Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Ulimwengu ampa rais ajaye - Dr Slaa - ushauri murua

Discussion in 'Jukwaa la Siasa' started by Zak Malang, Jun 9, 2011.

  1. Zak Malang

    Zak Malang JF-Expert Member

    #1
    Jun 9, 2011
    Joined: Dec 30, 2008
    Messages: 5,410
    Likes Received: 13
    Trophy Points: 0
    Wanajamvi:

    Inaonekana safari hii RAIA MWEMA wametoka na vitu vikali – makala hii si kupitwa. Namsifu kwa kumpa Dr Slaa – anyeamini ataukwaa urais 2015 – ushauri mzuri.




    Hatari ya vurugu inatoka kwa watawala, Slaa asiwape kisingizio

    Jenerali Ulimwengu


    KATIKA kipindi hiki tunapoikazania Serikali ya Rais Jakaya Kikwete isifanye mchezo na suala la Katiba, tunalo jukumu la kutuliza akili zetu na kupima kwa kina kila tunachokisema na kukiandika.

    Nasema haya kwa sababu naona kama tunalo tatizo linalotokana na Serikali yetu kuonekana kama vile haina msimamo kuhusu suala hili kubwa na zito. Hakuna dalili za wazi zinazoonyesha kwamba Baraza la Mawaziri limeketi na kulijadili kwa undani na kupata msimamo wa pamoja, na wala hakuna dalili kwamba mkuu wa Serikali hiyo, Rais Kikwete amewapa watu wake maagizo kuhusu nini wafanya na nini waseme kuhusu mada hii ya Katiba.

    Kinachojitokeza ni taswira ya kuparaganyika kwa mawazo na kutokuelewana miongoni mwa wale wanaotarajiwa kutuongoza. Kwa bahati mbaya, ingawaje sasa naamini watakuwa wamegundua kwamba walichokifikiria kuwa kitu rahisi, ni kigumu kweli kweli na wanatakiwa wajiandae kukishughulikia kwa umakini mkubwa kuliko huo walioudhihirisha hadi sasa.

    Ningependa nirejee jambo ambalo nimekuwa nikilishadidia kwa muda mrefu kidogo: Suala la Katiba mpya limeshika kasi isiyokuwa ya kawaida, na wala haliwezi kuondoka kirahisi. Linahitaji kufanyiwa kazi itakayowaridhisha wananchi, na hiyo kazi haiwezekani ikafanyika ila kwa kuwahusisha wananchi kwa kiwango kikubwa kinachowezekana.

    Ukweli ni kwamba, hata kama hatukuwa tumezowea hili, hivi sasa wananchi wanataka mabadiliko makubwa katika maisha yao, na wanataka kuanza na Katiba watakayoiandaa wenyewe.

    Ni kwa nini wananchi wamefikia kiwango hiki cha utashi, mimi binafsi sina jibu la haraka, na kila mtu anaweza kuwa na maoni yake. Lakini naamini kwamba wananchi wengi wameanza kung'amua kwamba mambo hayaendi kama ambavyo yanatakiwa yaende.

    Wanayaona maisha yao yakiwa hayana matarajio tena. wanaona hali zao za kiuchumi na kijamii zikizidi kuzorota. Wanaona maisha bora waliyoahidiwa kama ni mzaha wamechezewa. Wanawaona watawala wao kama waongo na wanafiki, wasiojali, wala rushwa na wauza nchi. Hawaamini lo lote linalosemwa na watawala kwani wamekwisha kudanganywa mara nyingi.

    Sasa wamehamanika na wanataka mabadiliko, tena wanataka mabadiliko makubwa.

    Nimekuwa nikifuatilia kwa kiasi fulani maandamano na mikutano ya viongozi wa CHADEMA katika mikoa ya Kusini, na nimekuwa nikiangalia maelfu ya watu wanaoshiriki katika maandamano hayo na mikutano hiyo. Ningekuwa mtawala ningeshitushwa na mikusanyiko ile kwa sababu ningetambua kwamba inabeba ujumbe mzito kwangu.

