Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Songea - Madiwani CCM wasusia vikao

Discussion in 'Jukwaa la Siasa' started by Candid Scope, Oct 7, 2011.

  1. Candid Scope

    Candid Scope JF-Expert Member

    #1
    Oct 7, 2011
    Joined: Nov 8, 2010
    Messages: 11,892
    Likes Received: 50
    Trophy Points: 145
    Hali ya kisiasa CCM Songea yazidi kuwa tete
    MADIWANI wa Chama cha Mapinduzi Wilaya ya Songea Mjini wamesusia kikao kilichoitishwa na viongozi wa Chama hicho wilaya kwa kile kilichodaiwa ni mgomo wa kudumu kushinikiza kujiuzulu kwa Mstahiki Meya wa Halmashauri ya Manispaa ya Songea, Charles Mhagama. Wakizungumza na waandishi wa habari jana kwa nyakati tofauti nje ya Ofisi ya CCM ambapo kikao hicho kilipangwa kufanyika walisema kuwa wameshtushwa na taarifa ya kuitwa kwenye kikao hicho bila kuelezwa ajenda zake wala muda wa kukaa kikao hicho Walisema kuwa walifika kwenye kikao hicho na walishindwa kuwaona baadhi ya viongozi wa chama hicho ambao ndio waliowaita kitendo ambacho kinaonyesha ni dharau dhidi ya madiwani.

    Baadhi ya Madiwani hao Christian Matembo wa Kata ya SeedFarm, Kurabest Mgwasa wa Kata ya Msamala na Faustine Mhagama wa Kata ya Mshangano walisema kuwa kiu kubwa ya madiwani ni kutaka kuona Charles Mhagama ambaye anadaiwa kuwa ni Mstahiki Meya anajiuzulu ili uchaguzi mpya uitishwe kwani kura alizopata wakati wa uchaguzi hazikuwa halali “Tumechoka kuogopana ndani ya chama kwa kuwaacha wachache wawaburuze wengi kwa maslahi yaliyojificha kwani hatuwezi kuvumilia vitendo vya uvunjifu wa demokrasia vya kuwatisha madiwani waliotimiza haki yao ya kupiga kura za hapana kwenye uchaguzi wa umeya uliopita hivi karibuni kwa kuwaita ni wasaliti wa chama,” alisema Matembo. Alisema kuwa madiwani wengi wamempigia kura za hapana Charles Mhagama, lakini tunashangaa kuona mtu huyo anatembelea gari ya Mstahiki Meya na kufanya kazi kama Meya wakati siku ya kupiga kura uchaguzi ulivurugika na kusababisha madiwani kushikana kutokana na kumkataa Mhagama.

    Diwani wa Kata ya Mshangano Faustine Mhagama ambaye pia ni Katibu wa Madiwani wote wa CCM alisema kuwa kitendo cha viongozi wa CCM wilaya cha kupendekeza madiwani watano wa chama hicho wavuliwe uanachama ni kuongeza mpasuko ndani ya chama kwani kura walizopiga zilikuwa za siri hivyo kuwahukumu hao ni kuwanyanyasa na kuwanyima haki zao za msingi.

    Mhagama alisema kuwa kanuni za kudumu za halmashauri zina eleza kuwa jambo lolote litakalofanyika kwenye kikao cha Baraza la Madiwani halipaswi kuhojiwa wala kujadiliwa na mamlaka nyingine hivyo CCM Wilaya ya Songea Mjini kupitia Kamati ya Maadili na Siasa kuwahoji Madiwani kwa kile kilichotokea kwenye Baraza ni kukiuka kanuni na kusababisha utendaji wa kosa kwa makusudi na kuendekeza makundi bila sababu ya msingi “Ili kulinda heshima ya Chama ni vema Charles Mhagama aridhie kujiuzuru nafasi hiyo ili uchaguzi urudiwe upya badala ya kuwanyanyasa baadhi ya madiwani wanaodaiwa kupiga kura za hapana na kusababisha diwani huyo kupitishwa kwa kura za hapana 14 na za ndiyo 12,” alisema Mhagama. Alisema kuwa madiwani wataendelea kususia vikao vitakavyoitishwa na Chama na Halmashauri ya Manispaa ya Songea mpaka uitishwe uchaguzi mwingine ambapo madiwani watamchagua kiongozi watakaomuona anafaa na sio kulazimishiwa kiongozi wasiyemtaka.

