Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Uwanja Mpya Taifa na Jina Jipya

Discussion in 'Sports' started by Mfumwa, Feb 14, 2009.

  1. M

    Mfumwa JF-Expert Member

    #1
    Feb 14, 2009
    Joined: Aug 29, 2008
    Messages: 1,456
    Likes Received: 2
    Trophy Points: 133
    Wakati tunasuburi makabidhiano rasmi, na kama walivyoahidi kuwa watataja jina jipya leo. Nadhani jina sio muhimu sana, matunzo ndio muhimu kwa huu uwanja.

    Uwanja wa Taifa kubatizwa kesho
    na Nasra Abdallah

    HATIMAYE kitendawili cha jina la uwanja mpya wa soka uliopo Temeke, Dar es Salaam, kinatarajiwa kuteguliwa kesho, imefahamika jana jijini Dar es Salaam.

    Taarifa zilizopatikana jana kutoka Wizara ya Habari, Utamaduni na Michezo, zinasema kwamba Serikali ya Tanzania itatangaza jina hilo kesho katika ukumbi wa wizara hiyo.

    Habari hizo zinasema kwamba, Serikali ya Tanzania pamoja na China, zimeandaa hafla ya kuzindua jina hilo ndani ya uwanja huo, uliojengwa kwa gharama ya zaidi ya sh milioni 55.

    Uwanja mpya wa Tanzania, wenye uwezo wa kubeba watazamaji wasiopungua 65,000, walioketi, ulijengwa kuanzia mapema mwa miaka 2003 na Kampuni ya China, Beijing Construction.

    Uwanja huo, umetumika kwa mechi kadhaa za kitaifa na kimataifa lakini kumbukumbu itabaki Septemba mosi, 2007 wakati ambako Stars iliifumua The Cranes ya Uganda katika mchezo wa kirafiki wa kimataifa.

    Mchezaji wa kwanza kufunga bao katika uwanja huo ni Abdi Kassim Babi, aliyepiga bao hilo katika dakika ya 52 kwa shuti la umbali wa mita kama 30.

    Ulikuwa ni mchezo wa Stars wa kujipima nguvu kabla ya kuivaa Msumbiji ‘The Black Mambaz’, Septemba 8, mwaka huo ukiwa ni mchezo wa mwisho wa kundi la saba kuwania tiketi ya kucheza fainali za Kombe la Mataifa ya Afrika (CAN) 2008.

    Stars haikufuzu kwani siku hiyo ilipigwa bao 1-0 na Mamba hao. Bao hilo lilifungwa dakika ya kwanza, na mshambuliaji wa kimataifa wa Afrika Kusini, Tico Tico.
    Source: Uwanja wa Taifa kubatizwa kesho
     
  2. Invisible

    Invisible Admin Staff Member

    #2
    Feb 14, 2009
    Joined: Feb 11, 2006
    Messages: 9,095
    Likes Received: 140
    Trophy Points: 160
    Wametangaza kwamba Uwanja Mpya utaitwa UWANJA WA TAIFA na wa zamani utaitwa UWANJA WA UHURU.
     
  3. Masanilo

    Masanilo JF-Expert Member

    #3
    Feb 14, 2009
    Joined: Oct 2, 2007
    Messages: 22,323
    Likes Received: 110
    Trophy Points: 160
    Heri hawajauita Benjamin Mkapa...
     
  4. Baba_Enock

    Baba_Enock JF-Expert Member

    #4
    Feb 14, 2009
    Joined: Aug 21, 2008
    Messages: 6,724
    Likes Received: 61
    Trophy Points: 145
    Mkuu Msanilo,


    Jina Kamili litakuwa "The Benjamin W M National Stadium:mad:"
     
  5. Masanilo

    Masanilo JF-Expert Member

    #5
    Feb 14, 2009
    Joined: Oct 2, 2007
    Messages: 22,323
    Likes Received: 110
    Trophy Points: 160
    Baba E

    Wacha nirusha roho bana, wakati hata ile shule ya Ben Mkapa tumependekeza ibadilishwe jina kuonyesha hatuungi mkono viongozi mafisadi....


     
  6. N

    Njimba Nsalilwe JF-Expert Member

    #6
    Feb 14, 2009
    Joined: Mar 23, 2008
    Messages: 251
    Likes Received: 0
    Trophy Points: 0
    Aissee, uwanja bei nafuu sana yaani zaidi ya sh milion 55? Yaani hata nyumba yangu imenicost zaidi ya uwanja???????? kwa nini hatuna vingi????????????????? wachina njooni mtujengee vingine kama hiyo ndio bei
     
  7. Masanilo

    Masanilo JF-Expert Member

    #7
    Feb 14, 2009
    Joined: Oct 2, 2007
    Messages: 22,323
    Likes Received: 110
    Trophy Points: 160
    Sikujua Nsajigwa Nsalilwe kama nawe ni fisadi ...55 Million tuambie umetoa wapi?
    Nadhani typo error should read 55 Mil USD...
     
