Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Soma kitabu cha Chenji ya rada: The Shadow World: Inside the Global Arms Trade

Discussion in 'Jukwaa la Siasa' started by mkono2012, Jun 26, 2012.

  1. m

    mkono2012 New Member

    #1
    Jun 26, 2012
    Joined: Jun 26, 2012
    Messages: 1
    Likes Received: 0
    Trophy Points: 0
    [FONT=&quot]

    Kitabu hiki kimeandikwa na Mwandishi Andrew Feinstein[/FONT]
    .

    Pamoja na mambo mengine kinaelezea kinagaubaga ufisadi uliofanywa na baadhi ya maofisa waliokuwamo katika serikali ya Mkapa, katika ununuzi wa Rada ya kijeshi.


    Watumishi waliotajwa humo ni Andrew Chenge and Idriss Rashidi. Pia kuna wafanyabiashara wawili wenye asli ya kiasia wametajwa kuhusika na kashifa hiyo ambao ni Sailesh (au Shailesh) Vithlani na Tanil Somaiya.

    Akihojiwa na Mtangazaji wa Clouds amekataa kabisa kuyataja majina ya wanaohusika na hiyo skendo, lakini mimi nimeona nirudia tena kuiweka wazi katika hili jukwaa letu, ili kuweka kumbukumbu vizuri hili saa ya ukombozi ikifika iwe rahisi kufanya msako dhidi ya wahusika hawa na wengine.

    Wahusika hawa wanaonekana wakitembea na katika mitaa ya Dar es Salaam bila hofu yeyote!
     
  2. F

    Froida JF-Expert Member

    #2
    Jun 26, 2012
    Joined: May 25, 2009
    Messages: 6,999
    Likes Received: 603
    Trophy Points: 280
    MMH tayari vita imeeanza ya Uraisi chenge ni mwenyekiti kamati ya fedha na uchumi,na Lowassa mwenyekiti kamati ya ulinzi na mambo ya nje
    kuwataja kunatusaidia nini wafunguliwe kesi mahakamani
     
  3. Gama

    Gama JF-Expert Member

    #3
    Jun 26, 2012
    Joined: Jan 9, 2010
    Messages: 6,918
    Likes Received: 272
    Trophy Points: 180
    Si umesema tusome kitabu!, kiko wapi?.
     
  4. Bujibuji

    Bujibuji JF-Expert Member

    #4
    Jun 26, 2012
    Joined: Feb 4, 2009
    Messages: 27,187
    Likes Received: 5,445
    Trophy Points: 280
    Dawa ya mijitu hii ni kuipiga kwa mawe kila tuwaonapo wakipita mitaani kwetu.
     
  5. Kizamani

    Kizamani JF-Expert Member

    #5
    Jun 26, 2012
    Joined: Sep 12, 2011
    Messages: 419
    Likes Received: 2
    Trophy Points: 0
    Asante sana mkuu, nilikuwa nakitafuta sana. Itabidi nikidownload na nikisome. Wote makada wa magamba.
     
  6. Bigirita

    Bigirita JF-Expert Member

    #6
    Jun 26, 2012
    Joined: Feb 12, 2007
    Messages: 13,582
    Likes Received: 332
    Trophy Points: 180
    Link ya kitabu iko wapi mkuu!!!??
     
  7. Gwankaja Gwakilingo

    Gwankaja Gwakilingo JF-Expert Member

    #7
    Jun 26, 2012
    Joined: Jan 26, 2012
    Messages: 1,951
    Likes Received: 20
    Trophy Points: 135
    Kweli alie lala haoni aibu "serikali ya Tanzania imelala kweli bila Aibu inamtazama tu Chenge mwizi mkubwa yule pesa kaweka hadi uswis tena iko nae High table "imeambiwa kunamipesa yetu huko uswiss aaaa iko kimya tu kweli alielala hana aibu .......kwan vyumba vya kuwekea fedha vya benki za hapa nyumbani vimejaa? kwa nini sheria inayoruhusu mtu kutunza fedha nje ya nchi isifutwe?
     
  8. nngu007

    nngu007 JF-Expert Member

    #8
    Jul 5, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145

    Mambo hadharani

    Waandishi Wetu

    Toleo la 246
    4 Jul 2012

    [​IMG]


    • Akiba ya dhahabu BoT yadhamini mkopo


    KITABU kinachozungumzia kashfa ya kihistoria ya ununuzi wa rada, uliowahusisha aliyekuwa Mwanasheria Mkuu wa Serikali, Andrew Chenge na aliyekuwa Gavana wa Benki Kuu (BoT) Dk. Idriss Rashidi, tayari kimeingia nchini na Raia Mwemalimefanikiwa kupata nakala.

