Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Tamko la Wabunge wa Jiji la DSM Kuhusu Kashfa ya Shirika la UDA

Discussion in 'Jukwaa la Siasa' started by John Mnyika, Aug 4, 2011.

  1. John Mnyika

    John Mnyika Verified User

    #1
    Aug 4, 2011
    Joined: Jun 16, 2006
    Messages: 715
    Likes Received: 13
    Trophy Points: 0
    Wabunge wa Jiji la Dar es salaam tumesikitishwa na tuhuma za ufisadi, ukiukwaji wa sheria, kanuni na maslahi ya wananchi katika mchakato wa ubinafsishaji wa Shirika la Usafiri Dar es salaam (UDA).

    Wabunge wa Mkoa wa Dar es salaam tunamshukuru Waziri Mkuu Mizengo Pinda kwa taarifa na ufafanuzi alioutoa bungeni tarehe 4 Agosti 2011 wakati wa kipindi cha maswali kwa mujibu wa Kanuni za Bunge kifungu cha 38 (4) ya kuelekeza vyombo vya dola hususan Taasisi ya Kuzuia na Kupambana na Rushwa (TAKUKURU) , Mkaguzi wa Hesabu za Serikali (CAG) na Ofisi ya Upepelezi wa Makosa ya Jinai (DCI) kufanya uchunguzi kuhusu tuhuma husika.

    Wabunge wa Jiji la Dar es salaam tuko tayari kutoa ushahidi kwa vyombo hivyo pamoja na kushirikiana na serikali kwa ujumla wake ili kuwezesha hatua stahiki ziweze kuchukuliwa kwa haraka kuhusu tuhuma hizo kwa lengo la kulinda mali za umma na pia kutetea maslahi ya wakazi wa jiji letu wanaohangaika na adha ya usafiri.

    Pamoja na kuagiza vyombo vya dola kufanya uchunguzi, wabunge wa Jiji la Dar es salaam tunatoa mwito kwa Serikali kuagiza kusitishwa mara moja kwa mkataba batili na maamuzi haramu yaliyofanyika ya kukabidhi hisa, mali na uendeshaji wa kampuni ya UDA kwa Kampuni ya Simon Group Limited ili katika kipindi hiki cha uchunguzi masuala yote ya kampuni hiyo yaratibiwe na bodi huru itayoundwa na kusimamiwa na Shirika la Hodhi ya Mali za Mashirika ya Umma (CHC) kwa mujibu wa sheria zinazohusika.

    Wabunge wa Jiji la Dar es Salaam kwa nafasi yetu kama wajumbe wa Baraza la Halmashauri ya Jiji la Dar es salaam tunasisitiza kuufahamisha umma wa wakazi wa mkoa wetu na watanzania kwa ujumla kwamba maamuzi yote yaliyofanywa na Mstahiki Meya Didas Massaburi yanayotajwa kuridhiwa na vikao vya jiji ni batili kwa kuwa yamefanyika kwenye vikao visivyokuwa halali bila kuzingatia sheria, kanuni na maslahi ya wananchi wa Dar es salaam.

    Izingatiwe kuwa tarehe 10 Juni 2011 Meya Massaburi kwa kushirikiana na kaimu Mkurugenzi wa Jiji walishiriki kikao batili kilichoitwa mkutano maalum wa wanahisa wa UDA na kufanya maamuzi haramu ya kukabidhi Shirika na mali zake kwa kampuni ya Simon Group. Wabunge wa Jiji la Dar es salaam tunaunga mkono kuvunjwa kwa bodi iliyokuwepo ya UDA na hatua za haraka za kunusuru hisa na mali za UDA hata hivyo, hatua za kuvunja kwa bodi hiyo hazikupaswa kuambatana na na kukiuka sheria na kanuni kwa kuhamisha umiliki huo.

    Maamuzi hayo yalifanyika bila kuheshimu maelekezo ya barua ya Ofisi ya Waziri Mkuu ya tarehe 28 Februari 2011 yenye kumbu. Na CAB. 185/295/01/27 ambayo iliagiza kusitisha mara moja mchakato wa kuuza hisa ambazo hazijagawiwa barua ambayo nakala yake iliwasilishwa kwa mkurugenzi wa Jiji na Meneja Mkuu wa UDA pamoja na Wizara zingine zinazohusika.

    Izingatiwe kwamba mkutano alioufanya Meya Massaburi ulitanguliwa na kikao batili cha bodi ya wakurugenzi wa UDA chini ya uenyekiti wa Iddi Simba cha tarehe 28 January 2011 kilichofanya maamuzi haramu ya kuuza hisa zisizogawiwa (unallotted shares) kwa kampuni ya Simon Group Limited bila kuzingatia sheria, kanuni, taratibu na maslahi ya wananchi wa Dar es salaam.

