Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Ufisadi mkubwa Wizara ya Maji

Discussion in 'Jukwaa la Siasa' started by Bishop Hiluka, Aug 19, 2011.

  1. Bishop Hiluka

    Bishop Hiluka Verified User

    #1
    Aug 19, 2011
    Joined: Aug 12, 2011
    Messages: 2,711
    Likes Received: 44
    Trophy Points: 145
    * Wakaguzi wabaini ufujaji pesa za miradi

    * Mabilioni ya pesa za walipa kodi yayeyuka
    * Kashfa kwenye ununuzi wa mashangingi 68
    * Wafadhili watishia kuzuia misaada yao

    WIZARA ya Maji na Umwagiliaji imekumbwa na kashfa kubwa baada ya ukaguzi maalumu
    uliofanywa kwenye miradi ya maji nchi nzima kubaini tuhuma za ufisadi, uzembe wa maofisa
    na matumizi mabaya ya mabilioni ya shilingi kwenye wizara hiyo.


    Ukaguzi maalumu (special audit) uliofanywa na Ofisi ya Mdhibiti na Mkaguzi Mkuu wa Hesabu
    za Serikali (CAG) kwenye programu ya maendeleo ya sekta ya maji (2007-2010) umebaini
    malipo mengi ya utata kwenye miradi ya maji nchini na matumizi mabaya ya pesa za umma.


    Katika moja ya tuhuma hizo za ufisadi, Wizara ya Maji na Umwagiliaji imebainika kutumia zaidi
    ya dola za Marekani milioni 39 (takribani shilingi bilioni 63) kwenye mazingira ya utata bila
    kuzingatia miradi iliyopo kwenye mpango kazi wa mwaka wa wizara hiyo.


    "Shughuli za manunuzi ndani ya Wizara ya Maji na Umwagiliaji hazifanywi kuendana na mpango
    wa manunuzi wa kila mwaka," imesema sehemu hiyo ya ripoti mpya ya CAG kutokana na ukaguzi
    uliofanywa Septemba mwaka jana.


    Pia ukaguzi huo umebaini kashfa kwenye ununuzi wa mashangingi (Toyota Land Cruiser) yapatayo 68
    uliofanyika mwaka 2009 kwa Yen za Japan milioni 235.4 (zaidi ya shilingi bilioni 5) kinyume na utaratibu
    rasmi wa manunuzi ndani ya serikali.


    Kwa mujibu wa wakaguzi wa ofisi ya CAG, ununuzi huo wa mashangingi bila kufuata taratibu za serikali
    umeisababishia wizara hasara ya zaidi ya shilingi milioni 218 kutokana na tofauti ya viwango vya
    ubadilishaji wa pesa za kigeni.


    Wizara hiyo imebainika kutokuwa na ufuatiliaji wa karibu wa pesa za miradi ya maji zinazopelekwa
    nchi nzima kwenye mamlaka za serikali za mitaa na hivyo basi kutojua kama pesa hizo zimetumiwa
    kwenye matumizi sahihi ama la.


    Wizara hiyo pia imekumbwa na kashfa ya matumizi makubwa ya pesa kwenye miradi mbalimbali ya
    maji kuliko gharama halisi za awali zilizokubaliwa kwenye miradi hiyo.


    Mifano hiyo ni pamoja na mradi wa ujenzi wa Bwawa la Matwiga ambapo wakati mkataba wa awali
    ulisema kuwa mradi utagharimu dola za Marekani 284,693, wizara hiyo iliongeza malipo ya ziada
    kwenye mradi huo ya dola 80,615 (wastani wa shilingi milioni 129).


    Kwenye mradi wa Mpwapwa na Utete, wizara ilitumia dola za Marekani 32,250 zaidi ya gharama
    halisi ya mradi huo kwenye mkataba wa ujenzi ambayo ilikuwa ni $39,600.


    Mamlaka ya Maji Safi na Taka ya Moshi nayo ilitumia $947,757.53 (shilingi bilioni 1.5) kuilipa
    kampuni ya Seureca Consulting Egineers ya Ufaransa kushirikiana na NETWAS Tanzania Ltd
    wakati mkataba na kampuni hiyo ulikuwa ni wa malipo ya $303,375.04 (shilingi milioni 485 tu).
    Malipo hayo ya ziada ni sawa na asilimia 212 ya gharama zilikubaliwa awali za mkataba huo.


    Wakaguzi wamebaini ukiukwaji mkubwa wa taratibu rasmi za manunuzi, utunzaji wa kumbukumbu
    za fedha na ufuatiliaji kwenye miradi mbalimbali ya maji. Hii ni pamoja na kutokuwepo kwa nyaraka
    muhimu za malipo, malipo ya pesa nyingi zaidi kuliko zilizokubaliwa kwenye mikataba ya miradi ya maji,
    matumizi mabaya ya pesa na kutokuwepo kwa wakaguzi wa ndani.