    Naye Diwani wa Kata ya Msamala Kurabest Mgwasa alisema kuwa Ccm Wilaya imependekeza Madiwani watano wavuliwe uanachama ambapo hatma yao ipo kwenye ngazi ya chama hicho mkoa, lakini cha kushangaza madiwani hao nao wameitwa kwenye kikao hicho jambo ambalo lingeweza kuleta vurugu kubwa.

    Kwa upande wa Katibu wa Chama Cha Mapinduzi Wilaya ya Songea Mjini Alfonce Siwale alikiri kuitisha kikao hicho ambacho kilipaswa kifanyike jana lakini kilishindikana kutokana na mahudhurio hafifu ya madiwani ambao hawakufika hata nusu yao. Alisema kuwa madiwani wengi wameshindwa kuhudhuria kikao hicho kwa kuwa wapo safarini na hivyo kikao hicho kimepangwa kufanyika Oktoba 11 katika ofisi za chama hicho na kueleza kuwa madiwani hao hawana mgomo wowote Alieleza kuwa chama hicho kina madiwani 21, lakini waliofika kwenye kikao hicho walikuwa wanane na kufanywa kikao hicho kutofanyika na kwamba kwenye kikao hicho madiwani waliopendekezwa kufukuzwa na chama ndio waliojitokeza kwa wingi.
     
  2. Angel Msoffe

    Angel Msoffe JF-Expert Member

    #2
    Oct 7, 2011
    Joined: Jun 21, 2011
    Messages: 6,800
    Likes Received: 63
    Trophy Points: 145
    watajiju
     
  3. measkron

    measkron JF-Expert Member

    #3
    Oct 7, 2011
    Joined: Apr 11, 2011
    Messages: 3,600
    Likes Received: 194
    Trophy Points: 160
    twaendelea kushuhudia mengi ndani ya ccm, kazi ipo!
     
  4. ndyoko

    ndyoko JF-Expert Member

    #4
    Oct 7, 2011
    Joined: Nov 2, 2010
    Messages: 4,711
    Likes Received: 41
    Trophy Points: 145
    kuna mengi yatajulikana muda mfupi ujao
     
  5. Mzee wa Rula

    Mzee wa Rula JF-Expert Member

    #5
    Oct 7, 2011
    Joined: Oct 6, 2010
    Messages: 8,161
    Likes Received: 39
    Trophy Points: 145
    Naona nao wanataka kuvuana magamba! Kuna siri imefichika hapo,
     
  6. kichomiz

    kichomiz JF-Expert Member

    #6
    Oct 7, 2011
    Joined: Feb 28, 2011
    Messages: 9,457
    Likes Received: 936
    Trophy Points: 280
    Siri zinaendelea kuvuja wezi wote wanaendelea kufichuana,CCM huwa hawashindi kihalali ila kwa kuiba tu.
     
  7. Manyanza

    Manyanza JF-Expert Member

    #7
    Oct 7, 2011
    Joined: Nov 4, 2010
    Messages: 4,447
    Likes Received: 12
    Trophy Points: 135
    Baada ya miaka 50 ya ufungwa na utumwa wa fikra za zidumu fikra za mwenyekiti sasa watu wameanza kufunguka na kupata ufahamu....
     
  8. Filipo

    Filipo JF-Expert Member

    #8
    Oct 7, 2011
    Joined: Jan 6, 2011
    Messages: 9,314
    Likes Received: 156
    Trophy Points: 160
    Walipogoma wa Arusha, watu waliuawa na PM akasisitiza uchaguzi ni halali. Huko Songea Meya kapata kura 12 za ndio na 14 za hapana, bado tunaambiwa uchaguzi ni halali!? Tanzania zaidi ya uijuavyo!
    Mbona Mkuchika yuko kimya? Au ndio kunya anye kuku....!?
     
  9. kichomiz

    kichomiz JF-Expert Member

    #9
    Oct 7, 2011
    Joined: Feb 28, 2011
    Messages: 9,457
    Likes Received: 936
    Trophy Points: 280
    Hapo huwezi kumsikia hata kidogo ila wangekuwa wa CDM angechonga sana, na kusema wanataka kuvuruga amani, wanachofanya sasa ni kuwatafutia ban hao madiwani baaaasi.
     
