Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Tupate elimu gani, Tanzania iwe bomba

Discussion in 'Jukwaa la Lugha' started by Mundu, Feb 20, 2010.

  1. M

    Mundu JF-Expert Member

    #1
    Feb 20, 2010
    Joined: Sep 26, 2008
    Messages: 2,713
    Likes Received: 19
    Trophy Points: 135
    Nawauliza manguli, wazoefu wa kulumba
    Nimekiona kivuli, pichaye imenifumba
    Inanikata kauli, mashairi kuyaimba
    Tupate elimu gani, Tanzania iwe bomba?

    Naanza na mlimani, vitivo vyenye kufana
    Wamesoma wa zamani, elimu wameiona
    Mbona nchi taabani, umasikini kwa sana
    Tupate elimu gani, Tanzania iwe bomba?

    Elimu ya uhandisi, wakufunzi wenye dhima
    Wanabukua nahisi, matokeo mbona kimya
    Au haina nafasi, kwa dunia hii jama?
    Tupate elimu gani, Tanzania iwe bomba?

    Kwenye kitivo uchumi, maporofesa lukuki
    Sioni faida mimi, digirii zenu feki
    Mbona nchi haihami, kule chini haitoki?
    Tupate elimu gani, Tanzania iwe bomba?

    Nchi haifaidiki, hasa kwenye mikataba
    Sheria yetu ya dhiki, isiyo jaa kibaba
    Au kuna ushabiki, kila mtu anaiba?
    Tupate elimu gani, Tanzania iwe bomba?

    Watu wenye mamlaka, kwa heshima nawaita
    Wananchi tumechoka, kwa kauli zenu tata
    Kwanini mnaridhika, wakati sisi twasota?
    Tupate elimu gani, Tanzania iwe bomba?

    Siwaachi viongozi, mlioshika ofisi
    Mbona mwatuchuna ngozi, mmegeuka mafisi
    Sisi tumewapa kazi, kwanini mmetuasi?
    Tupate elimu gani, Tanzania iwe bomba?

    Nawe jemedari wetu, mkuu wa hii kaya
    Kucha kutwa kwa wenzetu, kwako unaona haya?
    Twataka ahadi zetu, chonde chonde we Jakaya
    Tupate elimu gani, Tanzania iwe bomba?

    Nchi yenye utajiri, Tanzania yasifika
    Mbona mambo siyo shwari, kwenye uchumi hakika
    Tukae tutafakari, ninajua tutafika
    Tupate elimu gani, Tanzania iwe bomba?

    Kaditama wa tamati, nimemaliza kutunga
    Mpira naweka kati, najua mmejipanga
    Tukiweka mikakati, twaweza vuna mpunga
    Napumzika jamvini, mlumbe mimi nafunga.
     
  2. M

    Mundu JF-Expert Member

    #2
    Feb 21, 2010
    Joined: Sep 26, 2008
    Messages: 2,713
    Likes Received: 19
    Trophy Points: 135
    Ukimya muoneshao
    Nyinyi mlio upeo
    Tusipoamka leo
    Nchi haitagomboka

    Nchi haitagomboka
    Tukionyesha kuchoka
    Wenzetu wameamka
    Sisi bado tunaota

    Sisi bado tunaota
    Twaishi kwenye viota
    watatupeleka puta
    Hata majirani zetu

    Hata majirani zetu
    waibeza kasi yetu
    Twatembea kama chatu
    Tena tumejilegeza

    Tena tumejilegeza
    nchi haitapendeza
    kaya zetu zina giza
    Hata hilo latushinda?

    Hata hilo latushinda
    Wakati tuna matunda
    malighafi zinavunda
    Elimu yetu ya nini?

    Elimu yetu ya nini?
    Haifai maishani
    Wananchi taabani
    Taaluma ipo wapi?
     