    Baadhi ya matumizi kwenye miradi ya maji nchini inayoratibiwa na wizara hiyo yameonekana kuwa ni
    zaidi ya pesa zilizotengwa kwenye bajeti, huku pesa nyingine zikitumiwa kwenye miradi ambayo
    haikulengwa kutekelezwa.


    "Wizara ya Maji na Umwagiliaji inatakiwa kutengeneza utaratibu mzuri wa kufuatilia na kuweka rekodi
    ya pesa zote zinazotumwa kwenye mamlaka za serikali za mitaa," ilisema sehemu ya ripoti hiyo ambayo
    KuliKoni imepata nakala yake.


    Ofisi ya CAG imetoa maagizo kwa wizara hiyo kuhakikisha kuwa manunuzi yote yanafanywa kulingana
    na pesa na miradi iliyowekwa kwenye mipango rasmi ya manunuzi.


    Maafisa wa serikali wameiambia Kulikoni kuwa baadhi ya nchi na mashirika ya kimataifa ambayo
    yamekuwa yakitoa misaada na mikopo kwenye sekta ya maji hapa nchini yamesitisha misaada yake
    kwa Tanzania, huku na mengine yakitishia kuzuia misaada kutokana na tuhuma za ubadhirifu wa pesa
    kwenye miradi ya maji.
     
  2. Sikonge

    Sikonge JF-Expert Member

    #2
    Aug 19, 2011
    Joined: Jan 19, 2008
    Messages: 11,397
    Likes Received: 190
    Trophy Points: 160
    Here we go again. Hivi Waziri wa hii wizara si ndiyo yule Mgonjwa yuko Nje ya nchi?

    Huyu anajulikana sana ingawa madudu mengi kayakuta. Ukitaka kupata habari yake, waulize TTCL jinsi alivyowaliza.

    Mtoto wake akaenda kutesa South Africa....... very poor mind. Unauza nchi kwa shanga na kioo?
     
  3. Bishop Hiluka

    Bishop Hiluka Verified User

    #3
    Aug 19, 2011
    Joined: Aug 12, 2011
    Messages: 2,711
    Likes Received: 44
    Trophy Points: 145
    Yote haya ni kukosekana kwa uzalendo...
     
  4. AirTanzania

    AirTanzania JF-Expert Member

    #4
    Aug 19, 2011
    Joined: Mar 17, 2011
    Messages: 907
    Likes Received: 43
    Trophy Points: 45
    Haponi mpaka Bajeti ya wiraza yake ipe ndio atapona amekimbia kijanja huyo
     
  5. Bishop Hiluka

    Bishop Hiluka Verified User

    #5
    Aug 19, 2011
    Joined: Aug 12, 2011
    Messages: 2,711
    Likes Received: 44
    Trophy Points: 145
    Teh teh, ina maana kila siku anapiga simu kuulizia?
     
  6. m

    massamu Member

    #6
    Aug 19, 2011
    Joined: May 24, 2011
    Messages: 10
    Likes Received: 0
    Trophy Points: 3
    '' freedom is never voluntary given by the oppressor; it must be demanded by the oppressed ''
     
  7. Bishop Hiluka

    Bishop Hiluka Verified User

    #7
    Aug 19, 2011
    Joined: Aug 12, 2011
    Messages: 2,711
    Likes Received: 44
    Trophy Points: 145
    So, what should be the solution?
     
  8. bushman

    bushman JF-Expert Member

    #8
    Aug 19, 2011
    Joined: Nov 1, 2010
    Messages: 2,292
    Likes Received: 52
    Trophy Points: 145
    tutaona mengi sana juu ya hii serikali yetu legelege....................................!
     
  9. LINCOLINMTZA

    LINCOLINMTZA JF-Expert Member

    #9
    Aug 19, 2011
    Joined: Mar 15, 2011
    Messages: 1,640
    Likes Received: 2
    Trophy Points: 0
    \
    Kuna kiongozi mmoja alisemaga kwamba hakuna msafi ndani ya CCM. Nafikiri mtu akifanya research ya ufisadi kuanzi juu mpaka chini kwa mwenyekiti wa serekali za mitaa, anaweza kupata PhD kabisa.
     
  10. GHOST RYDER

    GHOST RYDER JF-Expert Member

    #10
    Aug 19, 2011
    Joined: Jun 10, 2011
    Messages: 1,025
    Likes Received: 14
    Trophy Points: 135
    Sijui Wizara Ipi salama, jana tunaambiwa ati baada ya Majibu mazuri ya Mama Tibaiuka wabunge wakaamua kuipitisha Bajeti yake. Hatutaki majibu mazuri uwajibikaji ndio hasa muhimu. Wanaobainika na kutuhumiwa kama hawa sheria madhubuti zichukue Mkondo na si drama za akina Zombe
     
  11. Bishop Hiluka

    Bishop Hiluka Verified User

    #11
    Aug 19, 2011
    Joined: Aug 12, 2011
    Messages: 2,711
    Likes Received: 44
    Trophy Points: 145
    Alikuwa Sofia Simba (mbunge na waziri)
     
Loading...