Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Tume ya katiba iwe makini na mshinikizo ya vyama

Discussion in 'Jukwaa la Siasa' started by sammosses, May 20, 2012.

  1. sammosses

    sammosses JF-Expert Member

    #1
    May 20, 2012
    Joined: Jan 24, 2011
    Messages: 1,091
    Likes Received: 3
    Trophy Points: 135
    Tanzania nchi yetu tunaipenda sana,ndio maana tuliimba wimbo wa Tanzania Tanzania nakupenda kwa moyo wangu wote.ni kweli tunaipenda kwa moyo wote japokuwa hatuna uhuru wa kujiamulia mambo yetu kwa matakwa yetu binafsi bila kupata mashinikizo toka kwa wanasiasa.Nasema hivi kutokana na kauli mbalimbali zinazojaribu kujitokeza toka kwenye vinywa vya watu waliopewa madaraka na kusahau kuwa cheo ni dhamana.

    Wanasiasa hawa ndio msingi mkubwa wa kutufikisha katika hali duni tulizo nazo hivi sasa.Wanasiasa hawa ndio mabingwa wa kauli mbiu zisizotekelezeka kivitendo na kuishia zikipigwa vumbi kwenye makabrasha.Leo tunaimba wimbo wa katiba mpya,katiba ambayo haikuwa hoja ya CCM na wala haikupewa nafasi katika ilani ya chama hicho.Hali kama hii ndio inapelekea kuwatahadharisha wajumbe wakati ya maoni ya katiba wawe makini na mashinikizo yanayo tolewa na wanasiasa.

    Tunazungumzia katiba yetu na muundo wa serikali tuitakayo,lakini napata mashaka na vikwazo ambavyo vinavyojaribu kupigiwa debe na viongozi kwamba tuvijadili si kwa nia ya kuvivunja bali kuviboresha.Hapa nazungumzia muungano ambao ulioasisiwa kwa matakwa ya watu wawili tu.Toka wakati wa kuanzishwa muungano huu kumekuwepo mipasuko mingi ambayo ikiachiwa inaweza kuitumbukiza nchi katika hatari kubwa.Sisi ndio wenye dhamana na nchi hii,tuachiwe tuamue wenyewe bila kuingiliwa kuamua ni muungano upi tuutakao kwa kuzingatia maslahi ya pande zote mbili.Haki yetu kama wanachi isitumike kwa kupiga kura tu, bali itekelezeke hata katika kuamua aina ya serikali tunayoitaka, hapo ndipo ukomavu wa demokrasia utakapoonekana.

    Yapo mambo yamesemwa ambayo ni mapendekezo ya CCM kwenye kikao cha NEC,mengine mazuri yanakubalika,lakini isiwe ndiyo hadidu za rejea kwa kuwashawishi wananchi waamue yale yanayotakiwa ambayo ndiyo msimamo wa chama katika kushinikiza kuingizwa katika katiba hii.Napata sana taabu hasa pale yalipozungumzwa asubuhi hii ya leo kama ndiyo tayari maazimio yaliyopitisha katika katiba.Unapozungumza tunataka jambo hili liwe hivi,hiyo si pendekezo bali ni command.Tunawaomba viongozi wa kivyama wazingatie taratibu kama walivyokubaliana na kuachwa suala hili kuwa mjadala wa umma mzima.

    Tukiruhusu kila mtu atoe shinikizo lake hiyo haitakuwa katiba tunayoitaka,uhuru wa mawazo ya Watanzania uheshimiwe kama katiba ya hivi sasa inayotaka bila kuvunja sheria.Wananchi wajitokeze kwa wingi kupata nafasi hii adhimu katika historia ya nchi yetu kutoa mchango wa kimawazo juu ya nchi waitakayo.

    Jukumu walilopewa Mh, Warioba na jopo la wajumbe wa tume ya katiba ni mzigo mzito unaohitaji hekima,busara na maarifa katika kuelekea kuipata Tanzania tuitakayo.Umakini wao,usomi wao uwe chachu na uongozwe na uzalendo walionao juu ya nchi yetu.Tunaomba waachwe wafanye kazi yao bila kuwaweke mipaka ya mjadala vinginevyo katiba tuitakayo itakosa mashiko.Tanzania yetu itajengwa na wale wote wenye moyo safi.

    Mwisho wana JF wenzangu tuwe mstari wa mbele kutoa elimu kwa wananchi wenzetu na kuitumia bodi hii kuhakikisha mchakato huu wa katiba hautekwi kivyama bali iwe ni ridhaa ya Watanzania wote,wa dini zote,rangi zote na kabila zote.
     
  2. M

    Mkira JF-Expert Member

    #2
    May 20, 2012
    Joined: May 10, 2006
    Messages: 425
    Likes Received: 6
    Trophy Points: 35
    inaeonekana tume tayari itakubaliana na serikali tatu maana hilo ndilo VIONGOZI WA CCM WAMESEMA LAKINI PIA HUO ULIKUWA WIMBO WA VIONGOZI WA CUF, KWA HILO INAONEKANA WATAKUBALIANA NA ITAKUWA HIVYO KWA HIO KWISHENEY! KHUSU MUUNDO WA MUUNGANO!
     
