Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Wabunge Tanzania Wasema Nchi inafilisiwa

Discussion in 'Habari na Hoja mchanganyiko' started by Pdidy, Apr 23, 2009.

  1. Pdidy

    Pdidy JF-Expert Member

    #1
    Apr 23, 2009
    Joined: Nov 22, 2007
    Messages: 25,574
    Likes Received: 1,624
    Trophy Points: 280
    Wabunge Tanzania Wasema Nchi inafilisiwa


    Jengo la Bunge Wednesday, April 22, 2009 7:31 AM
    WABUNGE wa Bunge la Jamhuri ya Muungano wa Tanzania wamechachamaa na kuelezea kukerwa kwao na kukithiri kwa utendaji kazi katika makaratasi badala ya utekelezaji wa vitendo.
    Baadhi ya wabunge hao walidai kuwa, hali hiyo inaweza kuifilisi nchi bila kuwepo kwa sababu za msingi.

    Hali hiyo ilijitokeza wakati Kamati ya Bunge ya Miundombinu ilipotembelea Bandari ya Dar es Salaam na kushuhudia mlundikano wa mizigo.

    Baadhi ya wabunge hao walielezea kutoridhishwa kwao na utendaji wa mamlaka ya Bandari nchini (TPA) na Mamlaka ya ukusanyaji wa mapato (TRA), kwa kutoonyesha juhudi za wazi za kupunguza msongamano katika bandari ya Dar es Salaam.

    Walidai kuwa, wakati Tanzania ina bandari nyingi kama Mtwara na Tanga lakini mkazo umewekwa katika bandari ya Dar es Salaam pekee jambo ambalo linasababisha msongamano wa mizigo.

    Akiongea wakati wa ziara hiyo Mbunge wa Lulindi Suleiman Kumchaya alisema hakuna sababu ya kuendelea kung’ang’ania kutumia bandari ya Dar es Salaam wakati kuna bandari nyingine.

    Alielekeza lawama zake kwa TPA na TRA kwa kutotumia bandari ya Mtwara ili kupunguza mlundikano wa mizigo katika bandari ya Dar es Salaam.

    Kumchaya bila kufafanua alisema kuwa, vitendo hivyo vinaweza kuifilisi nchi bila sababu na kushauri kufunguliwa kwa bandari ya Mtwara.

    “Sisi wote ni watanzania nawaambieni tutakuja kuifilisi nchi hii bila sababu zozote, hizi ofisi ni dhamana tu nendeni bandari ya Mtwara , ifungueni tuachane na kazi za kwenye makaratasi zisizo na ufanisi", alisema Kumchaya.

    Kwa upande wake Mwenyekiti wa kamati ya Bunge ya Miundombinu Mohamedi Misanga alisema kamati yake imepata malalamiko kutoka kwa wadau mbalimbali kuhusu msongamano wa mizigo katika bandari ya Dar es Salaam.

    Alisema kamati yake iliwahi kupata malalamiko kutoka Mamlaka ya bandari (TPA) kwamba TRA ndiyo imekuwa chanzo cha msongamano huo.

    Wabunge wa kamati hiyo waliiagiza TRA kuanza kutumia bandari ya Mtwara ili kupunguza msongamano wa mizigo, usumbufu na kuliongezea tija taifa.


    Kwa upande wake Meneja wa kituo cha kimataifa cha uondoaji wa makasha bandarini (TICTS) Fred Tranchart alisema mlundikano wa mizigo katika Bandari ya Dar es salaam unatokana na wateja wengi kutopenda kufuata utaratibu wa utoaji mizigo na kutafuta njia za panya kutoa mizigo yao.

    Akitoa taarifa kwa Kamati ya Bunge ya Miundombinu Tranchart alisema mizigo mingi yakiwemo makontena na magari imekuwa ikikaa bandarini kwa muda mrefu kutokana na baadhi ya wafanyabiashara kutafuta njia za mkato ili kukwepa kulipa ushuru.

    Alisema kwa sasa wana utaratibu mzuri wa kuondoa mizigo bandarini hapo ambao unampunguzia mteja kuzunguka na mafaili mkononi kwa kuwa wanatumia njia ya mtandao ambapo mteja anaweza kutoa mzigo kwa muda wa saa 24 toka ulipoingia nchini.

    Meneja huyo alisema pamoja na kuboresha huduma hiyo lakini wateja bado wamekuwa wakiacha mizigo yao bandarini hapo kutokana na ukwepaji huo wa kodi kwa kutumia muda mwingi kutafuta njia za panya.

    Tatizo la mlundikano wa mizigo katika bandari ya Dar es Salaam limekuwa sugu licha ya juhudi zinazochukuliwa na vyombo mbalimbali.

    Katika ziara yake katika Bandari ya Dar es Salaam mwaka huu, Rais Jakaya Kikwete aliagiza mamlaka husika kuongeza kasi ya kutoa mizigo ili kuuepsha usumbufu.

