Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Ulikuwa ni msiba mzito kwa KakaKiiza.......!

Discussion in 'Mahusiano, mapenzi, urafiki' started by Mtambuzi, Sep 4, 2012.

  1. Mtambuzi

    Mtambuzi Platinum Member

    #1
    Sep 4, 2012
    Joined: Oct 29, 2008
    Messages: 8,571
    Likes Received: 681
    Trophy Points: 280
    [​IMG]

    Ilikuwa ni siku ya Ijumaa ya Agosti 31, 2012, majira ya saa nne asubuhi niko ofisini, nikiendelea na kazi zangu kama kawaida. Nilikuwa na jukumu la kakamilisha ripoti yangu ya mwishoni mwa juma.Nikiwa bado naendelea na kazi zangu kivivu vivu mara nikashikwa na shauku ya kutembelea Jamii Forum ili kuangalia kama kuna maoni katika uzi wa kesi za Ijumaa niliouweka usiku wa manane. Nilipofungua katika Jukwa la MMU nikakutana na habari iliyonishtua sana. Haikuwa nyingine bali ni taarifa ya msiba wa mke wa Mwanajamii Forum mwenzetu KakaKiiza.

    Muweka taarifa Bwana Kiresua aliweka namba ya simu ya KakaKiiza ili iwe rahisi kwa wale watakaotaka kuwasiliana naye iwe ni rahisi kwao kuwasiliana naye. Sikufanya ajizi nilinyanyua mkono wa simu ya mezani huku mikono ikinitetemeka nilipiga ile namba ya simu. Lakini cha kushangaza simu ile ilipokelewa na mwanamke. Kwa kuhisi kwamba anaweza kuwa ni jamaa yake nilimuomba niongee na KakaKiiza.

    Mwanamke yule alionekana kushangaa na kuniambia kwamba hamjui mtu mwenye jina lile. Nilimuuliza ile simu ni ya nani (maana nilihisi huenda haya majina tunayotumia hapa JF hayafahamiki kwa jamaa zetu). Alinihakikishia kwamba ile simu ni ya kwake na hamjui huyo mtu ninayemtafuta. Nilijua nimekosea namba, na huenda ilitokana na kitete cha kupiga simu haraka haraka bila kuangalia namba kwa makini.

    Niliangalia namba kwa makini safari hii na simu ilipokelewa na KakaKiiza mwenyewe na baada ya kujitambulisha nilimpa pole ya kuondokewa na mkewe kisha nikamuuliza juu ya taratibu za mazishi. Alinijulisha kwamba bado hawajapanga lolote, lakini aliniahidi kunipa taarifa rasmi hapo watakapokaa kikao cha familia na kupanga namna ya kuhifadhi mwili wa marehemu mkewe. Niliagana naye na kumuahidi kwamba siku inayofuata yaani Jumamamosi nitamtembelea nyumbani kwake.

    Siku iliyofuata majira ya saa sita mchana nilimpigia simu na akanielekeza mahali ulipokuwa msiba ambapo ni Tegeta mwisho eneo maarufu kama Kwa Majura. Ingawa barabara ya Tegeta ina foleni, lakini nashukuru niliwahi kufika na kukutana na mfiwa, KakaKiiza. Baada ya kujitambulisha, tulikaa pembeni na kuzungumza na hapo ndipo aliponieleza kile kilichotokea hadi mkewe we kufariki.

    Alinieleza kwamba mkewe alianza kujisikia vibaya hapo mnamo Agosti 23, 2012. Lakini hakuonekana kama amezidiwa, kwani alikuwa na ujauzito wa miezi 6, na kuumwa kwake alikuchukulia kama matatizo ya ujauzito tu. Waliondoka nyumbani huku mgonjwa akitembea mwenyewe na kungia kwenye gari ambapo alimpeleka katika hospitali ya TMJ.

    Walipofika akapata matibabu na kurejea nyumbani. Ilipofika tarehe 26, Agosti mkewe aliamua kwenda kwa mama yake mzazi maeneo ya Tegeta. Lakini alipofika alianza kujisikia vibaya na pia alikuwa anasikia kizunguzungu, hivyo mama yake akamuwahisha katika hospitali ya jirani iitwayo MICO ambapo alitundikiwa dripu. Siku iliyofuata yaani tarehe 27 Agosti alimrudisha mkewe katika hospitali ya TMJ kwa ajili ya matibabu zaidi. Walipofika hapo TMJ, mgonjwa alichukuliwa vipimo na baadae wakamhamishia katika Hospitali ya Muhimbili.