    Vikao hivyo vya kamati ya uongozi pamoja na baraza la madiwani vimeitishwa kinyemela wakati wabunge wakiwa kwenye bunge la bajeti Dodoma bila kuwashirikisha wabunge kwa ukamilifu wetu ambao ni wawakilishi wa wananchi wote wa mkoa wa Dar es Salaam.

    Mikutano maalum iliyoitishwa kuhalalisha maamuzi haramu yaliyofanywa na Meya Massaburi kuhusu UDA yaani kikao cha kamati ya fedha na uongozi ya tarehe 29 Juni 2011 na Baraza la Madiwani wa Halmashauri ya Jiji tarehe 20 Julai 2011 ilikuwa batili kwa notisi kutolewa bila kuzingatia kanuni na maamuzi kufanyika bila mikutano kuwa na akidi.

    Kwa mujibu wa Kanuni za kudumu za Mikutano na Shughuli za Halmashauri ya Jiji la Dar es Salaam (Zilizotungwa chini ya Kifungu cha 42 cha Sheria ya Serikali za Mitaa-Mamlaka za Miji ) na. 8 ya mwaka 1982) kifungu 8(2) na 52 akidi katika mikutano maalum ni theluthi mbili ya wajumbe hivyo vikao vyote vilivyofanyika ni batili na maamuzi yote yaliyofikiwa ni haramu.

    Hivyo, wabunge wa Mkoa wa Dar es salaam tunataka Meya Massaburi, Mkurugenzi wa Jiji Bakari Kingobi na watendaji wote wa jiji la Dar es salaam waliohusika wasimamishwe mara moja katika kipindi chote cha uchunguzi na kuchukuliwa hatua stahili baada ya uchunguzi huo kwa mujibu wa sheria, kanuni na maslahi ya umma. Aidha, hatua kali zaidi za kisheria zichukuliwe kwa mwenyekiti wa bodi ya UDA, wajumbe wote wa bodi na watendaji wote wa UDA waliohusika na kashfa hiyo.

    Aidha, pamoja na Waziri Mkuu kueleza kwamba taarifa ya vyombo vitakavyochunguzwa itatolewa kwa Kamati ya Miundombinu , wabunge wa Dar es salaam tunataka taarifa na ufafanuzi zaidi kutolewa na serikali bungeni kwa kutokana na mgogoro wa kimaslahi ulioelezwa kuhusu kamati ndogo iliyoundwa na kamati ya miundombinu na pia kutozingatiwa kwa ukamilifu kwa kanuni za bunge katika kutoa majukumu kwa kamati kuhusu kashfa hii ya UDA.

    Serikali izingatie kwamba uhalali wa kimaadili wa kamati ndogo iliyoundwa uko mashakani kutokana na mwenyekiti wa kamati hiyo, Mheshimiwa Athuman Juma Kapuya (Mb) kuelezwa kwamba ana uhusiano na kampuni ya Simon Group Limited kutokana na kutajwa kwenye nyaraka za wanahisa wa kampuni hiyo ambayo mkataba na matendo yake yanapaswa kuchunguzwa na kuchukuliwa hatua na vyombo vya dola.

    Serikali izingatie kwamba Kamati inayopaswa kuhusishwa kwa karibu katika hatua za haraka zinazopaswa kuchukuliwa ni Kamati ya Hesabu za Mashirika ya Umma kwa kwa mujibu wa Kanuni za kudumu za Bunge kifungu ya 115 na Nyongeza ya Nane kipengele cha 13 (d) (e) ndiyo inayohusika na majukumu ya kutathmini ufanisi wa mashirika ya umma ikiwemo UDA na kufuatilia utekelezaji wa Sera ya ubinafsishaji wa Mashirika ya Umma likiwemo UDA ambalo mpaka sasa halijaondolewa katika orodha ya mashirika yaliyowekwa kwenye mchakato huo kwa mujibu wa kanuni na sheria.

    Wabunge wa Dar es salaam wanataka Serikali izingatie kwamba pamoja na udhaifu kwenye uongozi wa Jiji la Dar es salaam matatizo ya UDA yamechangiwa pia na Ofisi ya Msajili wa Hazina kutokuwa makini katika hatua zote kwa kushirikiana na CHC katika masuala ya ubinafsisaji wa UDA. Hivyo, tunataka Waziri wa Fedha atoe kauli na Serikali ichukue hatua kwa watendaji wote wa Wizara ya Fedha waliosababisha taifa kuingia katika hasara, mali za umma za UDA kupotea na wananchi wa Dar es salaam kuendelea kupata matatizo ya usafiri.

