Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Tanzania fuateni nyayo myakomeshe mafisadi!

Discussion in 'Jukwaa la Siasa' started by Lunyungu, Dec 29, 2007.

  1. Lunyungu

    Lunyungu JF-Expert Member

    #1
    Dec 29, 2007
    Joined: Aug 7, 2006
    Messages: 8,827
    Likes Received: 54
    Trophy Points: 135
    Hebu sikilizeni sasa maoni ya huyu Mtanzania anavyosema na wewe unasemaje ?
    Huna haki ya ku-uwawa ila unastahili kushukuriwa kwa
    kuufikisha ujumbe huu.

    Watanzania hatustahili kuwaiga Wakenya kwa ajili ya
    kuiga tu. Ila si vibaya tukaweza kusoma ni jinsi gani
    tunaweza kubadili serikali yetu inapohitajika kufanya
    hivyo ikiwa ni lazima.

    Nimekwisha sema humu ukumbini na hii leo nasema tena.

    Tulipopata serikali yetu mara ya kwanza kabisa, ilitulazimu
    kwenda Lancaster House, kutengeneza KATIBA upya. Kwa
    nini? Tulipotaka kuwa Jamhuri, tuliitengenezea KATIBA.
    Kwa nini? Tulipoamua kuwa na serikali ya Chama kimoja
    kutoka vyama vingi tulitengeneza KATIBA. Kwa nini? Na
    hivi sasa, tumeamua kurudi kwenye mfumo wa vyama vingi
    hatutaki, kata kata, kutengeneza KATIBA mpya, tumejiuliza,
    KWA NINI?

    KATIBA ni SHERIA MAMA inayompa mwananchi aliye HURU
    nchini mwake, UHURU na HAKI zake kikamilifu. Hii KATIBA
    yetu kama ilivyo inatoa uhuru na haki zaidi kwa Chama cha
    Mapinduzi na wanaokiongoza. Madaraka anayopewa Rais
    ambaye naye pia ndiye Mwenyekiti wa CCM ni makubwa na
    pia ni mengi mno, kiasi cha kuashiria kuonekana kuwa nchi
    yetu na serikali yetu ni mali ya CCM badala ya kuwa ni mali
    ya wananchi wote bila ya kujali itikadi za za kisiasa. Kwa maoni
    yangu, CCM na serikali hii, wanaitumia KATIBA hii kujisimika
    katika uongozi wa serikali na nchi kwa jumla, milele na milele.

    Kwa hiyo, nafikiri, katika kuwaiga Wakenya, Watanzania
    hatuna budi kufikiri na kuweka sawa mikakati. Si suala la kuiga
    tu. kwa ajili ya kuiga.

    KATIBA ya vyama vingi ni lazima iwape uhuru wa kweli watu
    wake. Kwa mfano leo hii nchini mwetu, wananchi wasiokuwa
    wanachama wa Chama chochote cha kisiasa, hawana uhuru wa
    kugombea uongozi katika ngazi yoyote katika nchi yao wenyewe.
    Wananchi hawana uhuru wa kumchagua mtu yeyote katika uongozi
    wa nchi yao wenyewe, ila mtu huyo awe amechaguliwa na Chama
    kwanza. Mbunge hana ruhusa ya kuwawakilisha waliomchagua bali
    ni lazima akiwakilishe Chama. Hana uhuru wa kubadilisha, kusahihisha,
    kukosoa na kutengeneza upya kufuatana na mawazo ya waliomchagua.
    Executive Branch, Bunge, Judiciary, National Election Commission,
    na vyombo vyote vya dola ni rubber stamps za CHAMA TAWALA. Je,
    ni kweli Watanzania wanaweza kuwaiga Wakenya, hata kama wanataka?

    Vyama vya kisiasa vya ushindani havina uwezo wa kuungana. Kisheria,
    naambiwa, wakitaka kufanya hivyo, ni lazima waunde chama kipya. Na
    wakitaka wafanye hivyo, ndio kifo chao watakapotaka kukiandikisha
    chama hicho kwa Muheshimiwa Tendwa. Wajaribu tuwaone, kama jasho
    halitawatoka. Tanzania hakuna kutengeneza NARC wala ORANGE kwa
    haraka haraka. Mahakama Kuu imeidhinisha wagombea binafsi, wako wapi?
    Imeharamisha TAKRIMA, umeona kilichotokea wakati CCM yenyewe ilivyo-
    ndesha chaguzi zake zenyewe ndani ya chama hicho?

    Katika KUIGA hapana budi watu wakae chini, kufikiri, kupanga na kutenda.
    La sivyo, tukae chonjo tuwashangilie na kuwapongeza wenzetu wa Kenya.

    Inahitaji MOYO si BONGO peke yake.
     
  2. K

    Kasana JF-Expert Member

    #2
    Dec 30, 2007
    Joined: Apr 3, 2007
    Messages: 396
    Likes Received: 1
    Trophy Points: 35
    Mkuu umenena,
    Wananchi wamechoka na kukata tamaa, na hatimaye wakakubali kufuata upepo unapoelekea.

    Kila kitu ni majaaliwa. Atakalopanga manani ndilo litakalokuwa!
    (Kutokana na imani)
    Tuungane na hao waliodhamilia kuliombea taifa ili mwenyezi atunusuru na kutupa ujasiri wa kufikia demokrasia ya kweli na kufanya mabadiliko kila pale panapohitajika.
     
  3. R

    Rwabugiri JF-Expert Member

    #3
    Dec 30, 2007
    Joined: Jul 10, 2007
    Messages: 2,777
    Likes Received: 5
    Trophy Points: 135
    Kasana kumbuka imani bila matendo imekufa!
     
  4. K

    Kasana JF-Expert Member

    #4
    Dec 30, 2007
    Joined: Apr 3, 2007
    Messages: 396
    Likes Received: 1
    Trophy Points: 35
    Mimi naungana na hawa viongozi wa dini katika kutoa elimu kwa wadau kuhusu haki ya kumiliki mali asili. Watu wengi huwa tunakimbilia kwenye dini ili kupata faraja.
    Kitu kinachotia hofu ni pale viongozi wetu hawa wanpokuwa vinyonga na kutoa matamko yanayokinzana kama JK kateuliwa na mungu, na the vice versa.

    Kwa njia yoyote ile ni lazima tukazane kuwafikia wananchi wengi ili waweze kuamua mwelekeo wa taifa lao, na si kwa kuiga bali kwa dhamira yenye nia ya dhati.
     
  5. e

    eddy JF-Expert Member

    #5
    Dec 30, 2007
    Joined: Dec 26, 2007
    Messages: 6,965
    Likes Received: 1,903
    Trophy Points: 280
    Hatuna cha kuiga huko, ila tumejifunza kuondoa wezi wa kodi kwa kura, wataiba kura zenyewe! wezi wa kodi tuwashughulikie tu bila kujali 60mil za ruzuku au 40bil ya hazina, wote wanyang'anyi.
     
  6. Nyangumi

    Nyangumi JF-Expert Member

    #6
    Dec 30, 2007
    Joined: Jan 4, 2007
    Messages: 508
    Likes Received: 0
    Trophy Points: 0
     
  7. Pundit

    Pundit JF-Expert Member

    #7
    Dec 30, 2007
    Joined: Feb 4, 2007
    Messages: 3,742
    Likes Received: 14
    Trophy Points: 0
    Ukiwa Kenya "Nyayo" si mambo ya Moi na KANU? Mfano is more like it unaweza kuingia Nairobberry ukasema Nyayo watu wakakugombania.
     
Loading...