Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Tabitha Siwale: Waziri wa kwanza mwanamke Tanzania

Discussion in 'Jukwaa la Siasa' started by nngu007, May 27, 2012.

  1. nngu007

    nngu007 JF-Expert Member

    #1
    May 27, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145
    [TABLE="class: contentpaneopen"]
    [TR]
    [TD="class: contentheading"][/TD]
    [TD="class: buttonheading, align: right"][/TD]
    [/TR]
    [/TABLE]
    [TABLE="class: contentpaneopen"]
    [TR]
    [TD="class: createdate"]Saturday, 26 May 2012 21:59[/TD]
    [/TR]
    [TR]
    [TD]
    [​IMG]

    Mrs. Tabitha Siwale

    Na Florence Majani

    NILIPOFIKA nyumbani kwake maeneo ya Kawe kwa Warioba, nilidhani nitamkuta ndani.

    Wakati nabisha hodi, ninamuona akivuka barabara kuja nilipo.

    Mwanamke mweusi, aliyevalia vazi la kitenge anasimama mbele yangu, pamoja na umri wake wa miaka 75, lakini sura yake bado imebeba uzuri wake wa ujana.
    Huyu ni Tabitha Ijumba Siwale, Waziri wa kwanza mwanamke, nchini Tanzania.

    Siwale ambaye kwa sasa amejikita zaidi katika shughuli za kanisa, na usimamizi wa Taasisi ya Jinsia na Makazi ya WAT-Human Settlement, anasema kufika hapo alipo kumetokana na jitihada.

    Anasema, alianza kupenda siasa tangu akiwa kinda."Wakati ule bado hatujapata uhuru, nilikuwa najipenyeza katika mikutano ya TANU ili nipate kusikia wanayozungumza," anasema

    Anasema, baba yake alimkataza kujihusisha na siasa na kumtaka asome kwanza lakini yeye aliipenda sana siasa.

    "Sikupenda siasa pekee, bali hata shughuli za mahakama, baba yangu alikuwa mtu wa mahakamani kwa hiyo nilivutiwa zaidi na kazi hizo," anasema Mama Siwale.

    Mama Siwale kitaaluma ni Mwalimu. Anasema, alipata mafunzo ya Maarifa ya Jamii katika Shule ya Wasichana ya Geita kabla ya kupata taaluma ya ualimu huko Mpwapwa na baadaye alikwenda kujinoa zaidi katika Chuo Kikuu cha Nairobi kwa miaka mitatu.

    "Nilianza kufundisha mwaka 1961, hata siku tuliyopata uhuru, nilikuwa tayari ni Mwalimu," anasema

    Anaitaja shule yake ya kwanza kufundisha kuwa ni shule ya wasichana ya Bwiru.

    Hata hivyo, katika kipindi chake chote cha ualimu, alikuwa akitunukiwa vyeo vya kuwa mkuu wa shule tu, na si mwalimu wa kawaida.

    "Niliweza kuzisimamia shule zile na zikawa imara, kwa mfano, Korogwe Girls wakati ule ilikuwa ndiyo inafaulisha wanafunzi wengi waliokwenda Chuo Kikuu cha Dar es Salaam," anasema

    Anawataja baadhi ya wanafunzi wake ambao anajivunia kwa kuwa walipita mikononi mwake ni Naibu Katibu Mkuu wa wa Umoja wa Mataifa,(UN) Dk. Asha -Rose Migiro na Mkurugenzi wa Kituo cha Sheria na Haki za Binadamu,(HLRC)Helen Kijobisimba.

    Wakati huo huo, Siwale anasema, walimu wakuu wote waliitwa kwenda kupata mafunzo katika Chuo cha Siasa cha Kivukoni.

    "Huo ulikuwa ni mpango wa taifa wa kuwafanya Watanzania waijue siasa ya Tanzania, ndiyo maana walimu wakuu tulipelekwa Kivukoni ili tuisafirishe taaluma hiyo kwa wanafunzi," anasimulia.

    Anaitwa na Nyerere Ikulu
    Siku moja,akiwa bado mafunzoni Kivukoni, alipata mgeni. Ingawa mgeni yule alikuwa ni rafiki yake, lakini ujumbe wake ulimtisha.