    Bandari ya Dar es Salaam imekuwa tegemeo kubwa la wafanyabiashara wa ndani na nje ya nchi hasa kutoka nchi za Jamhuri ya Kidemokrasi ya Congo, Zambia, Malawi na Burundi.
     
  2. K

    Kahinda JF-Expert Member

    #2
    Apr 23, 2009
    Joined: Feb 5, 2009
    Messages: 816
    Likes Received: 88
    Trophy Points: 45
    Sina uhakika kama kauli hizi ni za kweli au ndo harakati za uchaguzi zinaanza
    wananchi wageuzwe mabwege.
     
  3. Pdidy

    Pdidy JF-Expert Member

    #3
    Apr 23, 2009
    Joined: Nov 22, 2007
    Messages: 25,574
    Likes Received: 1,624
    Trophy Points: 280
    unakumbuka

    mchaka mchaka chinja ;mchaka mchaka chinja adili mselema hadija hadimselema hadija.......kaa chonjo kuwa makini
     
  4. Bluray

    Bluray JF-Expert Member

    #4
    Apr 23, 2009
    Joined: Mar 25, 2008
    Messages: 3,445
    Likes Received: 26
    Trophy Points: 135
    Wabunge wenyewe wavivu wa kufanya research, hili swala la kutumia bandari za Mtwara na Tanga ni long term solution, huwezi kutoa long term solution sehemu inayohitaji short term solution ili mambo yaende. Mbunge anataka watumie bandari ya Mtwara wakati Mtwara haina infrastructure? Anataka watumie bandari ya Mtwara kwa mizigo ya Dar? Na kaskazini mwa Tanzania? Na Rwanda, Burundi pamoja na Congo? Atawalipia gharama za usafiri kutoka Mtwara kurudi Dar? Na kuendelea kwingine huko?

    Tanzania nchi nzima inahitaji ku decentralize kutoka Dar.
     
  5. BAK

    BAK JF-Expert Member

    #5
    Apr 23, 2009
    Joined: Feb 11, 2007
    Messages: 50,074
    Likes Received: 9,781
    Trophy Points: 280
    Hawa Wabunge uchwara siku zote walikuwa wapi kuliona hili ambalo Watanzania tumekuwa tukilipigia kelele miaka chungu nzima!? :( Wao wenyewe wanachangia kwa kiasi kikubwa kuifilisi Tanzania kwa kulipwa mishahara na marupurupu manono ambayo hayakatwi kodi. Kama wana nia njema na nchi yetu wapunguze mishahara na marupurupu yao na kuhakikisha wanalipa kodi kuanzia mwaka ambao marupurupu hayo yaliongezwa kwa fujo. Wasilete za kuleta hapa kumbe nao ni wasanii watupu. Wanaona 2010 inakaribia sasa wanajidai kuitetea Tanzania! :( WIZI MTUPU!
     
  6. Sura-ya-Kwanza

    Sura-ya-Kwanza JF-Expert Member

    #6
    Apr 23, 2009
    Joined: Nov 17, 2007
    Messages: 557
    Likes Received: 1
    Trophy Points: 0
    Baada ya mwisho wa term zao tutaona nani mfilisi!
     
  7. Pdidy

    Pdidy JF-Expert Member

    #7
    Apr 23, 2009
    Joined: Nov 22, 2007
    Messages: 25,574
    Likes Received: 1,624
    Trophy Points: 280
    sasa jamani kwa nini tusianze kuwafanyia kazi hawa watalii wabunge wetu kazi kula per diem kila siku na mikutano isiyoisha
     
  8. Mujuni2

    Mujuni2 Senior Member

    #8
    Apr 23, 2009
    Joined: Jun 11, 2008
    Messages: 142
    Likes Received: 0
    Trophy Points: 33
    ili u-qualify kuwa mbunge ni sharti ujue kusoma na kuandika, what a pity? sasa kwa kigezo hicho mnategemea miujiza gani tuka kwao? neno "visibility study" ni msamiati tosha,ndio maana wanaishia kubwabwaja ili mradi wasikike maana 2010 imekaribia.Alamsiki
     
  9. BelindaJacob

    BelindaJacob JF-Expert Member

    #9
    Apr 23, 2009
    Joined: Nov 24, 2008
    Messages: 5,971
    Likes Received: 293
    Trophy Points: 180
    Nchi inafilisiwa?!Kwani wao kama watu muhimu kwenye serikali wako na walikuwa wapi wakati nchi inafilisiwa, hawaoni?!. Halafu wananchi wao tutasemaje?
     
  10. M

    MzalendoHalisi JF-Expert Member

    #10
    Apr 23, 2009
    Joined: Jun 24, 2007
    Messages: 3,842
    Likes Received: 91
    Trophy Points: 145
    Watz kweli tumejaa maneno mengi kuliko vitendo!

    sasa kutoa hiyo mizigo tunatakiwa maneno????
     
Loading...