  3. M

    MaMkwe JF-Expert Member

    #3
    Feb 21, 2010
    Joined: Sep 5, 2007
    Messages: 284
    Likes Received: 2
    Trophy Points: 0
    Ninavyowaona mimi
    Hawa wa kwetu wasomi
    Sijui hawana ndimi?
    Maovu kuyakemea

    Inasikitisha sana
    Na rohoni kusonona
    Wanyonge tunapoona
    Wasomi wanabung'aa

    Tumetupa nguvu zetu
    Kuwasomesha wenzetu
    Wakomboe nchi yetu
    Ona wanayotufanyia

    Katu hawana mapenzi
    Na nchi yetu azizi
    Wanaona bora kazi
    Ya kuibia raia

    Wanakumbatia uovu
    kwa mikataba mibovu
    Hawajani maumivu
    Sisi wanayotutia

    Sina jibu la kutoa
    Elimu gani inafaa
    Kwani tulishakosea
    Wezi tuliwaachia

    Labda tupate kichaa
    Nchi aje ibomoa
    Tuanze upya sawia
    Lakini, hilo si la kuombea
     
  4. M

    Mundu JF-Expert Member

    #4
    Feb 21, 2010
    Joined: Sep 26, 2008
    Messages: 2,713
    Likes Received: 19
    Trophy Points: 135
    Nimependa hiyo verse ya mwisho...
     
  5. Anyisile Obheli

    Anyisile Obheli JF-Expert Member

    #5
    Feb 22, 2010
    Joined: Dec 13, 2009
    Messages: 3,294
    Likes Received: 8
    Trophy Points: 135

    Hodi naja jamvini, kutoa yangu majibu
    Naomba pewa hisani, timiza wangu wajibu
    Jamani sikilizeni, msijepata sababu
    Turejee asili yetu, taifa kuliendeleza.

    Tamaa tuweke pembeni, tujari utu zaidi
    Tafakari akirini,athali za mafisadi
    Makini sote tuweni, tusije kuwa hasidi
    Turejee asili yetu taifa kuliendeleza

    Maendeleo hakuna, bila kuwa na msingi,
    Ikiwa moja hakuna, kumi haiwi shilingi,
    Yatatufaa ya jana, kuujenga mpya msingi
    Turejee asili yetu taifa kuliendeleza.

    Elimu tumeshapata,tatizo ni matumizi
    Mmmea afya utapata, tusipokata mizizi
    Wala hakuna matata, tuuache usingizi
    Turejee asili yetu taifa kuliendeleza.

    Chai yake sukari, kuutengeneza utamu
    Huwezi ramba shubiri, ukitamani utamu
    Kuwa na nyingi habari, ni kukwepa majukumu
    Turejee asili yetu, taifa kuliendeleza.

    Tukubari rudi nyuma, kutaka maendeleo,
    Tusiwe kama wanyama, waso jana wala leo,
    Mazuri kuacha nyuma, kujifanya wa kileo,
    Turejee asili yetu, taifa kuliendeleza.

    Tuachane na umimi, wa kujiwekea hazina,
    Tukuze wetu uchumi, kutengeneza safina,
    Tuondoe huu utemi, ili tuwe wa kufana,
    Turejee asili yetu, taifa kuliendeleza.

    Kulejea wetu msingi, hiyo ni Elimu tosha,
    Tusiparamie vigingi, taa zetu kutowasha,
    Asili yetu ni msingi, twendako kutuonesha,
    Turejee asili yetu, taifa kuliendeleza.
     
  6. Anyisile Obheli

    Anyisile Obheli JF-Expert Member

    #6
    Feb 22, 2010
    Joined: Dec 13, 2009
    Messages: 3,294
    Likes Received: 8
    Trophy Points: 135

    Hodi naja jamvini, kutoa yangu majibu
    Naomba pewa hisani, timiza wangu wajibu
    Jamani sikilizeni, msijepata sababu
    Turejee asili yetu, taifa kuliendeleza.