    Alipofikishwa hapo, vipimo vilionyesha kuwa alikuwa na upungufu wa damu na sukari ilipanda kwa kiwango kikubwa, hivyo ikabidi aongezewe damu na kupewa matibabu mengine. Mgonjwa aliendelea na matibabu na hali yake ilonyesha kuimarika. siku ya alhamisi jioni ya tarehe 30 Agosti KakaKiiza alimuaga mkewe na kumweleza kwamba siku inayofuata yaani Ijumaa atachelewa kufika hapo hospitali kidogo kutokana na mambo fulani fulani aliyokuwa ayafanye kabla ya kwenda kumuona, kwani hali ya mgonjwa ilikuwa imeimarika na alijua dhahiri kwamba ataruhusiwa siku hiyo ya Ijumaa.

    Mpaka ufikia usiku alikuwa anawasiliana na mkewe na hakuonyesha dalili kwamba amezidiwa. Ilipofika asubuhi alimpigia simu mkewe ili kumjulia hali pamoja na kumweleza kwamba anaedelea vizuri lakini alimsisitiza awahi hosptalini. KakaKiiza alikata shauri kuwahi hospitalini kama alivyoagizwa na mkewe. Alipofika alimkuta mkewe akiwa amezidiwa, alikuwa amewekewa oksijeni huku daktari na wauguzi wakijitahidi kumuhudumia kwa kila hali kwani ilionekana wazi kwamba mkewe anapigania roho yake.

    Ni kweli, pamoja na juhudi kubwa za Daktari pamoja na wauguzi mkewe Subira (Juliana) Alfred Mwamasso alifariki majira ya saa tatu asubuhi ya Ijumaa ya tarehe 31, Agosti 2012 mbele ya macho yake. KakaKiiza na mkewe walidumu kwenye ndoa yao kwa miaka 12 na walijaaliwa kupata watoto wawili wote wa kike. Wa kwanza anaitwa Ellen ana miaka 10 na anasoma darasa la 5 na wa pili aitwae Adelaide ana miaka 6 na yuko darasa la 1. Wote wanasoma katika shule ya St. AnneMarie. Hayo ndiyo yalikuwa maelezo ya KakaKiiza kuanzia pale mkewe alipoanza kuumwa hadi mauti yalipomkuta.

    Niliwasiliana na baadhi ya wana JF nilipokuwa hapo msibani na wengi waliahidi kufika hapo msibani ili kumfariji mwana JF mwenzetu. Mwana JF mwingine niliyewasiliana naye alikuwa ni NATA, nilipomweleza juu ya msiba huo, kwa bahati mbaya yeye alikuwa nje ya mji, lakini alituma mchango wake kwa njia ya Tigo Pesa na mimi nikauwasilisha kwa mfiwa. Napenda kuchukua nafasi hii kumshukuru NATA kwa moyo wake wa upendo.

    Mazishi ya marehemu Subira (Juliana) Alfred Mwamasso, yalifanyika jana siku ya Jumatatu ya tarehe 3 Septemba 2012 katika makaburi ya Kinondoni majira ya saa kumi jioni, yakitanguliwa na mazishi ya kichanga chake kilichofia tumboni kilichokuwa na jinsia ya kiume ambacho kilizikwa katika makabuti ya Muhimbili majira ya asubihi. Nilibahatika kuhudhuria mazishi hayo na pia nilibahatika kukutana na mwana JF mwenzangu bwana Nicas Mtei. Niliambiwa kwamba walikuwepo wana JF wengine, lakini kutokana na shughuli za mzishi, wengi hatukupata fursa ya kuonana.

    Ni kweli Shemeji yetu, dada yetu, shangazi yetu au rafiki yetu ametutoka na tutaendelea kumkumbuka daima.

    Napenda kuchukua nafasi hii kumuombea KakaKiiza kwa Mwenye enzi Mungu ampe moyo wa subira hasa katika kipindi hiki kigumu cha kuondokewa na mkewe kipenzi. Najua ameguswa sana na msiba wa marehemu mkewe, na ni vigumu sana kwake yeye kuamini kuwa mkewe hayupo tena duniani, lakini ni vyema akubaliane na hali halisi, kwani kazi ya Mungu daima haina makosa. Namuomba mwenyezi mungu ailaze roho ya marehemu Subira (Juliana) Alfred Mwamasso mahali pema peponi …….. amina.



     
  2. BAK

    BAK JF-Expert Member

    #2
    Sep 4, 2012
    Joined: Feb 11, 2007
    Messages: 49,960
    Likes Received: 9,525
    Trophy Points: 280
    Mwenyezi Mungu ailaze roho ya marehemu mahali pema peponi na awape nguvu na faraja familia, ndugu, jamaa na marafiki wa marehemu katika kipindi hiki kigumu kwao~AMEN.....Pole sana KakaKiiza kwa msiba mkubwa uliokufika.
     