    Ndani ya kitabu hicho, kilichokuwa kikusubiriwa na wengi kiingie nchini, kinachoitwa The Shadow World Inside The Global Armrs Trade, mtunzi Andrew Feinstein ameeleza kwa kina mchakato ulivyoendeshwa, ukiwahusisha watu wa madaraka na kada mbalimbali ambao ni pamoja na aliyekuwa Waziri Mkuu wa Uingereza, Tony Blair.

    Blair anatajwa katika kitabu hicho kuwa ndiye aliyemshawishi aliyekuwa Rais wa Tanzania wakati huo, Benjamin Mkapa, kununua rada hiyo kutoka kampuni ya kutengeneza silaha ya Uingereza BAE-Systems.

    [​IMG]

    Pamoja na hao, wanatajwa wafanyabiashara wenye asili ya India, lakini ambao wanaishi/walipata kuishi Tanzania, Tanil Somaiya ambaye alikuwa akimiliki kampuni ya uwakala wa simu ya Shivacom na Sailesh (Shailesh) Vithlani, kuwa watu wa kati wa biashara hiyo.

    Kuibuka kwa kitabu hicho kunaongezea tu katika taarifa za awali zilizopata kuchapishwa na kutangazwa na vyombo mbalimbali vya habari nchini kuhusu ununuzi wa rada hiyo ambao ulipingwa sana si tu ndani ya Tanzania, bali hata Benki ya Dunia na Uingereza kwenyewe.

    Wakati huo aliyekuwa Waziri wa Maendeleo ya Kimataifa, Clare Short, alikataa katakata Tanzania, moja kati ya nchi masikini kabisa duniani, kutumia mabilioni ya fedha kununua rada katikati ya umasikini unaonuka.

    Anasema mwandishi wa kitabu hicho katika sehemu moja ya maandishi yake: "Wakati akipigia chapuo, Tume yake ya Afrika (Commission for Africa) juu malengo ya kuwa na utawala bora katika Afrika, Tony Blair alimshawishi Rais wa Tanzania, moja ya nchi masikini kabisa duniani kununua rada ya kijeshi kwa bei ya zaidi ya dola za Marekani milioni 40.

    Wakati huo Tanzania ilikuwa na ndege nane tu za kivita, nyingi zikiwa katika hali mbovu kiasi cha kuzifanya zisitengenezeke. Rushwa ya karibu dola za Marekani milioni 10 inadaiwa ililipwa kwenye mpango huo."

    Kwa mujibu Andrew Feinstein, akiba ya dhahabu iliyohifadhiwa katika BoT ambayo, hata hivyo, thamani yake halisi haijafahamika, ndiyo iliyotumika kufadhili upatikanaji wa mabilioni ya fedha kwa njia ya mkopo kutoka Benki ya Barclays, ili kufanikisha ununuzi wenye utata wa rada ya kijeshi.

    Katika taratibu za benki kuu mbalimbali duniani, dhahabu imekuwa ikihifadhiwa kama moja ya njia za nchi husika kujimudu dhidi ya mitikisiko ya kiuchumi. Tanzania ni kati ya nchi inayotumia mfumo huo wa kuhifadhi dhahabu.

    Mwandishi huyo anasema katika kitabu hicho kwamba Dk. Idriss ndiye aliyekuwa kiungo muhimu katika kufanikisha mkopo kutoka Benki ya Barclays kwa masharti kuwa dhamana iwe akiba ya dhahabu iliyoko katika Benki Kuu ya Tanzania.

    Bila kutaja thamani halisi ya akiba hiyo lakini akitaja kiwango cha mkopo husika, Andrew Feinstein anasema: "Katika mchakato huo, Dk. Idriss ndiye aliyekuwa na jukumu la kuidhinisha malipo hayo ya ununuzi wa rada (akiwa Gavana wa Benki Kuu), kwa masharti kwamba Benki ya Tanzania iweke dhamana akiba yake ya dhahabu ili mkopo (wa ununuzi rada) upatikane.

    Feinstein anaeleza pia kwamba bosi huyo wa BoT ndiye aliyehakikisha michakato yote ya kifedha (malipo) inafanyika kwa mujibu wa sheria za Uingereza (zenye kinga katika michezo ya utoaji ‘chochote' katika masuala ya ununuzi) na si sheria za Tanzania.