    "Alikuja Peruzi Butiku, mke wa Joseph Nyerere, aliniambia hayati Mwalimu Julius Nyerere, amemtuma aje anichukue na kunipeleka Ikulu," anasema

    Anasema, aliogopa, kwani hakuwahi kutegema mtu mkubwa, Rais wa nchi kumwita.

    "Baada ya Peruzi kusisitiza, ilinibidi niende hivyo hivyo, nikaonana na Rais," anasema

    Anaongeza: " Mwalimu aliniambia kuwa, ameniteua kuwa Mbunge wa Viti Maalumu vya Rais."

    Anasema, alikubali ingawa hakujua ni kwa nini Mwalimu Nyerere alimteua yeye.

    Usiku huo huo, Redio Tanzania ilitangaza majina ya wabunge wanawake wa Viti Maalumu wapatao kumi, akiwemo.

    Baada ya wiki moja, aliitwa tena Ikulu, lakini safari hii hakushtuka.
    "Nilipofika, Rais alinipa mshtuko mwingine ambao sikuutegemea.

    Aliniambia amenichagua kuwa Waziri wa Ardhi, Nyumba na Maendeleo Mijini," anasema.

    Anasema, alikubali wajibu huo mzito, akiwa ni mwanamke wa kwanza Tanzania kushika cheo cha uwaziri.

    "Niliingia Ikulu nikiwa na amani, lakini nilitoka nikiwa nimechanganyikiwa kwa kile nilichoambiwa," anasema Mama Siwale akicheka.

    Mama Siwale aliishika nafasi hiyo tangu mwishoni mwa mwaka 1975 hadi 1982 alipohamishiwa Wizara ya Elimu.

    Anasema: "Lakini mwaka 1984, nilipelekwa Wizara ya Elimu,"
    Mwaka 1984, aliachia uwaziri na kubaki na ubunge hadi mwaka 2000 alipostaafu.

    "Nilikaa ndani ya Bunge kwa miaka 20, nilifurahia sana nafasi yangu kwa sababu niliipenda siasa," anasema.

    Anasema, akiwa bungeni alipenda kupigania mambo mawili, nafasi ya mwanamke katika jamii na umiliki wa ardhi na makazi.

    Mama Siwale anajisikia fahari, si yeye pekee bali hata na wanawake waliokuwa bungeni kipindi kile, kwa kutetea hoja hadi kufanikiwa kuundwa kwa Sheria ya Ardhi na Jinsia ya mwaka 1999 .

    "Sheria ile inatumika hadi leo, inasema, mwanamke ana haki ya kumiliki, kuuza na kutumia ardhi kama ilivyo kwa mwanaume,"anasema.

    Anachowaasa wanawake

    Mama Siwale anasema, hakuwahi kupata changamoto za kutisha wakati alipokuwa mwanasiasa kwa kuwa hakuwa mwoga.

    "Neno sijui, siwezi … kwangu ni mwiko. Nikiambiwa nifanye kazi hii, naifanya kwa nguvu zote na lazima ionekane," anasema

    Anawaasa wanawake na kuwaambia, wawe na jitihada na wadhamirie makubwa.
    "Chochote unachofanya sasa, fanya vizuri kana kwamba hutopata nafasi ya kukirudia. Ili watu wakiiingalia kazi yako, wakukubali," Anasema.

    Mwanasiasa huyu mkongwe, aliwahi kutunukiwa Tuzo ya Mwanamke Mahiri wa Karne ya 21 mnamo mwaka 2000 na Taasisi ya Kimarekani.

    Aidha, mwaka 2008, alipata Tuzo ya Mwanamke wa mwaka kutoka taasisi hiyo hiyo.

    Amewahi kushika nyadhifa kadhaa ikiwemo uenyekiti wa Kampuni ya Uvunaji wa Maziwa (DAFCO) na Shirika la Mfuko wa Hifadhi ya Jamii wakati huo, likiitwa (NPF)

    Hivi sasa ni Mlezi wa Taasisi ya Wanawake na Makazi ya WAT-Human Settlement.

