Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Vikongwe wafunga ndoa ya kihistoria Rukwa

Discussion in 'Celebrities Forum' started by sulphadoxine, Jun 20, 2011.

  1. sulphadoxine

    sulphadoxine JF-Expert Member

    #1
    Jun 20, 2011
    Joined: Nov 1, 2010
    Messages: 2,265
    Likes Received: 4
    Trophy Points: 135
    Mussa Mwangoka,
    Sumbawanga
    WAZEE wawili wakazi wa Mji wa Namanyere wilayani Nkasi, mkoani Rukwa, wameandika historia ya pekee ndani na nje ya nchi kwa kufunga ndoa wakiwa na umri mkubwa kuliko kawaida.

    Wazee hao, Mathias Kisokota (94) na Uria Mwimanzi (80) walifunga ndoa hiyo ya kihistoria katika Kanisa Katoliki la Mtakatifu Antony, Parokia ya Namanyere wilayani Nkasi mkoani Rukwa.

    Ibada ya ndoa hiyo iliyofungwa jana, iliongozwa na mapadri wawili ambao ni Paroko wa Parokia hiyo, Padri Katindi na Twamba Peter.Ndoa hiyo ilivuta hisia za watu wengi kiasi cha kufurika katika kanisa hilo kwa lengo kushuhudia wazee hao wakifunga ndoa.

    Kabla ya Ibada hiyo kufanyika nyakati za saa tisa mchana, gumzo katika Mji wa Namanyere, Sumbawanga na Mpanda ilikuwa ni juu ya kufungwa kwa ndoa hiyo ambapo wakazi wa mjini humo walisikika wakieleza kuwa hii itakuwa historia kwa wazee kufunga ndoa wakiwa na umri mkubwa kiasi hicho.

    Wazee hao ambao wamefunga pingu za maisha kwa kuamua kuwa mwili mmoja kama maandiko ya vitabu vya dini yanavyoeleza, wana watoto wapatao 10 na wajukuu zaidi ya 50 ambapo walianza kuishi pamoja miaka 35 iliyopita baada ya kufariki mke wa kwanza aitwaye Agnes Kasinsila.

    Hata hivyo baada ya mzee Kasokota ambaye ni Mkatoliki kuanza maisha mapya Uria anayesali Kanisa la Moravian mpaka sasa, waliendelea kusali kama kawaida, lakini wakikosa baadhi ya huduma za kanisa.

    Katika mahubiri yake kanisani hapo, Padri Twamba alisema kuwa hiyo ni changamoto ya uwokovu hasa kwa vijana kubadilika kitabia na kutenda matendo mema na ya kumpendeza mwenyezi Mungu hasa kipindi hiki ambacho Jimbo Katoliki Sumbawanga linajiandaa kusherekea Jubilee ya miaka 125 tangu kuanzishwa kwake.

    "Hii ni changamoto ya uokovu hasa kwa vijana kubadilika kitabia na kutenda matendo mema ya kumpendeza Mungu..... ni faraja kwetu katika umri wa wazee hawa wameamua kufanga ndoa, tena kipindi ambacho tunajiandaa kusherekea Jubilee ya miaka 125 tangu kuanzishwa kwa jimbo
    letu," alisema Padri Twamba.

    Mjomba wa wazee hao ambaye ndiye msemaji wa familia hiyo, Filibert Lumbert alisema wazee hao pamoja na kwamba wameanza kupoteza baadhi ya kumbukumbu muhimu katika akili zao, lakini walisisitiza kila mara
    kwamba lazima wafunge ndoa kanisani ili waweze kupata huduma zote muhimu za kanisa kama ilivyo kwa Wakristo wengine hususani Wakatoliki.

    Huduma ambazo wamekuwa wakizikosa ni pamoja kupokea mwili wa Kristu (Sakramenti takatifu) na pia waliamini wakiendelea na maisha ya bila ndoa wanaweza kuzikwa nje ya makaburi ya Wakristo wakatoliki kitu ambacho si sahihi kwao.

    Hata hivyo ndoa ya wazee hao ambayo ilifana sana, sherehe zake hazikuishia kanisani badala yake zilikwenda hadi ukumbini ambako watu waliwapongeza kwa kuamua kufanya tendo hilo muhimu katika maisha ya binadamu.
     
  2. Bujibuji

    Bujibuji JF-Expert Member

    #2
    Jul 25, 2011
    Joined: Feb 4, 2009
    Messages: 27,183
    Likes Received: 5,430
    Trophy Points: 280
    Sumbawanga kuna vibweka
     
  3. l

    lauti Member

    #3
    Jul 25, 2011
    Joined: Oct 28, 2010
    Messages: 94
    Likes Received: 0
    Trophy Points: 0
    Mkuu leo?isha expiry hii story jaman!
     
  4. Gama

    Gama JF-Expert Member

    #4
    Jul 25, 2011
    Joined: Jan 9, 2010
    Messages: 6,918
    Likes Received: 272
    Trophy Points: 180
    Lete picha
     
  5. Gwamahala

    Gwamahala JF-Expert Member

    #5
    Jul 25, 2011
    Joined: Jul 29, 2009
    Messages: 3,224
    Likes Received: 518
    Trophy Points: 280
    Kwangu ni mpya mkuu!
     
  6. Chimunguru

    Chimunguru JF-Expert Member

    #6
    Jul 25, 2011
    Joined: May 3, 2009
    Messages: 9,816
    Likes Received: 177
    Trophy Points: 160
    haya watani wangu POSUTA!!! aah tataitu kalesaaa!!! tehe naona mmeanza kutafuta rekodi za kuweka haya watani msininyime sute tu kwenye sherehe!!! pamoja na chikande ile nyama isiyo na damu tehe
     
Loading...