    Ujumbe unaotoka katika maandamano yale na mikutano ile ni kwamba wananchi wamechoka. Ukiona kaumu ya watu kama tuliyoiona katika miji midogo na ya ‘pembezoni' kama Sumbawanga wanaandamana na kukaa mkutanoni wakisikiliza kama watotot wa shule wanavyokaa darasani kumsikiliza mwalimu, unajua kwamba kuna kitu kimebadilika katika jamii ya Watanzania.

    Lakini papo hapo ningependa kutoa angalizo. Kama nilivyowahi kuandika huko nyuma, hii si mara ya kwanza tunashuhudia hamaniko la aina hii la kutaka mabadiliko. Nimeandika kwamba tuliwahi kuona, hapa nchini, hamasa walizozua wanasiasa kama Chistopher Mtikila na Augustine Mrema wakati ule. Watu wengi waliwachukulia hawa kama wakombozi wao. Baadaye bila shaka walikuja kugundua kwamba matumaini yao yalikuwa yamegonga mwamba.

    Lakini shauku ikiisha kujengeka kwamba hali iliyopo haifai na ni lazima ibadilike, shauku hiyo haiishi kwa sababu manabii waliotarajiwa kufanya kazi ya ukombozi wamedondoka kando ya njia, bali shauku hiyo huhamishwa na jukumu la ukombozi likatafutiwa manabii wengine. Na kwetu ndivyo ilivyokuwa.

    Kikwete alipoingia madarakani mwaka 2005 shauku hiyo ilikuwa imehamishiwa kwake. Bila shaka mwenyewe atakuwa anakumbuka kwamba ilifika mahali wakati wa kampeni ndani ya CCM ikasemwa kwamba hata kama CCM wasingemchagua yeye kuwa mgombea, angepata kuwa rais kwa kupitia chama kingine cho chote. Hayo yalisemwa na wana CCM na wanachama wa vyama vya upinzani pia.

    Hili nalisisistiza kwa makusudi mazima: Hizi ni dalili za kuhamanika na kukata tamaa kwa Watanzania wengi. Na hali hii imekuwapo kwa muda mrefu toka utawala wa Rais Ali Hassan Mwinyi hadi ule wa Rais Benjamin Mkapa. Sasa inajirudia katika utawala wa Rais Jakaya Kikwete.

    Wananchi wengi wanaona mkombozi wao mpya, nabii wao mpya, ni CHADEMA. Wanachosema katika lugha ya miili yao ambayo naiona kupitia televesheni na kupitia magazeti, ni kwamba wakipata fursa ya kupiga kura na uchaguzi ukawa "huru na wa haki" wanaweza (na uwezekano huo ni mkubwa) watapiga kura kuichagua CHADEMA.

    Sasa, kama tunavyojua, uchaguzi mwingine ni mwaka 2015. Bado tunayo miaka minne hadi tupate fursa nyingine ya kupiga kura. Ni vyema kwa wale wanaotaka kufanya mabadiliko katika utawala wa nchi hii kwa njia mbali mbali wakautumia muda uliosalia kujiandaa kwa ajili ya uchaguzi huo, na wale wanaotaka kuiondoa CCM madarakani wafanye kampeni ya nguvu ya kuwahamasisha wapiga kura kimawazo lakini pia na kuwahamasisha wajitokeza siku ya kupiga kura ili watimize azima yao.

    Ndiyo maana nilijikuta nikiwa na wasiwasi (wiki chache zilizopita) nilipomsikia Katibu Mkuu wa CHADEMA, Willbrod Slaa akizungumza kama vile anao mpango wa kufanya mabadiliko anayotaka kuyafanya kabla ya uchaguzi ujao. Aliposema kwamba kuiondoa serikali ya Kikwete kabla ya 2015 hautakuwa uhaini anaweza kuwa anasema kweli, kwani uwezekano huo upo.