    Mwandishi anasema Chenge, ambaye kwa sasa ni Mwenyekiti wa Kamati ya Kudumu ya Bunge ya Fedha na Uchumi, anatajwa kuhusika kutoa ushauri wa kisheria (kwa wakati huo akiwa Mwanasheria Mkuu), ushauri ambao unatajwa kuzingatiwa katika hatua nyingine za uamuzi, ukiwamo uamuzi wa Benki ya Barclays kutoa mkopo wa ununuzi wa rada.

    Inadaiwa kuwa ili kuhakikisha mkopo kwa ajili ya ununuzi wa rada unapatikana kutoka Benki ya Barclays, wakala wa ununuzi huo Sailesh Vithlani, aliwasilisha nakala ya maoni ya Mwanasheria Mkuu wa Tanzania (Chenge) katika Benki hiyo.

    [​IMG]

    "Malipo yaliyofanywa kwenye akaunti ya Chenge yanalingana kikamilifu na uwasilishaji wa maoni yake (ya kisheria) kwa ajili ya kufanikisha upatikanaji wa mkopo na ununuzi wa rada."

    Kwa mujibu wa kitabu hicho, mazingira hayo ya ushiriki wa Chenge kwa njia ya kutoa ushauri wa kisheria yanathibitishwa na mawakili wake wa kimataifa, walioko Marekani pamoja na Uingereza ambao baada ya kuhojiwa walikiri ushiriki huo wa Chenge.

    Namna walivyochota mamilioni

    Inaelezwa kuwa kwa mujibu wa rasimu ya ripoti ya SFO (Taasisi ya Uchunguzi Makosa ya Jinai ya Uingereza), Chenge alipokea malipo ya jumla ya dola za Marekani milioni 1.5 (zaidi ya bilioni 1.5) kati ya Juni 1997 na Aprili 1998 kutoka Benki ya Barclays, tawi la Frankfurt.

    Fedha hizo zililipwa katika benki ya Barclays huko Jersey - Uingereza, katika akaunti inayomilikiwa na kampuni iliyotajwa kwa jina la Franton Investment Limited. Kampuni hiyo imetajwa kumilikiwa na Chenge, ikiwa ni maalumu kwa ajili ya uhamishaji fedha kiasi cha dola za Marekani 600,000 (zaidi ya Sh milioni 600).

    [​IMG]

    Maelezo zaidi katika kitabu hicho yanabainisha kuwa, dola hizo 600,000 za Marekani zilihamishwa kutoka kwenye akaunti ya kampuni ya Chenge kwenda kwenye akaunti nyingine, inayomilikiwa na Kampuni ya Langley Investments Ltd, iliyokuwa ikiendeshwa na Dk. Idriss (aliyewahi pia kuwa Mkurugenzi wa TANESCO).

    Katika kitabu hicho, Feinstein ambaye aliwahoji washiriki mbalimbali wa sakata hilo, wakiwamo baadhi ya maofisa wa upelelezi nchini anasema: "Septemba 20, mwaka 1999, Chenge binafsi aliidhinisha uhamishaji wa dola za Marekani milioni 1.2 (zaidi ya Sh bilioni 1.2) kutoka akaunti ya kampuni (yake) ya Franton kwenda Royal Bank of Scotland International, huko Jersey.

    Namna BAE ilivyojipenyeza

    Mwaka 1997, kampuni ya BAE ilinunua kampuni iliyojulikana kama Siemens Plessey Systems (SPS) ambayo ilikuwa katika mchakato wa mapatano ya kibiashara na Serikali ya Tanzania tangu mwaka 1992 kwa ajili ya mauzo ya rada.

    Kama sehemu ya makubaliano katika kuinunua kampuni ya Siemens Plessey Systems (SPS), BAE ilikubali kuendelea kumtumia wakala wa SPS, Sailesh (au Shailesh) Vithlani. Katika mazingira hayo, Sailesh aliomba kufanyike marekebisho kuhusu ahadi zake kwa maofisa wa Serikali ya Tanzania.

    Hali hiyo inatokana na ukweli kwamba, ‘dili' la mwanzo ambalo lingefanikisha biashara ya pauni za Uingereza milioni 110 lilizuiwa na Benki ya Dunia pamoja na Chombo mahsusi cha Uingereza cha kusimamia masuala ya maendeleo (Uk's overseas Development Administration).

    Uingiliaji wa Waziri Clare Short

    Mwaka 2000, dili ikaibuka upya na safari hii kampuni ya BAE ikiligawa mradi (dili) huo katika awamu mbili ili kuunfanya uonekane ni mradi nafuu, lakini Clare Short, aliyepata kuwa Waziri wa Maendeleo ya Kimataifa alipinga mpango huo.

