Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

TRA 'wambana' Dk Slaa

Discussion in 'Jukwaa la Siasa' started by kilimasera, May 6, 2011.

  1. kilimasera

    kilimasera JF-Expert Member

    #1
    May 6, 2011
    Joined: Dec 2, 2009
    Messages: 3,072
    Likes Received: 12
    Trophy Points: 135
    MAMLAKA ya Mapato Tanzania (TRA), 'imemkaba kooni' Katibu Mkuu wa Chama cha Demokrasia na Maendeleo(Chadema) Dk. Willibrod Slaa, kufuatia tuhuma alizozitoa dhidi ya ofisa wa mamlaka hiyo kuisababishia serikali hasara ya mabilioni ya fedha.

    Hivi karibu, gazeti moja lilimkariri Dk. Slaa akitaja majina ya watu mbalimbali wanaotuhumiwa kuwa ni mafisadi. Pia wakati akihutubia katika mkutano wake wa hadhara mkoani Tabora, alitaja orodha ya watuhumiwa hao akiwamo oafisa wa TRA, Placidus Luoga. Gazeti hilo lilimkariri Dk. Slaa akidai kuwa Luoga aliingizia serikali hasara ya Sh800 bilioni kwa kuzuia magari ya Kampuni ya Tango, Transport ya jijini Dar es Salaam kwa miaka 10 kwa kisingizio cha kutolipa kodi.


    Alidai kuwa kitendo hicho, kiliilazimisha kampuni hiyo, kufungua kesi mahakamani ambako ilishinda na serikali kuamriwa kuilipa kiasi hicho cha fedha.Gazeti hilo lilimkariri kiongozi huyo wa Chadema akidai kuwa tayari serikali imeshailipa kampuni hiyo Sh500 milioni.


    Hata hivyo jana TRA kupitia taarifa yake iliyotolewa na Idara ya Elimu na Huduma kwa Mlipa Kodi, imekanusha madai hayo na kuyaita kuwa uzushi tu wa Dk Slaa na kumtaka atoe uthibitisho wa madai yake hadharani.


    "Huu ni uzushi unaopaswa kulaaniwa vikali kwa sababu unapotosha wananchi na hasa wasomaji wa magazeti. Dk. Slaa atoe nakala ya hukumu hiyo ili wananchi wamwamini. Bila kufanya hivyo kutaonyesha kuwa ametoa habari za uongo kwa kusingizia mahakama," ilisema taarifa.


    Taarifa hiyo ilimtaka Dk. Slaa kutoa vielelezo vya maelezo yake hadharani na kwenye mkutano ili awathibitishie wananchi kuwa alichosema ni cha kweli.


    TRA ilisema kama Dk. Slaa atashindwa kufanya hivyo, ni dhahiri kuwa yeye si mtu makini na ni mtu mwenye nia ya kupotosha umma wa Watanzania na kuchafua heshima ya Mamlaka ya Mapato Tanzania.


    "Kudanganya watu kwa siri au hadharani ni aina mojawapo ya aina nyingi za kutokuwajibika. Kutokuwajibika kuna sura nyingi na uongo ni mojawapo. Dk. Slaa lazima ajisafishe na hili," ilisisitiza taarifa ya TRA. Taarifa hiyo ya TRA ilisema Luoga hajawahi kuzuia wala kukamata magari yanayodaiwa na Dk. Slaa.


    "Hakuna ofisa wa TRA mwenye akili timamu anayeweza kukaa na mali ya mtu anayedaiwa kodi kwa miaka 10 huku akijua kuwa anatakiwa kukomboa kodi hiyo. Anatakiwa kuuza mali hiyo ili serikali ipate kodi; Kwa afisa yoyote aliye kwenda shule hawezi kufanya hivyo akishuhudia mlipa kodi anapeleka kesi Mahakamani ambako atapata fidia ya sh.800 bilioni," ilisema sehemu ya taarifa.


    Ilisema hata kama ofisa huyu hajaenda shule, lakini hawezi kuhusika na mpango kama huo.

    Ilisemwa mujibu wa maelezo ya Dk. Slaa,mahakama iliona kuwa Tango Trasport ya Dar es Salaam ilipata hasara ya wastani wa Sh80 bilioni kwa mwaka."Kwa biashara ya kawaida Tanzania, mahesabu kama haya hayawezi kuingia vyema kichwani kwa yeyote mwenye busara," imesisitiza TRA.

