Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Uchaguzi CCM moto: Vigogo wawahenyesha vijana, wengi warudi, masha, mwakalebela waingizwa kundini

Discussion in 'Jukwaa la Siasa' started by nngu007, Sep 30, 2012.

  1. nngu007

    nngu007 JF-Expert Member

    #1
    Sep 30, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145
    Saturday, 29 September 2012
    VIGOGO WAWAHENYESHA VIJANA, WENGI WARUDI, MASHA, MWAKALEBELA WAINGIZWA KUNDINI


    Waandishi Wetu Dar na mikoani

    KINYANG'ANYIRO cha kuwania nafasi mbalimbali ndani ya Chama Cha Mapinduzi (CCM) kinazidi kupamba moto huku matokeo yakionyesha kuwa vigogo wa chama hicho wameibuka kidedea.

    Katika uchaguzi huo ulioanza juzi katika wilaya kadhaa nchini, watu maarufu ndani ya chama hicho wakiwamo waliokosa ubunge katika uchaguzi uliopita waliojitokeza kuwania nafasi mbalimbali wameshinda.

    Uchaguzi huu unachukuliwa na chama hicho kama sehemu ya kupanga safu ya uongozi ambayo itatumiwa na chama hicho kutetea kuendelea kupata ridhaa ya kuongoza nchi.

    Rais Jakaya Kikwete wakati akifungua kikao cha Halmashuari Kuu (Nec) mjini Dodoma hivi karibuni alisema kuwa wameamua kupitisha majina ya vijana wengi ili wapate timu ya ushindi katika uchaguzi mkuu wa mwaka 2015.

    Iringa Mjini
    NEC: Katika nafasi hiyo Mahamoud Madenge alishinda kwa kupata kura 281, huku akiwabwaga Vitus Mushi Mhadhiri wa Chuo Kikuu cha Tumaini, Enock Ugulumo na Michael Mlowe.

    Nafasi ya Mkutano Mkuu wa Taifa: Katika nafasi hiyo ya Mjumbe wa Mkutano Mkuu Taifa, Katibu Mkuu wa zamani wa Shirikisho la Soka Tanzania (TFF), Fredrick Mwakalebela aliibuka kidedea.

    Akitangaza matokeo ya uchaguzi wa CCM Iringa mjini, Msimamizi wa Uchaguzi huo, Daudi Yasin aliwataja wengine walioshinda nafasi hiyo inayohitaji wajumbe watano kuwa ni Salim Abri (Asas) Diwani wa Viti Maalumu, Agusta Mtemi, Meya wa Manispaa ya Iringa, Amani Mwamwindi na Fatuma Ngole.

    Mwenyekiti: Mwenyekiti wa zamani wa CCM Wilaya Iringa Mjini, Abeid Kiponza aliibuka mshindi na kutetea nafasi yake huku akimshinda mpinzani wake ambaye ni Katibu Mkuu wa Soka Mkoa wa Iringa, Eliud Mvela.

    Aliwataja wajumbe wawili wa halmashauri kuu kundi la wazazi kuwa ni Alli Mbaya na Shadrack Mkusa.

    Walioshinda nafasi hiyo kundi la wanawake ni Nikolina Lulandala ambaye ni Diwani wa Kata ya Gangilonga, Ashura Jongo na Halima Msanya.

    Upande wa vijana walioshinda ni Ally Simba, Salum Kaita, Mwaija Mwinyikayoka na Crala Shirima.

    Kwa upande wa Mkutano Mkuu wa CCM Mkoa, wagombea wawili ambao ni Zainab Kufakunoga na Chiku Masanja ambaye ni Katibu wa Umoja wa Wanawake, Iringa mjini walipita bila kupingwa.

    Songea Vijijini

    Nec: Mwanasheria wa CCM makao makuu Dodoma, Glorius Luoga alishinda nafasi ya Ujumbe wa Nec katika Wilaya ya Songea Vijijini.

    Mwenyekiti: Akitangaza matokeo hayo jana Msimamizi Mkuu wa uchaguzi huo Mwenyekiti wa UWT Mkoa Ruvuma, Mariam Yusuph alisema nafasi ya Mwenyekiti imechukuliwa na Nelly Due.

    Wajumbe wa Mkutano Mkuu Taifa: Aliwataja walioshinda nafasi ya ujumbe wa Mkutano Mkuu Taifa ni Joseph Muhagama, Vastus Mfikwa, Athon Kantala,Celina Kayombo na Rajab Mtiula.

    Songea Mjini
    Nec: Kwa upande wa CCM Wilaya ya Songea Mjini Msimamizi wa Uchaguzi huo, Jenista Mhagama ambaye pia ni Mbunge wa Peramiho alimtangaza Waziri wa Mambo ya Ndani, Dk Emmanuel Nchimbi kuwa mshindi wa Mjumbe wa Nec.

