Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Sitta: Msiisubiri Serikali kutaja walioficha mabilioni...

Discussion in 'Jukwaa la Siasa' started by OSOKONI, Aug 21, 2012.

  1. OSOKONI

    OSOKONI JF-Expert Member

    #1
    Aug 21, 2012
    Joined: Oct 20, 2011
    Messages: 7,100
    Likes Received: 1,374
    Trophy Points: 280
    - AWASHANGAA WANAOIPA MUDA HUKU WAKIWAFAHAMU WAHUSIKA
    - ASEMA HAIWEZEKANI MWANASIASA KATIKA NCHI MASKINI AWE BILIONEA
    - ATAKA WAKAMATWE WAFIKISHWE MAHAKAMANI


    WAZIRI wa Ushirikiano wa Afrika Mashariki, Samuel Sitta amewataka wanaotangaza kuwafahamu vigogo walioficha mabilioni ya fedha nje ya nchi kuwataja mara moja ili hatua za kisheria zichukuliwe dhidi yao badala ya kuisubiri Serikali kufanya hivyo.

    Kauli hiyo ya Sitta ambaye pia ni Mbunge wa Urambo Mashariki (CCM), imekuja wakati baadhi ya wanasiasa, wakiwamo wabunge kutishia kuwataja watu hao, lakini wakisisitiza kuwa ni pale tu Serikali itakaposhindwa kufanya hivyo.

    Utafiti uliofanywa na Shirika la Kimataifa la Fedha la Global Financial Integrity, unaonyesha kuwa tatizo la utoroshaji wa fedha nchini limekuwapo katika awamu zote za Serikali zilizoiongoza Tanzania, lakini Awamu hii ya Nne imetia fora.

    Utafiti huo uliofanywa kuanzia mwaka 1970 hadi 2009, unaonyesha kuwa katika utawala wa Rais Jakaya Kikwete, fedha zilizofichwa nje ya nchi ni Dola za Marekani 7,967.4 milioni (sawa Sh12.7 trilioni).

    Akizungumza katika mahojiano maalumu, kuhusu nini kifanyike ili kuiokoa Tanzania isiendelee kufilisiwa na watu wachache, Sitta alisema anasikitishwa na watu hao kuogopa na kuwaficha watu wanaofisadi mali za nchi na hasa pale inapokuwa wahusika ni vigogo wa Serikali.

    Alisema vigogo hao ni sababu ya watu kupata kigugumizi katika hili akihoji: “Kwanini linapokuwa ni suala linalowahusu hawa wanaoitwa vigogo hawatajwi?”

    Sitta ambaye ameshika nyadhifa mbalimbali serikalini katika awamu tofauti, alisema haoni kama kuna kosa kumtaja hadharani mtu aliyeficha fedha nje ya nchi huku akisababisha Watanzania kuendelea kukabiliwa na maisha magumu.

    “Watajwe! Kama ni Samuel Sitta ameficha fedha nje atajwe. Kwa kweli mimi sioni kama kuna dhambi yoyote kumtaja,” alisema Sitta huku akisisitiza kwamba huo ni msimamo wake binafsi unaotokana na uzoefu wake kwenye uongozi wa nchi na siyo kwa mamlaka aliyonayo ya Waziri wa Ushirikiano wa Afrika Mashariki.

    Alisema njia nzuri ya kukomesha tabia hiyo ni kuwataja na vyombo husika kuwafikisha mahakamani kwa kuzingatia kuwa sheria ni msumeno, haipaswi kubagua aliye mdogo au mkubwa kwa maana ya wadhifa katika nchi.

    Sitta ambaye pia aliwahi kuwa Spika wa Bunge alisema: “Swali la kwa nini hawatajwi, ni jambo la kushangaza.”

    Alisema amesikia na kuwasoma baadhi ya wanasiasa wakitishia kuwa watawataja wahusika iwapo Serikali haitafanya hivyo, lakini akasema haoni sababu yoyote ya mtu kusita katika kuokoa taifa dhidi ya wizi wa fedha za umma.

