Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Vigogo CCM hali tete!

Discussion in 'Jukwaa la Siasa' started by Ex Spy, Aug 15, 2009.

  1. Ex Spy

    Ex Spy Senior Member

    #1
    Aug 15, 2009
    Joined: Jan 15, 2007
    Messages: 124
    Likes Received: 29
    Trophy Points: 45
    • Kikwete aongoza kikao cha maadili kwa usiri
    Imeandikwa na Habel Chidawali, Dodoma
    Gazeti la Mwananchi

    KAMATI ya Maadili ya CCM jana ilifanya kikao chake mjini hapa na kujadili mambo mbalimbali, ikiwa ni pamoja na kitendo cha baadhi ya vigogo wa chama hicho kuonekana kuwa mwiba mkali kwa serikali.

    Kikao hicho kilifanyika mjini hapa jana chini ya mwenyekiti wa CCM, Rais Jakaya Kikwete huku kukiwa na usiri mkubwa wa mambo ambayo yanajadiliwa.

    Kikao hicho kimefanyika siku moja kabla ya vikao viwili vikubwa kichama, yaani Kamati Kuu ambayo kikao chake kitafanyika leo na Halmashauri Kuu ya Taifa (Nec) kesho.

    Habari ambazo zililifikia gazeti hili juu ya kile kilichojadiliwa na kamati ya maadili, zilisema kwamba, walijadili kwa undani hali ya mvutano na upinzani ambayo inaonekana kushika kasi ndani ya CCM katika siku za karibuni na hata kuiweka serikali katika wakati mgumu.

    Kikao hicho cha maadili kwa kawaida kinakuwa na wajumbe wachache ambao idadi yao ni kati ya 12 na 13 na ndicho kikao pekee kinachotunza siri za chama ndani na nje na maamuzi yake huwa hayawezi kupingwa.

    Wajumbe wanaounda kamati hiyo ni pamoja na mwenyekiti wa CCM, katibu mkuu, manaibu katibu wa Bara na Zanzibar, makamu wenyeviti pande zote pamoja na marais wastaafu.

    Wengine ni pamoja na wajumbe wa kuteuliwa ambao kwa upande wa Bara ni Andrew Chenge na Pindi Chana, ambao waliwasili jana katika ukumbi huo majira ya mchana.

    Chanzo chetu ndani ya CCM kilieleza kwamba, moja ya mambo makubwa yaliyojadiliwa ni wabunge wa CCM kuishika pabaya serikali kuhusiana na utekelezaji wa maazimio ya Bunge juu ya kashfa ya utoaji wa zabuni ya kuzalisha umeme wa dharura kwa kampuni tata ya Richmond Development LLC.

    Mkutano wa Bunge uliomalizika hivi karibuni uliikataa ripoti ya serikali ambayo ilionekana wazi kumsafisha mkurugenzi wa Taasisi ya Kuzuia na Kupambana na Rushwa (Takukuru), Dk Edward Hosea pamoja na Mwanasheria Mkuu wa Serikali (AG), Johnson Mwanyika.

    Wabunge wengi wa CCM, wakishirikiana na wale wa upinzani waliweka wazi misimamo yao kwamba, serikali itoe upya ripoti ya utekelezaji wa maazimio hayo katika kikao kijacho cha bunge kitakachokuwa Novemba mwaka huu na iwapo hawataridhika nayo watatoa msimamo wao.

    Wabunge kadhaa walionyesha msimamo wa kutokuwa na imani na serikali kwa namna ilivyoshughulikia suala hilo, jambo ambalo linaweza kusababisha kuilazimisha serikali kujiuzulu na kuitishwa uchaguzi mwingine.

    Jambo jingine ambalo chanzo chetu kimetutaarifu kuwa lilijadiliwa kwenye kamati hiyo ya maadili ni mzozo ulioshika kasi hivi karibuni kuhusu vita ya ufisadi ambayo imewaparaganyisha viongozi wengi wa chama kimsimamo, wakiwemo makada wanaoheshimika.

    Suala hilo la ufisadi limeigawa CCM katika makundi mawili yanayohasimiana, moja likiwa ni la wale ambao wanapambana na ufisadi na ambao wamekuwa wakijionyesha hadharani na pili ni lile linalotuhumiwa kwa ufisadi, ambalo vita yake imekuwa ni ya chini kwa chini.