    Upinzani huo ulihusisha hoja mbalimbali ambazo ni pamoja na mchakato mzima wa ununuzi umegubikwa na utata na kubwa zaidi, teknolojia ya rada hiyo imekwishapitwa na wakati. Hoja nyingine ni kwamba, Tanzania haina na shida na rada hiyo na badala yake, kilichokuwa kikihitajika ni rada ya ‘kiraia' kwa ajili ya kuboresha huduma za anga na hasa kwa kuitazama sekta ya utalii.

    Hata hivyo, licha ya upinzani wote huo kutoka kwa Waziri Clare Short na Waziri mwenzake wa Mambo ya Nje wa Uingereza kwa wakati huo, Robin Cook, mpango wa ununuzi wa rada uliendelea mwaka 2001 kwa BAE System kuiuzia Tanzania rada kwa thamani ya pauni za Uingereza milioni 28.

    Katika hali ya kupinga mchakato wa ununuzi wa rada hiyo, Oktoba, mwaka 2001 ripoti ya Shirika la Umoja wa Mataifa kuhusu masuala ya Usalama wa Anga (ICAO), ilieleza kasoro katika ununuzi wa rada hiyo ya kijeshi.

    Ripoti hiyo inanukuliwa ikisema; "Rada inayonunuliwa ni kwa ajili ya shughuli za kijeshi na kwa hiyo, haitakuwa na msaada mkubwa kwa shughuli za anga kwa ajili ya ndege za kiraia. Mpango wa ununuzi wa rada hiyo si sahihi na ni wa gharama mno."

    Kutokana na ripoti hiyo, Kampuni ya BAE iliishushia lawama ICAO kwamba imetoa taarifa za uongo na hasa kwa upande wa gharama za uuzaji.

    Lakini wakati BAE na ICAO wakiingia katika malumbano, Msemaji wa Benki ya Dunia alitoa tamko akisema; "Matumizi hayo ya fedha (ununuzi) hayako wazi, yana utata mkubwa."

    Tafsiri iliyotolewa ni kwamba, bajeti ya dola za Marekani milioni 40 kwa ajili ya ununuzi wa rada hiyo ni sawa na theluthi moja ya bajeti ya elimu nchini Tanzania na kwa hiyo, ni kiwango kikubwa cha fedha ambacho kinakinzana na vipaumbele vya kibajeti vya Tanzania, kama elimu na afya.

    Wengi walipata kuzungumzia sakata hilo la ununuzi wa rada wa karibuni kabisa akiwa Waziri wa Mambo ya Nje na Ushirikiano wa Kimataifa, Bernard Membe ambaye alisema katika mkutano na waandishi wa habari kwamba angezungmzia suala hilo kwa kutaja wahusika wakati wa kuwasilisha bajeti ya wizara yake akijibu hoja za wabunge waliokuwa wanataka wahusika watajwe hadharani na hatua za kisheria zichukuliwe dhidi yao.

    Huko nyuma Chenge mwenyewe alipata kuzungumzia suala hilo, na hasa, kumiliki kwake kwa akaunti za fedha nyingi nje ya nchi yeye akiwa kama mtumishi wa umma.
    Akiwajibu waandishi wa habari wakati wa safari yake moja ya kurejea nchini, Chenge alisema fedha hizo zilikuwa ni vijisenti tu, kauli ambayo iliwatibua wengi wa Watanzania ambao shilingi kwao ilikuwa imeota matairi.

    Na katika hatua nyingine wakati huo, Mkurugenzi Mkuu wa Taasisi ya Kuzuia na Kupambana na Rushwa (TAKUKURU) Edward Hosea alipata, mara mbili, kunukuliwa akisema Chenge hakuwa na kesi ya kujibu katika kashfa hiyo ya rada.

    Kitabu hiki kimetua nchini katikati ya taarifa za ufisadi mwingine uliofanywa na Watanzania, wakiwamo wastaafu wa vyeo vya juu wanaotajwa kuwa wamefutika fedha zinazokadiriwa kuwa mabilioni ya shilingi katika akaunti za nchini Uswisi zinazotokana na migao ya rushwa.











     
  9. nngu007

    nngu007 JF-Expert Member

    #9
    Jul 5, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145
    Ndio Serikali inayogoma kuwalipa Madaktari wanaitwa wapenda starehe? yaani pesa zinatembea mikononi Mwa

    Wao tu? Na hiyo GOLD iliyokuwa BENKI kuu ilipotea au bado iko?

