Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Umemfumania, sasa unasemaje?

Discussion in 'Mahusiano, mapenzi, urafiki' started by Mtambuzi, Aug 10, 2011.

  1. Mtambuzi

    Mtambuzi Platinum Member

    #1
    Aug 10, 2011
    Joined: Oct 29, 2008
    Messages: 8,572
    Likes Received: 692
    Trophy Points: 280
    Jana niliweka mada hapa kuhusu fumanizi au kutoka nje ya ndoa. Na leo ningependa kuzungumzia jambo hilo.
    Hebu fikiria kuwa umedhibitisha kwamba mwenzako sio mwaminifu, yaani ametoka au anatoka nje ya ndoa, utafanyaje? Je, utaondoka, utalipa kisasi na wewe, au utachukua hatua gani?

    Kuna mambo ambayo ukiona kwamba yamejitokeza, baada ya fumanizi, unapaswa kujua nafasi yako kwenye uhusiano wako. Kutokea hapo ndipo unapoweza kuamua kama uondoke au hapana.

    Kwanza, hebu jikague, Je, umevunjika moyo kupita kiasi? Unadhani itakuwa bora kuvumilia? Unadhani kumvaa na kumwambia umechoka na unataka kuondoka itakuwa ni kujiongezea mfadhaiko zaidi?

    Pili, unadhani utaendelea kubaki katika ndoa kwa sababu za kidini? Unataka kufanya kitu kilicho sahihi daima? Uko tayari kuendelea kudhalilika na kuwa hatarini kwa sababu ya imani yako ya kukukataza kuvunja ndoa? Je ni kwa imani yako au wasiwasi wako umelazimika kubaki? Nijuavyo mimi, kosa la kutoka nje halitetewi na dini yoyote linapokuja swala la kuvunja ndoa.

    Tatu, unadhani unalazimika kubaki kwa usalama wa watoto? Unadhani ni wewe pekee unawajali watoto na mwenzio hawajali? Inawezekana na mzazi mwenzio pia ni mpenda watoto? Unadhani kuachana kutawaletea watoto matatizo zaidi? Una wasiwasi na maisha ya watoto kama utaamua kuondoka? Kumbuka kuishi kwenye vurugu za ndoa huwavuruga watoto kuliko watoto kuishi na baba au mama wa kambo mwenye upendo.

    Nne, unadhani hakuna uwezekano kabisa katika ndoa hii? Umekwama? Umenata kama ulimbona huwezi kuondoka? Unaweza kufikia muafaka kwamba umejitahidi kwa uwezo wako wote kumrekebisha mwenzio lakini wapi. Hivyo umeamua kuishi hivyo hivyo?

    Tano, unadhani huwezi kuondoka? Kuna kitu unachodhani kinakuletea ugumu wa kuanza safari? Kuanza maisha mapya? Huna uwezo wa kujiamulia? Kumbuka kwamba, huenda ni mazoea tu yanayokuzuia au utegemezi wa kipato. Lakini, kila binadamu ameletwa duniani ili asimame kama yeye, na siyo kama kipande cha mwenzake.

    Sita, unataka kumlinda? Kuna kitu kibaya unachodhani kinaweza kutokea kama utaamua kuondoka? Ataweza kuishi peke yake? Kama utaondoka unadhani itakuwa ni njia ya kumpeleka shimoni zaidi? Umeamua kubaki ukijua kwamba baada ya muda tatizo lenu linaweza kutatuliwa? Inawezekana likatatuliwa, lakini inawezekana wewe ni mtu wa kuumia kwa sababu ya wengine bila sababu.

    Saba, unaendelea kuishi naye kwa sababu kuna hatari kumwambia unataka kuondoka? Unadhani atalipuka kwa hasira utakapomwambia unataka kuondoka? Una wasiwasi kwamba una haki ya kuamua kuhusu maisha yako na kuna sheria zinazokulinda.

