Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

U wapi ewe tabibu?

Discussion in 'Mahusiano, mapenzi, urafiki' started by Mzee Mwanakijiji, Jul 16, 2008.

  1. Mzee Mwanakijiji

    Mzee Mwanakijiji Platinum Member

    #1
    Jul 16, 2008
    Joined: Mar 10, 2006
    Messages: 30,383
    Likes Received: 2,443
    Trophy Points: 280
    Na. M. M. Mwanakijiji

    Laputopu nimeshika, na dodosa wa porini,
    Sina budi kuandika, niliseme la rohoni,
    Mwenzenu nafadhaika, namngoja wa ubani,
    U wapi ewe tabibu, fanya hima kunitibu!

    Najilaza kitandani, homa imenizidia,
    Na maumivu mwilini, nyongani yameshikia,
    Na sasa ni mashakani, ugonjwa umevamia,
    U wapi ewe tabibu, fanya hima kunitibu!

    Yalianza kunisibu, kwanza nilipokuona,
    Ukawa mwanzo wa tabu, na sasa nataka pona,
    Namtaka mahabubu, mganga wa kiaina,
    U wapi ewe tabibu, fanya hima kunitibu!

    Ukaniteka mateka, ulo teka moyo wangu,
    Ukanitoa mashaka, kuuliza jina langu,
    Mtima ukashituka, nikaapa uwe wangu,
    U wapi ewe tabibu, fanya hima kunitibu!

    Namkiri Subihana, yeye kakupendelea,
    Umbile lako mwanana, kama chezo waelea,
    Wenzako wakikuona, gele wanakuonea,
    U wapi ewe tabibu, fanya hima kunitibu!

    Ewe tabibu wa ndani, mganga uloumbika,
    Wewe binti wa nyumbani, ni lini utajafika,
    Wa tabasamu la shani, na umbo la malaika,
    U wapi ewe tabibu, fanya hima kunitibu.

    Ahadi tukapeana, tarehe tuje kutana,
    Tuzidi fahamiana, na kuzidi kujuana,
    Na hata tulipoachana, na busu tukapeana,
    U wapi ewe tabibu, fanya hima kunitibu!

    Siku sasa zinapita, nakusibiri ufike,
    Na homa nimeshapata, natetema niko pweke,
    Nakaa najikunyata, nangoja giza litoke,
    U wapi ewe tabibu, fanya hima kunitibu!

    Michuzi nimetamka, kalamu naweka chini,
    Imenipanda mizuka, namuwaza wa ubani,
    Betti nimeziandika, usizabane mtani,
    U wapi ewe tabibu, fanya hima kunitibu!

    M. M. Mwanakijiji (Sauti ya Shamba)
    Mwanakijiji@klhnews.com
     
  2. Pundit

    Pundit JF-Expert Member

    #2
    Jul 16, 2008
    Joined: Feb 4, 2007
    Messages: 3,742
    Likes Received: 14
    Trophy Points: 0
    Tabibu mtoa jibu, asoweza kuharibu
    Wa roho kupoza sibu, kama maji ya zabibu
    Sikivu aso na zibu, chambicho bila ghilibu
    Sifa zote za muhibu?, makini sije aibu


    Tabibu angaza tele, sherehe isije shere
    Kuzunguka tangu Bwire, mpaka pande za Ukwere
    Patapo patika kile, chambua kama mchele
    Sifa zote za muhibu?, makini sije aibu

    Kuna wezi na wakwezi, laazizi na wapenzi
    Wengine wapenda Mbezi, na kujimwaga mabenzi
    Wana waso utetezi, watapiao malezi
    Sifa zote za muhibu?, makini sije aibu

    Mwenye kushikwa haoni, upofu huita chongo
    Hatosikia maoni, hatohofu bwia dongo
    Atakaa ubaoni, kucheza pasi ubongo
    Sifa zote za muhibu?, makini sije aibu

    Mzee nakuamini, kwa uturi na yamini
    Hata kwa mdalasini, au kwa nzuri jibini
    Misahafu yazo dini, tamthiliya makini
    Sifa zote za muhibu?, makini sije aibu

    Sema naye kwa kituo, hata kama kijapani
    Usitake mkupuo, pole siyo hayawani
    Bila hata mshituo, tamuweka kiganjani
    Sifa zote za muhibu?, makini sije aibu

    Omba unachokitaka, sichotaka kitazame
    Usije kutapatapa, maridadi akazame
    Kisha ukishakipata, acha wanga wakabane
    Sifa zote za muhibu?, makini sije aibu

    Kaditama nimefika,nane zangu hizi beti
    Namtumia edita, gazetini aziseti
    Mzee nimekuita, chini kukuweka keti
    Sifa zote za muhibu?, makini sije aibu
     
  3. M

    Mama JF-Expert Member

    #3
    Jul 16, 2008
    Joined: Mar 24, 2008
    Messages: 2,858
    Likes Received: 14
    Trophy Points: 0
    sio mchezo vijana, nimekubali nondo zenu.
     
  4. MwanajamiiOne

    MwanajamiiOne Platinum Member

    #4
    Jul 24, 2008
    Joined: Jul 24, 2008
    Messages: 10,479
    Likes Received: 57
    Trophy Points: 145
    Wa ubani nyonda wangu,nakusubiri kwa hamu
    Unitibu donda langu, nipate kuwa muhamu
    Sininyime haki yangu, kunipa penzi la hamu
    Nitibie nyonda wangu, nakusubiri kwa hamu

    Kitandani sibanduki, sijenifika madhila
    Si mkuki si bunduki, maumivu ninakula
    hata waje mamluki, sinyanyuki nimelala
    Nitibie nyonda wangu, nakusubir kwa hamu
     
  5. b

    bonnie2_s Member

    #5
    Jul 24, 2008
    Joined: Jul 17, 2008
    Messages: 11
    Likes Received: 0
    Trophy Points: 0
    nimekubali vijana,kawajalia maulana,
    namimi nimeyaona,usihofu utapona,
    wakwangu alinuna,kimsalimia anaguna,
    mimi bado sijapona,langu donda nimeshona.
     
  6. R

    ROSEMIRIAM NGARA Member

    #6
    Dec 14, 2014
    Joined: Dec 11, 2014
    Messages: 14
    Likes Received: 0
    Trophy Points: 0
    Mie Nlikuwa Napita 2
     
  7. Nanaa

    Nanaa JF-Expert Member

    #7
    Dec 14, 2014
    Joined: Dec 26, 2012
    Messages: 5,931
    Likes Received: 34
    Trophy Points: 145
    Mashallah...
     
  8. t

    talnam Senior Member

    #8
    Dec 14, 2014
    Joined: Nov 13, 2014
    Messages: 166
    Likes Received: 67
    Trophy Points: 45
    Safi....
     
Loading...