Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Tuipende Tanzania nchi Tuliyo Zaliwa

Discussion in 'Jukwaa la Lugha' started by X-PASTER, Dec 15, 2011.

  1. X-PASTER

    X-PASTER Moderator

    #1
    Dec 15, 2011
    Joined: Feb 12, 2007
    Messages: 11,651
    Likes Received: 75
    Trophy Points: 145
    Tuipende Tanzania nchi Tuliyo Zaliwa

    Kuna mlima mrefu, kwa sifa twajivunia
    ukiwekwa kwenye safu, urefu kuukadiria
    Hapawi ulinganifu, Africa yote pia
    Tuipende Tanzania nchi tuliyo zaliwa

    Unavilele viwili, majina nawatajia
    mawenzi ni cha awali, hapa nawahesabia
    Kibo kilele cha pili, jamani nawaambia
    Tuipende tanzania nchi tuliyo zaliwa

    Naacha mlima ule, na vilele vyake pia
    kusudi nisongembele, kwenye mbuga kuingia
    nifike hapa na pale, nichungue kila njia
    tuipende tanzania nchi tuliyo zaliwa

    Kuna nyoka wa kudhulu, na sokwe wenye mikia
    na mbega walio huru, miti waiparamia
    na ndege wengi wazuri, wa rangi za kuvutia
    tuipende tanzania nchi tuliyo zaliwa

    Mbuga na misitu hii, na nisiyo watajia
    huwavuta watalii, kila mwaka kutujia
    Nao hawavulii, milima kuisifia
    tuiepende tanzania nchi tuliyo zaliwa

    source: Tujifunze Lugha Yetu Kitabu cha tano
     
  2. Azimio Jipya

    Azimio Jipya JF-Expert Member

    #2
    Dec 23, 2011
    Joined: Nov 27, 2007
    Messages: 3,369
    Likes Received: 8
    Trophy Points: 135
    Shairi linatafakarisha ... !! The Good Tz I Knew!!!
     
  3. Utotole

    Utotole JF-Expert Member

    #3
    Dec 19, 2014
    Joined: Oct 28, 2010
    Messages: 4,831
    Likes Received: 1,771
    Trophy Points: 280
    Sina budi kuisifu, nchi yetu Tanzania,
    Kwa shairi maarufu, na vina kupangilia,
    Nipange na kusanifu, shairi kuwaimbia,
    Tuipende Tanzania, nchi tuliyozaliwa

    Nifikapo Serengeti, au mikumi kwa nia,
    Kwa jitihada na dhati, wanyama kuangalia,
    kuna makundi ya nyati, nyumbu na pundamilia,
    Tuipende Tanzania, nchi tuliyozaliwa.
     
  4. Utotole

    Utotole JF-Expert Member

    #4
    Nov 22, 2015
    Joined: Oct 28, 2010
    Messages: 4,831
    Likes Received: 1,771
    Trophy Points: 280
    Hapo kwenye source angalia vizuri. Nadhani shairi hili linapatikana kitabu cha darasa la sita (if I am not mistaken). na kwa mujibu wa mpangilio wa vitabu vya Tujifunze lugha yetu, darasa la sita tulikuwa tunatumia kitabu cha 8. Hii ni kwa sababu kulikuwa na vitabu viwili (cha kwanza na cha pili) kwa darasa la kwanza, kisha cha tatu na cha nne kwa darasa la pili. Kuanzia darasa la tatu kitabu kimoja kimoja.
    Kitabu cha Tano--darasa la tatu
    Kitabu cha sita---darasa la nne
    Kitabu cha saba--darasa la tanoK
    itabu cha nane---darasa la sita, na
    kitabu cha tisa---darasa la saba

    Wakati nasoma mimi...inawezekana mpangilio ulikuwa tofauti wakati mwingine. Tufahamishane.

    Generally, imiss those books. I am looking for them and will definitely buy them so i can re-read them and relive the memory. yeyote mwenye idea wapi naweza kuvipata vitabu hivi ataufahamishe.
     
Loading...