Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

TARIME: Diwani aapishwa akiwa Jela!

Discussion in 'Jukwaa la Siasa' started by Pasco_jr_ngumi, Dec 25, 2010.

  1. Pasco_jr_ngumi

    Pasco_jr_ngumi JF-Expert Member

    #1
    Dec 25, 2010
    Joined: Nov 20, 2010
    Messages: 1,797
    Likes Received: 10
    Trophy Points: 135
    DIWANI wa Kata ya Bumera, wilayani
    Tarime, Tengera Marwa (CHADEMA),
    amelazimika kula kiapo akiwa rumande
    wakati wa kikao cha kwanza cha baraza la
    madiwani wa halmashauri hiyo mwishoni
    mwa wiki.
    Tengera ambaye pia alichaguliwa huku
    akiwa mahabusu katika uchaguzi mkuu wa
    Oktoba, anakabiliwa na kesi ya mauaji.
    Awali shughuli katika kikao hicho
    zililazimika kusimama kwa zaidi ya saa nne
    baada ya madiwani kutoka chama chake
    kutoka nje ya ukumbi katika kile
    kilichodaiwa kutoridhika na kukwamishwa
    jitihada zao na waendeshaji wa kikao
    kutaka mwenzao huyo aletwe katika
    ukumbi huo aapishwe.
    Hata hivyo, kutokana na kuingilia kati ofisa
    mmoja mwandamizi wa polisi wilayani
    hapa aliyefahamika kwa jina moja la
    Massenga ilielezwa kuwa kutokana na hali
    tete ya usalama kisiasa wilayani humu
    isingekuwa rahisi kumleta diwani huyo
    ukumbini hapo na akaelekeza hatua za
    haraka kumpatia udhuru ili apelekwe kuapa
    mahakamani.
    Mkurugenzi wa Halmashauri hiyo, Fidelis
    Lumato, aliyekuwa akiendesha kikao hicho
    kwa muda alilazimika kuamuru kikao hicho
    kihamie katika mahakama ya wilayani hapa
    ambapo diwani huyo aliletwa chini ya
    ulinzi mkali na kula kiapo chake na kisha
    kurejeshwa mahabusu.
    Baadaye kikao hicho kiliendelea ambapo
    katika uchaguzi wa kumtafuta mwenyekiti
    wa Halmashauri ya Tarime, Diwani wa
    kata ya Sirari, Amos Sagara CCM
    alichaguliwa kwa kura nyingi na
    kumshinda mgombea wa CHADEMA na
    mwenyekiti wa mkoa wa Mara wa chama
    hicho, Machage Machage.
     
Loading...