    Tamaa tuweke pembeni, tujari utu zaidi
    Tafakari akirini,athali za mafisadi
    Makini sote tuweni, tusije kuwa hasidi
    Turejee asili yetu taifa kuliendeleza

    Maendeleo hakuna, bila kuwa na msingi,
    Ikiwa moja hakuna, kumi haiwi shilingi,
    Yatatufaa ya jana, kuujenga mpya msingi
    Turejee asili yetu taifa kuliendeleza.

    Elimu tumeshapata,tatizo ni matumizi
    Mmmea afya utapata, tusipokata mizizi
    Wala hakuna matata, tuuache usingizi
    Turejee asili yetu taifa kuliendeleza.

    Chai yake sukari, kuutengeneza utamu
    Huwezi ramba shubiri, ukitamani utamu
    Kuwa na nyingi habari, ni kukwepa majukumu
    Turejee asili yetu, taifa kuliendeleza.

    Tukubari rudi nyuma, kutaka maendeleo,
    Tusiwe kama wanyama, waso jana wala leo,
    Mazuri kuacha nyuma, kujifanya wa kileo,
    Turejee asili yetu, taifa kuliendeleza.

    Tuachane na umimi, wa kujiwekea hazina,
    Tukuze wetu uchumi, kutengeneza safina,
    Tuondoe huu utemi, ili tuwe wa kufana,
    Turejee asili yetu, taifa kuliendeleza.

    Kulejea wetu msingi, hiyo ni Elimu tosha,
    Tusiparamie vigingi, taa zetu kutowasha,
    Asili yetu ni msingi, twendako kutuonesha,
    Turejee asili yetu, taifa kuliendeleza.
     
  7. Anyisile Obheli

    Anyisile Obheli JF-Expert Member

    #7
    Feb 22, 2010
    Joined: Dec 13, 2009
    Messages: 3,294
    Likes Received: 8
    Trophy Points: 135
    hiyo ni kali, labda huyu ataweza kuongoza, lakini kwa taaluma gani (mwendawazimu kama waziri wa mambombo ya ndani miaka ya 90, yaani Mrema)
     
  8. M

    Mundu JF-Expert Member

    #8
    Feb 22, 2010
    Joined: Sep 26, 2008
    Messages: 2,713
    Likes Received: 19
    Trophy Points: 135
    Asante kwa jibu lako
    Umeonesha mwamko
    Anyisile we kiboko
    Kichaa ni suluhisho

    Tukipata kiongozi
    Kichwani mwenye uchizi
    Tutaukata mzizi
    Wa wetu umasikini?

    Je nasi wananchi
    Tunaoishi kijichi
    Ili tuijenge nchi
    Yatupasa tuwe vipi?
     
  9. Anyisile Obheli

    Anyisile Obheli JF-Expert Member

    #9
    Feb 23, 2010
    Joined: Dec 13, 2009
    Messages: 3,294
    Likes Received: 8
    Trophy Points: 135
    Mundu nimekupata,
    Asante yako sijaifuta,
    Yafaa kama mafuta,
    Yatokanayo na ufuta.

    Wametuongoza timamu,
    Kutuimanisha mizimu,
    Heri mwendawazimu,
    Taifa kushika hatamu.

    Kijichi siyo tatizo,
    Atawaondolea mizozo
    Atawapeni mwongozo
    Imara kama nguzo.

    Muwe wapole kijichi,
    Kama juisi parachichi,
    Mtaipenda nchi,
    Wazimu akiishika.
     
  10. M

    Mundu JF-Expert Member

    #10
    Feb 25, 2010
    Joined: Sep 26, 2008
    Messages: 2,713
    Likes Received: 19
    Trophy Points: 135
    Obheli umesifia
    kichaa anatujia
    kutuonyeshea njia
    neema tutaiona?

    sisi tuwe watulivu
    tena wenye usikivu
    mbona wanivunja mbavu
    pekee hawezi ndugu

    nchi ni kombinesheni
    ya sisi wavijiweni
    nawale wenye mpini
    ndipo itasonga mbele

    swali bado lipo pale
    lauliza vilevile
    ni elimu gani ile
    tusome tuende mbele?