    Hata hivyo TRA katika taarifa yake ilisisitiza kuwa Luoga haifahamu Kampuni ya Tango Transport ya jijini Dar es Salaam ambayo magari yake yamewahi kuzuiwa kwa muda wa miaka 10.


    Imefafanua kuwa kumbukumbu zilizoko TRA zinaonyesha kuwa kampuni ya Tango Transport ni ya Arusha na kusisitiza kwamba hakuna taarifa zinazoeleza kuwa TRA imewahi kukamata magari ya kampuni hiyo kwa miaka 10.


    Juhudi za gazeti hili kumpata Dk. Slaa kuzungumzia taarifa ya TRA hazikufanikiwa kwa kuwa simu yake ya mkononi haikuwa hewani.
     
  2. n

    niweze JF-Expert Member

    #2
    May 6, 2011
    Joined: Oct 21, 2009
    Messages: 1,008
    Likes Received: 2
    Trophy Points: 0
    Vitu vingine vipi TRA inaficha au mbona issue ya Tango Transport inawauma hivyo? Tuonyesheni data zote na mnakusanya kodi vipi na kwanini mishahara yenu wote haiendani na maisha mnayoishi? Sisi ni majirani zenu mtaani na tunajua ndugu zetu wanaishi maisha ya juu sana wakifanya kazi TRA, mnapata wapi hizo pesa na bosi mbona anaishi kama CEO, hivi TRA mna CEO?
     
  3. kapotolo

    kapotolo JF-Expert Member

    #3
    May 6, 2011
    Joined: Sep 19, 2010
    Messages: 3,708
    Likes Received: 48
    Trophy Points: 145
    Washaona Dr Slaa anaingia TRA, wanaogopa maovu yao mengi yatajulikana ndio maana wanakuwa defensive kiasi hicho. Nendeni mahakamani kama mmesingiziwa
     
  4. Baba_Enock

    Baba_Enock JF-Expert Member

    #4
    May 6, 2011
    Joined: Aug 21, 2008
    Messages: 6,724
    Likes Received: 61
    Trophy Points: 145
    Duh! Dr. Slaa umeingia TRA? Sasa unatafuta balaa..Maana hao ni MIUNGU WATU!!!!

    Luoga - No Longer AT EASE!!
     
  5. Nicky82

    Nicky82 JF-Expert Member

    #5
    May 6, 2011
    Joined: Mar 14, 2009
    Messages: 939
    Likes Received: 1
    Trophy Points: 0
    Hapo hawatathubutu...! watapiga kelele magazetini tu.
     
  6. makoye2009

    makoye2009 JF-Expert Member

    #6
    May 6, 2011
    Joined: Jun 12, 2009
    Messages: 2,562
    Likes Received: 361
    Trophy Points: 180
    TRA ni vibaka tu hawana lolote.
    • Kwanini watu wanapitishia magari yao Bandari ya Mombasa badala ya Dar na Tanga?
    • Ni mabilioni mangapi yanapotea kwa kwa watu kupitishia magari yao Mombasa?
    • Nani hajui kuhusu TAX Holiday kwa wawekezaji?
    • CAG report imebainisha madudu ya misamaha ya mabilioni ya Kodi,Je, hiyo nayo TRA hamkubali?
    • Nani hajui kuwa mtu ukiagiza gari toka Japan likifika hapa nchini TRA wanaongeza bei(uplift) kwa madai kuwa bei inayokuwa claimed kwenye docs siyo ya kweli??
    • Nani hajui mgogoro uliopo kati ya TRA Zanzibar na TRA Bara? Kwamba gari ikiingia kupitia Zenj you pay less lakini the same vehicle ikija Bara you pay more???
    • TRA ndiyo the highest payed employees hapa nchini lakini ndiyo the most corrupt people(wala rushwa wakubwa)?
    TRA acheni longolongo kusanyeni KODI ili pato la serikali liongezeke na nchi isonge mbele.Pambaf!
     
  7. fikramakini

    fikramakini JF-Expert Member

    #7
    May 6, 2011
    Joined: Nov 27, 2010
    Messages: 247
    Likes Received: 1
    Trophy Points: 0
    Hapa lazima kuna jambo. Katika hiyo taarifa ya TRA sijaona mahali palipomtaka Dr. kuthibitisha la sivyo watamshitaki. TRA hawaja thubuti kabisa kuingiza issue ya kumshitaki kabisa ... kama vile hizo tuhuma ni za kweli vile ...
     
