Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Utenzi Mahiri..........Gogo

Discussion in 'Jukwaa la Lugha' started by CAMARADERIE, Sep 15, 2011.

  1. CAMARADERIE

    CAMARADERIE JF-Expert Member

    #1
    Sep 15, 2011
    Joined: Mar 3, 2011
    Messages: 4,404
    Likes Received: 106
    Trophy Points: 160
    Kuna gogo la muanga, njiani limeanguka
    Waja mafundi kuchonga, kibanzi kutobanjika
    Watu wavunjika nyonga, kwa kupanda na kushuka
    Kila ajaye na shoka, katu hawi seremala

    Waja wenye mbinu zao, hupanda wakadunguka
    Waja na wavamiao, kwa papara na haraka
    Wako pia waliao, gogo lipo lawacheka
    Kila ajaye na shoka, katu hawi seremala

    Letu sote gogo hili, kilitaka lakutaka
    Afanyae hatambuli, mja huyo asumbuka
    Thamani yake ni ghali, wala hili si dhihaka
    Kula ajaye na shoka, katu hawi seremala

    Hili gogo madhubuti, si rahisi kukatika
    Tukishindwa tukaketi, bandu mwisho hubanduka
    Tukikosa jizatiti, gogo litaja anguka
    Kila ajaye na shoka, katu hawi seremala

    Bandu humaliza gogo, hilo sheti kukumbuka
    Tusijitie mikogo, kudharau kila shoka
    Tusilikimbie zogo, pembeni jema kuweka
    Kila ajaye na shoka, katu hawi seremala
     
  2. Barubaru

    Barubaru JF-Expert Member

    #2
    Sep 19, 2011
    Joined: Apr 6, 2009
    Messages: 7,163
    Likes Received: 10
    Trophy Points: 0
    Ushairi mzuri sana nimeupenda sana.

    Insh'Allah nitarudi baadae
     
  3. CAMARADERIE

    CAMARADERIE JF-Expert Member

    #3
    Sep 19, 2011
    Joined: Mar 3, 2011
    Messages: 4,404
    Likes Received: 106
    Trophy Points: 160
    Watu hawajui shekhe
     
  4. Asprin

    Asprin JF-Expert Member

    #4
    Sep 19, 2011
    Joined: Mar 8, 2008
    Messages: 42,202
    Likes Received: 4,744
    Trophy Points: 280
    Lapokuwa gumu gogo, Shoka linapozidiwa,
    Lipaswi pewa kisogo, Mbinu mpya hutakiwa,
    Kwani gogo la mhogo, lishindwe kupasuliwa?
    Seremala mwenye fani, shoka siyo la lazima.

    Msumeno ntatumia, gogo kulibanjuani,
    Mbele kiushindilia, banzi walitakiani?
    Nyuma kiurudishia, gogo lina gumu gani?
    Seremala mwenye fani, shoka siyo la lazima.

    Shoka kazi yake kuni, Mpishi lampatia,
    Kumletea jikoni, kuni za kumpikia,
    Zikishapigwa juani, shoka inazipatia,
    Seremala mwenye fani, shoka siyo la lazima.
     
  5. CAMARADERIE

    CAMARADERIE JF-Expert Member

    #5
    Sep 19, 2011
    Joined: Mar 3, 2011
    Messages: 4,404
    Likes Received: 106
    Trophy Points: 160
    Swadakta........
     
  6. CAMARADERIE

    CAMARADERIE JF-Expert Member

    #6
    Sep 19, 2011
    Joined: Mar 3, 2011
    Messages: 4,404
    Likes Received: 106
    Trophy Points: 160
    Kwanza ejaribu Chali, mchanjaji wa Msuka
    Kisha akakwea Duli, kwa dhihaka akashuka
    Nasabawe Mizamyuli, gogo helitaharuka
    Gogo haliebu shoka, li kweche lakwerezuka

    Akapanda Sefu Chalyo, baba la miraba nyuka
    Akarudi na miyayo, mpwawe Miza mizuka
    Alimasi yake yayo, mpini ukapasuka
    Gogo haliebu shoka, li kweche lakwerezuka

    Seremala hachanjili, apikia kwa nkaa
    Nyie mwamleta Chili, mchomaji wa chokaa
    Hapa tumtaje Pili, kwa mipingo kachakaa
    Gogo haliebu shoka, li kweche lakwerezuka
     
  7. a

    amiride JF-Expert Member

    #7
    Sep 19, 2011
    Joined: Aug 25, 2011
    Messages: 205
    Likes Received: 0
    Trophy Points: 33
    muruwa kabisa enzi za wasomaji mashairi maarufu kina mariam ponda na mzee khalifani wangeghani vizuri
     
  8. Y

    Yakuonea JF-Expert Member

    #8
    Sep 19, 2011
    Joined: Apr 11, 2011
    Messages: 599
    Likes Received: 3
    Trophy Points: 35
    Naaam.........Swadakta, ushairi at its best, fani hii ni adimu na si sote wenye uwezo wa kucheza na lugha/ ghani namna hii, Heshima kwako

    <br />
    <br />
     
  9. Y

    Yakuonea JF-Expert Member

    #9
    Sep 19, 2011
    Joined: Apr 11, 2011
    Messages: 599
    Likes Received: 3
    Trophy Points: 35
    Naam........Nadiriki kusema nimejifunza na naendelea kujifunza mengi toka ktk tungo zako, sijamuona mwalimu wangu klorokwini, hapiti huku?


