Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Sophia Simba amkataa mteule wa Rais Jakaya Kikwete

Discussion in 'Habari na Hoja mchanganyiko' started by Sonara, Nov 24, 2009.

  1. Sonara

    Sonara JF-Expert Member

    #1
    Nov 24, 2009
    Joined: Oct 2, 2008
    Messages: 730
    Likes Received: 3
    Trophy Points: 35
    [​IMG]
     
  2. The Boss

    The Boss JF-Expert Member

    #2
    Nov 24, 2009
    Joined: Aug 18, 2009
    Messages: 36,075
    Likes Received: 14,326
    Trophy Points: 280
    Ha ha ha ha...
    We sonara....huchoki tu kumfagilia???
    Anakulipa ????
    Haya basi tumekubali ana msimamo.

    Ha ha ha.
     
  3. Shalom

    Shalom JF-Expert Member

    #3
    Nov 24, 2009
    Joined: Jun 17, 2007
    Messages: 1,315
    Likes Received: 2
    Trophy Points: 0
    He he he he ! nani tena huyu?
     
  4. Pdidy

    Pdidy JF-Expert Member

    #4
    Nov 24, 2009
    Joined: Nov 22, 2007
    Messages: 25,616
    Likes Received: 1,641
    Trophy Points: 280
    Sophia Simba amkataa mteule wa Rais Jakaya Kikwete[​IMG]Mwenyekiti wa UWT-CCM Sophia Simba ambaye pia ni Waziri wa Utawala Bora katika Ofisi ya Rais Kikwete.[​IMG]Na Ramadhan Semtawa

    SASA ni dhahiri kuwa hali ya kisiasa ndani ya Umoja wa Wanawake wa CCM (UWT), si shwari kutokana na nguvu na ushawishi wa Mwenyekiti Sophia Simba kuweka rehani ajira ya katibu mkuu wa jumuiya hiyo, Husna Mwilima.

    Simba, ambaye amekuwa akitikisa anga za kisiasa katika siku za karibuni baada ya kurushia watu tuhuma mbalimbali kwenye mkutano wa Kamati ya Mzee Mwinyi na Wabunge, anadaiwa amefanikiwa kulishawishi Baraza Kuu la UWT kuazimia kwa kauli moja kutoridhia utendaji wa Mwilima na kumtaka mwenyekiti wa CCM, Jakaya Kikwete ampangie kazi nyingine.

    Kikwete alimtangaza Mwilima kuwa ameteuliwa kushika nafasi hiyo ya utendaji kwenye jumuiya hiyo mwezi Aprili, akiwa amemuondoa kwenye wadhifa wake wa ukuu wa wilaya, ikiwa ni utaratibu mpya wa uteuzi wa watendaji wa jumuiya za CCM.

    Lakini sasa mwenyekiti huyo wa CCM atalazimika kuangalia upya utaratibu huo baada ya habari hizo za kutaka mtendaji huyo aondolewe kwenye jumuiya hiyo ambayo ni moja ya nguzo muhimu za chama hicho tawala.

    Kwa mujibu wa vyanzo vya habari vya kuaminika kutoka ndani na nje ya UWT, kikao hicho cha Baraza Kuu kilichofanyika Dodoma kuanzia Novemba 17 hadi 20, kilipitia utendaji wa Mwilima na kuweka bayana kuwa hakimtaki aendelee na kazi kutokana na sababu mbalimbali, ikiwa ni pamoja na kile kinachodaiwa kutomheshimu mwenyekiti wake Simba.

    Sophia Simba anadaiwa kuwa alisoma tuhuma dhidi ya katibu wake mbele ya wajumbe wa Baraza Kuu.

    Lakini, taarifa rasmi ya UWT iliyotolewa jijini Dar es Salaam jana, haikueleza azimio hilo la kutaka Mwilima aondolewe, lakini liliweka bayana kwamba katika kikao hicho liliazimia kutoridhishwa na utendaji wa katibu huyo katika kutekeleza maagizo ya vikao vilivyopita.

    UWT haina mamlaka ya kumfukuza kazi katibu mkuu kwa kuwa huteuliwa na mwenyekiti wa CCM, lakini baraza kuu la jumuiya hiyo ndilo linalomuidhinisha baada ya kuteuliwa.