    “Haiwezekani kwa mwanasiasa yeyote katika nchi maskini kama Tanzania au kiongozi wa Serikali kuwa na utajiri wa mabilioni ya fedha.”

    Alisema hata kama anafanya biashara, siyo rahisi kuwa na utajiri wa kiwango hicho hasa ikizingatiwa kuwa hutumia muda mrefu kulitumikia taifa.

    “Sisi tunaofanya kazi serikalini, tunatoka saa moja usiku. Sasa muda huo wa kufanya biashara ni saa ngapi?”

    Tuhuma hizo ziliibuka bungeni Jumatano iliyopita baada ya Kambi ya Upinzani kudai kwamba inawafahamu wahusika wa ufisadi huo na kutishia kuwataja ikiwa Serikali haitafanya hivyo.

    Naibu Kiongozi wa Upinzani Bungeni, Zitto Kabwe alipokuwa akiwasilisha hotuba ya kambi yake kuhusu Makadirio ya Matumizi ya Wizara ya Fedha alisema miongoni mwa wanaomiliki fedha hizo ni kiongozi wa juu nchini pamoja na aliyepata kuwa waziri katika Serikali ya Awamu ya Tatu iliyoongozwa na Benjamin Mkapa.

    Uchunguzi uliofanywa na gazeti hili ulibaini kwamba kuna Watanzania 27, wakiwamo wanasiasa na wafanyabiashara walioficha mabilioni ya fedha huko Uswisi, huku mmoja wao akiwa anamiliki Dola za Marekani milioni 56 (sawa na Sh89.6 bilioni).

    Katika uchunguzi huo ilibainika pia kuwa kiasi cha fedha kilichothibitishwa kumilikiwa na Watanzania hao ni jumla ya Dola za Marekani 186 milioni (takriban Sh300 bilioni) kwa viwango vya sasa vya kubadilishia fedha ambavyo ni Sh1,600 kwa Dola ya Marekani.

    Taarifa hizo zinaeleza kuwa mbali na kigogo anayemiliki Sh90 bilioni, wapo wengine wanne huku anayefuatia akiwa anamiliki Dola 30 milioni (Sh48 bilioni), mwingine dola 20 milioni (Sh32 bilioni) na wengine wawili kila mmoja anamiliki dola milioni 10 (Sh16 bilioni).

    Hiyo inamaanisha kwamba vigogo watano tu katika kundi hilo, wanamiliki Dola milioni 126 (Sh201.6 bilioni) sawa na asilimia 67.74 ya fedha hizo, wakati wengine 22 waliobaki wanamiliki Dola milioni 60 (Sh96 bilioni) sawa na asilimia 32.25.

    Kwa hesabu za kawaida, kiasi cha Sh300 bilioni, kinaweza kugharimia ujenzi wa vyumba vya madarasa zaidi ya 33,300, ikiwa chumba kimoja kinagharimu kiasi cha Sh9 milioni.

    Katika orodha ya walioweka fedha nchini humo, pia wamo wafanyabiashara wanaomiliki kiasi cha dola kati ya milioni mbili na milioni saba. Kadhalika, wamo wawili waliowahi kuwa mawaziri katika Serikali ya Awamu ya Kwanza ya Mwalimu Julius Nyerere ambao akaunti zao zina kiasi kisichozidi Dola 500,000 kwa kila mmoja.


    Chanzo: Mwananchi
     
  2. BAK

    BAK JF-Expert Member

    #2
    Aug 21, 2012
    Joined: Feb 11, 2007
    Messages: 49,860
    Likes Received: 9,408
    Trophy Points: 280
    ....Nakubaliana na Sitta kwamba wahusika wote walitakiwa wawe rumande kusaidia katika uchunguzi, lakini wanapeta tu kutokana na kuwepo Serikali DHAIFU.
     