  8. N

    Njimba Nsalilwe JF-Expert Member

    #8
    Feb 14, 2009
    Joined: Mar 23, 2008
    Messages: 251
    Likes Received: 0
    Trophy Points: 0
    Nduyu yangu Masalilo si uone mwenyewe magazeti yetu yanavyokosa proof reading?

    Kwanini siyo 55 Mill Yen or 55 Mill Euro?

    Njimba
     
  9. Mpita Njia

    Mpita Njia JF-Expert Member

    #9
    Feb 14, 2009
    Joined: Mar 3, 2008
    Messages: 7,014
    Likes Received: 17
    Trophy Points: 135
    sasa mbona majina yanayotajwa na inv na masanilo yanatofautiana?
     
  10. Opaque

    Opaque JF-Expert Member

    #10
    Feb 14, 2009
    Joined: Oct 24, 2008
    Messages: 1,138
    Likes Received: 15
    Trophy Points: 135
    Na Shamba la Bibi ndo uwanja gani?
     
  11. Eeka Mangi

    Eeka Mangi JF-Expert Member

    #11
    Feb 14, 2009
    Joined: Jul 27, 2008
    Messages: 3,182
    Likes Received: 4
    Trophy Points: 135
    Shamba La bibi si shamba na uwanja ni uwanja! Au shamba ndo uwanja?
     
  12. Next Level

    Next Level JF-Expert Member

    #12
    Feb 14, 2009
    Joined: Nov 17, 2008
    Messages: 3,160
    Likes Received: 13
    Trophy Points: 135
    Vipi huko mjini, wamesha confirm kwamba hayo ndo majina mapya ya viwanja vyetu?
     
  13. M

    Mfumwa JF-Expert Member

    #13
    Feb 14, 2009
    Joined: Aug 29, 2008
    Messages: 1,456
    Likes Received: 2
    Trophy Points: 133
    Mkuu NL, nadhani Invisible katuandikia kuwa wametangaza kuwa Uwanja mpya utaitwa UWANJA WA TAIFA na wa zamani utaitwa UWANJA WA UHURU. Sasa sijui unahitaji cofirmation gani?. Ni kuwa magazeti yaliandika leo ndio watataja jina la uwanja mpya, na Invisible kapata hiyo habari ndio akatuwekea hapa.

    Kwa kuwa naona uwanja mpya umechukua jina la uwanja wa zamani "Uwanja wa Taifa", basi ndio maana uwanja wa zamani ukapewa jina jipya "Uwanja wa Uhuru. Na hili jina la uwanja wa zamani ni zuri, manake pale ndio zilifanyika sherehe za kupata Uhuru wetu toka kwa mwingereza.
     
  14. Next Level

    Next Level JF-Expert Member

    #14
    Feb 14, 2009
    Joined: Nov 17, 2008
    Messages: 3,160
    Likes Received: 13
    Trophy Points: 135
    Thanks mkubwa,

    Niliona kuna mjumbe mwingine kasema eti kasikia ule mpya utaitwa BEN NKAPA NATIONAL STADIUM...so nikaona kuana confusion hapo!
     
  15. M

    Mfumwa JF-Expert Member

    #15
    Feb 14, 2009
    Joined: Aug 29, 2008
    Messages: 1,456
    Likes Received: 2
    Trophy Points: 133
    Mkuu NL, Baba Enock nadhani hajasema amesikia, bali ametoa wazo kuwa "Jina Kamili litakuwa The Benjamin W M National Stadium", nadhani anahisi baadae uwanja utabadilishwa tena jina. Sio ajabu uwanja kuwa na jina halafuukabadilishwa, ni sawa na Barabara hata shule hubadili majina.

    Haya Mkuu na wakuu wengine tusubiri kuutunza uwanja wetu.

    NB: Hivi Yanga anacheza lini na wacomoro, Amwanga nadhani una hili jibu Mkuu, ama mkuu yoyote?
     
  16. Next Level

    Next Level JF-Expert Member

    #16
    Feb 14, 2009
    Joined: Nov 17, 2008
    Messages: 3,160
    Likes Received: 13
    Trophy Points: 135
    Nafikiri mchezo unatakiwa kurudiwa in two weeks time tangia first leg, so nafikiri itakuwa next week hivi...(sina uhakika na tarehe)!
     
  17. Cynic

    Cynic JF-Expert Member

    #17
    Feb 14, 2009
    Joined: Jan 5, 2009
    Messages: 5,156
    Likes Received: 609
    Trophy Points: 280
    WaTZ bwana, sasa sijui walikuwa wanangojea nini muda wote huo! Jina la uwanja lilitakiwa lijulikane hata kabla ya ujenzi. Wembley mpya, Emirates, majina yalijulikana kabla. Na hata Green Point stadium (Cape Town) bado inajengewa lakini jina lipo.
     