    Wabunge wa Dar es salaam tunataka mali zilizobaki za kampuni ya UDA hususani magari, majengo na viwanja kufanyiwa tathmini upya na ya haraka ili kuunganisha mchakato wa Mradi wa Mabasi yaendayo Haraka (DART) ambao uko chini ya ofisi ya Waziri Mkuu ili kuwa na mfumo thabiti zaidi na mamlaka itakayosimamia vizuri zaidi mfumo wa usafiri wa umma (mass transit) katika mkoa wa Dar es salaam ili kuongeza ufanisi, kupunguza adha ya usafiri kwa wananchi na kuchangia katika kupunguza msongamano wa magari katika jiji la Dar es salaam.

    Wabunge wa mkoa wa Dar es salaam tunawaomba wakazi wa mkoa wetu na wananchi kwa ujumla kuendelea kutuunga mkono katika hatua zote tunazochukuwa kuhusu suala la UDA na mali nyingine za jiji la Dar es salaam kama sehemu ya wajibu tuliotumwa wa kuwawakilisha na kuisamamia serikali.

    Tamko hili limetolewa tarehe 4 Agosti 2011 na wabunge wafuatao wa mkoa wa Dar es salaam:

    Abas Mtemvu-Mwenyekiti,
    John Mnyika-Katibu,
    Mussa Zungu,
    Dr Faustine Ndugulile,
    Philippa Mturano,
    Mariam Kisangi,
    Zarina Madabida,
    Iddi Azzan,
    Halima Mdee,
    Eugine Mwaiposa,
    Angellah Kairuki
    Prof. Fennella Mukangara
     
  2. Invisible

    Invisible Admin Staff Member

    #2
    Aug 4, 2011
    Joined: Feb 11, 2006
    Messages: 9,095
    Likes Received: 140
    Trophy Points: 160
    Kumbe kuna issues wapinzani na chama tawala mnaweza kukaa na kukubaliana? Safi
     
  3. Nduka

    Nduka JF-Expert Member

    #3
    Aug 4, 2011
    Joined: Dec 3, 2008
    Messages: 8,327
    Likes Received: 515
    Trophy Points: 280
    Haya ndiyo mambo tungependa kuona wabunge wetu wakisimama kidete.
     
  4. Chamoto

    Chamoto JF-Expert Member

    #4
    Aug 4, 2011
    Joined: Dec 7, 2007
    Messages: 1,432
    Likes Received: 19
    Trophy Points: 135
    Haya ndiyo mambo tunayoyataka maslahi ya nchi kwanza
     
  5. F

    FJM JF-Expert Member

    #5
    Aug 4, 2011
    Joined: Apr 11, 2011
    Messages: 8,091
    Likes Received: 76
    Trophy Points: 145
    Sijaelewa, Prof Kapuya ambaye inasemekana ni mbia kwenye kampuni iliyozoa UDA - Simon Group anapewa jukumu la kuchunguza?

    Ni madharau au ni nini hasa serikali hii inafanya? How is this possible?
     
  6. ndetichia

    ndetichia JF-Expert Member

    #6
    Aug 4, 2011
    Joined: Mar 18, 2011
    Messages: 27,534
    Likes Received: 120
    Trophy Points: 160
    kudos invisible umeona enheee...
     
  7. muhosni

    muhosni JF-Expert Member

    #7
    Aug 4, 2011
    Joined: Feb 12, 2011
    Messages: 1,114
    Likes Received: 3
    Trophy Points: 0
    Nafurahi wabunge wa CCM wanaanza kuamka, hata jana mmoja alitangaza ataanzisha maandamano jimboni kwake wananchi wadai haki zao

    ANGALIZO: nyie ni msafara wa mamba na kati yenu kuna kenge mmoja, chungeni atawakuwadi. Am serious
     
  8. PastorPetro

    PastorPetro Senior Member

    #8
    Aug 4, 2011
    Joined: Feb 25, 2008
    Messages: 187
    Likes Received: 1
    Trophy Points: 35
    If Mwalimu were alive this would not have happened! :shock:
     
  9. LUSAJO L.M.

    LUSAJO L.M. JF-Expert Member

    #9
    Aug 4, 2011
    Joined: Aug 21, 2007
    Messages: 207
    Likes Received: 2
    Trophy Points: 35
    Nilikuwa nasoma kisha nijue NI wabunge wangapi wamesign hili tamko. Inapendeza.
     