    Kwa mfano Bunge linaweza, katika mazingira mahsusi yaliyoainishwa na Katiba, likamshitaki Rais kwa kosa la kuidhalilisha Ofisi yake, na kama akikutwa na hatia likamvua madaraka. Hiyo imeandikwa katika Katiba tuliyo nayo hivi sasa, na wala halina haja ya kusubiri Katiba mpya. Ndiyo maana nasema kwamba anachosema Slaa ni cha kweli kwa maana ya vifungu vya Katiba ya Jamuhuri ya Muungano kama ilivyo leo.

    Kinachonitia hofu ni kwamba napata hisia kwamba Slaa hakujikita katika vifungu vya Katiba, angalau maelezo niliyoyasoma hayakusema hivyo, jambo ambalo linaweza kuzaa tafsiri kwamba njia mojawapo inayofikiriwa ni kuung'oa utawala wa Kikwete kwa maandamano, kama ilivyokuwa Medani Tahrir.

    Kama hivyo ndivyo alivyokusudia kusema Slaa, kuna tatizo. Tatizo hilo, kwa mtazamo wangu, linakuwa kubwa zaidi kwa kuangalia matukio ya siku hizi chache zilizopita.

    Tatizo lenyewe si kwamba haiwezekani kuung'oa utawala uliopo kupitia maandamano na bado kitendo cha kuung'oa kikawa si uhaini. Nchi nyingi zimeshuhudia hilo likifanyika, ikiwa ni pamoja na Indonesia, Philippines, Georgia na sasa Tunisia na Misri. Kilichotokea katika nchi hizo ni mapinduzi ya umma uliosimama na kusema "Utawala huu sasa basi!" Ni mantiki ya mapinduzi kama hayo kwamba yanapofanikiwa walioyaongoza wanakwenda moja kwa moja Ikulu, lakini wakishindwa wanatiwa kitanzi.

    Ni kwa jinsi hii akina Fidel Castro (Cuba) na Nelson Mandela (Afrika Kusini) walikwenda jela lakini hatimaye waliingia madarakani, lakini Pierre Mulele (Kongo) na Mahjoub (Sudan) walitiwa kitanzi.

    Naamini kwamba Katibu Mkuu wa CHADEMA alitaka kupeleka ujumbe mzito kwa wakuu wa nchi, lakini kila siku ujumbe unaohusu mambo kama haya hauna budi uandaliwe kwa uangalifu na weledi mkubwa ili usije ukazaa tafsiri zaidi ya moja.

    Ingekuwa vyema kama Slaa angeonyesha subira katika matamko yake. Hivi sasa watu wengi wanamwangalia kama "rais mtarajiwa." Angechukua muda kujiandaa kwa umakini mkubwa, hasa wa kuyasoma matatizo ya nchi yetu na kufikiria njia mbali mbali za kuyakabili kuanzia na hili la Katiba ambalo sasa naamini kwamba iwapo atachaguliwa kuwa rais mwaka 2015 ( na nasema hili linawezekana kabisa), atalikuta bado lipo kwa sababu sioni dhamira ya kweli ya kulishughulikia.

    Akijipa muda wa kujifunza zaidi na kukusanya maoni, na kujenga mitandao ya utafiti itakayowahusisha wataalamu wa kumshauri na kukishauri chama chake, akichukua muda kujadili matatizo ya nchi hii na makundi mbali mbali ya kijamii katika shughuli zao mbali mbali na wakamweleza matatizo yao; naye akajadiliana nao... atakuja kugundua kwamba hakuna muda wa kutosha kwa ajili ya maandalizi hayo.