    Mwenyekiti: Nafasi ya Mwenyekiti wa Wilaya imechukuliwa na Gerod Muhenga.

    Wajumbe wa Mkutano Mkuu Taifa: Waliochaguliwa kuwa wajumbe wa Mkutano Mkuu wa Taifa ni Anusiatha Ngatunga, Andrew Chatwanga , Charles Muhagama, Consolatha Kilowoko na Mathias Nyoni.

    Nyamagana
    Nec: Aliyekuwa Mbunge wa Nyamagana na Waziri wa Mambo ya Ndani ya Nchi, Lawrence Masha ameibuka kidedea akiwashinda wapinzani wake, Biku Kotecha na James Bwire katika uchaguzi wa mjumbe wa Nec baada ya kuwashinda washindani wake.

    Mwenyekiti: Kada wa siku nyingi wa CCM, Raphael Shilatu ameshinda nafasi hiyo akiwashinda washindani wake, Yahya Nyaonge, Joseph Bupamba na Mashaka Kaguna.

    Ilemela
    Nec: Nafasi ya Ujumbe wa Nec aliyechaguliwa ni Israel Mtambalike akiwashinda washindani wenzake, Nashon Kennedy, Mafuru Eliazar na Ahnes Kingu.

    Mwenyekiti: Katika uchaguzi wa mwenyekiti, Nelson Mesha aliibuka kidedea akiwashinda wenzake.

    Morogoro Mjini
    Nec: Mbunge wa Morogoro Mjini, Abdulaziz Abood ameibuka mshindi wa nafasi hiyo.

    Mwenyekiti: Mwenyekiti wa sasa wa chama hicho, Fikiri Juma ametetea chama hicho baada ya kuibuka mshindi katika uchaguzi uliofanyika jana.

    Mjumbe afa katika ajali Chunya
    Uchaguzi wa CCM, Wilaya ya Chunya, mkoani Mbeya umeingia dosari baada ya wajumbe wa mkutano mkuu, kupata ajali na kusababisha kifo cha mtu mmoja, Isaya Nchimbi (45), ambaye ni Katibu wa Uchumi na Fedha Tawi la Madimbwini Kata ya Mamba na wengine 92 kujeruhiwa.

    Taarifa zilizopatikana kutoka eneo la tukio zinadai kuwa ajali hiyo ilitokea jana, saa 2:30 asubuhi katika Kata ya Matundasi , baada ya dereva wa gari hilo aina ya Fuso, kudaiwa kupokea simu iliyokuwa ikiita mfukoni, huku gari hilo likiwa kwenye kona hivyo kumshinda na kupoteza mwelekeo na baadaye kupinduka.

    Kaimu Mganga Mkuu wa Hospitali ya Wilaya ya Chunya, Dk Heny Mwansasu, amethibitisha kutokea majeruhi wa ajali hiyo ambayo imesababisha kifo cha mtu mmoja na wengine 92 kujeruhiwa , ambapo walifikishwa hospitalini hapo saa 4 asubuhi.

    Dk Mwansasu alisema kati ya majeruhi hao, 11 hali zao ni mbaya na 84 walipatiwa matibabu na kuruhusiwa kwa kuwa wengi wao walipata mshtuko na wengine majeraha madogomadogo.

    Joyce Joliga, Songea, Clement Sanga, Iringa, Moshi Mathias, Chunya, Sheila Sheza, Mwanza, Juma Mtanda, Morogoro.
     
  2. nngu007

    nngu007 JF-Expert Member

    #2
    Sep 30, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145
    Oh Lau Masha... Bado hana NYUMBA MWANZA... Kapita bila Matatizo...
     
  3. Nyetk

    Nyetk JF-Expert Member

    #3
    Sep 30, 2012
    Joined: Feb 28, 2012
    Messages: 1,368
    Likes Received: 171
    Trophy Points: 160
    Napita tu!
     
  4. Gosbertgoodluck

    Gosbertgoodluck JF-Expert Member

    #4
    Sep 30, 2012
    Joined: Mar 3, 2008
    Messages: 2,867
    Likes Received: 9
    Trophy Points: 0
    Kama mimi vile.
     
  5. Return Of Undertaker

    Return Of Undertaker JF-Expert Member

    #5
    Sep 30, 2012
    Joined: Jun 12, 2012
    Messages: 1,119
    Likes Received: 163
    Trophy Points: 160
    Mbona siwaelewi hawa
     
  6. Ayoub Idd

    Ayoub Idd Member

    #6
    Sep 30, 2012
    Joined: Aug 11, 2012
    Messages: 36
    Likes Received: 0
    Trophy Points: 13
    Nipo mbio,Nitarudi baadae
     
  7. Bigirita

    Bigirita JF-Expert Member

    #7
    Sep 30, 2012
    Joined: Feb 12, 2007
    Messages: 13,582
    Likes Received: 332
    Trophy Points: 180
    Hiyo ajali ya wajumbe wa ccm huko chunya.
    Mtu 1 kafa na 92 kujeruhiwa..... Walikuwa wamepanda air bus au semi trailer? Watu 93??
     
