Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Ugali Kwa Mchuzi Wa Nyama, Mchicha, Maharage Na Chatini.

Discussion in 'JF Chef' started by X-PASTER, Jul 14, 2011.

  1. X-PASTER

    X-PASTER Moderator

    #1
    Jul 14, 2011
    Joined: Feb 12, 2007
    Messages: 11,651
    Likes Received: 75
    Trophy Points: 145
    Ugali Kwa Mchuzi Wa Nyama, Mchicha, Maharage Na Chatini.

    Vipimo Vya Mchuzi Wa Nyama

    Nyama ya ng’ombe vipande vidogo............... 1kg

    Nyanya............... 1

    Kitunguu Kilichoktwa katwa............... 1

    Mafuta............... 2 vijiko vya supu

    Paprika (bizari ya masala ya rangi)............... ½ kijiko cha chai

    Kidonge cha supu............... 1 (Royco au mchuzi mix)

    Chumvi............... Kiasi

    Ndimu............... Kiasi


    Namna Ya Kutayarisha Na Kupika Nyama

    1 Osha nyama kwa chungio ili itoke maji.

    2 Kwenye sufuria, weka mafuta na ukaange vitunguu mpaka viwe rangi ya hudhurungi.

    3 Kisha tia nyama na kidonge cha supu uwachie moto mdogo mpaka iwive.

    4 Halafu tia nyanya na paprika ufunike sufuria na uiwache motoni mpaka ikauke, kamulia ndimu na itakuwa tayari.


    Vipimo Vya Mboga

    Mchicha ulio katwa katwa............... 400 gm

    Nyanya............... 1

    Kitunguu kilicho katwa............... 1

    Nazi ya unga............... kiasi

    Pilipili mbichi............... 2

    Mafuta............... ½ kijiko cha supu

    Chumvi............... kiasi


    Namna Ya Kutayarisha na Kupika

    1 Osha mboga vizuri mpaka iwe haina mchanga.

    2 Katika sufuria, kaanga vitungu hadi viwe laini.

    3 Tia nyanya, mboga, pilipili na chumvi ikisha toa maji utatia nazi na utaiwacha motoni mpaka ikauke kiasi na itakuwa tayari.


    Vipimo Vya Maharage


    Maharage............... 1 kopo

    Kitunguu 1

    Nazi............... 1 Kikombe cha robo lita

    Nyanya (itowe maganda)............... 1 kiasi

    Pilipili mbichi............... 2

    Mafuta............... 1 kijiko cha supu

    Chumvi............... kiasi


    Namna Ya Kutayarisha Na kupika

    1 Tia mafuta katika sufuria na ukaanga vitungu mpaka vilainike.

    2 kisha tia nyanya na pilipili na ukaange kidogo.

    3 Tia chumvi, maharage na nazi uwachie moto mdogo mpaka iwe nzito kiasi na itakuwa tayari.


    Vipimo Vya chatini Ya Pilipili mbichi

    Pilipili mbichi............... 5

    Kotmiri (coriander)............... 1 Kijiko cha supu

    Ndimu............... kiasi

    Thomu............... 1 chembe

    Mafuta ya zaituni............... 2 vijiko Vya supu

    Chumvi............... kiasi


    Namna Ya Kutayarisha


    1 Kwenye blender, tia vipimo vyote na usage isipokuwa chumvi tia mwisho kwa juu kwenye bakuli na itakuwa tayari kwa kuliwa.


    Vipimo Vya ugali

    Maji............... 4 Vikombe kiasi inategemea na unga

    Unga wa sembe............... 2 vikombe


    Namna Ya Kutayarisha Na Kupika

    Tia maji kiasi katika sufuria, weka motoni, yakipata moto korogea unga wa sembe kiasi na ufanye uji mzito uache uchemke vizuri huku ukikoroga.
    Chota kibakuli kimoja cha uji huo weka pembeni kisha mimina unga wote uliobaki upigepige uchanganyike vizuri kwenye uji huo mpaka ushikamane.
    Punguza moto anza kuusonga taratibu huku ukiongeza ule uji ulioweka pembeni kidogo kidogo mpaka uone sasa umeshikamana vizuri na hauna mabuja.

    Endelea kusonga mpaka ulainike kisha mimina kwenye bakuli au sahani na itakuwa tayari kwa kuliwa na mchuzi wa nyama, maharage, mboga na chatini.
     
Loading...