    Tayari baadhi ya wabunge walio mstari wa mbele kupambana na ufisadi wamelalamika kuwa, wanafanyiwa visa na kundi hilo la mafisadi, vikiwepo vitisho pamoja na mikakati ya kuhakikisha hawapitishwi au kushinda katika Uchaguzi Mkuu ujao.

    Hatua ya mwanasiasa mkongwe wa CCM, Kingunge Ngombale-Mwiru kufanya kikao na waandishi wa habari nyumbani kwake na kukemea viongozi wanaokikosoa chama hadharani, ni dalili mojawapo ya kwamba kikao hicho kingejadili ajenda hiyo.

    Ingawa Kingunge alifanya mkutano wake nyumbani kwake, lakini maandalizi yote yalifanywa na ofisi ndogo ya CCM na hata viongozi wa Umoja wa Vijana wa chama hicho waliohudhuria.

    Pia katibu mkuu wa CCM, Yusuf Makamba alinukuliwa juzi akidai kwamba, wale wote ambao wamekuwa wakikituhumu chama hicho kwa ufisadi lazima waondoke.

    Tofauti na siku nyingine, kwenye kikao cha jana kulikuwa na ulinzi mkali wa chama na waandishi walizuiwa hata kulikaribia jengo.

    Akizungumza na Mwananchi juzi, Makamba alisema kuwa, hawezi kuzungumza kitu chochote nje ya kikao, hivyo akasema hawezi kuanika hadharani agenda za kikao hicho.

    Kauli ya Makamba iliungwa mkono na ofisa habari wa CCM, Gabriel Athuman ambaye jana alizungumza na mwandishi wa gazeti dada la Citizen akisema kikao cha jana kingekuwa cha siri kubwa na akawatahadharisha waandishi kutofika wala kupiga picha.

    Majina ambayo yalitajwa kuwa yangeweza kujadiliwa ni pamoja na mbunge wa Nzega Lukas Selelii, Spika wa Bunge Samuel Sitta na Mbunge wa Ilemela; Anthony Diallo. Hata hivyo, Mwananchi haikuweza kuthibitisha habari hiyo.

    Kikao hicho kilipangwa kuanza asubuhi, lakini kikachelewa hadi saa 9:40 baada ya Rais Kikwete kuwasili.
     
  2. Bishanga

    Bishanga JF-Expert Member

    #2
    Aug 15, 2009
    Joined: Jun 29, 2008
    Messages: 15,349
    Likes Received: 29
    Trophy Points: 0
    Wacha tusubiri maamuzi ya Halmashauri Kuu kesho.
     
  3. K

    Kidatu JF-Expert Member

    #3
    Aug 15, 2009
    Joined: Jun 11, 2008
    Messages: 1,477
    Likes Received: 11
    Trophy Points: 135
    Kifo cha Nyani miti yote huteleza.
     
  4. Dark City

    Dark City JF-Expert Member

    #4
    Aug 15, 2009
    Joined: Oct 18, 2008
    Messages: 16,275
    Likes Received: 115
    Trophy Points: 160
    Kama na Andrew Chenge ni mjumbe pamoja na marais wastaafu (yaani BWM, Mzee Mwinyi na Komandoo) pamoja na Makamba basi matokeo ya kikao hicho ni rahisi kuyatabiri!
     
  5. Rabin

    Rabin Senior Member

    #5
    Aug 15, 2009
    Joined: Mar 21, 2009
    Messages: 176
    Likes Received: 16
    Trophy Points: 35
    Hata wakae kama kamati bado mambo yamewashinda, mawazo na fikra zao ni ya zamani wanataka kushindana na mawazo ya kizazi cha sasa, watatumia ubabe tu hakuna mpya hapo hata iwe siri vp.
     
  6. Selous

    Selous JF-Expert Member

    #6
    Aug 15, 2009
    Joined: Jan 13, 2008
    Messages: 1,305
    Likes Received: 10
    Trophy Points: 135
    Mbona kamati nzima haina moral support? Ila wakilikoroga tu, wamekisha.
     
  7. Dark City

    Dark City JF-Expert Member

    #7
    Aug 15, 2009
    Joined: Oct 18, 2008
    Messages: 16,275
    Likes Received: 115
    Trophy Points: 160
    Wanatuzuga tu, hawana lolote la maana watakalotuletea. Sana sana BWM ndo anazidi kupewa hifadhi ya kisiasa!
     
