la nchi wahisani aende ofisini kwake ili wazungumzie masuala hayo.
    "Kuna mengine yanazungumzika; Baera ninakukaribisha ofisini kwangu; mengine yanazungumzika ofisini," alisema Mkulo.
    Naibu kiongozi wa kambi ya upinzani bungeni, Zitto Kabwe alizungumzia kasoro hiyo jana akieleza kuwa imemshtua na kwamba ataifuatilia.

    Zitto, ambaye pia ni mbunge wa Kigoma Kaskazini na ambaye alihudhuria mkutano huo jana, alisema kambi ya upinzani itaunda kamati kulifuatilia suala hilo.
    Alisema pia watahoji suala hilo bungeni na kuitaka serikali iweke wazi kwa Watanzania ni bajeti ipi inayotumika kati ya iliyopitishwa na Bunge na ile iliyopelekwa IMF.

    "Huu ni mshtuko kwangu; hili limenishtua. Tutaunda timu ya kulifuatilia; tutalifikisha bungeni na kuihoji serikali ieleze ni bajeti ipi inayotumika. Ni ile iliyopitishwa na Bunge au iliyopelekwa IMF," alisema Zitto.
    Kundi hilo la nchi wahisni limesema kuwa linaunga mkono mkakati wa serikali wa Kilimo Kwanza na wa Jumuia ya Afrika Mashariki (EAC) kuhusu maendeleo ya kilimo, hifadhi ya chakula na kupunguza umasikini.

    MyTake: Ndiyo maana wananunua Mashangingi ya bei mbaya kama hawana akili nzuri vile. Wapo zaidi kujifikiria wao na si Taifa. Yaani matanuzi ni makubwa kuliko pesa ya maendeleo.
    Ukisoma juu utaona kuwa wanatengeneza bajeti mbili. Moja kwa ajili ya kuwapa Wazungu na nyingine kwa Wadanganyika. Nafikiri sasa hivi watakuwa wanahaha kuziba pengo la pesa waliyochota kwa ajili ya Uchaguzi. Ndiyo maana wanakuja na bajeti mbili ila wanasahau kuwa mchezo huu, Wazungu wameanza kuufanya miaka mingi sana. Wamedakwa kama watoto. Mkulo, aibu hiyoooo.........
     
  6. A

    A Lady Senior Member

    #6
    Dec 7, 2010
    Joined: Apr 28, 2009
    Messages: 103
    Likes Received: 0
    Trophy Points: 0
    Kuna wakati naishiwaga na maneno na nchi hii! mweeeeeeeee.
     
  7. Lu-ma-ga

    Lu-ma-ga JF-Expert Member

    #7
    Dec 7, 2010
    Joined: Sep 21, 2010
    Messages: 2,415
    Likes Received: 3
    Trophy Points: 0
    Wahisani wanatushangaza pale wanapogundua dubious za serikali halafu utasikia wamewapa muda wa kurekebisha mimi sielewi wahisani wanakuwa na lengo gani haswa.Ni bora wakaondoa fungu lao tubaki na kidogo chetu ili tupate muda wa kukatana mapanga na hawa kina RA
     
  8. Tiba

    Tiba JF-Expert Member

    #8
    Dec 7, 2010
    Joined: Jul 15, 2008
    Messages: 4,502
    Likes Received: 52
    Trophy Points: 145
    Hivi hii ilifanyika kwa makusudi au kwa bahati mbaya au kwa Uzembe? Kama ni kwa uzembe, kwanini Mkullo asiujuzulu? Kama ni kwa makusudi, haibu kubwa kwa serikali ya Kikwete!!! Ninaanza kuamini kwamba mambo yanaendeshwa kisanii sanii !!!!

    Tiba
     
  9. p

    pierre JF-Expert Member

    #9
    Dec 7, 2010
    Joined: Sep 3, 2010
    Messages: 211
    Likes Received: 1
    Trophy Points: 0
    Wanawapa mda wa kujirekebisha maana hapo na wao wamepata opportunity ya kutukaba zaidi,hivyo katika kipindi hiki cha kujirekebisha wanawaletea wataalamu wa kutengeneza bajeti nzuri au wataalamu wa kufuatilia kama kuna uwiano.Hawa jamaa ni wajanja na watatumia mwanya huo vizuri kuikandamiza serikali.Ni kama umemfumania mtu,siku ukitaka na wewe unamwingilia kwa gia kuwa usiponipa nitakusemea,naye kwa unyonge hata kama hataki atakubali ili yaishe.
     