    Baraza pia lina uwezo wa kumshauri mwenyekiti wa CCM kumwondoa mtendaji wake mkuu kama hatekelezi vema majukumu ya umoja.

    Kikatiba, majina ya makatibu wakuu wa jumuiya za CCM hupendekezwa na mwenyekiti wa chama ambaye pia ni Rais na baadaye humpatia katibu mkuu wa chama ambaye hupeleka jina hilo kwa mwenyekiti wa jumuiya husika ambaye naye hupeleka Baraza Kuu kwa ajili ya kuidhinishwa.

    Hata hivyo, taarifa hiyo ya UWT ilifafanua kwamba katiba ya umoja huo inamtaja katibu mkuu kuwa ndiye mtendaji mkuu wa jumuiya, hivyo Baraza lilimtaka Mwilima atoe ufafanuzi wa baadhi ya maagizo ya vikao ambayo hayakutekelezwa.

    "Ukweli ni kwamba, katika kikao hicho Baraza Kuu la UWT halikuridhishwa na utekelezaji wa baadhi ya maagizo ya vikao vilivyopita. Hivyo Baraza Kuu lilimtaka kutoa ufafanuzi kwa baadhi ya maagizo ya vikao ambayo hayakutekelezwa," ilifafanua UWT katika taarifa hiyo iliyosainiwa na Sarah Msafiri Ally ambaye ni mkuu wa idara ya oganaizesheni, siasa na mahusiano ya kimataifa.

    Katika taarifa hiyo, UWT imetaja maazimio mbalimbali yaliyofikiwa, ikiwa ni pamoja na kutoridhishwa na malumbano baina ya baadhi ya wabunge wa CCM.

    "Baraza Kuu linaipongeza NEC kwa kuteua kamati maalumu ya kuchunguza chanzo cha tatizo kwa dhamira ya kutafuta ufumbuzi wa kudumu... Baraza Kuu linashauri malumbano hayo yamalizwe kwani hayana maslahi kwa CCM na taifa kwa ujumla," inafafanua.

    Habari zaidi kutoka kwa baadhi ya wajumbe wa baraza kuu zilithibitisha kwamba ajira ya Mwilima iko hatarini huku sababu moja kuu ikiwa ni kile wanachodai ni kutomheshimu Simba.

    Mmoja wajumbe kutoka moja ya mikoa ya kaskazini aliliambia gazeti hili kwamba Mwilima ameonyesha uwezo mdogo kiutendaji ndiyo maana licha ya kupewa onyo na kamati ya utekelezaji, bado alishindwa kujisahihisha.

    Mjumbe huyo, ambaye aliomba kuhifadhiwa jina lake, alifafanua kuwa baada ya kupata taarifa hizo za utendaji wa katibu kutoridhisha, liliazimia aelezwe bayana mapungufu hayo bila kumficha.

    "Kitu hicho kilifanyika na yeye mwenyewe kuomba radhi," alisema mjumbe huyo.

    "Tumeona ni vema aelezwe ajue mapungufu yake, kwani kama akiachwa bila kuelezwa ni tatizo; ameshindwa kusimamia utekelezaji wa kazi za kila siku za kiutendaji kwa sababu ya uwezo mdogo.

    "Alishapewa onyo la kwanza na kamati ya utekelezaji, lakini alishindwa kujirekebisha ndipo baraza likamweleza bayana kutoridhishwa na utendaji wake."

    Mjumbe huyo ambaye ni mwenyekiti wa mkoa alisema sababu nyingine ni katibu huyo kuelezwa kutomheshimu mwenyekiti wake Simba, hali ambayo ilichukiza wajumbe.

    Mjumbe mwingine kutoka mkoa wa Kanda ya Ziwa, aliliambia gazeti hili kwamba kilichokuwa kikijadiliwa na kuazimiwa ni utendaji usioridhisha wa katibu huyo.

    Akizungumza kwa shariti la kutotajwa jina lake, mjumbe huyo alifafanua uamuzi huo ni utaratibu wa kawaida tu ndani ya vikao halali vya jumuiya hiyo ya chama.

    Mjumbe huyo alisema hakuna mpasuko ndani ya uongozi wa UWT, lakini akasisitiza kwamba makundi yapo kwa wapambe.

    Vyanzo vya habari vinadai kwamba tayari Baraza Kuu la UWT, limemwagiza Sophia Simba kumueleza Kikwete amtafutie ajira nyingine.