  8. P

    Patrick Nyemela JF-Expert Member

    #8
    Aug 15, 2009
    Joined: Nov 25, 2008
    Messages: 330
    Likes Received: 2
    Trophy Points: 35
    Huenda CCM ikameguka mwakani
     
  9. Mopao Josee

    Mopao Josee JF-Expert Member

    #9
    Aug 15, 2009
    Joined: Jul 15, 2009
    Messages: 280
    Likes Received: 0
    Trophy Points: 0
    watavaa ngozi mpya lakini nyama ni ileile
     
  10. Dark City

    Dark City JF-Expert Member

    #10
    Aug 15, 2009
    Joined: Oct 18, 2008
    Messages: 16,275
    Likes Received: 115
    Trophy Points: 160
    Hiyo ni ndoto. Tangu lini wasanii (opportunists) wakawa na msimamo?
     
  11. K

    Kakalende JF-Expert Member

    #11
    Aug 15, 2009
    Joined: Dec 1, 2006
    Messages: 3,260
    Likes Received: 19
    Trophy Points: 135
    Zaidi ya nusu ya CC wana tuhuma nzito za ufisadi, hapa tutegemee kauli za kujaribu kuwasafisha watu fulani au labda kujaribu kuahirisha mjadala ili wananchi wasahau.
     
  12. Mpita Njia

    Mpita Njia JF-Expert Member

    #12
    Aug 15, 2009
    Joined: Mar 3, 2008
    Messages: 7,014
    Likes Received: 17
    Trophy Points: 135
    Hii habari yenyewe imekaa kisanii mno
     
  13. Madela Wa- Madilu

    Madela Wa- Madilu JF-Expert Member

    #13
    Aug 15, 2009
    Joined: Mar 24, 2007
    Messages: 3,070
    Likes Received: 18
    Trophy Points: 135
    The whole kamati smells.
    Wanachakaza viti na kuumiza mataco yao tu.
    Kamati ya maadili imejaa wezi na wauaji, wataishia kujadili namna ya kulinda behind zao tu.
     
  14. Josh Michael

    Josh Michael JF-Expert Member

    #14
    Aug 15, 2009
    Joined: Jun 12, 2009
    Messages: 2,525
    Likes Received: 4
    Trophy Points: 135
    Hawana jipya hawa jamani walikaa vikao Butiama na kila wakati hakuna kitu kipya zaidi ya majungu
     
  15. Barubaru

    Barubaru JF-Expert Member

    #15
    Aug 15, 2009
    Joined: Apr 6, 2009
    Messages: 7,163
    Likes Received: 10
    Trophy Points: 0
    kila la kheir
     
  16. M

    Mzawa Halisi JF-Expert Member

    #16
    Aug 15, 2009
    Joined: Feb 25, 2009
    Messages: 495
    Likes Received: 8
    Trophy Points: 35
    Hata wakiwanyamazisha wana sisiemu wenzako, wananchi wengine hatunyamazi, tumeshawajua.....2010 Mpaka kieleweke
     
  17. Kite Munganga

    Kite Munganga JF-Expert Member

    #17
    Aug 17, 2009
    Joined: Nov 19, 2006
    Messages: 1,298
    Likes Received: 61
    Trophy Points: 145
    Hivi kweli safari hii JF mlioko Dodoma mmeshindwa kupata nyeti toka kwenye kikao chao?
     
  18. Nyambala

    Nyambala JF-Expert Member

    #18
    Aug 17, 2009
    Joined: Oct 10, 2007
    Messages: 4,468
    Likes Received: 10
    Trophy Points: 135
    Ukiona hivyo hamna mpya wala substance!!!!!!!!!!!
     
  19. N

    Nyauba JF-Expert Member

    #19
    Aug 17, 2009
    Joined: Jul 10, 2008
    Messages: 1,099
    Likes Received: 2
    Trophy Points: 133
    itakuwa msaada mkubwaa wa kukuza demokrasiaa nchini...
     
  20. M

    Mugo"The Great" JF-Expert Member

    #20
    Aug 17, 2009
    Joined: Oct 7, 2007
    Messages: 265
    Likes Received: 6
    Trophy Points: 35
    Sidhani kama sisiemu itameguka mwakani kwani ni kikundi ambacho kipo kwa ajili ya mshiko. Hivyo kama mgawanyo wa keki ya Taifa utaweza kuwanufaisha wote, basi tutarajie mshikamano zaidi utakaokuwa umejengwa juu ya fedha. Vilevile tutarajie ufisadi zaidi na zaidi.

    Pamoja na hayo yote, Taifa lipo kwenye njia muafaka katika mapambano dhidi ya Ufisadi.
     
Loading...