  10. WAHEED SUDAY

    WAHEED SUDAY JF-Expert Member

    #10
    Oct 7, 2011
    Joined: Jun 24, 2011
    Messages: 6,215
    Likes Received: 539
    Trophy Points: 280
    Si wavuane magamba tuingie kwenye uchaguzi waone wanavyonyolewa kistaraabu
     
  11. Mzee

    Mzee JF-Expert Member

    #11
    Oct 7, 2011
    Joined: Feb 2, 2011
    Messages: 11,600
    Likes Received: 1,324
    Trophy Points: 280
    Wezi wetu wameanza kujiumbua wenyewe. Tusubirie mengi zaid kutoka ccm.
     
  12. LiverpoolFC

    LiverpoolFC JF-Expert Member

    #12
    Oct 7, 2011
    Joined: Apr 12, 2011
    Messages: 10,956
    Likes Received: 78
    Trophy Points: 145
    Mkubwa! Hawa magamba Mi naona wameishiwa na fikra.
     
  13. POMPO

    POMPO JF-Expert Member

    #13
    Oct 7, 2011
    Joined: Mar 12, 2011
    Messages: 6,694
    Likes Received: 8
    Trophy Points: 135
    Komaeni mpaka kieleweke! Wakiwatimua karibuni chama makini, CDM. Hongera madiwani wote 14 kwa 12. Wapi na wp? CCM wabakaji democrasia!
     
  14. DGMCHILO

    DGMCHILO Member

    #14
    Oct 8, 2011
    Joined: Aug 6, 2011
    Messages: 73
    Likes Received: 0
    Trophy Points: 13
    Tatizo sio madiwani waliopiga kura za NDIYO au HAPANA
    bali tatizo ni huyu NCHIMBI
    ndiye aliyevuruga zoezi zima la uchaguzi wa meya SONGEA
    WATANZANIA tuwe macho sana na mtu huyu ni hatari sana kwa TAIFA letu
     
  15. Ngalikihinja

    Ngalikihinja JF-Expert Member

    #15
    Oct 8, 2011
    Joined: Sep 1, 2009
    Messages: 14,571
    Likes Received: 1,813
    Trophy Points: 280
    Hatimaye kisu kimefika kwenye mfupa... Wanagomeana wenyewe kwa wenyewe.
     
  16. Smartboy

    Smartboy JF-Expert Member

    #16
    Oct 8, 2011
    Joined: Nov 12, 2010
    Messages: 1,110
    Likes Received: 2
    Trophy Points: 135
    Ila ccm kuna vituko, yaani madiwani wa ccm songea wenyewe kwa wenyewe hawaaminiani tena. Yaani ndani ya chama viogozi wanagomeana sasa nani tena itaiamini ccm ikiwa viongozi wenyewe wanageukana. Serious ccm inakufa.
     
  17. M

    Mapujds JF-Expert Member

    #17
    Oct 8, 2011
    Joined: May 12, 2011
    Messages: 1,291
    Likes Received: 1
    Trophy Points: 135
    endeleeni kupasuana,huku wengine wanajenga vyama vyao.
     
  18. Bukanga

    Bukanga JF-Expert Member

    #18
    Oct 8, 2011
    Joined: Dec 13, 2010
    Messages: 2,852
    Likes Received: 699
    Trophy Points: 280
    hivi Nchimbi na bichwa lote lile alikimbiaje na box la kura? CDM Singida is another fish to fry. Ngoja kwanza wazikane......
     
  19. Kichwa Ngumu

    Kichwa Ngumu JF-Expert Member

    #19
    Oct 8, 2011
    Joined: Nov 6, 2010
    Messages: 1,707
    Likes Received: 25
    Trophy Points: 145
    Ukitaka kujua siri ya wapendanao/washirikianao ngojea wakorofishane/waselewane
    Otherwise you can't.
    mambo mengi yatajulikana
     
  20. Gwallo

    Gwallo JF-Expert Member

    #20
    Oct 8, 2011
    Joined: Oct 15, 2010
    Messages: 2,003
    Likes Received: 269
    Trophy Points: 180
    Anguko kuu la magamba linaendelea kupata kasi
     
Loading...