    Mama Siwale ni mke wa mwalimu mstaafu, Edmund Siwale. Ana watoto wanne, wawili kati yao ni marehemu, na amebarikiwa wajukuu watatu.
    Alizaliwa wilayani Rungwe, Mkoa wa Mbeya.
    [/TD]
    [/TR]
    [/TABLE]
     
  2. nngu007

    nngu007 JF-Expert Member

    #2
    May 27, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145
    Hawa ndio Mawaziri wanafanya kazi Malipo yao ni Jasho lao kazini, Wanakumbuka Fahari za Kazi zao na Matokeo ya hizo

    fahari kama alimfundisha Naibu Secretary General wa UN Asha Rose Migiro (Mtengeti) Anaishi Kawe, hakuwa FISADI

    Hawa ndio wachapakazi taifa letu sasa hivi linawahitaji sababu ya Mali tulizo nazo sasa.
     
  3. Kichuguu

    Kichuguu Platinum Member

    #3
    May 27, 2012
    Joined: Oct 11, 2006
    Messages: 6,940
    Likes Received: 267
    Trophy Points: 180
    Nilimjua kwa jina tu lakini sikujua kuwa alikuwa mrembo namna hiyo kwa vile sikuwahi kumwona physically. Kweli katika kipindi cha nusu ya pili ya miaka ya 70, ni shule tatu tu zilizokuwa zinachachafya Tanzania kwa kutoa Division I: Weru Weru, Korogwe Girls na Kibaha
     
  4. P

    Pascal Mayalla JF-Expert Member

    #4
    May 27, 2012
    Joined: Sep 22, 2008
    Messages: 20,529
    Likes Received: 6,116
    Trophy Points: 280
    Ni huyu mama hakuwa fisadi, ila kuishi kwake kawe hakumaanishi that is the only land aliyonayo!. Yeye ndiye mmiliki wa kile kiwanja chenye maduka na appartments ile kona ya Msasani kwa Mwalimu, opposite na BP Petrol ststition!.
     
  5. Raia Fulani

    Raia Fulani JF-Expert Member

    #5
    May 27, 2012
    Joined: Mar 12, 2009
    Messages: 10,227
    Likes Received: 67
    Trophy Points: 145
    Haya mambo ya mwanamke wa kwanza, mwafrika wa kwanza, mtanzania wa kwanza, mweusi wa kwanza ndio yanayoendelea kudumisha uhaba wa usawa. Hatujui tu
     
  6. zomba

    zomba JF-Expert Member

    #6
    May 27, 2012
    Joined: Nov 27, 2007
    Messages: 17,082
    Likes Received: 8
    Trophy Points: 0
    Wengi wenu hamjui maana ya ufisadi.
     
  7. Ally Kombo

    Ally Kombo Verified User

    #7
    May 27, 2012
    Joined: Nov 11, 2010
    Messages: 11,408
    Likes Received: 32
    Trophy Points: 145
    Mnaadhimisha nini !? Utumishi uliotukuka au Birthday yake ?
     
  8. Ms Judith

    Ms Judith JF-Expert Member

    #8
    May 27, 2012
    Joined: Dec 24, 2010
    Messages: 2,568
    Likes Received: 8
    Trophy Points: 135
    kweli kabiosa mpendwa,

    hata mimi yananikera sana, basi tu sijui nifanye nini kuyakomesha!!

    unajua hata mimi ni mwanamke wa kwanza kupata shahada ya chuo kikuu nyumbani kwetu, sasa sijui kama hii nayo ni ishu? akili zetu zimekaa kikekike na kiumeume, lini akili zetu zitakaa kibinadamu zaidi? mimi hata ungenipa urais leo, siwezi kuunda wizara ya wanawake, jisia sijui na nini, nitaunda wizara ya maendeleio ya jamii tu na hili jina linajitosheleza kabisa!

    kweli safari bado ndefu!!

    mbarikiwe sana

    Glory to God!
     
  9. Ally Kombo

    Ally Kombo Verified User

    #9
    May 27, 2012
    Joined: Nov 11, 2010
    Messages: 11,408
    Likes Received: 32
    Trophy Points: 145
    .....................Wizara ya Ardhi pia kapitia !
     
  10. Lambardi

    Lambardi JF-Expert Member

    #10
    May 27, 2012
    Joined: Feb 7, 2008
    Messages: 7,539
    Likes Received: 2,049
    Trophy Points: 280
    Kile kiwanja pale kona ya msasani,nafikiri alikipata wakati ule kukiwa pori na maji yanajaa maana miaka ya 90 mwanzoni bado palikuwa kibanda kimoja tu....akaanza kuendeleza taratibu sana hadi leo unaona vile.....angekuwa fisadi ukute alikuwa viwanja 30 vya beach
     
Loading...