BAK
JF-Expert Member
- Feb 11, 2007
- 124,790
- 288,007
Date::5/26/2009
Vigogo walionunua magari ya wizi kujulikana leo
Na Sadick Mtulya
Mwananchi
WIZARA ya Mambo ya Ndani leo inatarajia kutangaza majina ya vigogo walionunua magari ya wizi kutoka nchi mbalimbali duniani ikiwemo Japani.Vigogo walionunua magari ya wizi kujulikana leo
Na Sadick Mtulya
Mwananchi
Habari zinadai kwamba zaidi ya magari 350,000 yalishaibwa nchini Japan yakiwa mapya na kwamba baadhi ya magari hayo yamuzwa zaidi ya mara moja kwa watu tofauti.
Taarifa zilizopatikana jana zilidai kazi ya kuwataja wahusika hao ilikuwa ifanyike jana, lakini ilishindika kutokana na baadhi ya nyaraka muhimu kuhusu watu hao kutofika Wizarani
Hivi karibuni polisi wa Kimataifa (Interpol) kwa kushirikiana na Idara ya Upelelezi wa Makosa ya Jinai na ubalozi wa Japan nchini waliendesha msako wa kukamata magari hayo ya kifahari.
Hali hiyo ilielezwa kuwaweka matumbo joto watu wanaomiliki magari kutokana na kutojua kitakachofuata .
Kuendeshwa kwa msako huo kunafuatia taarifa za kuwepo wimbi kubwa la wizi wa magari ambayo yanadaiwa kuwa yanauzwa katika nchi za Kiarabu na Afrika, ikiwemo Tanzania.
Habari zaidi zinasema kuwa magari hayo ya kifahari yakiwemo Toyota Land Cruiser, Prado, VX, GX, Lexus pamoja na Toyota Rav4 yamekuwa yakiibwa katika harakati za kupelekwa sokoni mara baada ya kuundwa na mengine yakiwa katika maeneo ya kuuzia magari.
Habari zinadai kuwa zaidi ya magari 350,000 yameshaibwa nchini Japan hadi sasa, yakiwemo magari ambayo wamiliki wake waliyauza na baadaye kusingizia yameibwa ili walipwe bima.
