Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Vigogo serikali waanza kuyanyemelea majimbo

Discussion in 'Jukwaa la Siasa' started by MwanaFalsafa1, Jun 15, 2009.

  1. MwanaFalsafa1

    MwanaFalsafa1 JF-Expert Member

    #1
    Jun 15, 2009
    Joined: Feb 26, 2008
    Messages: 5,566
    Likes Received: 15
    Trophy Points: 135
    Hekaheka za Uchaguzi Mkuu wa mwaka 2010 zimeanza kwa kasi katika majimbo saba yaliyopo mkoani hapa kwa baadhi ya vigogo wa taasisi za serikali kuanza kujiimarisha kiasiasa kwa jipitisha kwa wananchi kwa kutoa zawadi na fedha.

    Vigogo hao ambao ni wanachama wa Chama cha Mapinduzi (CCM), wamekuwa wakitumia misiba kama mitaji yao ya kujitangaza kwa watu wanaoishi kwenye majimbo hayo na kuweka wapambe na wapigadebe katika vitongoji na vijiji.

    Imebainika kuwa wapambe na wapigadebe hao wamekuwa wakifuatilia matukio mbalimbali kwenye maeneo hayo na kutoa taarifa kwa wanachama hao ambao ni wazaliwa wa Mkoa wa Mbeya.

    Inapotokea wanapata taarifa za misiba, wanachama hao ambao wameanza kujipanga kupambana na wabunge wa CCM kwenye kura za maoni za chama hicho, hujitokeza haraka haraka kwenye maombolezi na kutoa rambirambi na zawadi kama njia ya kuwashawishi wananchi ili wawachague.

    Majimbo yaliyoanza kuvamiwa kwa kasi na wanachama hao ni la Mbeya Mjini linaloongozwa na Mbunge Bensony Mpesya, Rungwe Magharibi, Profesa David Mwakyusa, Rungwe Mashariki, Prof.Mark Mwandosya, Mbeya Vijijini, Luckison Mwanjali, Mbozi Magharibi, Dk.Luka Siame, Songwe Dk.Guido Sigonda na Lupa, Victor Mwambalaswa wa CCM.

    Wanachama hao wamekuwa wakionekana wakifanya ziara za siri na kutoa misaada kwa wakazi wa majimbo yao huku wakieleza bayana kuwa lengo lao la kutaka kugombea ubunge.

    Katibu wa CCM Mkoa wa Mbeya, Albert Mgumba alipoulizwa na Nipashe alisema wanachama hao wanakiuka utaratibu wa chama hicho kwa kuanza mapema kujipitisha kwa wananchi kwa kuwa muda wa kufanya hivyo haujafika.

    Source: NIPASHE
     
  2. Mpita Njia

    Mpita Njia JF-Expert Member

    #2
    Jun 15, 2009
    Joined: Mar 3, 2008
    Messages: 7,014
    Likes Received: 17
    Trophy Points: 135
    UNAONEKANAJE ukifanya safari za SIRI?
     
Loading...