Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Uzuri wa kitu kwa nje si usalama wa ndani

Discussion in 'Jukwaa la Lugha' started by Anyisile Obheli, Mar 17, 2010.

  1. Anyisile Obheli

    Anyisile Obheli JF-Expert Member

    #1
    Mar 17, 2010
    Joined: Dec 13, 2009
    Messages: 3,294
    Likes Received: 8
    Trophy Points: 135
    Papai jama papai, lanipendeza machoni,
    Kwa yake rangi papai, halinitoki usoni,
    Hata nikifunga tai, nalisogeza mdomoni.
    Nikilikata papai, kumbe lishaaoza ndani

    Ukiliona ni zuri, machoni linavutia,
    Ni kwa yake rangi nzuri, mikononi ukilitia,
    Njano na kijani nzuri, na umbole vyavutia,
    Nikilikata papai, kumbe lishaoza ndani

    Yapo mapapai mengi, kwa zake rangi tofauti,
    Na mitaani kwa wingi, na hayahitaji suti,
    Pia sokoni ni mengi, tena hayana masharti,
    Nikilikata papai, kumbe lishaoza ndani.

    Ni mazuri sana kwa nje, shida yake kule ndani,
    Ukiyaona yalivyo nje, huna swali na ndani,
    Yanavutia sana nje, yanachefua kwa ndani,
    Nikilikata papai, kumbe lishaoza ndani
     
  2. Bavuvi

    Bavuvi Member

    #2
    Mar 18, 2010
    Joined: Mar 1, 2008
    Messages: 37
    Likes Received: 0
    Trophy Points: 13
    Papai la Afrika, vitamini limesheneni,
    Ukilikosa hakika, unyafuzi ndani mwilini,
    Kiswahili kimepunguka, peni naweka kabatini,
    Uozo tukiukwepa, unyafuzi utatuua.
     
  3. Anyisile Obheli

    Anyisile Obheli JF-Expert Member

    #3
    Mar 18, 2010
    Joined: Dec 13, 2009
    Messages: 3,294
    Likes Received: 8
    Trophy Points: 135
    pole sana ndugu pole, upendaye vya kuoza,
    tumbo kupiga kelele, kitandani lakulaza,
    na njaa isikukele, hata kula vya kuoza,
    kweli ongeza bidii, unyafuzi kuukwepa.
     
  4. M

    Mundu JF-Expert Member

    #4
    Mar 18, 2010
    Joined: Sep 26, 2008
    Messages: 2,713
    Likes Received: 19
    Trophy Points: 135
    anyisile wa obheli, mbona kwikwi kulikoni?
    umeipata asali, kuila waitamani
    sasa mbona wakejeli, kisa imeoza ndani
    ukimchunguza bata, huwezi kumla ndugu

    vile vinavyopendeza, wenzako wavisifia
    kwafujo wanavikuza, ndo mana vina mikia
    sasa wewe wavibeza, kisa vimejivundia
    ukimchunguza bata, huwezi kumla ndugu

    hata noti za thamani, bidhaa twanunulia
    zimepita pande gani, nawewe kukufikia
    hauziachi kwanini, bidhaa kujipatia
    ukimchunguza bata, huwezi kumla ndugu

    papai ni tunda tamu, lenye ladha maridhawa
    wenzako hatwishi hamu, tulilapo twapagawa
    twala hatujilaumu, hatuhitaji kunawa
    ukimchunguza bata, huwezi kumla ndugu

    kuna njia nyingi mno, za kutafuna papai
    hata ushike kiuno, utaona haifai
    kula utoe miguno, papai hutakinai
    ukimchunguza bata, huwezi kumla ndugu

    kula umechuchumaa, papai litaingia
    au kula umekaa, kitako kujikalia
    papai tunda balaa, utamu wa asilia
    ukimchunguza bata, huwezi kumla ndugu

    papai kama nanasi, twayala kila wakati
    kula kwataka nafasi, na kupanga mikakati
    vinginevyo hutapasi, utaja pigwa kibuti
    papai tunda adhimu, ukisusa sisi twala.
     
  5. Anyisile Obheli

    Anyisile Obheli JF-Expert Member

    #5
    Mar 19, 2010
    Joined: Dec 13, 2009
    Messages: 3,294
    Likes Received: 8
    Trophy Points: 135
    Ni ya kweli bwana Mundu, usichunguze ya bata,
    Hata kule kishumundu, wanajivunia bata,
    Wala hana ya utundu, kama ya mbuzi matata,
    Wa muhimu umakini, ili kuboresha afya.

    Mundu uwe na makini, papai na lake umbo.
    Usijesema maskini, na yamenikuta mambo,
    Likioza jalalani, usiliweke kwa tumbo,
    Wa muhimu umakini, ili kuboresha afya.

    Halifanani na bata, lenyewe mwili halina,
    Uchafu akila hata, matatizo ni hakuna,
    Ni halali kumla bata, papai kutofanana,
    Wa muhimu umakini ili kuboresha afya.

    Papai likishaoza, halifai kwa chakula,
    Ni heri kulichunguza, hata kabla hujalila,
    Maamuzi kugeuza, uozo usije kula,
    Wa muhimu umakini, ili kuboresha afya.

    Mimi bado naosia, uzuri wa kitu si nje,
    Tusipende kukisia, tena wala tusionje
    Na bomba twavisifia, tukishaviona kwa nje
    Wa muhimu umakini, ili kuboresha afya.
     
  6. Magulumangu

    Magulumangu JF-Expert Member

    #6
    Mar 19, 2010
    Joined: Jan 7, 2010
    Messages: 3,041
    Likes Received: 10
    Trophy Points: 135
    mi hapo sina changu,papai kulichambua,
    nililipata kitangu,mbolea iliumua,
    pozi papa lipo kwangu,wambea huwaumbua,
    kama lako bovu papa,i njoo uone langu,

    kwa nje linachanua,usukumani patia,
    kwa ndani pia ubua,kufunzwa ndiko papai,
    mkuu hili tambua,asili mia patia,
    kama lako bovu papa,i njoo uone langu,
     
Loading...