  8. Mwita Maranya

    Mwita Maranya JF-Expert Member

    #8
    Sep 30, 2012
    Joined: Jul 1, 2008
    Messages: 10,564
    Likes Received: 66
    Trophy Points: 145
    Baada ya kushindwa vibaya katika ubunge aliuza nyumba yake nadhani ni hasira na aibu ya kubwagwa na Wenje.

    Btw naambiwa amemwaga mpunga wa kufa mtu. James Bwire ndiye wanaccm wengi walikuwa wanamhitaji kwani wanamuandaa kukabiliana na Wenje hapo 2015!
     
  9. Mwita Maranya

    Mwita Maranya JF-Expert Member

    #9
    Sep 30, 2012
    Joined: Jul 1, 2008
    Messages: 10,564
    Likes Received: 66
    Trophy Points: 145
    Mkuu umesahau mambo ya hovyo yanayofanyika nchi hii. Serikali ya magamba imepiga marufuku watu kusafirishwa kwa mafuso lakini bado ccm ndio inaendeleza utamaduni wa kusafirisha watu kwa mafuso.
    Meli ya watu 500 inabeba watu 1200.
     
  10. Mzito Kabwela

    Mzito Kabwela JF-Expert Member

    #10
    Sep 30, 2012
    Joined: Nov 28, 2009
    Messages: 17,173
    Likes Received: 1,329
    Trophy Points: 280
    Ya ngoswe....hii ndo thread inayomhusu kamanda Ritz 100%
     
  11. Chakaza

    Chakaza JF-Expert Member

    #11
    Sep 30, 2012
    Joined: Mar 10, 2007
    Messages: 18,726
    Likes Received: 9,434
    Trophy Points: 280
    Chaguzi za Nyamagana na Ilemela zilitawaliwa na rushwa ya waziwazi mpaka ni aibu kwa chama. Hawa CCM sio wa kuwapa nchi tena kama tunataka kutokomeza rushwa nchi hii. Sijui watakuja na wimbo gani safari hii
     
  12. t

    tusichoke JF-Expert Member

    #12
    Sep 30, 2012
    Joined: Apr 2, 2011
    Messages: 1,289
    Likes Received: 5
    Trophy Points: 135
    Kweli sura nyingi za vijana wapya zimepita kwenye chaguzi, nimeamini km si fisadi huna chako ccm,hongera chama cha kisanii
     
  13. m

    mpigauzi JF-Expert Member

    #13
    Sep 30, 2012
    Joined: Jul 17, 2012
    Messages: 275
    Likes Received: 1
    Trophy Points: 0
    Totally confused
     
  14. Tram Almasi

    Tram Almasi JF-Expert Member

    #14
    Sep 30, 2012
    Joined: Feb 26, 2009
    Messages: 756
    Likes Received: 0
    Trophy Points: 33
    Mwakalebela karudi kapuni sio? Hongera zake.
     
  15. kazikubwa

    kazikubwa JF-Expert Member

    #15
    Sep 30, 2012
    Joined: Oct 8, 2010
    Messages: 598
    Likes Received: 3
    Trophy Points: 0
    Hoja ni matokeo. Mbona hatujadili watu wanaopora wake za wenzao? Tunajua sehemu husika ya kumchana.
     
  16. SIMBA WA TARANGA

    SIMBA WA TARANGA JF-Expert Member

    #16
    Sep 30, 2012
    Joined: Feb 14, 2012
    Messages: 992
    Likes Received: 0
    Trophy Points: 0
    Utaelewa polepole.
     
  17. Mmasihiya

    Mmasihiya JF-Expert Member

    #17
    Sep 30, 2012
    Joined: Dec 2, 2011
    Messages: 364
    Likes Received: 28
    Trophy Points: 45
    Unatuletea usumbufu tunaotumia simu, unaquote uzi wote kwa ajili ya kuandika maneno sita yasiyo na uzito?
     
  18. 50thebe

    50thebe JF-Expert Member

    #18
    Sep 30, 2012
    Joined: Mar 10, 2011
    Messages: 1,718
    Likes Received: 55
    Trophy Points: 145
    napita tu...salama lakini?
     
  19. Idimulwa

    Idimulwa JF-Expert Member

    #19
    Sep 30, 2012
    Joined: May 27, 2011
    Messages: 3,385
    Likes Received: 5
    Trophy Points: 135
    Nyinyiemu oyeeeeeeeeeeeeee............!?
     
  20. UPIU

    UPIU JF-Expert Member

    #20
    Sep 30, 2012
    Joined: Jun 26, 2012
    Messages: 602
    Likes Received: 15
    Trophy Points: 0
    Kwani mwanza lazima agombee Wenje. Au ndio mnapanga kuminya democrasia
     
Loading...