Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Waganga wa jadi marufuku kutangaza kuongeza nguvu za kiume

Discussion in 'JF Doctor' started by Rutashubanyuma, Dec 2, 2010.

  1. Rutashubanyuma

    Rutashubanyuma JF-Expert Member

    #1
    Dec 2, 2010
    Joined: Sep 24, 2010
    Messages: 61,428
    Likes Received: 492
    Trophy Points: 180
    Wednesday, 01 December 2010 | Na Hamad Amour (TSJ) na Kalonga Kasati

    SERIKALI imewataka waganga wa jadi kuondoa mabango ya matangazo katika maeneo mbalimbali nchini, yanayohusu kuongeza nguvu za kiume na mvuto wa kimapenzi.

    Tamko hilo, lilitolewa na Kaimu Mkuu wa Mkoa wa Dar es salaam, Chiku Galawa katika maadhimisho ya siku ya ukimwi Duniani ambayo kitaifa yalifanyika mkoani Morogoro na kimkoa katika viwanja vya Mnazi Mmoja jijni Dar es Salaam jana.

    Galawa alisema waganga hao, wanapaswa kuondoa mabango hayo kwa kuwa yanachochea watu kufanya mapenzi na wakati mwengine kufanya ngono ambazo si salama na kuambukizwa Virusi Vya Ukimwi (VVU).

    Alisema waganga wanaotaka kuweka mabango hayo, wanapaswa kulipia kodi na kupata kibali kutoka serikalini.

    Galawa alisema tafiti zinaonyesha Mkoa wa Dar es salaam, umeshika nafasi ya pili kwa maambukizi ya ukimwi kwa asilimia 9.3 na wanawake wameathirika kwa zaidi ya asilimia 10.2 ukilinganisha na wanaume ambao wameathirika kwa asilimia 7.3, zaidi ya wanaoishi vijijini.

    "Kuanzia leo, ninatoa tamko la kuondolewa kwa mabango ya matangazo ya waganga wa kienyeji kwani yamekuwa chanzo kikubwa cha kuchochea maambukizi ya ukimwi,"alisema Galawa.

    Alisema kuongeka kwa kumbi za starehe imetajwa kuwa chanzo cha kuongeza kwa kasi ya maambukizi ya UKIMWI.

    Katika hatua nyingine, alisema huduma kwa watu wanaoishi na Virusi Vya Ukimwi (VVU), zitaendelea kutolewa kama kawaida na kwa ufanisi zaidi, kama vile kutoa dawa za kurefusha maisha kwa wathirika.

    Wakati huohuo, Kaimu Mganga Mkuu wa Mkoa wa Dar es Salaam Hawa Kawawa aliwataka watu wajitokeze kwa wingi kupima afya zao.

    "Kwa sasa tuna jumla ya vituo 122, vikiwemo 68 vya serikali na 54 vya watu binafsi. Mashirika na asasi zisizo za kiserikali ambavyo vinatoa huduma za kupima VVU,"alisema Kawawa.

    Aliitaka jamii kubadili tabia na kuwa waaminifu ili kuepuka kuambukizwa VVU. Kauli mbiu ya mwaka huu ni ‘Huduma za ukimwi na haki za binadamu kwa wote.'
     
  2. s

    seniorita JF-Expert Member

    #2
    Dec 2, 2010
    Joined: Nov 1, 2010
    Messages: 674
    Likes Received: 4
    Trophy Points: 0
    Serikali ipunguze umaskini kwa Watanzania, maana kasi yote hii ya matangazo ni kutafuta fedha za kumudu maisha, watu wanaishi kwa ujanja wa kila aina....viagra haitoshi?
     
  3. B

    Bongemzito Senior Member

    #3
    Dec 3, 2010
    Joined: Nov 5, 2010
    Messages: 163
    Likes Received: 0
    Trophy Points: 0
    Hapo pointi ni kulipa kodi kwa serikali sio kupiga marufuku kwa kuwa wanaongeza maambukizi ya virusi vya Ukimwi.....wale wakilipa kodi wataruhusiwa waendeleza business zao kwani biashara hiyo sio haramu bado kwa iyo kuilipia kodi ni ruksa..
     
  4. Elli

    Elli JF-Expert Member

    #4
    Dec 3, 2010
    Joined: Mar 17, 2008
    Messages: 23,750
    Likes Received: 4,496
    Trophy Points: 280
    Dah! wametuweza!! HAAAAA
     
  5. MziziMkavu

    MziziMkavu JF-Expert Member

    #5
    Dec 3, 2010
    Joined: Feb 3, 2009
    Messages: 38,538
    Likes Received: 2,808
    Trophy Points: 280
    Mimi ninayo Dawa ya kuongeza Nguvu za kiume hata kama mtu amekuwa hafai hiyo dawa yangu inaweza kumsaidia ina nguvu sana hiyo dawa anayetaka ani ( PM) tafadhali.
     
  6. boma2000

    boma2000 JF-Expert Member

    #6
    Dec 5, 2010
    Joined: Oct 18, 2009
    Messages: 2,966
    Likes Received: 22
    Trophy Points: 135
    amefanya jambo la maana kupiga marufuku
     
  7. M

    MAKAH JF-Expert Member

    #7
    Dec 6, 2010
    Joined: Sep 27, 2010
    Messages: 1,599
    Likes Received: 3
    Trophy Points: 0
    hahaaaaa!!! majuzi mbeya mganga mmoja anayetamba kwa matangazo katika fms alipata kipigo cha mbwa toka kwa vijana fulani. kumbe vijana hao walinunua dawa ya kuongeza chaji kuwa marudufu toka kwa mganga huyo. walipo kwenda uwanjani haikuwa lolote wala chochote. ndipo walipomrudia mganga wao na kumpa kisago wakimlaani kuwa ni tapeli. CHUNGA MAMBO HAYA. kwa nin usitumie INJOY ya shellys ya hapa nyumbani na ambayo ina viwango.
     
  8. MAMA POROJO

    MAMA POROJO JF-Expert Member

    #8
    Dec 6, 2010
    Joined: Nov 22, 2007
    Messages: 4,971
    Likes Received: 11
    Trophy Points: 135
    Matangazo ya wachawi sasa basi, mbona hajatoa tarehe ya mwisho ya kuondolewa na adhabu kwa wachawi watakaokiuka kuyaondoa.
     
Loading...