    Inasikitisha kweli kwanini tunashidwa kuwahudumia Wataalamu wetu lakini tunahudumia vizuri matumbo yetu
     
  10. idawa

    idawa JF-Expert Member

    #10
    Jul 5, 2012
    Joined: Jan 20, 2012
    Messages: 15,190
    Likes Received: 3,473
    Trophy Points: 280
    kusikia tutasikia sana, na kuona mengi, tatizo nani wa kumfunga paka kengele.?
     
  11. M

    Mkodoleaji JF-Expert Member

    #11
    Jul 5, 2012
    Joined: Apr 27, 2008
    Messages: 454
    Likes Received: 0
    Trophy Points: 0
    Dr Idris is the best CEO ever in the country-Zitto Kabwe
     
  12. idawa

    idawa JF-Expert Member

    #12
    Jul 5, 2012
    Joined: Jan 20, 2012
    Messages: 15,190
    Likes Received: 3,473
    Trophy Points: 280
    labda na yeye alikua hajui kama akina sie.!
     
  13. saragossa

    saragossa JF-Expert Member

    #13
    Jul 5, 2012
    Joined: Jan 3, 2011
    Messages: 2,093
    Likes Received: 71
    Trophy Points: 145
    Hao waliotajwa ndio ma ring leaders hao. Tatizo wa kuwafunga ndio hao wanacheza nao golf kila siku na kula vibinti pamoja. Bila kuondoa the whole current viongozi wa taifa hili, usitegemee kabisa chochote kufanyika!
     
  14. Mtumbatu

    Mtumbatu JF-Expert Member

    #14
    Jul 6, 2012
    Joined: Apr 27, 2012
    Messages: 319
    Likes Received: 75
    Trophy Points: 45
    KITABU kinachozungumzia kashfa ya kihistoria ya ununuzi wa rada, uliowahusisha aliyekuwa Mwanasheria Mkuu wa Serikali, Andrew Chenge na aliyekuwa Gavana wa Benki Kuu (BoT) Dk. Idriss Rashidi, kimechapishwa.
    Ndani ya kitabu hicho, kilichokuwa kikusubiriwa kwa hamu na wengi wa watanzania kiko katika soko, kinachoitwa The Shadow World Inside The Global Armrs Trade, mtunzi Andrew Feinstein ameeleza kwa kina mchakato ulivyoendeshwa, ukiwahusisha watu wa madaraka na kada mbalimbali ambao ni pamoja na aliyekuwa Waziri Mkuu wa Uingereza, Tony Blair.
    Blair anatajwa katika kitabu hicho kuwa ndiye aliyemshawishi aliyekuwa Rais wa Tanzania wakati huo, Benjamin Mkapa, kununua rada hiyo kutoka kampuni ya kutengeneza silaha ya Uingereza BAE-Systems.

    Anasema mwandishi wa kitabu hicho katika sehemu moja ya maandishi yake: "Wakati akipigia chapuo, Tume yake ya Afrika (Commission for Africa) juu malengo ya kuwa na utawala bora katika Afrika, Tony Blair alimshawishi Rais wa Tanzania, moja ya nchi masikini kabisa duniani kununua rada ya kijeshi kwa bei ya zaidi ya dola za Marekani milioni 40.
    Wakati huo Tanzania ilikuwa na ndege nane tu za kivita, nyingi zikiwa katika hali mbovu kiasi cha kuzifanya zisitengenezeke. Rushwa ya karibu dola za Marekani milioni 10 inadaiwa ililipwa kwenye mpango huo."
    Kwa mujibu Andrew Feinstein, akiba ya dhahabu iliyohifadhiwa katika BoT ambayo, hata hivyo, thamani yake halisi haijafahamika, ndiyo iliyotumika kufadhili upatikanaji wa mabilioni ya fedha kwa njia ya mkopo kutoka Benki ya Barclays, ili kufanikisha ununuzi wenye utata wa rada ya kijeshi.
    Katika taratibu za benki kuu mbalimbali duniani, dhahabu imekuwa ikihifadhiwa kama moja ya njia za nchi husika kujimudu dhidi ya mitikisiko ya kiuchumi. Tanzania ni kati ya nchi inayotumia mfumo huo wa kuhifadhi dhahabu.

    Source : The Shadow World: Inside the Global Arms Trade: Amazon.co.uk: Andrew Feinstein: Books[​IMG]
     
Loading...