Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Wahariri waazimia kuendelea kusaka nyaraka za mafisadi

Discussion in 'Jukwaa la Siasa' started by mwanaizaya, Jul 23, 2008.

  1. m

    mwanaizaya Senior Member

    #1
    Jul 23, 2008
    Joined: Apr 26, 2008
    Messages: 134
    Likes Received: 0
    Trophy Points: 0
    Wahariri waazimia kuendelea kusaka nyaraka za mafisadi

    Na Reuben Kagaruki

    WAHARIRI wa vyombo vya habari nchini wameazimia kuendelea kutafuta nyaraka zinazohusiana na ufisadi na kuzichapisha kwa lengo la kufichua maovu yanayofanyika bila kuogopa vitisho.

    Msimamo huo ulitolewa jana na Mwenyekiti wa Jukwaa la Wahariri, Bibi Sakina Datoo, alipozungumza na waandishi wa habari kwenye mkutano wa wahariri uliofanyika Dar es Salaam ili kutoa tamko kuhusiana na tukio la makachero wa Polisi kuvamia ofisi za gazeti na MwanaHalisi na nyumba ya Mhariri Mtendaji wake, Bw. Saed Kubenea.

    "Tungekuwa hatutafuti nyaraka za siri, leo hii Tanzania tungekuwa wapi? Tunazitafuta kwa sababu tuna uchungu na nchi yetu, kazi yetu si kuwafurahisha watu wachache.

    "Tukiogopa kutafuta nyaraka za siri tutaonekana mafisadi ...tutafanya hivyo kwa sababu sisi ni Wazalendo tunaipenda nchi yetu," alisema, Bibi Datoo.

    Alisema kama waandishi wa habari wangeogopa kutafuta nyaraka za siri na kufichua ukweli, uozo wa mikataba ya Richmond, madini na Kiwira isingejulikana.

    Alisisitiza kuwa Jukwaa la Wahariri linapinga kitendo cha Polisi kuvamia ofisi za gazeti na MwanaHalisi na kufanya upekuzi hasa kwa kuzingatia kuwa waandishi wa habari wako mstari wa mbele kupiga vita rushwa.

    Alisema na kusisitiza kuwa Bw. Kubenea si mhalifu bali ni jasiri na mzalendo anayetetea nchi yake.

    Aliongeza kuwa kitendo kilichofanywa na Polisi kinaingilia uhuru wa vyombo vya habari kwa lengo la kuwatisha wanahabari ili waache kuandika habari muhimu.

    "Sisi kama wahariri tuna heshima zetu, sio kama wahalifu wa mitaani," alisema na kutoa mwito kwa wahariri kutoogopa kwani kufanya hivyo kutakwamisha maendeleo ya nchi.

    Baraza la Habari Tanzania (MCT) lilisema linaamini kuwa kitendo cha Polisi kuvamia ofisi za MwanaHalisi linahusiana na habari za uchunguzi ambazo zimekuwa zikiandikwa nalo.

    Chama cha Waandishi wa Habari Tanzania (TAJA), kilisema katika nchi yenye ufisadi mwandishi wa habari akilalamikiwa, nchi hiyo inakuwa imejaa vitendo vya kifisadi.

    Taasisi ya Vyombo vya Habari Kusini mwa Afrika (MISA-TAN), ilisema kitendo kilichofanywa na Polisi ni mlolongo wa matukio ya kukwamisha juhudi za upatikanaji habari.

    Kituo cha Msaada wa Sheria na Haki za Binadamu (HLRC), kilisema kitendo kilichofanya na Polisi kinawanyima wananchi haki ya kupata habari na alilitaka Jeshi la Polisi kuacha vitisho ili wananchi waendelee kupata habari muhimu.

    Asasi za Kiraia Zinazopigania Haki ya Upatikanaji Habari, ilisema Ibara ya 18 ya Katiba inawapa wananchi haki ya kupata habari. "Kitendo cha Polisi kuvamia ofisi za MwanaHalisi kinapindua Katiba," alisisitiza.

    Bw. Kubenea alisema gazeti lake halitaogopa kuandika habari za viongozi wasio waadilifu. "Sisi hatuogopi, tuna namba za akaunti za viongozi wote wanaojilimbikizia mali ndani na nje...hatutafuti akaunti ya mkulima wa korosho kule Mtwara au kahawa aliyepo Kagera," alisema

    Alisema hata Mkurugenzi wa Makosa ya Jinai (DCI), Bw. Robert Manumba, kama ana mashaka kuwa si mtu safi naye MwanaHalisi itamchunguza.
     
  2. Shy

    Shy JF-Expert Member

    #2
    Jul 23, 2008
    Joined: Nov 2, 2006
    Messages: 4,238
    Likes Received: 17
    Trophy Points: 0
    Ndio Mpaka Kwa Kuiba Na Kuhonga Watoa Nyaraka Hizo Ili Waweze Kuuza Magazeti Yao
     
  3. Gaijin

    Gaijin JF-Expert Member

    #3
    Jul 23, 2008
    Joined: Aug 21, 2007
    Messages: 11,849
    Likes Received: 17
    Trophy Points: 0
    umoja ni nguvu, ..........waanishi wa habari kuweni pamoja kutuhabarisha wananchi. ufisadi uliotawala nchi hii hauwezi kuondoka bila ya kazi zenu.
     
  4. Ochu

    Ochu JF-Expert Member

    #4
    Jul 23, 2008
    Joined: May 13, 2008
    Messages: 972
    Likes Received: 7
    Trophy Points: 35
    matokea yake CCM wametolea kauli tukio la kuvamia mwanahalisi kama vile wao ndio wasemaji wa jeshi la polisi. inasikitisha
     
  5. Mambo Jambo

    Mambo Jambo JF-Expert Member

    #5
    Jul 23, 2008
    Joined: Jul 11, 2008
    Messages: 1,097
    Likes Received: 18
    Trophy Points: 135
    Unaelekea wapi mkuu.
     
  6. Single D

    Single D JF-Expert Member

    #6
    Jul 23, 2008
    Joined: Feb 27, 2007
    Messages: 459
    Likes Received: 1
    Trophy Points: 35
     
  7. Selous

    Selous JF-Expert Member

    #7
    Jul 23, 2008
    Joined: Jan 13, 2008
    Messages: 1,305
    Likes Received: 10
    Trophy Points: 135

    Shy unamaanisha nini?
     
  8. Madela Wa- Madilu

    Madela Wa- Madilu JF-Expert Member

    #8
    Jul 23, 2008
    Joined: Mar 24, 2007
    Messages: 3,070
    Likes Received: 18
    Trophy Points: 135
    Uzuri wa kuenzi Rushwa ndo huo.

    Jana ulitoa Rushwa kuziba midomo watu; leo wapokea Rushwa kuwashughulikia wale wasiotaka kunyamaza, kesho Rushwa hiyo hiyo inapokelewa na watu kadhaa miongoni mwa watu wako kwa nia kukufunua makalio na kuonyesha aibu yako hadharani.
    Rushwa nyumbani kwao wapi??


    Huo ndo uzuri na utamu wa Rushwa.
     
  9. O

    Ogah JF-Expert Member

    #9
    Jul 23, 2008
    Joined: Mar 10, 2006
    Messages: 6,190
    Likes Received: 15
    Trophy Points: 135
    Madela....usipotee namna hiyo ndg yangu
     
Loading...