Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Sumaye afanyiwa upasuaji wa bega MOI

Discussion in 'Jukwaa la Siasa' started by Mwanakili90, Nov 3, 2011.

  1. Mwanakili90

    Mwanakili90 JF-Expert Member

    #1
    Nov 3, 2011
    Joined: Nov 24, 2010
    Messages: 1,568
    Likes Received: 1
    Trophy Points: 135
    WAZIRI Mkuu mstaafu, Frederick Sumaye,
    anaendelea kufanyiwa mazoezi ya bega kwenye
    Taasisi ya Mifupa Muhimbi (Moi), baada ya
    kufanyiwa upasuaji hivi karibuni ameitaka
    Serikali kuisaidia Hospitali ya Taifa Muhimbili ili
    itoe huduma nzuri zaidi kwa wananchi. Sumaye ambaye alifanyiwa upasuaji baada ya
    kuanguka na kusababishia maumivu upande wa
    kushoto wa bega, alisema Serikali lazima itazame
    Moi kwa upana zaidi, maana ndicho kituo pekee
    wanachotegemea wananchi kwa huduma za
    upasuaji na mifupa. “Hapa ndiyo tunategemea ili kupata huduma,
    kwa hiyo Serikali lazima ipatazame vizuri kwa
    kuweka miundo mbinu mizuri na kuongeza idadi
    ya wataalamu ili kuondoa usumbufu,” alisema
    Sumaye. Pia, Sumaye alisema idadi ya wagonjwa
    katika hospitali hiyo imekuwa kubwa, hivyo hata huduma zimekuwa hafifu kwa upande
    mwingine maana wataalamu wamekuwa
    wadogo ukilinganisha na idadi ya wagonjwa.
    “Unajua idadi inavyokuwa kubwa halafu
    wataalamu wakawa wadogo hapo ndipo
    huduma inapoonekana hafifu, kwa hiyo Serikali iongeze idadi ya wataalamu katika kituo hiki
    ambacho kinahudumia Watanzania wengi,”
    alisema Sumaye. Sumaye alisema suala la
    viongozi wengi kwenda nje ya nchi kutibiwa,
    inategemea huduma ambayo inahitajika kwa
    kiongozi huyo kama inapatikana nchini. “Suala la viongozi kwenda nje ya nchi kutibiwa
    inategemea na huduma ambayo unaitaka,
    huwezi kwenda huko moja kwa moja bila
    kupewa ruhusa na madaktari wa hapa,” alisema
    Sumaye. Amekuwa akipata huduma ya mazoezi
    ya bega taasisi ya Moi kwa zaidi ya mwezi sasa. Wakati huohuo, Kamati ya Bunge ya Huduma za
    Jamii, imeitaka Serikali kuanzisha hospitali za
    magonjwa ya mifupa kila mkoa, ili kupunguza
    msongamano wa wagonjwa kwenye Taasisi ya
    Mifupa Muhimbili (Moi). Mwenyekiti wa kamati
    hiyo, Margreth Sitta, alisema wamesikitishwa na msongamano wa wagonjwa katika taasisi ya
    Moi, unaofanya baadhi yao kulala sakafuni. "Kuna
    haja Serikali kuangalia tatizo hili na kulitafutia
    ufumbuzi harakati, hii ni shida," alisema Sitta. Sitta
    alisema hayo wakati kamati hiyo ilipotembelea
    taasisi hiyo na baadaye kuzungumza na wafanyakazi.
    “Tumejionea wenyewe wagonjwa wanalala
    chini, tatizo ni vitanda na wanahitaji huduma
    kwa hiyo huwezi kumrudisha nyumbani ili
    asubiri kitanda kwa hiyo lazima Serikali itazame
    suala hili,” alisema. Mkuu wa Moi, Profesa Paul Mseru, alisema kitengo hicho kilianzishwa
    mwaka 1996 kwa malengo ya kutoa huduma
    kwa matatizo ya mifupa na upasuaji.
    Pia, Profesa Mseru alisema kitengo hicho kina
    zaidi ya vitanda 180, lakini kinapokea idadi
    kubwa kupita uwezo wake, ndiyo maana wagonjwa wengine wanalala chini na kuomba
    Serikali kujenga kitengo kingine cha mifupa.
    “Tunaomba Serikali kufanya utaratibu wa kutoa
    huduma ya upasuaji kwa mikoa mingine, ili
    tupunguze msongamano ambao unajitokeza
    hapa,” alisema Profesa Mseru. Sitta alisema lazima suala la kutoa huduma ya
    mifupa na upasuaji kwa mikoa mingine lifanywe
    haraka kutoa usumbufu kwa wagonjwa
    wanaolala chini. “Kwakweli ombi hili lazima lifike
    kwa Serikali na tutaomba ifanyie kazi haraka
    suala hili, maana idadi ya wagonjwa inatisha na hatari pia kwa wagonjwa kulala chini,” alisema
    Sitta. Wagonjwa ambao walikuwa wakisubiri
    huduma, walisema kupata huduma ni vigumu
    kwa sababu ya wingi wao ambao wanatoka
    mikoa mbalimbali.

    Source:Mwananchi.
     
  2. mikatabafeki

    mikatabafeki JF-Expert Member

    #2
    Nov 3, 2011
    Joined: Dec 29, 2010
    Messages: 12,838
    Likes Received: 2,012
    Trophy Points: 280
    mbona hajaenda nje..........??????????mana siku hizi mkubwa hata akiumbwa kichwa tu ni nje
     
  3. m

    mhondo JF-Expert Member

    #3
    Nov 3, 2011
    Joined: Apr 23, 2011
    Messages: 969
    Likes Received: 13
    Trophy Points: 35
    Afadhali yeye ameamuwa kutibiwa Tz.
     
  4. Kigogo

    Kigogo JF-Expert Member

    #4
    Nov 3, 2011
    Joined: Dec 14, 2007
    Messages: 19,245
    Likes Received: 34
    Trophy Points: 145
    hali ikibadilika wamkimbize india
     
  5. Mshiiri

    Mshiiri JF-Expert Member

    #5
    Nov 3, 2011
    Joined: Jun 16, 2008
    Messages: 1,878
    Likes Received: 32
    Trophy Points: 145
    Huyu ni mzalendo sana. Tunaweza tukampa nchi at a later stage. Namkumbuka sana wakati tuko college huko manyumbani
     
  6. Arafat

    Arafat JF-Expert Member

    #6
    Nov 3, 2011
    Joined: Nov 17, 2009
    Messages: 2,582
    Likes Received: 25
    Trophy Points: 0
    Mama Sitta ameona matatizo hayo baada ya kukosa Uwaziri!
     
  7. F

    FJM JF-Expert Member

    #7
    Nov 3, 2011
    Joined: Apr 11, 2011
    Messages: 8,091
    Likes Received: 76
    Trophy Points: 145
    Pengine vitanda vimejaa huko Apollo. next time Sumaye next time.
     
Loading...