Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Tisa kizimbani mauaji ya Musoma

Discussion in 'Habari na Hoja mchanganyiko' started by kilimasera, Mar 4, 2010.

  1. kilimasera

    kilimasera JF-Expert Member

    #1
    Mar 4, 2010
    Joined: Dec 2, 2009
    Messages: 3,072
    Likes Received: 9
    Trophy Points: 135
    JESHI la Polisi mkoani Mara limewafikisha mahakamani watu tisa kwa madai ya kuhusika na mauaji ya watu 17 wa ukoo mmoja yaliyotokea mkoani humo mwezi uliopita.

    Kamanda wa Polisi wa Mkoa, Robert Boaz, alisema hayo jana wakati akizungumza na gazeti hili na kuongeza kuwa watuhumiwa hao walifikishwa katika Mahakama ya Hakimu Mkazi mkoani humo.

    Alisema licha ya kuwafikisha mahakamani, lakini upelelezi bado unaendelea. Aliwataja waliokamatwa kuwa ni Matiko Mugasa (42), Juma Mgaya ama Jumanne Maselele (29), Juma Kinoko au Butenge Nyasoro (20), Daud Mahiki (50), Aloyce Nyakumu (43), Bahati Maryambo (34), Nyakangara Biraso (32), Marwa Mugaya (16) na Nyakaranga Mgaya.

    Kamanda Boaz alisema upelelezi bado unaendelea, huku akiwashukuru wananchi wote walioshirikiana na Jeshi hilo kuhakikisha watuhumiwa hao wanakamatwa.

    Watu hao wa familia moja walikufa baada ya watu ambao hawakujulikana kuvunja milango ya wakazi hao na kuwashambulia kwa silaha zikiwamo zenye ncha kali kama vile mapanga.

    Miili ya wanafamilia hao ilizikwa katika kijiji cha Mgaranjabo nje kidogo ya mji wa Musoma.
     
Loading...