    <br />
    <br />
     
  10. CAMARADERIE

    CAMARADERIE JF-Expert Member

    #10
    Sep 19, 2011
    Joined: Mar 3, 2011
    Messages: 4,404
    Likes Received: 106
    Trophy Points: 160
    Si jiti hili ni gogo, kijasho kiliwatoka
    Migongo yengia pogo, walichoka wakauka
    Kimewashinda kigogo, walia watu wacheka
    Kila ajaye na shoka, katu hawi seremala

    Mashoka yao ya vyuma, wageni mbali metoka
    Kuja gogo kulipima, kijasho kikawatoka
    Kuona isitiqama, gogo lilivyotukuka
    Kila ajaye na shoka, katu hawi seremala

    Gogo mevuka viunzi, vya kiangazi masika
    Limekabili mionzi, bila ya kutetereka
    Kalilinda Mwenye Enzi, thabiti halina shaka
    Kila ajaye na shoka, katu hawi seremala

    Muhali gani malenga, na gogo lisochangika
    Gogo hili sio changa, kwa kweli limepevuka
    Limebeba nyingi kunga, na siri za mamlaka
    Kila ajaye na shoka, katu hawi seremala

    Ukiliona karibu, vile lilivyoongoka
    Ukapewa masahibu, na vile lilivyon'goka
    Utatamani kutubu, mlinzi Mola Rabuka
    Kila ajaye na shoka, katu hawi seremala

    Wazamani na wa sasa, gogo walilizunguka
    Kwa hila walipapasa, wajuzi walosifika
    Gogo limekuwa tasa, katu halikupasuka
    Kila ajaye na shoka, katu hawi seremala
     
  11. A

    Albimany JF-Expert Member

    #11
    Sep 20, 2011
    Joined: Apr 11, 2011
    Messages: 269
    Likes Received: 22
    Trophy Points: 35
    Gogo ukilijuulia,katu halitashindika.
    kwanza nikulipandia,halafu ukashuka.
    liguseguse ubavuni,kama laparuzika.
    ukiliona laini.hapo usibebe shoka.
    sikila gogo ,lachanjwalo kwa shoka.

    Ukucha ni zana, pia yaweza tumika.
    Ukijulia kuliparura,lazima litabambuka.
    Anza na matawi, kuyakuchakucha.
    Ukifika kigogoni,lishaanza kuchimbuka.
    Sikila kigumu,chachanjwa na skoka.

    Ziko zana kali,zishindazo shoka.
    Simsumeno, panga na sishoka,
    ni mfano wa patsi,ilioviringika.
    zavunjazo magogo,yalioanguka.
    Si magogo yote,yachanjwayo kwashoka

    Yataka hekima,hadi kupasuka.
    Ukilipatia pakuanzia,lile hutetemeka.
    Hutoka maji shinani,likaanza kuweweseka.
    Ukiingiza patasi,laanza kubogojeka.
    Ugumu ni mwanzoni,ukitumiaakili lakatika.

    ISIMBA MKALI ALINYESHWA CHAI, NINI CHASHINDIKA?.
     
  12. Y

    Yakuonea JF-Expert Member

    #12
    Sep 20, 2011
    Joined: Apr 11, 2011
    Messages: 599
    Likes Received: 3
    Trophy Points: 35
    Tungo zenu nimesoma, nyote mlotangulia
    Gogo limefanya goma, au hamjajulia?
    Ya nini kushika tama, acheni kulia lia
    Gogo hilo gogo gani, hakuna alikatae?

    Kateni mbele na nyuma, hakika litabanjuka
    zana zenu ziwe vyuma, vile visivyo pindika
    msifanye ya hujuma, ustadi wahitajika
    Gogo hilo gogo gani, hakuna alikatae?
     
  13. a

    amiride JF-Expert Member

    #13
    Sep 21, 2011
    Joined: Aug 25, 2011
    Messages: 205
    Likes Received: 0
    Trophy Points: 33
    bandu bandu yamara gogo, gogo la choo laona mengi
     
  14. Y

    Yakuonea JF-Expert Member

    #14
    Sep 21, 2011
    Joined: Apr 11, 2011
    Messages: 599
    Likes Received: 3
    Trophy Points: 35
    Gogo liso chanjika

    ukataji mbele nyuma,hili lakubalika
    ongeza kwa kujituma,huku walishikashika
    siache kulisukuma,lengo liweze banjika
    Gogo liso chanjika,faidae iko wapi?

    Nini wajipa kadhia,kwa gogo liso chanjika
    Mwishoe waja tufia,na ndugu uwape shaka
    Ni bora kujiachilia,hilo halina baraka
    Gogo liso chanjika,faidae iko wapi?

    Kuzidi lazimishia,ni wewe wajiumiza
    hutopata yafidia, gogo hilo miujiza
    Muda wako tajutia,na lengo hutotimiza
    Gogo liso chanjika,faidae iko wapi?

    Ni vyema useme basi,ni tendo la uungwana
    sitoe tena nafasi,gogo halina maana
    Hata unoe patasi,huwezi lichanachana
    Gogo liso chanjika,faidae iko wapi?

    Gogo hilo ni la tasa,umri limezidia
    ona ya kwake mikasa, nuksi tajipatia
    mfano wake ni kasa,chunguza utanambia
    Gogo liso chanjika,faidae iko wapi?
     
Loading...