    Last edited by a moderator: Jan 4, 2016
  3. L

    Leornado JF-Expert Member

    #3
    Sep 4, 2012
    Joined: Nov 12, 2010
    Messages: 1,534
    Likes Received: 6
    Trophy Points: 0
    Dah, aisee habari inasikitisha saana, ni ngumu sana kuondokewa na mkeo na kukachia upweke na watoto wadogo kama hao ambao watakoso mapenzi ya mama yao.

    Mungu ailaze roho ya marehemu mahala pema peponi na pole saana KakaKiiza. Nimeguswa sana na msiba huu.

    Mungu akutie nguvu.
     
  4. CHAI CHUNGU

    CHAI CHUNGU JF-Expert Member

    #4
    Sep 4, 2012
    Joined: Feb 20, 2012
    Messages: 7,165
    Likes Received: 73
    Trophy Points: 145
    Poleni sana jamani,binafsi nilipata taarifa za msiba huu kupitia kwa mwana JF liverpoolFC,nilijaribu kuutafuta huu uzi but kutokana na mawasiliano mabovu ya huku niliko nilishindwa kupata taarifa kamili.
    Now kupitia kwako wewe naomba nimpe pole kakaKiiza kwa msiba ulio mkuta.Naomba please uiweke nur yake ya simu hapa jukwaani ili sisi ambao hatukupata taarifa kamili basi tuweze kumpa pole na kumtumia chochote kama rambirambi!
    Pls weka hiyo nur ya kakaKiiza.
    Mambo mengine ntaku mp!
     
  5. nyumba kubwa

    nyumba kubwa JF-Expert Member

    #5
    Sep 4, 2012
    Joined: Oct 8, 2010
    Messages: 9,670
    Likes Received: 988
    Trophy Points: 280
    Inasikitisha. Pole Kaka Kiiza. Sipendi kulaumu lakini nimejiuliza ni kwa nini kwa Tanzania mimba zimekuwa sawa na ugonjwa au niseme tu ni kufa na kupona?? Why???? Ni wapi tumezembea??? Imekuwa jambo la kawaida kwa sasa kusikia mtu amekufa kwa sababu ya uzazi mpaka imekuwa inaongeza BP kwa wajawazito wakifikiria kama watapita salama.
     
  6. andishile

    andishile JF-Expert Member

    #6
    Sep 4, 2012
    Joined: Apr 1, 2012
    Messages: 1,430
    Likes Received: 10
    Trophy Points: 135
    inasikitisha sana,wanawake wenzetu wengi wanafariki kwa sababu ya ujauzito!watoto wa marehemu ndo nimefahamu hapa kuwa wanasoma shule moja na wanangu!pole sana kaka kiiza!
     
  7. Nsiande

    Nsiande JF-Expert Member

    #7
    Sep 4, 2012
    Joined: Jul 27, 2009
    Messages: 1,649
    Likes Received: 4
    Trophy Points: 135
    Pole sana kufiwa na mke wakati wa ujauzito ni huzuni sana

    Mwanadamu aliyezaliwa na mwanamke siku zake za kuishi si nyingi nazo zimejaa taabu


    Samahani niwekee tena ile namba ya MPESA nikifika ofisini nitume my rambirambiz
     
  8. O

    Otorong'ong'o JF-Expert Member

    #8
    Sep 4, 2012
    Joined: Aug 17, 2011
    Messages: 23,085
    Likes Received: 2,350
    Trophy Points: 280
    Pole sana Kakakiiza.
     
  9. charminglady

    charminglady JF-Expert Member

    #9
    Sep 4, 2012
    Joined: Apr 16, 2012
    Messages: 17,570
    Likes Received: 660
    Trophy Points: 280
    pole sana KakaKiiza, Mwenyezi Mungu akutie nguvu na kukufariji katika wakati mgumu kama huu.
     
    Last edited by a moderator: Jan 4, 2016
  10. Mr Rocky

    Mr Rocky JF-Expert Member

    #10
    Sep 4, 2012
    Joined: Oct 10, 2007
    Messages: 15,056
    Likes Received: 324
    Trophy Points: 180
    Mtambuzi asante sana sana kwa kuleta uzi huu tena. Hata ule wa kwanza nilipata bahati ya kuuona na niliwasiliana na KakaKiiza na kumpa pole na jana pia niliwasiliana na Nicas Mtei nikaongea nae akiwa na KakaKiiza na kutoa pole zangu tena
    KakaKiiza pole sana kuondokewa na mke. Naamini kwa sasa uko kwenye wakati mgumu sana ila naamini mwenyezi Mungu yupo pamoja na wewe. Akupe nguvu kuweza kupita kipindi hiki. Mwenyezi Mungu aipumzishe roho ya marehem mahali pema peponi
    Pia KakaKiiza akupe ujasiri wa kuwalea wanao na wasione upungufu wa kuondokewa na mama yao katika umri mdogo japo pengo lazima liwepo.
     