    Je, hujafikiria namna ya kuanza maisha mapya? Hii ni tofauti na hofu ya kuanza maisha mapya. Labda maisha yako, yake na ya watoto yameambatanishwa kupita kiasi, hivyo inakuwia vigumu kujinasua? Pia kuambatanishwa huku labda ndiko kunakokufanya hata usiwe na chembe ya wazo la kutaka kuondoka? Umewahi kufikiria kuhusu utashi wako, ujuzi wako, ndoto zako, matumaini yako na mustakabali wa maisha yako bila yeye, au bila watoto?

    Chukua muda wa kutosha kufikiri kwa makini na uyajibu maswali hayo yote ukishayajibu utakuta unatoa uamuzi sahihi utakaokupeleka kwenye maisha uyatakayo. Kumbuka, kila binadamu hukosea na kusamehe kwa aliyekosewa. Lakini kusamehe hakuna maana ya kuendelea kuumia au kuumizwa na uliyemsamehe.

     
  2. First Born

    First Born JF-Expert Member

    #2
    Aug 10, 2011
    Joined: Jul 11, 2011
    Messages: 5,267
    Likes Received: 33
    Trophy Points: 145
    summarise maelezo mkuu.
     
  3. Mamndenyi

    Mamndenyi JF-Expert Member

    #3
    Aug 10, 2011
    Joined: Apr 11, 2011
    Messages: 27,241
    Likes Received: 1,912
    Trophy Points: 280
    Mtambuzi bila shaka umefumaniwa tena na hg, sasa kazi kwako mwangukie mkeo, akikubali atakusamehe, la sivyo kimekula kwako.
     
  4. K

    Karry JF-Expert Member

    #4
    Aug 10, 2011
    Joined: Mar 26, 2011
    Messages: 266
    Likes Received: 0
    Trophy Points: 33
    pole unaoneka yamekukuta
     
  5. m

    mjasiria JF-Expert Member

    #5
    Aug 10, 2011
    Joined: Jan 10, 2011
    Messages: 3,720
    Likes Received: 122
    Trophy Points: 160
    Kama umefumania hiyo ni straight red card no diskasheni mkuu
     
  6. Masikini_Jeuri

    Masikini_Jeuri JF-Expert Member

    #6
    Oct 13, 2011
    Joined: Jan 19, 2010
    Messages: 6,819
    Likes Received: 339
    Trophy Points: 180
    Umeongea kwa kina............nitarudi kuipitia upya!
     
  7. Bishanga

    Bishanga JF-Expert Member

    #7
    Oct 13, 2011
    Joined: Jun 29, 2008
    Messages: 15,349
    Likes Received: 29
    Trophy Points: 0
    mambo magumu sana haya na reaction ya aliyefumania huwa haitabiriki,kikukweli mpaka yakukute ndo utajua ufanye nini.ila kimsingi kwa maisha ya leo na maradhi haya mkifumaniana mi naona bora muachane tu.
     
  8. Likwanda

    Likwanda JF-Expert Member

    #8
    Oct 13, 2011
    Joined: Jun 16, 2011
    Messages: 3,839
    Likes Received: 27
    Trophy Points: 145
    Dah, umeandika gazeti mkuu, kwa sasa hivi nimeshindwa kumaliza hivyo nitarudi baadaye.
     
  9. v

    valid statement JF-Expert Member

    #9
    Oct 13, 2011
    Joined: Sep 18, 2011
    Messages: 2,730
    Likes Received: 160
    Trophy Points: 160
    kufumania usifanye mchezo mdau...inaumaaaa!!
     
  10. Felixonfellix

    Felixonfellix JF-Expert Member

    #10
    Oct 13, 2011
    Joined: Feb 16, 2010
    Messages: 1,682
    Likes Received: 3
    Trophy Points: 135
    nini vileeee
     
  11. Mabagala

    Mabagala JF-Expert Member

    #11
    Apr 3, 2012
    Joined: Nov 27, 2009
    Messages: 1,405
    Likes Received: 7
    Trophy Points: 135
    ivi hii itahusika kwa marafiki pia au ni kwa wanandoa tu?
     
Loading...