    Najua mara nyingi umefanyika uchokozi dhidi ya vyama vya siasa na wanasiasa wa upinzani. Uchokozi huo unafanywa makusudi ili kipatikane kisingizio na wapinzani waweze kushutumiwa kwamba ndio waliodhamiria kuvunja "amani na utulivu" na misemo mingine ya kuchekesha ukiangalia "amani na utulivu" vinavyotawala shughuli za chama-tawala.

    Kwangu ni dhahiri kwamba kama kuna ghasia kubwa zitakazotokea nchini humu, zitaanzia katika vurugu zinazoendelea ndani ya chama hicho tawala. Hata hivyo, Slaa angejiweka mbali na kila kinachoweza kumfanya yeye ama chama chake waonekane, hata kama si kweli, kwamba wao ndio wanaochochea vurugu.

    Naandika haya nikijua kwamba sasa kuna hamaniko ndani ya duru za watawala, kwa sababu wanajua wamepoteza nguvu za ushawishi na wanachokiona kwamba kinaweza kuwasaidia ni ushawishi wa nguvu, kama ambavyo wanaonekana kutumia mitulinga isiyokuwa na sababu yo yote alimradi tu waonyeshe kwamba wanazo nguvu, kama vile hatujui kwamba wanazo.

    Katika kutapatapa wamewaingiza na wakuu fulani wa dini ambao nao sasa wanatoa ‘onyo' kwa CHADEMA kama vile wamegeuka kuwa idara ya usalama ya serikali au wasemaji wa Jeshi la Polisi.

    Hali hii inatisha, lakini si mpya. Imetokea kila mahali utawala ulipozeeka, ukapoteza njia, ukasahau hata asili yake, ukapuyanga na kubahatisha, ukababaisha na kubangaiza, ukayumba na kutetereka, ukatekwa na waporaji, ukaendelea kujitutumua kwa kuonyesha ukali wa kijeshi kumbe ndani ya roho yake kiini chake kilikwisha kugugunwa na mapanya-buku kwa muda mrefu. Utawala kama huo unao uwezo mkubwa wa kusababisha maafa kutokana na udhaifu wake.

    Slaa akae chonjo, apunguze hisia, awe m-rais (presidential). Ajifunze zaidi, kwani kama bado ana nia ya kuwania urais mwaka 2015, kazi iliyo mbele yake ni kubwa. Akumbuke tu kwamba, Rais Jakaya Kikwete alikuwa na (angalau) miaka kumi ya kujiandaa kuwa rais, na hii kumi ni ile tunayoijua sisi.

    Hata baada ya muda huo wa miaka kumi kupita, na hata baada ya miaka mitano ya kuendesha Serikali, inaelekea bado hajajifunza mambo mengi ya msingi kabisa yanayohusu uongozi na utawala. Slaa afanye hadhari, asije akawa vivyo hivyo.



     
  2. T

    Taifa_Kwanza JF-Expert Member

    #2
    Jun 9, 2011
    Joined: Sep 3, 2010
    Messages: 443
    Likes Received: 1
    Trophy Points: 0
    DR Slaa
    Baada ya kuusoma waraka huu tunaomba uacknowledge kwa maandishi, hapa jamvini
    kwamba, juu ya waraka huu.
    1. umeusoma.
    2. Umeuelewa
    3. Unamshukuru Jenerali kwa nia njema aliyo nayo juu ya Taifa letu.
    4. Utayafanyia kazi mawazo yake
    5. Uko tayari kuendelea kushauriwa.

    ili watanzania tulio na kiu ya kuona siku moja umekamata usukani
    na kutuanzishia safari tofauti na tuliyoizoea kwa kipindi cha miaka takiriban
    hamsini iliyopita tupate kufarijika.

    Asante sana zAK
     
  3. DOUGLAS SALLU

    DOUGLAS SALLU JF-Expert Member

    #3
    Jun 9, 2011
    Joined: Nov 13, 2009
    Messages: 7,267
    Likes Received: 1,252
    Trophy Points: 280
    Swadaktaaaaaaaaaa!! ! !
     
