Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Waandishi wasidhalilishe taaluma

Discussion in 'Habari na Hoja mchanganyiko' started by Shy, May 5, 2009.

  1. Shy

    Shy JF-Expert Member

    #1
    May 5, 2009
    Joined: Nov 2, 2006
    Messages: 4,238
    Likes Received: 17
    Trophy Points: 0
    MWANDISHI wa Habari, ni mtu muhimu kwa taifa na jamii kwa ujumla,
    kutokana na mchango wake mkubwa katika kuelimisha, kuasa, kuonya na
    kuhabarisha matukio mbalimbali, yanayotokea katika dunia, lakini pia
    huweza kuwa mchonganishi na mfitini, iwapo atashindwa kuzingatia
    maadili ya kazi yake.

    Hapa nchini, kumekuwa na habari nyingi zinazoandikiwa kwa lengo la
    uvurugaji na uchochezi, kutoka jamii moja hadi nyingine, au kutokana
    na dini moja hadi nyingine, hata chama kimoja na kingine hali
    inayowafanya wasomaji wa habari hizo kudhani habari zilizoandikwa ni
    kweli na kuanzisha uhasama bila ya sababu za msingi.


    Magazeti mengi, waandishi wao wameshindwa kutumia busara na hekima na
    kuzingatia maadili ya uandikaji wa habari, kwa kuripoti habari ambazo
    kwa muonekano wa jamii, ni zenye kuchochea uhasama, ingawa waandishi
    wenyewe hawalioni hili.


    Vile vile, magazeti nayo kutokana na kujua uuzwaji wa gazeti siku hizi
    ni ushindani, wamekuwa wakikubali kuripoti habari hata ambazo huwa
    hawana uhakika nazo, ili mradi wanajua mapato kutokana na mauzo yake
    kwa siku hiyo yatakuwa makubwa.


    Tumeshuhudia magazeti yakiandika, kwa mfano habari za Mwenyekiti wa
    IPP, katika hali ya kuonyesha chuki dhidi ya watanzania wenye Asili ya
    Asia na kuwasomesha wasomaji, wasiojua chochote kuhusu sakala hilo au
    hata kutokuwa na chochote katika watu hao wawili !
    Mwandishi anatakiwa kuandika habari bila kushinikizwa, wala woga,
    ilimradi habari iwe ya kweli na yenye uhakika, lakini kupotosha kitu
    ambacho wengi wa wananchi walielewa ni nini kilichotokea, ilijenga
    kudhalilisha taaluma hii, ambayo ina mchango mkubwa kwa jamii na taifa
    kwa ujumla.


    Baadhi ya waandishi wamekuwa wakiandika ndani ya habari zao, majina
    kama, uchochezi , papa , Nyangumi , Fisadi na mengineyo ambayo
    'kamusi' za akili zao ziliwatuma kutumia hivyo, lakini bila wao
    wenyewe kujua wanajenga uadui na chuki kati ya wahusika na vyombo
    hivyo, kwa vile mtu yeyote, apewapo sifa mbaya, hujisikia unyonge na
    kujenga chuki.


    Pia, waandishi wengine kwa kutaka kuuza magazeti yao, wamekuwa
    wakitaka tusema sifa kwa kuzikuza habari, kuonekana jambo la ajabu kwa
    kutafutia vichwa vya habari, wanavyohisi kusomeka na kukubalika kwa
    haraka na mnunuzi wa habari, bila kujua wanakwenda kinyume.
    Kwa kutambua waandishi wana wajibu mkubwa kwa jamii katika kutoa
    habari na kuelimisha umma, hawana budi kuzingatia maadili na haki
    zitakiwavyo katika kuandika habari, kwa kuzingatia kuwa, habari hizo
    husomwa na watu mbalimbali, iwapo zitakuwa zenye malengo mabaya, ni
    rahisi kuhamasisha watu wanaoitilafiana katika habari hizo, kuweza
    kudhihiri chuki zao bayana.


    Wengi watakubaliana nami kuwa, hata mgogoro wa Reginald Mengi na
    Rostam pamoja na wengine umekuzwa sana na vyombo vya habari kwa
    kuripoti maelezo toka pande zote zenye malumbano, zenye kejeli na
    tuhuma nzito, jambo linalopelekea wawili wanaogombana kuendeleza chuki
    na mfarakano baina yao.


    Kutokana na kuidhalilisha fani hii, kwa kuandika habari kwa mtindo wa
    bora linunuliwe, ndio maana jamii huwa wanaowagopa waandishi, kiasi
    cha kuwaita 'wambeya' na 'wadaku', kwa nini? Kwa sababu, kwa sikiu za
    hivi karibuni habari nyingi huwa hazina malengo yoyote, zaidi ya
    kupandikiza chuki na kupotosha umma. Turejeshe hadhi ya taaluma kwa
    kuandika habari za kweli, kamilifu na zisizo na upendeleo.
     
Loading...