  8. CAMARADERIE

    CAMARADERIE JF-Expert Member

    #8
    May 6, 2011
    Joined: Mar 3, 2011
    Messages: 4,404
    Likes Received: 106
    Trophy Points: 160
    Sasa TRA wamembana vipi Dr Slaa?........au sioni vizuri labda
     
  9. m

    mkulimamwema Senior Member

    #9
    May 6, 2011
    Joined: Apr 14, 2011
    Messages: 153
    Likes Received: 0
    Trophy Points: 0
    Kwa sasa hakuna mwanasiasa anayeaminiwa na kukubalika kwa wananchi kama Dk Slaa,watu wanajua mwizi ni nani
     
  10. Mlangaja

    Mlangaja JF-Expert Member

    #10
    May 6, 2011
    Joined: Nov 2, 2010
    Messages: 529
    Likes Received: 14
    Trophy Points: 35
    TRA hawajambana Dr Slaa bali wemevuma kama debe tupu. Aliyeandika kichwa cha habari cha gazeti hili amevuma pia. Ni mtu mjinga tu ndiye anaweza kuseme TRA wamembana Dr Slaa. Wamagamba mmeshindwa, chama ndo hicho, kinakufa.
     
  11. W

    WildCard JF-Expert Member

    #11
    May 6, 2011
    Joined: Apr 22, 2008
    Messages: 7,451
    Likes Received: 25
    Trophy Points: 145
    Hatua zaidi tunataka zichukuliwe. Kutajataja majina hakutusaidii sana. Dr Slaa, tunakutarajia ufanye zaidi.
     
  12. fikramakini

    fikramakini JF-Expert Member

    #12
    May 6, 2011
    Joined: Nov 27, 2010
    Messages: 247
    Likes Received: 1
    Trophy Points: 0
    Sawa na wewe mchango wako ni nini?
     
  13. MANI

    MANI Platinum Member

    #13
    May 6, 2011
    Joined: Feb 22, 2010
    Messages: 5,868
    Likes Received: 898
    Trophy Points: 280
    Makoye upo sahihi kabisa ni mauzauza hapo !
     
  14. SMU

    SMU JF-Expert Member

    #14
    May 6, 2011
    Joined: Feb 14, 2008
    Messages: 7,009
    Likes Received: 864
    Trophy Points: 280
    Sasa huyo Luoga si ndio iliwahi kusemekana anatarajia kuchukua mikoba ya Kitillya? Kama naye ni fisadi itakuwa balaa...!
     
  15. W

    WildCard JF-Expert Member

    #15
    May 6, 2011
    Joined: Apr 22, 2008
    Messages: 7,451
    Likes Received: 25
    Trophy Points: 145
    Nikiaminiwa na Watanzania kwa kiwango hiki cha Dr Slaa nitachangia sana tu. Hata hivyo, mchango wangu humu na kwingineko si haba.
     
  16. The Son of Man

    The Son of Man JF-Expert Member

    #16
    May 6, 2011
    Joined: Feb 9, 2010
    Messages: 10,970
    Likes Received: 369
    Trophy Points: 180
    Si waende mahakamani waone kama hatatoa data za uhakika? Huyu wa ukweli dr ni kama wikileaks atawachemsha hadi basi!
     
  17. U

    Uwezo Tunao JF-Expert Member

    #17
    May 6, 2011
    Joined: Nov 14, 2010
    Messages: 6,948
    Likes Received: 8
    Trophy Points: 0
    Haya ni maneno yako mwenyewe au imeyatoa katika chanzo fulani cha habari???????????????
     
  18. SMU

    SMU JF-Expert Member

    #18
    May 6, 2011
    Joined: Feb 14, 2008
    Messages: 7,009
    Likes Received: 864
    Trophy Points: 280
    Hawawezi kuthubutu kwenda mahakamani! Ni wachache sana hapo TRA wenye 'usafi' wa kuthubutu kwenda mahakamani.
     
  19. kilimasera

    kilimasera JF-Expert Member

    #19
    May 6, 2011
    Joined: Dec 2, 2009
    Messages: 3,072
    Likes Received: 12
    Trophy Points: 135


    TRA 'wambana' Dk Slaa
     
  20. G

    Giddy Mangi JF-Expert Member

    #20
    May 6, 2011
    Joined: Feb 14, 2011
    Messages: 833
    Likes Received: 4
    Trophy Points: 0
    lakini kaka wewe ni mnafiki haueleweki moto ama baridi!
     
Loading...