Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Ukistaajabu ya Mussa...

Discussion in 'Jukwaa la Siasa' started by BAK, Dec 15, 2007.

  1. BAK

    BAK JF-Expert Member

    #1
    Dec 15, 2007
    Joined: Feb 11, 2007
    Messages: 50,118
    Likes Received: 9,818
    Trophy Points: 280
    Tangu lini mahakama ikapangiwa muda maalumu wa kumaliza kesi na siri kali!? :confused:

    Hapa si kuna ushahidi tosha kwamba siri kali inaingilia kazi za mahakama? Kwa jinsi Slaa anavyoendesha siri kali huko bungeni, siri kali itakubali hii kesi isisikilizwe tena? jibu tunalijua.
    Je, gharama za kuanza upya kesi hii nani atazibeba? maana jury wanaweza kuwa wamesahau ushahidi uliotolewa na hivyo itabidi kuanza upya.

    Kesi ya Slaa yaahirishwa

    na Mustafa Leu
    Tanzania Daima

    KESI namba 20 ya mwaka 2005 iliyofunguliwa na Chama Cha Mapinduzi (CCM) Wilaya ya Karatu, kupinga matokeo ya ubunge wa jimbo hilo, imeahirishwa kwa muda usiojulikana kutokana na muda uliokuwa umewekwa kusikiliza kesi hiyo kwisha kabla ya kesi kufikia ukingoni.
    Akiahirisha kesi hiyo ambayo imekuwa ikiendelea katika Mahakama Kuu Kanda ya Arusha kwa muda wa wiki nzima mfululizo kwa vipindi ya asubuhi na mchana, Jaji Robert Makaramba alisema kuwa, kesi hiyo kuendelea kusikilizwa au kutokuendelea kutategemea na uamuzi wa serikali ambayo itapanga utaratibu mwingine.

    Kesi hiyo ilifunguliwa na wanachama watatu wa CCM wakipinga matokeo yaliyokipa Chama cha Demokrasia na Maendeleo (CHADEMA) ushindi wa Jimbo la Karatu ambapo, Dk. Willbroad Slaa alitangazwa na Tume ya Taifa ya Uchaguzi kuwa mshindi kwa kumshinda mgombea ubunge wa CCM, Patrick Tsere ambaye baadaye aliteuliwa kuwa Mkuu wa Wilaya ya Ilala jijini Dar es Salaam.

    Mawakili wa pande zote za walalamikaji, utetezi na serikali kwa pamoja walikubaliana na uamzi huo wa kuahirishwa kwa kesi hiyo hadi taratibu nyingine zitakapopangwa.

    Kesi hiyo ilichelewa kuanza kusikilizwa kutokana na walalamikaji kuchelewesha kuwasilisha vielelezo mahakamani katika muda uliokuwa umepangwa.

    Hadi jana, alikuwa ni shahidi mmoja tu wa kwanza, Joseph Haim ndiye aliyekuwa akiendelea kutoa ushahidi wake wa kupinga matokeo kati ya mashahidi 25 wanaotarajiwa kutoa ushahidi wao.

    Wakili wa utetezi, Tundu Lissu aliiambia mahakama hiyo kuwa, muda uliokuwa umepangiwa kesi hiyo umekwisha kutokana na upande wa walalamikaji kuchelewa kukamilisha vielelezo vyao.

    Katika kesi hiyo, mshitakiwa wa kwanza ni Tume ya Taifa ya Uchaguzi na wa pili ni Mbunge wa Karatu, Dk. Slaa, hivyo kesi hiyo iwapo itapangwa, lazima izingatie ratiba ya vikao vya Bunge.

    Katika hatua nyingine, shahidi wa kwanza wa CCM, Haim alishukuru hatua ya mahakama hiyo ya kuahirisha kesi hiyo ili aweze kuishi huru kwani amekuwa chini ya kiapo tangu kesi hiyo ianze kusikilizwa na hivyo kukosa amani na uhuru.

    Hali hiyo imetokana na kutokukamilika mapema ushahidi wake ambao alikuwa akiutoa mahakamani na hatimaye kuonekana kuchoswa na maswali aliyokuwa akiulizwa mara kwa mara na mawakili kutokana na kukaa kizimbani kila siku asubuhi na mchana.
     
  2. Dua

    Dua JF-Expert Member

    #2
    Dec 15, 2007
    Joined: Nov 14, 2006
    Messages: 2,483
    Likes Received: 15
    Trophy Points: 135
    Utakuwaje huru wakati unapingana na nafsi yako? Haya ni mazingaombwe kwani wameona CCM na serikali yake wameumbuliwa vya kutosha na kutafuta sababu ya kutokea.
     
  3. BAK

    BAK JF-Expert Member

    #3
    Dec 15, 2007
    Joined: Feb 11, 2007
    Messages: 50,118
    Likes Received: 9,818
    Trophy Points: 280
    Upande wa walalamikaji ukishindwa kuleta vielelezo vya ushahidi basi kesi ifutwe maana hawana ushahidi wa kutosha. Sasa wanarudi kazini kwa msemo wao wenyewe 'kwenda kujipanga upya' ili itakapoanza kusikilizwa tena warudi na ushahidi wa kupikwa!
     
  4. J

    Jasusi JF-Expert Member

    #4
    Dec 15, 2007
    Joined: May 5, 2006
    Messages: 11,450
    Likes Received: 100
    Trophy Points: 145
    Mi nadhani kesi ilishaisha. Yaani mpaka mlalamikaji anakiri kuwa sasa atapata uhuru wa kupumua. Makubwa kweli kweli.
     
  5. M

    Mugo"The Great" JF-Expert Member

    #5
    Dec 15, 2007
    Joined: Oct 7, 2007
    Messages: 265
    Likes Received: 6
    Trophy Points: 35
    Ama kweli demokrasia yetu iko taabani na ndiyo maana mtindo wa kuweka "VIRAKA" kwenye katiba haufai. Tunataka katiba mpya yenye kutoa "HAKI SAWA" kwa watanzania wote. Inakuwaje "SIRIKALI" kupanga muda wa kesi? Wataalamu wa Sheria tunaomba ufafanuzi hapa.
     
Loading...