  4. U

    Ulimakafu JF-Expert Member

    #4
    Jun 9, 2011
    Joined: Mar 18, 2011
    Messages: 16,559
    Likes Received: 255
    Trophy Points: 180
    Asante Ulimwengu na Raia Mwema.
     
  5. Speaker

    Speaker JF-Expert Member

    #5
    Jun 9, 2011
    Joined: Aug 12, 2010
    Messages: 6,359
    Likes Received: 16
    Trophy Points: 135
    Mimi nime u-save kwenye computer yangu,..
    sijui kama Dr.Slaa ataufata,maana binadam tukiona tuna shabikiwa
    vichwa hua vina jaa maji kweli,hadi ushauri wa maana hua tunaona kama
    ni kelele za mashabiki tu
     
  6. TzPride

    TzPride JF-Expert Member

    #6
    Jun 9, 2011
    Joined: Nov 2, 2006
    Messages: 2,256
    Likes Received: 126
    Trophy Points: 160
    Safi sana! Hivi Jenerali mbona ni think tank la kufa mtu?!!!Safi sana aiseee...
     
  7. n

    nyamagaro JF-Expert Member

    #7
    Jun 9, 2011
    Joined: Feb 25, 2010
    Messages: 367
    Likes Received: 10
    Trophy Points: 35
    Jenerali ulimwengu ni mtu makini, mwana falsafa, muona mbali, asiyetekwa na mizongwe ya kidini. Kwa leo amenikuna hapo kwenye blu. God bless him for telling this truth. Truth and truth alone will set us free.
     
  8. SMU

    SMU JF-Expert Member

    #8
    Jun 9, 2011
    Joined: Feb 14, 2008
    Messages: 7,008
    Likes Received: 863
    Trophy Points: 280
    Country First! Naona ameandika kwa ukweli, uwazi na uaminifu....bila kuegamia upande wowote. Big up Jenerali
     
  9. TUKUTUKU

    TUKUTUKU JF-Expert Member

    #9
    Jun 9, 2011
    Joined: Sep 14, 2010
    Messages: 11,849
    Likes Received: 34
    Trophy Points: 145
    Ni ushauri mzuri sana kwa rais ajaye!!
     
  10. K

    Kijallo JF-Expert Member

    #10
    Jun 9, 2011
    Joined: Mar 3, 2011
    Messages: 409
    Likes Received: 0
    Trophy Points: 0
    Chadema na rais wangu Dr.Slaa mpooo.
     
  11. e

    eltontz JF-Expert Member

    #11
    Jun 9, 2011
    Joined: Jul 31, 2009
    Messages: 770
    Likes Received: 119
    Trophy Points: 60
    Ulimwengu ni analyst aisee,....thinking at molecular level of this nation; Ulimwengu ni ulimwengu kweli....
     
  12. B

    Babuyao JF-Expert Member

    #12
    Jun 9, 2011
    Joined: Jun 6, 2009
    Messages: 1,729
    Likes Received: 23
    Trophy Points: 135
    Bravo Generali! Uko juu!
     
  13. Zak Malang

    Zak Malang JF-Expert Member

    #13
    Jun 9, 2011
    Joined: Dec 30, 2008
    Messages: 5,410
    Likes Received: 13
    Trophy Points: 0
    Ulimwengu katumwa na Kikwete. DK. Slaa alishajifunza sana miaka kingi iliyopita. Kwanza, ninyi mnaotaka kumpa heshima huyu kibaka mnaitoa wapi? Unajua huyu akiwa mkuu wa wilaya ndiye aliyezuia mkutano wa kwanza wa mageuzi, hadi pale wanaharakati kama Mabere Marando, Ndimara Tegambage, Anthony Komu walipojitokeza na kupinmga udhalimu wake?