    Inadaiwa kwamba wakati wa kutoa msaada wa UWT kwa waathirika wa milipuko ya mabomu Mbagala, Simba alimtaka Mwilima kumkabidhi vifaa hivyo akavitoe yeye, lakini katibu huyo aligoma na kuwatuma watendaji wa chini.

    Mwilima pia anadaiwa kuandaa orodha ya makatibu wa mikoa na wilaya wa UWT bila ya kushauriana na mwenyekiti wake, ambaye inadaiwa pia alikuwa na orodha yake, ikiwa ni jitihada za kujijenga ndani ya jumuiya hiyo baada ya kupata ushindi mdogo.

    Habari zinaeleza kwamba viongozi hao wa UWT wamefikia hatua ya kukatiana simu.

    “Katika siku za hivi karibuni, katibu hataki kabisa kupokea simu ya Sophia Simba. Amemwambia wazi kama ana agizo aandike barua,” alisema. Simba na Mwilima hawakuweza kupatikana jana kuzungumzia suala hilo.
     
  5. M

    Masatu JF-Expert Member

    #5
    Nov 24, 2009
    Joined: Jan 29, 2007
    Messages: 3,287
    Likes Received: 4
    Trophy Points: 135
    Zahir ni mwanamuzi Zahir Ally au una maana dhahiri?
     
  6. Serendipity

    Serendipity JF-Expert Member

    #6
    Nov 25, 2009
    Joined: Jan 24, 2009
    Messages: 475
    Likes Received: 2
    Trophy Points: 35
    Hivi Sophia Simba alisha kwenda Mirembe kama alivyoshauriwa? au amesharuhusiwa? teh e tehe...
     
  7. Pdidy

    Pdidy JF-Expert Member

    #7
    Nov 25, 2009
    Joined: Nov 22, 2007
    Messages: 25,616
    Likes Received: 1,641
    Trophy Points: 280
    jamani miremebe na miwani hiyo si atawasokomezea wenzake machoni!!!wasimruhusu aingie nayo
     
  8. FirstLady1

    FirstLady1 JF-Expert Member

    #8
    Nov 25, 2009
    Joined: Jul 29, 2009
    Messages: 16,200
    Likes Received: 104
    Trophy Points: 160
    Yaaani huyu mama loh ...
     
  9. Mopao Josee

    Mopao Josee JF-Expert Member

    #9
    Nov 25, 2009
    Joined: Jul 15, 2009
    Messages: 280
    Likes Received: 0
    Trophy Points: 0
    Vita ya panzi furaha kunguru.....kumbe kisa ni kuringishiana mabwana eti wa kwako kafukuzwa naye kajibu wa kwako si upo madarakani lakini hanitishi......wapi twaenda?????
     
  10. m

    msasa Member

    #10
    Nov 25, 2009
    Joined: Nov 27, 2008
    Messages: 81
    Likes Received: 0
    Trophy Points: 0
    kwa kweli huyu alieyetoa habari hii kama ni gazeti au Pdiddy inaonyesha wazi kuwa imeegemea upande mmoja, jitahidi kuweka sawa. Hatudanganyiiiki
     
  11. f

    fisherman Member

    #11
    Nov 25, 2009
    Joined: Dec 23, 2007
    Messages: 11
    Likes Received: 0
    Trophy Points: 3
    Sophia Simba ni nani haswa? ni kitu gani kinampa jeuri namna hii?

    Fisherman
     
  12. D

    Dalilah Member

    #12
    Nov 25, 2009
    Joined: Oct 15, 2009
    Messages: 46
    Likes Received: 1
    Trophy Points: 15
    MSASA umesema kweli, habari imeegemea upande mmja haswaa! tilia maanani huyo Katibu kaanza kazi mwezi Apr. tu! Haya na hiyo mipasho ya kuwa anaringa, anajifananisha na mama JK lelele lelele ni ya nini? Yaani UWT imetia aibu hasa chini ya Da-So hivi walio pembeni watatamani kujiunga na hawa mafatahani??? Shame on you mamama mazima hayana busara!!
     
  13. m

    msasa Member

    #13
    Nov 25, 2009
    Joined: Nov 27, 2008
    Messages: 81
    Likes Received: 0
    Trophy Points: 0
    si unajua kuna baadhi ya waandishi ni wa kichina yaani (fake) njaa mbele
     
Loading...