     
  11. The Son of Man

    The Son of Man JF-Expert Member

    #11
    Feb 25, 2010
    Joined: Feb 9, 2010
    Messages: 10,952
    Likes Received: 357
    Trophy Points: 180
    Safi best ila mwenzenu hapa mchango sina manake kujibu kwa mashairi mwenzenu sijui. All in all michango yenu ni mizuri wanamalenga. I appreciate. Nawatakia usiku mwema. Mwogopeni na kumwomba Mungu daima dawama!
     
  12. K

    KunjyGroup JF-Expert Member

    #12
    Feb 26, 2010
    Joined: Dec 7, 2009
    Messages: 352
    Likes Received: 1
    Trophy Points: 33
    Remove CCM from power. Hawana nia ya kuinua elimu sababu wanafaidika na ujinga wa wananchi. Hawataki kutawala wasomi bali mbumbumbu ili waburuzwe. Wangekuwa wana usongo an elimu yetu wangewafukuza waziri na wasaidizi wake wote baada ya kuona wameshindwa kazi. Angalia matokeo, wameshtuka?
     
  13. Anyisile Obheli

    Anyisile Obheli JF-Expert Member

    #13
    Feb 26, 2010
    Joined: Dec 13, 2009
    Messages: 3,294
    Likes Received: 8
    Trophy Points: 135
    Mundu nimejaribu,
    Swali lako kulijibu,
    Kukwepa sikujaribu,
    Kuutimiza wajibu.

    Tuliyonayo Elimu,
    Kweli ni ya kudumu,
    Tumeuleta ugumu,
    Sa tusione vigumu.

    Asili kuirejesha,
    Hiyo ni Elimu tosha,
    Mapito kuyanyoosha
    Taifa kutoangusha.

    Tumevamia uzungu,
    Na tumekuwa mizungu,
    Hatujawa na uchungu,
    Tunazalisha majungu.

    Tuachane na usasa,
    Taifa lisiwe tasa,
    Tukaziache anasa ,
    Tusije huko kunasa
     
  14. M

    Mundu JF-Expert Member

    #14
    Feb 27, 2010
    Joined: Sep 26, 2008
    Messages: 2,713
    Likes Received: 19
    Trophy Points: 135
    nakubali anyisile
    wewe umeenda shule
    usemayo ndiyo yale
    yatakayo tunasua

    tatizo nimebaini
    nchi kuwa masikini
    tumeacha umakini
    wa kujali utaifa

    kila mtu nimchoyo
    hafanyi kazi kwa moyo
    tufanyayo haya siyo
    hayanemeshi taifa

    hata tungesoma sana
    kwa vidato vilofana
    kama hatutashikana
    bure tunajisumbua

    lamgambo nalipiga
    kwa tambo si kwa kuiga
    nchi ni kama mafiga
    ya kuivisha ubwabwa

    Figa la kwanza ni watu
    tena watu wenye utu
    watu wenye roho kwatu
    waloshikana pamoja

    la pili niwatawala
    wale wasopenda kula
    waongoze bila hila
    tutapata burudiko

    Figa la tatu elimu
    iliyo shika hatamu
    Elimu jama muhimu
    ya kutupatia TUNU

    Ninamuomba rabuka
    muumba wa kutukuka
    atupe bila kuchoka
    baraka na nema zake.
     
  15. Anyisile Obheli

    Anyisile Obheli JF-Expert Member

    #15
    Mar 17, 2010
    Joined: Dec 13, 2009
    Messages: 3,294
    Likes Received: 8
    Trophy Points: 135
    hakika tukiamka tutapiga hatua
     
Loading...