    Wanaharakati hao waliandika waraka kwenda nchi za Magharibu na nakumbuka rais wa wakati huo, Ali Hassani Mwinyi aliruhusu wanamageuzi kukutana alipokuwa uwanja wa ndege wa Dar es Salaam akienda ulaya kuomba misaaada baada ya kubanwa na wafadhiri. Sasa huyu Ulimwengu analipi la kujivunia.

    Pili, Ulimwengu alikuwa mwenyekiti wa kampuni kubwa - Habari Copr - ikamshinda na badala yake akaiuza kwa fisadi Rostam. Sasa mtu aliyeshimdwa kuongoza watu 200 atawezaje kumshauri rais ajaye?

    Anachotaka kukionyesha Ulimwengu hapa ni kwamba Slaa hajakomaa kwa urais hivyo ajifunze. Hili si kweli. CV ya Slaa ni kubwa kuliko yeye na kimsingi Slaa amekuwa kiongozi mkubwa wa madhehebu ya dini, mbumge na katbu mkuu.

    Ulimwengu aondoke na pumba zake arudishe jibu kwa Kikkwete - Hatudanganyiki. Angekuwa mrtu wa maana Mkapa asingemvua uraia.
     
  14. BONGOLALA

    BONGOLALA JF-Expert Member

    #14
    Jun 9, 2011
    Joined: Sep 14, 2009
    Messages: 13,043
    Likes Received: 1,344
    Trophy Points: 280
    safi ulimwengu!siku ya mdahalo ulisema watawala wanabadili katiba kutimiza haja zao,haikupita wiki makinda akabadili kifungu cha kambi ya upinzani!
     
  15. SUNGUSIA

    SUNGUSIA JF-Expert Member

    #15
    Jun 9, 2011
    Joined: Nov 4, 2010
    Messages: 232
    Likes Received: 1
    Trophy Points: 35
    I like you man ULIMWENGU.
     
  16. l

    lebadudumizi Senior Member

    #16
    Jun 9, 2011
    Joined: Jun 9, 2011
    Messages: 149
    Likes Received: 0
    Trophy Points: 0
    Dalili za mvua ni mawingu.Kuna kipofu asieona dalili mwisho wa CCM 2015.
     
  17. T

    Taifa_Kwanza JF-Expert Member

    #17
    Jun 9, 2011
    Joined: Sep 3, 2010
    Messages: 443
    Likes Received: 1
    Trophy Points: 0
    Inawezekana aliishajifunza kutoka kwenye makosa hayo,
    na pia unataka kutuaminisha kwamba, kama unavyomlazimisha
    DR asiutilie maanani ushauri huu kwamba na DR Kikwete yuko
    sahihi kabisa kupuuzia mamilioni ya ushauri anayopewa?
     
  18. Wambandwa

    Wambandwa JF-Expert Member

    #18
    Jun 9, 2011
    Joined: Dec 3, 2006
    Messages: 1,951
    Likes Received: 162
    Trophy Points: 160
    Spanner, you've got spanned mind. Njoo kwa mjukuu wangu kesho (pale st. Clara kindergaten) ni siku ya michezo kwao akurushe ki Jet Lee.
     
  19. MTAZAMO

    MTAZAMO JF-Expert Member

    #19
    Jun 9, 2011
    Joined: Feb 8, 2011
    Messages: 11,007
    Likes Received: 1,947
    Trophy Points: 280
    Jenerali naheshimu kila nukta uliyoandika,naamini haya madini cdm watayabeba kama yalivyo.
     
  20. Lu-ma-ga

    Lu-ma-ga JF-Expert Member

    #20
    Jun 9, 2011
    Joined: Sep 21, 2010
    Messages: 2,417
    Likes Received: 3
    Trophy Points: 135
    Mkuu you should appreciate at least to certain degree that General Ulimwengu has hit the net. what a fantastic goal by General Ulimwengu!!!!!.
    Ulimwengu ungekuwa hujaoa tungekupatia mtoto wa kisukuma bila kutoa mahari.Uliyoyasema yangetosha kuwa mahari tosha
     
Loading...