Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Ukimwi sasa kupimwa kwa mate

Discussion in 'JF Doctor' started by armanisankara, Jul 29, 2012.

  1. a

    armanisankara JF-Expert Member

    #1
    Jul 29, 2012
    Joined: Jul 15, 2011
    Messages: 285
    Likes Received: 2
    Trophy Points: 35
    MAMLAKA ya Kudhibiti Chakula na Dawa Nchini Marekani (FDA), imethibitisha na kupitisha matumizi ya kifaa kipya cha kupima Virusi Vya Ukimwi (VVU) kwa kutumia mate.

    Kifaa hicho kilichotengenezwa na wanasayansi wa nchini humo, kimeelezwa kuwa na uwezo wa kutoa majibu sahihi kwa zaidi ya asilimia 90 kwa kati ya dakika 20 na 40 baada ya kupima.
    Imeeleza kuwa kifaa hicho kilichopewa jina la OraQuick, kimebuniwa sio tu kwa ajili ya matumizi ya hospitalini bali pia nyumbani na kitaanza kupatikana katika maduka ya dawa nchini Marekani kuanzia Oktoba mwaka huu kabla ya kusambazwa nchi mbalimbali duniani.

    Serikali ya Marekani imesema inaamini kifaa hicho kitasaidia kupunguza maambukizi ya virusi vya ukimwi kwa kubadili tabia ya watu wanaoishi na virusi hivyo bila kujua.
    Wataalamu mbalimbali wa afya wamekielezea chombo hicho kuwa ni hatua nyingine kwa dunia katika jitihada zake za kudhibiti maambukizi ya VVU
    .
    Kinavyotumika
    Kwa umbo OraQuick hakina tofauti na vipimo vingine vya kisasa ambavyo vimebuniwa kwa ajili ya kupima magonjwa kwa haraka kama vile malaria, Ukimwi na kisukari.
    Lakini badala ya kuwa na sehemu ya kudondoshea tone la damu, kina sehemu laini iliyojitokeza, maalumu kwa ajili ya kunyonya mate.

    Mtumiaji hapaswi kukitemea mate, bali kwa kutumia sehemu hiyo maalumu, atakiingiza kifaa hicho mdomoni na kuchukua mate katikati ya fizi na midomo chini au juu.

    Sehemu hiyo laini italoa mate na kuyanyonya. Hapo mpimaji atapaswa kukiondoa kifaa hicho na kukiweka sehemu kavu kusubiri kimpatie majibu ndani ya muda huo wa kati ya dakika 20 na 40.

    Gharama zake
    Hakuna uhakika juu ya bei kamili ya kipimo hicho. Taarifa za awali zinaonyesha kuwa kitauzwa kwa Dola za Marekani 17.50 sawa na Sh 27,300.
     
  2. Daudi Mchambuzi

    Daudi Mchambuzi JF-Expert Member

    #2
    Jul 29, 2012
    Joined: Nov 25, 2010
    Messages: 21,272
    Likes Received: 11,638
    Trophy Points: 280
    Hicho ndo safi, nitakuwa najipima kila baada ya siku mbili bila uoga.

    Sent from my BlackBerry 9700 using JamiiForums
     
  3. M

    Mwanaweja JF-Expert Member

    #3
    Aug 1, 2012
    Joined: Feb 8, 2011
    Messages: 3,577
    Likes Received: 4
    Trophy Points: 135
    uwezo kwa watanzania itakuwa janga gharama tu ndio inagomba maana wengi wanahongwa/kuhonga 1000-5000 wanaridhika kwa hii more 27000 ni ngumu sijui
     
  4. UncleUber

    UncleUber JF-Expert Member

    #4
    Aug 1, 2012
    Joined: Apr 25, 2011
    Messages: 4,922
    Likes Received: 54
    Trophy Points: 145
    mimi nilisikia muda kuhusu idea ya kifaa hiki pia nilisoma jinsi kinavyofanya kazi, wataalamu waligundua kuwa chembe chembe ambazo hupigana na virusi kama vinavyosababisha ukimwi etc, hupatikana pia kwenye mate, kwa kutumia kifaa hiki inakuwa rahisi kujipima since huitaji kujitoboa, wala damu coz watu wengine huogopa kuona damu
     
  5. bornagain

    bornagain JF-Expert Member

    #5
    Aug 1, 2012
    Joined: Jan 25, 2012
    Messages: 3,391
    Likes Received: 4
    Trophy Points: 135
    Kitakachofaa ni cha kupima kwa macho lakini hata walete cha kipima sijui hewa ni kazi bure maana kinachotakiwa ni namna ya kuzuia maambukizi yasienee kwa kasi.Sasa hata icho cha kupima mate kikija hapa bongo msaada wake nini hasa tofauti na hivi tulivonavo vinavopima damu
     
Loading...