  3. H

    Hofstede JF-Expert Member

    #3
    May 20, 2012
    Joined: Jul 15, 2007
    Messages: 3,586
    Likes Received: 16
    Trophy Points: 0
    Hapa ninasema kuwa Tundu Lissu aliona mbali sana kuhusu muundo wa Tume. Unapoongelea serikali tatu maana yake ni kuwa Tanganyika nayo itahitaji katiba yake kama Zanzibar. Kwa hiyo kutakuwa na katiba tatu, yaani ya Zanzibar, ya Tanganyika na na ya Muungano.

    Hii tume inaonekana inatafuta katiba mpya ya muungano. Swali ni je kama kutakuwa na kipengele cha serikali tatu Tanganyika itatumia katiba gani?, au katiba ya amuungano itakuwa ndiyo ya Tanganyika?, na kama ni hivyo maana yake ni kwamba serikali ya Tanganyika inakuwa ndani ya serikali ya muungano. Hii inamaanisha kuwa hakuna serikali tatu bali ni mbili(Kama mfumo wa sasa-back to square one).

    Hapa kuna matatizo mengi sana nyie subirini tu mtaona kama hii tume itafanikiwa huko mbeleni. CCM hili jambo wameliingia kichwa kichwa bila ya kutuliza akili zao na kutaka kuonekana kuwa mchakato huu ni wao badala ya wa nchi, huko mbele tutakwama. Hii maana yake baada ya katiba ya Muungano kupatikana na kama inapendekeza serikali tatu basi iundwe tume mpya kwa ajili ya katiba za Tanganyika na Zanzibar(kurekebishwa) ili kuendana na matakwa ya katiba ya muungano, Yaani hapa ni kama tunatafuta 'determinant of a 200 by 200 matrix using four figure (mathematical) table'. Tundu Lissu aliliweka hili wazi, tu-recapitulate yaliyokuwepo mwaka 1964 kabla ya muungano kwa kuwa na Tanganyika na Zanzibar kama nchi ili zikae na kuja na katiba ya muungano, wabunge wa CCM wakamtukana wakati wanachangia muswada wasioujua wala kuuelewa.

    Hii sheria ya katiba mpya ni mbaya na haitatufikisha popote, time will tell. Hapa ni kwamba tutapoteza pesa za walala hoi then hakuna kipya na kwa taarifa tu ni kwamba huu mchakato umeundwa hivi ili u-fail ili CCM iendelee kutumia katiba ya sasa kujiingiza madarakani bila ridhaa ya wananchi 2015.
     
  4. chuki

    chuki JF-Expert Member

    #4
    May 21, 2012
    Joined: Mar 10, 2011
    Messages: 2,690
    Likes Received: 12
    Trophy Points: 135
    Acha upotoshaji. CCM haijasema inakubali serikali tatu. Hiyo ni sera ya cuf. Sera ya CCM ni serikali mbili. CCM haijashinikikiza chochote, walichosema ni msimamo wao ambao wanaomba wanachama wao waunge mkono. Chadema wanataka serikali za majimbo, ni maoni Yao. Sheria iliyoiunda tume inaruhusu vyama vya siasa kuelekea maoni Yao kwenye tume. Sasa nani anashinikiza tume? CCM imeweka bayana mambo ya msingi ambayo kwa maoni yao wangepenga yabaki Kama yalivyo katika katiba ya sasa hususani kuwepo kwa jamhuri ya muungano aw Tanzania, kuendelea kuwepo kwa mini ili mitatu ya dola yaanii serikali, Bunge, na mahakama. Wewe unataka nini, peleka maoni yake tume. Wala hautakuwepo unashinikiza tume.
     
  5. LiverpoolFC

    LiverpoolFC JF-Expert Member

    #5
    May 21, 2012
    Joined: Apr 12, 2011
    Messages: 10,956
    Likes Received: 78
    Trophy Points: 145
    Hakika hili la katiba litaleta sura mpya hapa Nchini.

    Kwa sababu raia wana mengi sana ya kuitegua katiba iliyopo na ni ya kifisadi.


    Na ndio mambo makubwa wapinzani wanaisubiria kwa hamu kweli kweli!
     
  6. sammosses

    sammosses JF-Expert Member

    #6
    May 21, 2012
    Joined: Jan 24, 2011
    Messages: 1,091
    Likes Received: 3
    Trophy Points: 135
    Hakuna kitu kizuri kama upeo wa kufikiri na kutafakari mambo,unaposema tunataka hiyo ni command,lakini ukisema tunapendekeza kitu fulani hiyo ni polite language.hapo kwenye red panatia shaka kama kweli una kwenda na wakati ulipo,hivi huoni fahari kwa kupata nafasi muhimu ambao hata mababu zetu hawakupata kujadili aina ya serikali waitayo mpaka wanakwenda kuzikwa?Pia hapa ni tahadhari kwa tume,kutokana na vyama kutaka kuiteka hoja hii ya katiba na kuifanya mali yake bila kujali maslahi ya Watanzania wote.
     
Loading...