  3. Janjaweed

    Janjaweed JF-Expert Member

    #3
    Aug 21, 2012
    Joined: Jan 20, 2010
    Messages: 9,442
    Likes Received: 763
    Trophy Points: 280
    BAK, inaonekana na yeye anawajua, si awataje basi !!
     
  4. King'asti

    King'asti JF-Expert Member

    #4
    Aug 21, 2012
    Joined: Nov 26, 2009
    Messages: 27,045
    Likes Received: 1,240
    Trophy Points: 280
    Sasa Sitta, unaposema serikali isisubiriwe kuwataja... Unamaanisha nani atawaburuza mahakamani? Serikali ndo imeibiwa fedha, na inawajibika kuwapeleka mahakamani wahusika. Ndio maana upinzani inatia pressure kwa serikali kuwataja ili iwapeleke mahakamani. Viini macho.com
     
  5. nngu007

    nngu007 JF-Expert Member

    #5
    Aug 21, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145
    ...Alisema njia nzuri ya kukomesha tabia hiyo ni kuwataja na vyombo husika kuwafikisha mahakamani kwa kuzingatia kuwa sheria ni msumeno, haipaswi kubagua aliye mdogo au mkubwa kwa maana ya wadhifa katika nchi.Sitta ambaye pia aliwahi kuwa Spika wa Bunge alisema: “Swali la kwa nini hawatajwi, ni jambo la kushangaza.”
     
  6. BAK

    BAK JF-Expert Member

    #6
    Aug 21, 2012
    Joined: Feb 11, 2007
    Messages: 49,860
    Likes Received: 9,408
    Trophy Points: 280
    JW ashinikizwe awataje hakuna sababu yoyote ya kuwakingia vifua mafisadi hawa.
     
  7. W

    Wajad JF-Expert Member

    #7
    Aug 21, 2012
    Joined: Jul 20, 2012
    Messages: 657
    Likes Received: 20
    Trophy Points: 35
    Akaunti zikafungwe, fedha zirudishwe nchini
     
  8. MsemajiUkweli

    MsemajiUkweli JF-Expert Member

    #8
    Aug 21, 2012
    Joined: Jul 5, 2012
    Messages: 6,752
    Likes Received: 6,397
    Trophy Points: 280
    Ukweli husemwa:

    Kwani kulikuwa na kigugumizi gani kwa zitto Kabwe kuwataja hao wezi.
    Kama ameweza kutaja ni watu wa aina gani kwa nini hakutaja majina yao. Kwa kutokufanya hivyo, inaonyesha kama hana uhakika na kila alichokuwa anakisema ama ana waogopa.
     
  9. Kimbunga

    Kimbunga Platinum Member

    #9
    Aug 21, 2012
    Joined: Oct 4, 2007
    Messages: 12,333
    Likes Received: 1,011
    Trophy Points: 280
    Sitta amenena. Kama unawajua wataje yaishe mambo ya kusema serikali iwataje yanatupotezea muda.
     
  10. BAK

    BAK JF-Expert Member

    #10
    Aug 21, 2012
    Joined: Feb 11, 2007
    Messages: 49,860
    Likes Received: 9,408
    Trophy Points: 280
    Haitoshi...lazima wahusika wachezee mvua za kutosha vingivevyo hili tatizo sugu la mafisadi ndani ya Serikali kamwe halitakwisha. Wale wa EPA, Kigoda, Meremeta, Rada n.k. mpaka kesho kutwa bado wanapeta na mabilioni yao.