  10. d

    dotto JF-Expert Member

    #10
    Dec 7, 2010
    Joined: Sep 29, 2010
    Messages: 1,714
    Likes Received: 13
    Trophy Points: 135

    Mpaka kieleweke ndo maana jamaa anaomba wakutane ofisini kwake faragha. Manake nini!!??
     
  11. Lu-ma-ga

    Lu-ma-ga JF-Expert Member

    #11
    Dec 7, 2010
    Joined: Sep 21, 2010
    Messages: 2,415
    Likes Received: 3
    Trophy Points: 0
    Wamezoea kufanya dubious kwa kila sehemu muhimu, hawana uoga ndiyo maana hata kura walizichakachua bila woga wamezoea hawa.Dawa yao ni kwa wahisani kuweka tight controls ambazo hazitawapa mwanya wa kuchakachua data.
     
  12. O

    Ogah JF-Expert Member

    #12
    Dec 7, 2010
    Joined: Mar 10, 2006
    Messages: 6,189
    Likes Received: 15
    Trophy Points: 135
    Ndio maana Mh Mkullo amemwambia huyo Baera kuwa hilo linazungumzika ofisini..............ili aende akamchakachue......Baera watch out!
     
  13. Lunyungu

    Lunyungu JF-Expert Member

    #13
    Dec 7, 2010
    Joined: Aug 7, 2006
    Messages: 8,827
    Likes Received: 29
    Trophy Points: 135
    Wahisani nao hovyo wana biashara zao kubwa tena za faida kwa Nchi zao sasa ujinga na fedheha kama hii ikifanywa na serikali hakika nao unakuwa umewapa mafasi kubwa kukuchezea.Ni aibu mno Membe kusimama au JK na kumwaga sifa za uongozi za CCM hii inapelekea hata sisi watu wenye heshima zetu kuzidi kudharaulika mbele ya wazungu.Kama serikali inachakachua unategemea nini toka kwa raia wake?Lakini pia sishangai sana maana baraza la mawaziri wako wenye vyeti vilee na JK wala hashangai ili mradi ni mwanamtandao na mwana CCM basi kazini tu
     
  14. Ndachuwa

    Ndachuwa JF-Expert Member

    #14
    Dec 7, 2010
    Joined: Mar 8, 2006
    Messages: 4,136
    Likes Received: 281
    Trophy Points: 180
    Wakiondoa fungu lao tutaweza kulipa Dowans? Au unataka nchi ipigwe mnada, usishangae mikoa ya Arusha, Mara na Kilimanjaro zikaangukia Kenya kama nchi itafilisiwa.
     
  15. Kiranga

    Kiranga JF-Expert Member

    #15
    Dec 7, 2010
    Joined: Jan 29, 2009
    Messages: 34,583
    Likes Received: 5,624
    Trophy Points: 280
    Na hata inayopitishwa bungeni si sawa na matumizi na mapato halisi.
     
  16. Tundapori

    Tundapori JF-Expert Member

    #16
    Dec 7, 2010
    Joined: Aug 12, 2007
    Messages: 496
    Likes Received: 23
    Trophy Points: 35
    inasikitisha sana kuona namna gani hili li nchi linavyoendeshwa. Kila mahali pamejaa usanii na ufisadi.
     
  17. N

    Nightangale JF-Expert Member

    #17
    Dec 7, 2010
    Joined: Dec 5, 2010
    Messages: 261
    Likes Received: 0
    Trophy Points: 0
    Ahaaaaa kumbe.... Ten percent here, there...magumashi kila kona.
     
  18. M

    Mfwatiliaji JF-Expert Member

    #18
    Dec 7, 2010
    Joined: Oct 5, 2007
    Messages: 1,326
    Likes Received: 3
    Trophy Points: 0
    Mkuu sidhani kama anaweza kumchakachua huyo Mswidi..huo usanii wanauweza na wamefanikiwa sana dhidi yetu wadanganyika tuu!!
     
  19. j

    jinalangu Member

    #19
    Dec 7, 2010
    Joined: Dec 7, 2010
    Messages: 17
    Likes Received: 0
    Trophy Points: 0
    Manake ni atampa kifumba mdomo. Aibu tupu
     
  20. j

    jinalangu Member

    #20
    Dec 7, 2010
    Joined: Dec 7, 2010
    Messages: 17
    Likes Received: 0
    Trophy Points: 0
    Hahahaha, kaaazi kweli kweli. sipati picha
     
Loading...