  10. RealMan

    RealMan JF-Expert Member

    #10
    Aug 4, 2011
    Joined: Nov 9, 2010
    Messages: 2,314
    Likes Received: 90
    Trophy Points: 145
    wamethubutu na wameweza, tuwaunge mkono.
    Together we stand
     
  11. RealMan

    RealMan JF-Expert Member

    #11
    Aug 4, 2011
    Joined: Nov 9, 2010
    Messages: 2,314
    Likes Received: 90
    Trophy Points: 145
    pastor mbona NBC iliuzwa na Mkapa machoni pa Nyerere? Mzee wa watu akaona bora akapumzike kwa muumba wake
     
  12. Steve Dii

    Steve Dii JF-Expert Member

    #12
    Aug 4, 2011
    Joined: Jun 25, 2007
    Messages: 6,414
    Likes Received: 40
    Trophy Points: 145
    Heko ndugu waheshimiwa kwa kuungana katika swala hili!! Umeme, EPA, na mengine yanaweza kuwa hayajapata na hayatapata solution, lakini italeta matumaini walau hili la UDA likifanikiwa kutatuliwa na wahusika kuwajibishwa ipasavyo.
     
  13. tzjamani

    tzjamani JF-Expert Member

    #13
    Aug 4, 2011
    Joined: Oct 9, 2010
    Messages: 997
    Likes Received: 2
    Trophy Points: 0
    Wapi makongoro mahanga kwenye list ya MPs?
     
  14. Mzee Wa Rubisi

    Mzee Wa Rubisi JF-Expert Member

    #14
    Aug 5, 2011
    Joined: Nov 6, 2010
    Messages: 1,748
    Likes Received: 64
    Trophy Points: 145
    Ukiona hivyo juu kuwa wabunge wa CCM awakunufaika nacho ndo maana wanaungana na wapinzani.Lakini kama wangekuwa na masilai nacho usingewasikia na kelele hizi usingesikia.Wanafiki.Je ni UDA tu ndo mchezo umefanyika ???!!!!!!
     
  15. Songambele

    Songambele JF-Expert Member

    #15
    Aug 5, 2011
    Joined: Nov 20, 2007
    Messages: 2,765
    Likes Received: 502
    Trophy Points: 280
    Wakati mwingine wabunge mnatakiwa kuwa pro active manake wajanja mara zote wako mbele yenu. Tafuteni mawe yote sasa na hakikisheni yanageuzwa, miradi ya viwanja muanze nayo na moto wake
     
  16. Kibanga Ampiga Mkoloni

    Kibanga Ampiga Mkoloni JF-Expert Member

    #16
    Aug 5, 2011
    Joined: Aug 9, 2007
    Messages: 12,399
    Likes Received: 225
    Trophy Points: 160
    Na subiri sakata la VIWANJA vya WAZI, Najua Mnyika analo MOYONI,Hope MAGAMBA watamuunga mkono.
     
  17. Dark City

    Dark City JF-Expert Member

    #17
    Aug 5, 2011
    Joined: Oct 18, 2008
    Messages: 16,275
    Likes Received: 115
    Trophy Points: 160
    Nawaonea huruma wabunge wa CCM....Labda baadhi watajiokoa kitanzini!
     
  18. Nduka

    Nduka JF-Expert Member

    #18
    Aug 5, 2011
    Joined: Dec 3, 2008
    Messages: 8,327
    Likes Received: 515
    Trophy Points: 280
    Huu ndio ujinga unao itafuna nchi yetu, wakati majambazi kama dogo Simon Kisena wanakwiba mali zetu, wapuuzi wachache wanataka kuanzisha stori zao za kuku na yai.
     
  19. Narubongo

    Narubongo JF-Expert Member

    #19
    Aug 5, 2011
    Joined: Nov 3, 2010
    Messages: 1,922
    Likes Received: 9
    Trophy Points: 135
    mnykia umeingia mkenge wenzako walipitisha hoja kwa kishindo
     
  20. VUVUZELA

    VUVUZELA JF-Expert Member

    #20
    Aug 5, 2011
    Joined: Jun 19, 2010
    Messages: 3,105
    Likes Received: 4
    Trophy Points: 135
    Abas Mtemvu-Mwenyekiti,
    John Mnyika-Katibu,
    Mussa Zungu,
    Dr Faustine Ndugulile,
    Philippa Mturano,
    Mariam Kisangi,
    Zarina Madabida,
    Iddi Azzan,
    Halima Mdee,
    Eugine Mwaiposa,
    Angellah Kairuki
    Prof. Fennella Mukangara..............................................wooooooteee wasanii tu
     
Loading...