    Last edited by a moderator: Jan 4, 2016
  11. Asprin

    Asprin JF-Expert Member

    #11
    Sep 4, 2012
    Joined: Mar 8, 2008
    Messages: 42,156
    Likes Received: 4,682
    Trophy Points: 280
    Aisee.....

    Am speechless!!
     
  12. Saint Ivuga

    Saint Ivuga JF-Expert Member

    #12
    Sep 4, 2012
    Joined: Aug 21, 2008
    Messages: 31,105
    Likes Received: 5,676
    Trophy Points: 280
    inasikitisha sana KakaKiiza pole sana Mungu akupe nguvu tu ili uweze kuelewa kuwa ni maenzi yake japo ni ngumu kuamini kuwa mwenzako ametangulia
     
    Last edited by a moderator: Jan 4, 2016
  13. Mwita Maranya

    Mwita Maranya JF-Expert Member

    #13
    Sep 4, 2012
    Joined: Jul 1, 2008
    Messages: 10,564
    Likes Received: 66
    Trophy Points: 145
    Kwakweli nitoe pole kwa mara nyingine tena kwa ndugu yetu KakaKiiza kwa msiba huu mzito uliompata.
    Namuombea kwa mwenyezi Mungu amtie nguvu na kumpa moyo wa subra wakati huu anapoomboleza msiba.
    Naamini kwa wanaJF mliopata nafasi ya kushiriki mazishi mmetuwakilisha vizuri na pengine mzee Mtambuzi unaweza kutusaidia utaratibu mzima wa kufikisha rambirambi zetu kwa sasa?
     
    Last edited by a moderator: Jan 4, 2016
  14. N

    Ndinani JF-Expert Member

    #14
    Sep 4, 2012
    Joined: Aug 29, 2010
    Messages: 5,105
    Likes Received: 506
    Trophy Points: 280
    Mungu ailaze roho ya marehemu peponi, Amen. Poleni wafiwa na mwenyezi Mungu awape nguvu na hekima ili muweze kuvumilia wakati huu mgumu uliosababishwa na kifo cha mpendwa wenu.
     
  15. gfsonwin

    gfsonwin JF-Expert Member

    #15
    Sep 4, 2012
    Joined: Apr 12, 2012
    Messages: 16,144
    Likes Received: 589
    Trophy Points: 280
    jamani pole sana sina la kusema. na nakuomba msamaha sana Mtambuzi ulinitumia sms sikuweza kuijibu na nilipokuja kukupigia sikukupata. am so sorry kwa hilo.
     
    Last edited by a moderator: Jan 4, 2016
  16. Donnie Charlie

    Donnie Charlie JF-Expert Member

    #16
    Sep 4, 2012
    Joined: Sep 16, 2009
    Messages: 5,934
    Likes Received: 130
    Trophy Points: 160
    Tupo pamoja katika kipindi hiki kigumu kabisa katika familia yako, Mungu awatie nguvu na ujasiri pia ampumzishe kwa amani Subira J Alfred.
     
  17. Elia

    Elia JF-Expert Member

    #17
    Sep 4, 2012
    Joined: Dec 30, 2009
    Messages: 3,444
    Likes Received: 3
    Trophy Points: 135
    Last edited by a moderator: Jan 4, 2016
  18. Kaizer

    Kaizer JF-Expert Member

    #18
    Sep 4, 2012
    Joined: Sep 16, 2008
    Messages: 23,950
    Likes Received: 524
    Trophy Points: 280
    Yaani Pole sana KakaKiiza, inauma sana kuondokewa na mwenza katika hali hii. Tunakuombea Mungu akupe nguvu uwezi kuvumilia na kupita kipindi hiki kigumu...pole sana kiongozi.
     
    Last edited by a moderator: Jan 4, 2016
  19. Z

    Zion Daughter JF-Expert Member

    #19
    Sep 4, 2012
    Joined: Jul 9, 2009
    Messages: 8,937
    Likes Received: 26
    Trophy Points: 145
    Pole sana mkuu.Mungu akutie nguvu na akupe amani
     
  20. Smile

    Smile JF-Expert Member

    #20
    Sep 4, 2012
    Joined: Jul 18, 2011
    Messages: 15,404
    Likes Received: 91
    Trophy Points: 145
    daaaah
     
Loading...