Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Tanzania Nchi Yangu

Discussion in 'Jukwaa la Lugha' started by Ndahani, Jul 4, 2009.

  1. Ndahani

    Ndahani JF-Expert Member

    #1
    Jul 4, 2009
    Joined: Jun 3, 2008
    Messages: 11,544
    Likes Received: 129
    Trophy Points: 160
    Tanzania nchi yangu, yenye uso wa kung’aa,
    Afrika na Ulimwengu, sifa tele tapakaa,
    Wahindi nao wazungu, hakuna wa kuhadaa,
    Jinsi ilivyo sifika, kwa uongozi thabiti.

    Ilijulikana pote, Tanzania ya mwalimu,
    Iliheshimu yoyote, aliyependa nidhamu,
    Kaunda naye Obote, na asiye kichwa ngumu,
    Tanzania ya mwalimu, nchi yenye msimamo

    Umoja wetu wa ndani, kamwe hukutisika,
    Utaifa akabuni, ukabila kufutika,
    Akaipa uthamani, ikawa ya kutuka,
    Ndivyo ilivyosifika Tanzania nchi yangu.

    Akatua madaraka, ili kuipa uwezo,
    Maendeleo haraka, demokrasia kigezo,
    Yeye kote akawika, kwa hizo zake sifazo.
    Mwalimu akang’atuka, kutuachia mfumo

    Nini kimetetereka, hata kufikia hapa,
    Rushwa imetuchakaza, sasa tunatapatapa,
    Viongozi wasowaza,kula fujo kama papa,
    Nchi inaharibika, rushwa tele zimejaa.

    Tamaa iso kipimo, ya mali na madaraka,
    Viongozi waliomo, utajiri wa haraka,
    Wamelisahau somo, mambo yameharibika,
    Tunatengeneza bomu, ambalo litalipuka,

    Bomu litaja lipuka, kwa kukosa msimamo,
    Watu wataja wehuka, wakijua yaliyomo,
    Tubadilike haraka, rushwa iwe na kikomo,
    Bado tunaweza fika, salama bila madhara

    Uongozi ni kigezo, kile kinahitajika,
    Kutujengea uwezo, tuweze tena sifika,
    Kwa siasa na michezo, popote tutaja fika,
    Turudishe tunu yetu, ili kuongoza vema.

    Tusione vyaelea, tukasahau vyaundwa,
    Mwalimu kapigania, wetu uhuru kulindwa
    Malengo alifikia, maadui wakashindwa
    Tanzania iling’aa , pande zote za dunia.

    Tujichunguze makini, tujue nini tatizo,
    Tuache huu uhuni, tunaleta machukizo,
    Tatizo lipo jamani, tutatue kwa mawazo,
    Tanzania tufanyaje, kuboresha yetu hali
     
  2. Mzee Mwanakijiji

    Mzee Mwanakijiji Platinum Member

    #2
    Jul 4, 2009
    Joined: Mar 10, 2006
    Messages: 30,383
    Likes Received: 2,443
    Trophy Points: 280
    Nipe kalamu nishike, nimjibu Ndahani,
    Niseme nieleweke, nijenge hoja makini,
    Ya kwangu niyaandike, ya Tanzania jamani,
    Wameshindwa kuongoza, sasa wanatuburuza!

    Vile vinavyoelea, hivyo kweli vimeundwa,
    Sasa tunakodolea, jinsi gani wameshindwa,
    Tumebaki kuzomea, viongozi wanapondwa,
    Wameshindwa kuongoza, sasa wanatuburuza!

    (litaendelea..)
     
  3. P

    Pakacha JF-Expert Member

    #3
    Jul 4, 2009
    Joined: Apr 15, 2008
    Messages: 815
    Likes Received: 0
    Trophy Points: 33

    Shairi zuri. lakini unaongolea nini Bwana, Tanganyika au Tanzania. Acha kujizonga!! -nashauri katika shairi lako kila penye neno Tanzania futa na weka Tanganyika.
     
  4. C

    Choveki JF-Expert Member

    #4
    Jul 5, 2009
    Joined: Apr 16, 2006
    Messages: 448
    Likes Received: 8
    Trophy Points: 35
    Tatizo sisi wenyewe, nakukumbusha Ndahani
    Wengi wetu kama mwewe, hasa walio chamani
    Wanapatwa na viwewe, wawapo madarakani
    kutochagua vilaza, mwanzo mzuri nasema!
     
  5. Babylon

    Babylon JF-Expert Member

    #5
    Jul 5, 2009
    Joined: Feb 5, 2009
    Messages: 1,341
    Likes Received: 2
    Trophy Points: 135
    Mbona na wewe paka hueleweki ?Tanganyika ndio nini?juzi tu hivi kiongozi wetu Mr seif bin khatib aliweka wazi kuwa hakuna Tanganyika wala Zanzibar ni TANZANIA ,hivi wengine huwa mnatia (weka)pamba za masikio pale viongozi wetu wanapohutubia?
     
  6. Komamanga

    Komamanga JF-Expert Member

    #6
    Jul 5, 2009
    Joined: May 2, 2009
    Messages: 221
    Likes Received: 0
    Trophy Points: 33
    heshmaaaaa mkuuuuuu
     
Loading...