  18. Next Level

    Next Level JF-Expert Member

    #18
    Feb 14, 2009
    Joined: Nov 17, 2008
    Messages: 3,160
    Likes Received: 13
    Trophy Points: 135
    Don't worry hiyo ni staili ya kibongo mkuu!
     
  19. b

    babertov Member

    #19
    Feb 14, 2009
    Joined: Feb 7, 2009
    Messages: 34
    Likes Received: 1
    Trophy Points: 0
    ilani ya chama tawala imesimamiwa vyema kwa hili.
     
  20. M

    Mfumwa JF-Expert Member

    #20
    Feb 15, 2009
    Joined: Aug 29, 2008
    Messages: 1,456
    Likes Received: 2
    Trophy Points: 133
    Serikali yapitisha jina la Uwanja wa Taifa Ule wa zamani sasa kuitwa uwanja wa Uhuru Anastazia Anyimike
    Daily News; Saturday,February 14, 2009 @20:00

    Ikiwa leo uwanja mpya wa kisasa unatarajia kufunguliwa, serikali imetangaza uwanja huo utaitwa kwa jina la Uwanja wa Taifa wakati ule wa zamani utajulikana kama Uwanja wa Uhuru.

    Akizungumza jana Dar es Salaam, Waziri wa Habari, Utamaduni na Michezo alisema kuwa: “Kuanzia leo (jana) Februari 14, uwanja mpya wa kisasa utajulikana kama Uwanja wa Taifa na ule wa zamani utaitwa uwanja wa Uhuru.

    Alisema nia ya sekali kuita uwanja wa zamani kwa jina la Uwanja wa Uhuru ni katika kutunza historia ya Taifa. “ Uwanja wa zamani ulijengwa mwaka 1961 maalumu kwa ajili ya sherehe za Uhuru wa Tanganyika. Rais wa Tanganyika na muasisi wa Taifa letu Mwalimu Julius Kambarage Nyerere alikabidhiwa hati za Uhuru wa Tanzania ndani ya uwanja huo Desemba 9, 1961.

    Aidha, Mkuchika alisema kuwa serikali imefikia uamuzi huu wa kuzingatia kwamba matukio muhimu ya taifa yamekuwa yakifanyika uwanjani hapo ikiwa ni pamoja na maadhimisho ya Siku ya Uhuru wa Tanzania na sherehe za Muungano. “ Pia tukio muhimu na la kihistoria la kuwapa fursa wananchi ya kuaga mwili wa aliyekuwa muasisi wa Taifa letu, Mwalimu Nyerere lilifanyika uwanjani hapo.

    Kwa kuzingatia sifa hizi na nia ya serikali kutunza historia ndiyo maana tumeamua kutoa majina hayo. Akijibu swali ni kwa nini uwanja huo usingepewa jina la Rais Mstaafu wa Awamu wa Tatu, Benjamini William Mkapa kama wadau wengi walivyotaka, Mkuchika alisema: “ Rais mstaafu (Mkapa) amefanya mambo mengi makubwa katika nchi hii na kama tutaenzi kila kazi aliyofanya basi majina yake yatakuwa kila mahali.

    “ Hata hivyo, tayari kuna shule ya sekondari iliyopewa jina lake, jengo la Mafuta House limeitwa kwa jina lake na pia daraja kubwa Afrika Mashariki na Kati nalo limeitwa kwa jina lake. Ninachoweza, katika kuheshimu mchango wake, kesho (leo) wakati wa ufunguzi amealikwa na amethibitisha kuhudhuria,” alisema.

    Uwanja huo ambao umejengwa na kampuni ya China ya Beijing Construction Engineering Company Limited ulianza kujengwa Januari 2005 kwa ushirikiano wa Serikali ya China na Tanzania. Gharama za ujenzi wa uwanja huo ni dola za Marekani milioni 56.4 (zaidi ya bilioni 56) ambapo Serikali ya Tanzania imetoa dola za Marekani milioni 23 na Serikali ya China imetoa dola za Marekani milioni 33.4.

    Aidha, Mkuchika alisema kuwa kwa sasa uwanja huo utaendeshwa na Kamati Maalumu iliyo chini ya Katibu Mkuu wa Wizara ya Habari, Utamaduni na Michezo Dk. Florens Turuka baada ya kushindikana kupata mtu mwenye sifa za kuendesha uwanja huo.

    “ Tulitoa tangazo kwa watu wanaotaka kuendesha uwanja huo na watu waliojitokeza wamekosa sifa za kupewa kazi hiyo, hivyo tumetangaza tena, lakini kwa sasa utakuwa chini ya usimamizi wa Kamati Maalumu inayoongozwa na Katibu Mkuu”. Uwanja huo unatarajia kufunguliwa leo na Rais wa China Hu Jintao aliyepewa mwaliko na Rais Jakaya Kikwete na kuhudhuriwa na Rais mstaafu Benjamini Mkapa na viongozi wengine wa serikali.
     
Loading...