     
  11. Kiona

    Kiona JF-Expert Member

    #11
    Aug 21, 2012
    Joined: Feb 3, 2012
    Messages: 931
    Likes Received: 4
    Trophy Points: 35

    Utawala huu wa JK unategemei nini
     
  12. Lambardi

    Lambardi JF-Expert Member

    #12
    Aug 21, 2012
    Joined: Feb 7, 2008
    Messages: 7,540
    Likes Received: 2,050
    Trophy Points: 280
    Kulindana hadi mwisho...Membe njia ya kukutoa ndio hiyo..nenda kazidai hizo pesa zije kujenga madawati faster
     
  13. M

    Mwanaweja JF-Expert Member

    #13
    Aug 21, 2012
    Joined: Feb 8, 2011
    Messages: 3,577
    Likes Received: 4
    Trophy Points: 135
    Sitta wewe ni serikali maana kwanza ni waziri na pia ni mwanasiasa kwa nini usiwataje hadharani? ulichosema nikizuri ila chama chako kina uchafu ulio kithiri kupita maelezo ndio maana hata wewe tunashindwa kukuamini ukiwa uko ndani ya ccm
     
  14. d

    dada jane JF-Expert Member

    #14
    Aug 21, 2012
    Joined: Dec 8, 2011
    Messages: 566
    Likes Received: 0
    Trophy Points: 0
    Hali hii inaleta kiburi sana hata kwa watendaji wadogo. Tuko huku jwenye halmashauri hali ni mbaya. Fedha zinatafunwa kama watu hawana akili nzuri. Hii ni kutokana na uzembe na udhaifu ulioko huko juu. Nchi imetolewa utumbo na nyamanyama zote linatembea lidubwasha tupu ambalo wakati wowote litadodoka.
     
  15. OSOKONI

    OSOKONI JF-Expert Member

    #15
    Aug 21, 2012
    Joined: Oct 20, 2011
    Messages: 7,100
    Likes Received: 1,374
    Trophy Points: 280
    Ngoja sisi tupost post hapa tu tutoe mapovu lipite kama yalivopita mengine tusubiri skendo nyingine!
     
  16. Gwalihenzi

    Gwalihenzi JF-Expert Member

    #16
    Aug 21, 2012
    Joined: Oct 21, 2011
    Messages: 5,067
    Likes Received: 9
    Trophy Points: 135
    Andrew Chenge aliwahi kukiri kumiliki vijisenti huko nje, vijisenti hivyo hivikutolewa chanzo chake! Serikali ilichukua hatua gani? CHADEMA ilishawahi kutoa majina ya mafisadi hadharani mchana kweupe, jee hatua gani serikali ilichukua hatua gani? Nyimbo za Samweli Sita ni za bure kabisa,mbona yeye na rafiki yake Mwakyembe hawakumalizia ile "single" yao sumu!
     
  17. Angel Msoffe

    Angel Msoffe JF-Expert Member

    #17
    Aug 21, 2012
    Joined: Jun 21, 2011
    Messages: 6,800
    Likes Received: 63
    Trophy Points: 145
    yeye SITTA kwanini hawataji,Anataka nani awataje?Hebu awe mzalendo bana
     
  18. Kimbunga

    Kimbunga Platinum Member

    #18
    Aug 21, 2012
    Joined: Oct 4, 2007
    Messages: 12,333
    Likes Received: 1,011
    Trophy Points: 280
    Kama tunajua serikali haiwezi kuchukua hatua sasa ya nini tuitake tena ndio itaje? Wanaowajua wawataje wananchi watachukua hatua.
     
  19. P

    PauliMasao JF-Expert Member

    #19
    Aug 21, 2012
    Joined: Nov 26, 2007
    Messages: 286
    Likes Received: 0
    Trophy Points: 33
    Wacha tumwombe Julian Assange wa Wikileaks atutumie hayo majina mara moja.
     
  20. Gwalihenzi

    Gwalihenzi JF-Expert Member

    #20
    Aug 21, 2012
    Joined: Oct 21, 2011
    Messages: 5,067
    Likes Received: 9
    Trophy Points: 135
    Hii ndio namna nzuri sana ya kuiwajibisha serikali ya kifisadi ili ijue kwamba mambo yake yako nje.
     
Loading...