Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

VURUGU ARUSHA-Waandishi wa Habari Arusha watoa siku 7 kwa Polisi kuomba radhi

Discussion in 'Habari na Hoja mchanganyiko' started by Mathias Byabato, Jan 6, 2011.

  1. Mathias Byabato

    Mathias Byabato Verified User

    #1
    Jan 6, 2011
    Joined: Nov 24, 2010
    Messages: 861
    Likes Received: 5
    Trophy Points: 35
    Tumetumiwa kwenye email zetu



    Ndugu Waandishi wa Habari

    CHAMA cha Waandishi wa Habari Mkoa wa Arusha (APC), kinalaani,kwa
    nguvu zake zote, matukio ya askari polisi mkoani Arusha kuendeleza
    tabia ya kuwazuia na kuwapiga, waandishi wa habari wakati
    wakitekeleza majukumu yao halali.

    Mfano wa hivi karibuni ni tukio la Januari 5 mwaka huu, ambapo
    waanidishi wa habari habari mkoani Arusha wakiwa katika majukumu yao
    halali ya kufuatilia maandamano na mkutano wa Chama cha Demokrasia na
    Maendeleo(CHADEMA), walikumbana na kipigo kutoka kwa Polisi waliokuwa
    wakijaribu kuzuia vurugu zilizotokea.

    Pamoja na waandishi kujaribu kujitambulisha kwa kuonyesha vitambulisho
    halali,hakuna askari aliyejaribu kuwasikiliza na matokeo yake
    walikumbana na kipigo na wengine kuwekwa ndani kama vile ni wahalifu

    Hatua ya waandishi kufuatilia tukio hilo ilikuwa katika kutimiza
    majukumu yao ya msingi kabisa ya kuwahabatisha wananchi wnegine
    nchini ambao kwa namna moja au nyinbgine wasingeweza kufika au kuwa
    Arusha kwa wakati huo.

    Huo ni wajibu wa kwanza unaotambulika kikatiba na kila chombo
    kinapaswa kuuheshimu kama kweli nchi yetu inataka kujenga demokrasia
    ya kweli katika mfumo wa siasa uliopo nchini.


    Hata hivyo katika hali ambayo APC haikubaliani nayo askari polisi
    waliokuwa katika kulinda amani ikiwa ni pamoja na kuzuia maandamano
    hayo yasifanyike walianza kuwatisha waandishi wa habari wakiwa nje ya
    Hoteli ya Mount Meru. Hali ambayo ilionyesha kana kwamba waandishi wa
    habari nao walikuwa sehemu ya wanachama wa CHADEMA kitendo ambacho si
    kweli.

    Pamoja na maandamano hayo kufanyika kwa takribani kilomita mbili hivi
    waandishi wa habari waliendelea kupiga picha na kukusanya taarifa zao
    ikiwa ni pamoja na kufuatilia kwa karibu nyendo zote za maandamano
    hayo. Lakini katika mazingira ya yaliyoleta utata pamoja na kwamba
    askari polisi walikuwa wakiowana waandishi wa habari mbele ya
    maandamano wakiwa na zana zao za kazi.

    Pamoja na hali hiyo bado askari polisi walidiriki kuanza kuwapiga
    waandishi wa habari huku wakiwatishia kuwanyang’anya kamera na vitabu
    vyao. Hata hivyo hali bado iliendelea kujitokeza kwa waandishi wa
    habari waliokuwa wakisubiria mkutano wa viongozi wa CHADEMA ktaika
    hoteli moja, ambapo bado askari polisi waliwakamata kwa tuhuma za
    kupiga picha wakati Dk. Slaa akiwa anakamatwa.

    Waandishi hao walikamatwa na kufikishwa kituoni na kamera zao
    kuchukuliwa kisha kufutwa picha zote zilizokuwa zimepigwa,

    MSIMAMO WA APC

    Kutoka na mazingira hayo Chama cha Waandishi wa habari mkoani wa
    Arusha kinatambua na kuheshimu kwamba jeshi la polisi ni moja ya
    vyanzo vikubwa vya upatikanaji kwa taarifa kwa waandishi wa habari.

    Pamoja na kutambua hilo APC inaelewa mahusiano mazuri yaliyopo,kwa
    muda mrefu kati ya Jeshi la Polisi na Waandishi wa habari mkoani
    Arusha na ushirikiano uliodumu kwa muda mrefu sasa.

    Hata hivyo, kutokana na mazingira hayo ya Januari 5, 2011 ya kuonyesha
    kukamiana yaliyofanywa na baadhi ya askari polisi, APC inatoa muda wa
    wiki moja kwa jeshi hilo mkoani Arusha kuchukua hatua za haraka za
    kurekebisha kasoro zote hizo.

    Hatua ambazo Jeshi hilo linapaswa kuchukua ni pamoja na kuwaomba radhi
    waandishi wa habari kwa usumbufu na maumivu ya kupigwa waliyoyapata
    wakati wakiwa wanafanya kazi zao halali.

    Pili APC, inatoa tamko kuwa endapo msamaha huo hautatolewa katika
    kipindi hicho basi tutalazimika kuangalia upya mahusiano na
    ushirikiano wetu na Jeshi la Polisi na ikiwezekana kusitisha kabisa
    ushirikiano wa aina yoyote mpaka kila upande utakapozingatia umuhimu
    wa mwenzake.

    Tatu,tungependa kuona askari waliohusika kwa makusudi katika
    kuwadhalilisha waandishi wa habari,ambao wanafahamika hata kwa majina,
    wanachukuliwa hatua zinazostahili ikiwa ni pamoja na kulipa fidia
    waandishi waliodhurika na kuharibiwa vifaa vyao vya kazi.

    Ni utamaduni wa APC wa kuepuka kulumbana au kutofautiana kwa namna
    yoyote na wadau wetu Jeshi la Polisi likiwamo, lakini kamwe hatutakaa
    kimya tukiona tunadharauliwa na kunyanyaswa mbela ya jamii wakati
    tunatekeleza majukumu yetu

    tuko tayari kushirikiana na mdau yeyote anayejali kazi zetu
    tunazofanya kwa weledi na kamwe hatutamwogopa mtu, taasisi au mdau
    yoyote mwenye nia ya kutunyamazisha kwa sababu zake binafsi.

    Inawezekana iwapo kila mmoja atatimiza wajibu wake.


    Imetolewa na

    ARUSHA PRESS CLUB

    6th January,2011
     
  2. W

    We can JF-Expert Member

    #2
    Jan 6, 2011
    Joined: Sep 4, 2010
    Messages: 676
    Likes Received: 4
    Trophy Points: 35
    Wamwulize yule WAZIRI aliyegombana na waandishi wa habari siku za nyuma! Waandishi wa habari wakiamua kuandika tu negatives za askari, watajijimbia. Utakuta picha zao wakikojoa, wakijisaidia, wakifanya ngono, nk. Zingine nzuri hazitaandikwa....

    Mbona POLISI mmefikia/kufikishwa hapo?

    Hii nayo iongezwe kwa OKAMPO
     
  3. Kishongo

    Kishongo JF-Expert Member

    #3
    Jan 6, 2011
    Joined: May 4, 2010
    Messages: 932
    Likes Received: 2
    Trophy Points: 0
    Poleni waandishi.
    Yaliyowapata kwa vyovyote yalifanywa na askari wachache.
    Mnastahili kuombwa radhi.
    Polisi wetu ni wasikivu, watawasikiliza na kumaliza tofauti zilizojitokeza.
    Tuko pamoja nanyi.
     
Loading...